God, of Goddelike dinge?

Terwyl ek besig is om tot Vader te nader vir 'n Woord om Sondag in 'n vriend van my se kerk te gaan bedien, kom die volgende vraag by my op: “waarmee is ons besig ..God of Goddelike dinge?

Daar is sóveel seminare en lesings wat in hierdie tye die ronde doen om sogenaamd die bruid te help om los te kom van demoniese bindinge en gereed te maak vir die Bruidegom. Sommige van hierdie aanbiedinge kan nie eers behoorlik uit die Woord gerugsteun word nie, maar is blykbaar na aanleiding van sogenaamde openbaringe deur die Gees. Die Skrif wat dan ook gebruik word om die leringe te ondersteun, is die een waar Jesus sê dat Hy nog baie dinge aan die dissipels wou oordra, maar dat hulle dit nie op daai stadium sou kon dra nie (Joh 16: 12). Dit mag dan ook heeltemal só wees dat daardie leringe deel kan wees van die goed wat in hierdie laaste dae openbaar gemaak word.

Ek sien egter sóveel kinders van die Here wat gryp na elke strooihalmpie om hul “bruilofskleed” skoon te kry, sodat hulle gereed sal wees as Jesus kom, terwyl ek sien dat meeste van hierdie leringe se einddoel is om die vlees te ontset van demoniese bindinge en vloeke te breek of sielswonde te genees. Die vraag is: “sal als wat ek doen, my help om my verhouding met die Bruidegom te bou?”

Die Skrif wat by my bly opkom, is die volgende:

Mat 24:24  Want daar sal valse christusse en valse profete opstaan, en hulle sal groot tekens en wonders doen om, as dit moontlik was, ook die uitverkorenes te mislei.

En die vraag wat bly na vore kom is: “is die duiwel nie maar net besig om die bruid besig te hou met Goddelike dinge, sodat haar fokus nie meer op verhouding is nie, maar op dade?”

Want wat het op die ou end bepaal dat Moses 'n dienskneg van God geword het met wie Hy van aangesig-tot-aangesig gespreek het, “afterall”, hy was maar net 'n moordenaar wat teëgepraat en ongehoorsaam gewees het! Wat het Dawid 'n man na God se hart gemaak, terwyl hy omtrent al tien gebooie gebreek het? Wat gaan bepaal dat ek as bruid gereed sal wees?

Dit het my laat dink aan toe ek besluit het om met Christine te trou...dit was nie die feit dat sy absollut foutloos was nie, maar die feit dat haar hart vir my was! Dit laat my dink aan hoé kyk Jesus na ons as bruid...gaan dit oor al die goedjies wat ek doen om myself te probeer skoonmaak, of gaan dit oor my hart vir Hom? Sommige kinders van die Here hang egter aan die verskoning dat God hul hart ken en dan volhard hulle maar met die sondes.

Ek wil dit duidelik stel dat ek nie wil beweer dat ons nie moet skoonmaak en heilig lewe nie, maar dat die skoonmaak moet gaan om jou verhouding met Christus te bou!...daar is immers geskrywe: “wees heilig, want Ek is heilig”

En vir dié wat die verskoning van die hart gebruik, daar staan geskrywe!:

Jer 17:9  Bedrieglik is die hart bo alle dinge, ja, verdorwe is dit; wie kan dit ken?

Want sommige skoonmaaksessies gaan bloot jou lewe op aarde meer gemaklik maak en jou nie noodwendig nader aan Christus bring nie. Ons moet dus steeds alles by die Gees van God gaan toets, voordat ons net inval by elke moontlike geleentheid om sogenaamd “skoon” te kom.

Spr 16:2  Al die weë van ‘n man is suiwer in sy oë, maar die HERE toets die geeste.

1Joh 4:1  Geliefdes, glo nie elke gees nie, maar stel die geeste op die proef of hulle uit God is, want baie valse profete het in die wêreld uitgegaan.

Wat ek dus met hierdie skrywe probeer sê, is dat die bruid in hierdie dae haar hart moet ondersoek om te sien of dit nog 100℅ vir ons Bruidegom is, sodat daar nie dalk ook die volgende van ons gesê sal word nie:

Hand 28:27  Want die hart van hierdie volk het stomp geword, en met die ore het hulle beswaarlik gehoor, en hulle oë het hulle toegesluit, sodat hulle nie miskien met die oë sou sien en met die ore hoor en met die hart verstaan en hulle bekeer en Ek hulle genees nie.

Opb 2:2  Ek ken jou werke en jou arbeid en jou lydsaamheid, en dat jy slegte mense nie kan verdra nie; en dat jy dié op die proef gestel het wat sê dat hulle apostels is en dit nie is nie, en hulle leuenaars bevind het;

Opb 2:3  en dat jy verdra het en lydsaamheid besit, en ter wille van my Naam gearbei en nie moeg geword het nie.

Opb 2:4  Maar Ek het teen jou dat jy jou eerste liefde verlaat het.

Opb 2:5  Onthou dan waarvandaan jy uitgeval het, en bekeer jou en doen die eerste werke. Anders kom Ek gou na jou toe en sal jou kandelaar van sy plek verwyder as jy jou nie bekeer nie.

GEBED: Heer Jesus, vergewe my waar ek besig is met Goddelike dinge en waar my hart van U af gedwaal het, terwyl ek gedink het ek is besig om my voor te berei as bruid. Help my deur U Gees om werklik in diepte te kan onderskei in hierdie laaste dae en help my om net by U voete te kom rus soos Maria, sodat U my kan wys waar daar nog skoonmaak nodig is..amen!

 (ernest phillipson - ecp@oicb.co.za)

Geplaas met toestemming van Tiaan Gildenhuys

Sukkel jy met selfvergifnis en skuldgevoelens?

Baie mense sit vasgevang in selfvergifnis en bid herhalend vir vergifnis oor iets wat hulle gedoen het. Dit vreet aan jou soos n kanker en jy kan net nie daaroor kom nie. As jy jou lewe vir Jesus gegee het en vergifnis gevra het vir die sonde, is jy al lankal vergewe, as jy nog daarmee sit is dit of satan wat jou kastaiing of jyself wat jouself nie vergewe nie.

Die Woord sê,  jy is vergewe en God dink nie meer daaraan nie, en dit is nie meer deel van jou lewe nie.

HEBREËRS 10:17  en aan hulle sondes en hulle ongeregtighede sal Ek nooit meer dink nie.

In Jesus is ons geregtig om n skoon gewete te hê, as jy jou saak met God reggemaak het oor iets wat jy verkeerd gedoen het, het Jesus jou vrygemaak van daai sonde en moet jy staan op die Woord dat die sonde nie meer deel is van jou nie, vergewe jouself anders glo jy nie aan die vergifnis van Jesus nie, en luister jy vir satan wat wil hê jy moet met ‘n vuil gewete rondloop, juis sodat jy nie regverdig voor God moet staan nie, sodat jy skaam moet wees om te bid want jy dink God het jou ook nie vergewe nie.

Die Woord leer ons ook dat satan die een is wat jou aankla, en ons verkies nogsteeds om na mense en satan te luister terwyl Jesus die Sowereine prys betaal het sodat ons vry kan wees in ons gewete.

OPENB 12:9  En die groot draak is neergewerp, die ou slang wat genoem word duiwel en Satan, wat die hele wêreld verlei, hy is neergewerp op die aarde, en sy engele is saam met hom neergewerp. 
OPENB 12:10  Toe hoor ek 'n groot stem in die hemel sê: Nou het die heil en die krag en die koningskap die eiendom van onse God geword, en die mag van sy Christus; want die aanklaer van ons broeders is neergewerp, hy wat hulle aanklaag voor onse God, dag en nag.

As jy nogsteeds met die probleem sit, gaan vra weer vergifnis vir hierdie sonde,  bely dit met berou, en nadat jy gebid het glo dat jy vergewe is en moenie langer  vasgevang sit in die kloue van satan se leuens nie.

HEBREËRS 9:14  hoeveel te meer sal die bloed van Christus, wat Homself deur die ewige Gees aan God sonder smet geoffer het, julle gewete reinig van dooie werke om die lewende God te dien.

1 PETRUS 1:13  Daarom, omgord die lendene van julle verstand, wees nugter en hoop volkome op die genade wat julle deel word by die openbaring van Jesus Christus.

Wanneer  satan ons aankla voel jy skuldig en kan jy jouself nie vergewe nie, wanneer die Heilige Gees jou herinner dat jy onbelyde sonde het, sal Hy jou net herinner, nie skuldig laat voel nie. Die Heilige Gees praat sag en met liefde, Hy sal jou oortuig van sonde en maak dat jy wil verander, die Heilige Gees kla ons NOOIT aan nie, baie mense gebruik die terme “Die Heilige Gees kla my aan”. Dit is onwaar, die Heilige Gees, herinner jou, Hy klop saggies, sal jou nie met vrees en knaende gedagtes laat sit oor iets wat onbelyd is nie. Die Heilige Gees opereer met liefde want Hy is ook God.

Satan kan en sal ook deur ander mense werk om ons skuldig te laat voel, om verhoudings te verbreek, om ‘n wig tussen familie en vriende te bring, hy veroorsaak dat ander jou oordeel, beskuldig, valslik teen jou getuig en jou beswadder, hy laat ander boekhou van die kwaad teen jou, hy laat mense toe om na skinderstories , leuens, half-waarhede rakende jou te luister en te glo..

2 THIM 3:1  Maar weet dit, dat daar in die laaste dae swaar tye sal kom. 
2 THIM 3:2  Want die mense sal liefhebbers van hulleself wees, geldgieriges, grootpraters, trotsaards, lasteraars, ongehoorsaam aan hulle ouers, ondankbaar, onheilig, 
2 THIM 3:3  sonder natuurlike liefde, onversoenlik, kwaadsprekers, bandeloos, wreed, sonder liefde vir die goeie, 
2 THIM 3:4  verraaiers, roekeloos, verwaand, meer liefhebbers van genot as liefhebbers van God; 
2 THIM 3:5  mense wat 'n gedaante van godsaligheid het, maar die krag daarvan verloën het. Keer jou ook van hierdie mense af.

Laat die waarheid jou vrymaak! God vergewe jou nie net, nie Hy maak jou gewete skoon deur die Bloed van Jesus en dink nooit meer aan jou sonde, asof dit nooit gebeur het nie!

MATTHEUS 26:28  Want dit is My bloed, die bloed van die nuwe testament, wat vir baie uitgestort word tot vergifnis van sondes.

JOHANNES 1:29  Die volgende dag sien Johannes Jesus na hom toe kom, en hy sê: Dáár is die Lam van God wat die sonde van die wêreld wegneem!

Ons is geregverdig en onskuldig verklaar voor God deur Jesus se bloed, glo die Waarheid en die Weg, Jesus Christus en vergewe jouself nou.

Wees geseend in Jesus, Ons Verlosser.

Voel jy onwaardig, ‘n mislukking?

 

As jy jouself as ‘n mislukking sien en dink dat jy nie waardig is om aanvaar te word of gerespekteer te word nie, dan luister jy na satan wat die vader van leuens is en ‘n mense moordenaar! 

Hierdie is groot woorde, maar as jy dit van jouself glo , maak jy Jesus tot ‘n leuenaar! Nie lekker om so daaraan te dink nie, maar tog loop mense met hierdie gevoelens binne hulself rond en hulle lewens is verwoes deur ‘n leuen uit satan se mond!

JOHANNES 8:44  Julle het die duiwel as vader, en die begeertes van julle vader wil julle doen. Hy was 'n mensemoordenaar van die begin af en staan nie in die waarheid nie, omdat daar in hom GEEN waarheid is nie. Wanneer hy leuentaal praat, praat hy uit sy eie, omdat hy 'n leuenaar is en die vader daarvan.

Jesus  sê vir ons in Sy Woord die waarheid sal jou vrymaak, die doel waarom ek oor hierdie onderwerp vandag wil skryf is omdat soveel mense dink dat hulle nie goed genoeg is vir die samelewing nie, as jy ‘n kind van die Here is, as jy Jesus aangeneem het as jou Verlosser en Saligmaker kan jy nie langer vasgevang sit in die leuens van die vyand nie, dit maak nie saak wat satan vir jou sê, of wat ander mense van jou sê en dink nie, wat saak maak is wat die Here van jou dink en Hy dink jy is waardig as Kind van God.

JOHANNES 8:32  En julle sal die waarheid ken, en die waarheid sal julle vrymaak.

Die waarheid is dat  jy duur gekoop is deur die Bloed van Jesus! Jesus Christus se bloed het jou waardig gemaak! As jy dit nie kan verstaan of glo nie dan ontken jy, verloën jy, weier, onsê jy die kruising van Jesus vir jouself! Nogal ‘n skrikwekkende gedagte nè?

Wat is die waarheid wat satan nie wil hê jy moet weet omtrend jouself nie? Kom ons kyk wat sê die Woord!  Hierdie is Jesus se gebed na God die Vader, en kyk wat sê Hy van ons en die waarheid!

JOHANNES 17:17  Heilig hulle in U waarheid; U woord is die waarheid.

JOHANNES 17:23  Ek in hulle en U in My, sodat hulle volkome een kan wees; en dat die wêreld kan weet dat U My gestuur het, en hulle liefgehad het net soos U My liefgehad het.

God het jou lief net soos Hy Jesus liefhet, en dit is uit die mond van Jesus self!

JOHANNES 17:26  En Ek het u Naam aan hulle bekend gemaak en sal dit bekend maak, sodat die liefde waarmee U My liefgehad het, in hulle kan wees, en Ek in hulle.

JOHANNES 15:9  Soos die Vader My liefgehad het, het Ek julle ook liefgehad. Bly in hierdie liefde van My.

 Dan wil ek graag afsluit met die volgende vers:

JOHANNES 15:16  Julle het My nie uitverkies nie, maar Ek het julle uitverkies en julle aangestel om vrug te gaan dra en dat julle vrug kan bly, sodat wat julle die Vader ook al in my Naam vra, Hy julle dit kan gee.

Ek wil graag verduidelik wat hierdie vers beteken, want so baie mense sê en dink hulle is nie gekies nie, net pastore, dominees, beraders ens is gekies…..nee!

As jy gebore is, is jy gekies vir die aarde! Dan is jy welkom op die aarde en het jy ‘n doel vir God wat jy hier op die aarde moet doen, en het God jou waardig geag om dit vir Hom te kan doen.

Mag jy die waarheid nou glo en weet dat jy waardig is in God se oë.

Geseënd is jy!

Laat staan en weet dat Ek God is!

Die Musiek va verborge strome.

“Laat staan en weet dat Ek God is; Ek sal hoog wees onder die nasies, hoog op die aarde.” Ps 46:10

Reisigers vertel ons dat daar riviere vloei onder die strate van die antieke stad van Shechem in Israel. Gedurende die dag kan jy dit nie hoor nie as gevolg van die rumoer in die smal strate en die basaars en markte. Maar wanneer die aand nader en die geraas stil word, wanneer die dou begin vorm, dan kan jy die sagte geruis van die ondergrondse, verborge strome hoor.

Net so, sal ons hart en gees die musiek van God se stem hoor, wanneer ons die volume van die geraas in ons gejaagde lewens sagter draai.

Party skarrel om te ontsnap van ‘n skuldige gewete, ander skarrel om van skandes weg te kom. Ander, as gevolg van werksdruk en pligsbesef, oorwerk hulleself. Baie met die hoop om die gevoel van “nie goed genoeg nie” te probeer onderdruk.Dit alles dra by tot die geraas waarin God se stem verdof sodat ons nie kan hoor wat Hy sê nie.

Tog moet ons nooit uit sig verloor – die Bybel sê nêrens, “Wees besig en weet dat Ek God is” nie. Nee! Dit sê “Wees STIL en weet dat Ek God is. Dit is ook interessant om daarop te let dat hierdie vers in ‘n Psalm is wat gaan oor oorlog, storms en benoudhede.

Mag jy daardie oomblik bereik waar alles stil word om jou en net God se stem hoorbaar is. Mag hierdie oomblik oor die bestek van tyd manifesteer sodat jy, self in die midde van ‘n storm, kan weet dat Hy God is.

Ps 46:4 sê: “Die stroompies van ‘n rivier maak die Godstad bly, die heiligste van die woninge van die Allerhoogste.”

“Vader ek vra U in die Naam van Jesus dat U vir my U vrede gee sodat ek ook in die geraas van my lewe U stem sal hoor. Amen.”

(cobus van heerden - cvh@oicb.co.za)
Geplaas met toestemming van Tiaan Gildenhuys

Wie het jou vertel?

Luk 8:18 Pas dan op hoe julle hoor; want elkeen wat het, aan hom sal gegee word; en elkeen wat nie het nie, van hom sal weggeneem word ook wat hy dink dat hy het.

Terwyl ek hierdie deel uit Lukas lees, staan hierdie woorde:”pasop dan hoe julle hoor” vir my baie meer pertinent uit as die vorige kere wat ek dit gelees het. Die deel wat daarop volg, het aanvanklik nie vir my sin gemaak nie, totdat ek die volgende woorde in my gees gehoor het: “who told you?”

Hierdie vraag: “who told you?”, is die vraag wat God aan Adam gevra het in die tuin van Eden, nadat Adam en Eva weggekruip het omdat hulle bewus geword het dat hulle naak was.

Gen 3:11  And he said, Who told thee, that thou wast naked? Hast thou eaten of the tree, whereof I commanded thee, that thou shouldest not eate?

Dit is toe dat ek die laaste deel uit Luk 8: 18 beter verstaan. As mens na die verkeerde stem luister in ‘n tyd van beproewing, sal jy die outoriteit wat jy dink jy het in daai saak, ook verloor. Die vyand is die een wat jou vol gedagtes pomp in jou benarde situasie en hy probeer seker maak dat jy nie die Here se stem hoor nie, of dat jy nie fokus op wat Sy Woord sê nie. In só geval spreek mens dan baie dikwels ook die gedagtes van die vyand en omdat daar krag in jou woord is, manifesteer dit wat jy gespreek het.

In meeste gevalle is dit beter om liewer eers stil te bly en perspektief te kry, voordat jy iets spreek.  Sodoende kry jy tyd om God se woord te bepeins en dit liewer oor jou situasie te spreek as enige negatiewe woorde wat net vrees tot gevolg het. Ons lees in die Bybel waar Aäron se seuns met vuur verbrand is, omdat hulle “vreemde vuur” voor God gebring het in die tabernakel. Die Bybel maak pertinent melding dat Aäron stil gebly het en niks negatiefs gespreek het nie.

 Lev 10:1 En die seuns van Aäron, Nadab en Abíhu, het elkeen sy vuurpan geneem en vuur daarin gegooi en reukwerk daarop gesit en vreemde vuur voor die aangesig van die HERE gebring, wat Hy hulle nie beveel het nie.
Lev 10:2 Daarop het daar vuur van die aangesig van die HERE uitgegaan en hulle verteer, en hulle het gesterwe voor die aangesig van die HERE.
Lev 10:3 Toe sê Moses vir Aäron: Dit is dit wat die HERE gespreek het deur te sê: In die wat naby My is, wil Ek My as die Heilige laat ken, en voor die oë van die hele volk wil Ek My verheerlik. Maar Aäron het stilgebly.

Baie kere benadeel ons onsself deur dinge te spreek wanneer jy emosioneel of verward is en dan dra daai woorde krag en die duiwel gryp dit en gebruik dit dan teen jou. Veral in gevalle van siekte, word die uitlatings en verklarings van dokters en medici veel eerder aangehaal as die Woord van God. Wat seker meer skrikwekkend is, is dat die kind van God nie altyd weet wat die Woord van God sê oor Sy planne vir ons nie. Die Here het my al soveel keer in die verlede herinner aan Jer 29: 11 en Jes 54: 17 en dan ook gedring om dit hardop te verklaar:

Jer 29:11 Want Ék weet watter gedagtes Ek aangaande julle koester, spreek die HERE, gedagtes van vrede en nie van onheil nie, om julle ‘n hoopvolle toekoms te gee.

Jes 54:17 Elke wapen wat teen jou gesmee word, sal niks uitrig nie; en elke tong wat teen jou opstaan in die gereg, sal jy weerlê. Dit is die erfdeel van die knegte van die HERE en hulle geregtigheid wat uit My is, spreek die HERE.

Daar is ook ‘n ander baie kosbare les te leer as mens Luk 8 verder lees tot by die verhaal van Jaïrus se dogter. Terwyl Jesus oppad was na Jaïrus se huis om sy dogter te genees, kom daar mense van voor af met die berig dat die kind dood is. Terwyl dit die harde realiteit was dat die kind nie meer lewe nie, kom Jesus en Hy “counter” onmiddelik die negatiewe woord wat gespreek was.

Luk 8:49 Terwyl Hy nog spreek, kom daar iemand van die owerste van die sinagoge se huis en sê vir hom: U dogter is dood, moenie die Meester lastig val nie.
Luk 8:50 Maar toe Jesus dit hoor, antwoord Hy hom en sê: Moenie vrees nie. Glo net, en sy sal gered word.

Ons moet onthou dat ons ‘n God dien by wie niks onmoontlik is nie en al sou die fisiese omstandigheid toon dat daar niks meer aan die saak te doen is nie, is enigiets by God moontlik vir die wat bereid is om te glo!

Onthou altyd: “the first report is not the last report!”

Mag die Heilige Gees, wie die oortuiger is van sonde, geregtigheid en oordeel, ook jou lei om te sien waar die vyand in jou lewe steel, slag en verwoes, omdat jy na die verkeerde stem geluister het. Mag Jesus jou die genade skenk om Sy woord te leer ken, sodat jy in die toekoms eerder die Woord van God sal verklaar of sal stil bly, voordat jy dood spreek oor jou situasie.
Mag die vrede van die Here met jou wees!

GEBED: Heer Jesus, gee my asseblief 'n nuwe honger vir U woord en help my om dit eerder te spreek in elke situasie in my lewe, instede van die leuens van die vyand. Help my ook om eerder stil te bly waar nodig. Plaas asseblief 'n wag voor my mond, sodat ek nie uit vrees, negatiewe woorde spreek nie...amen!

 (ernest phillipson - ecp@oicb.co.za)
Geplaas met toestemming van Tiaan Gildenhuys

A Godly relationship

 A GODLY RELATIONSHIP 

(tiaan gildenhuys - tg@oicb.co.za) 

1 Thessalonians 5:23 teaches that we as human beings consist of three "parts" namely a spirit, a soul and a body.

"And the very God of peace sanctify you wholly; and I pray God your whole SPIRIT and SOUL and BODY be preserved blameless unto the coming of our Lord Jesus Christ."

In the Greek of the New Testament things were always written in order of importance. From this we can see that the SPIRIT is named first, and is therefore the most important part. My spirit enables me to communicate with God's Spirit and also to worship Him in spirit and in truth.

John 4:24: "God is a Spirit: and they that worship him must worship him in SPIRIT and in truth."

My SOUL consists of my will, intellect and emotions in other words my personality or who I really am. And my BODY is the vehicle IN which my spirit moves around. So, I as a human being AM a spirit, HAVING a soul and LIVING IN a body.

I personally believe that every relationship between a man and a woman should similarly consist of spirit, soul and body. Specifically in that order.

I never knew this and nobody ever taught me this, so my personal relationships suffered the inevitable consequences. May this short article help young and old believers in Jesus Christ how to have Godly relationships with the men or women in their lives, especially in the instances where such relationships are on its way to culminate in a marriage. And may those believers teach it to their children and grandchildren so that they in turn may have Godly relationships and marriages.

In order to have such a Godly relationship I believe that when a man and a woman decide to enter into a relationship with each other, which may or may not eventually end in a marriage, they must first bond in SPIRIT. This means that they must first declare to each other how they feel about Jesus Christ and what their faith in Him is all about. Then they must start to serve and worship Him together by going to church, spiritual meetings, gospel concerts, etc. together, thereby FIRSTLY glorifying and honouring Jesus Christ in their relationship. This they must do even though their relationship may NOT lead to marriage, because then they will still keep their bodies holy and sanctified unto their eventual marriages as I will explain below.

Through this they will then in time also become SOUL-mates, enjoying each other's company, laughing at each other's silly jokes, getting to know each other etc.

And then – LASTLY - if that relationship ends in a marriage they can be united in BODY, after which their sexual relationship will be holy and Godly as they are then in God's perfect order and will for their marriage.

Ephesians 5:31: "For this cause shall a man leave his father and mother, and shall be joined unto his wife, and they two SHALL BE ONE FLESH."

This refers to the man and woman being sexually united IN MARRIAGE. And interestingly these words are written in the Bible four times.

But unfortunately, as a result of all the provocative and ungodly sexual media hype we have in the world, most relationships between men and women START with a sexual relationship (BODY). Then they eventually become "soul mates" just because they share the same sexual fantasies or something similar in a worldly and carnal sense. THEN, after living together for a while they decide to get married because "it is the right thing to do", after which they suddenly start thinking about which church to belong to in order to get married in, or to have "the children baptised in you know", etc. (*Please take note that I don't believe in infant baptism, but this is usually one of the arguments used by such a couple.*) And unfortunately it is only at this stage that many couples find out that they don't even believe in the same God, and eventually all hell breaks loose in that marriage. Thus the SPIRIT part, which is supposed to be THE MOST IMPORTANT PART of that relationship, becomes the least important.

How can I say that the SPIRIT must be FIRST and the BODY LAST, and NOT the other way round?

Well, let's just read the Bible.

Genesis 1:27: "So God created man in his own image, in the image of God created he him; male and female created he them."

Take note that this verse is written in the Bible before Adam's body was formed in chapter 2 of Genesis. So who is this "man" that was created in the image and likeness of God? Don't forget to read the last few words that state: "...male and female created he THEM". Who - or what is this?

Read Genesis 5:2 now:

"Male and female created he THEM; and blessed them, and called THEIR name Adam (man), in the day when THEY were created".

Oh wow! So the "man" that was created in the image and likeness of God was not just a single being, but male AND female. Don't think for one moment that this has anything to do with the "androgynous being" of the occult which is simultaneously male and female! No! This male and female who were created together and who BOTH received the instruction "to have dominion" in verse 28 of Genesis 1, was the SPIRIT of the male and the female. And these two TOGETHER are created in the image of God.

That is why the man by himself is not in the image of God and the woman by herself is not in the image of God. But TOGETHER as a unit do they truly become "man" who is in the image and likeness of God. So the man has certain characteristics that the woman needs and the woman has certain characteristics that the man needs, in order for them TOGETHER - IN SPIRIT - to be the "man" that is created in the image and likeness of God. And this is exactly why satan does his best to ensure that men and women don't get to that place of SPIRITUAL UNITY because then he can make them feel unworthy or unloved or inferior.

These verses clearly prove that from the beginning of time the SPIRIT came first, just as the spirit must come first in any relationship in our modern day.

But now let us look what the "other side of the coin" is, if the BODY comes first in a  relationship? What are the consequences then?

We read this in Genesis 34:2,3:

"And when Shechem the son of Hamor the Hivite, prince of the country, saw her, he took her, and lay with her, and DEFILED her. And HIS SOUL CLAVE unto Dinah the daughter of Jacob, and he loved the damsel, and spake kindly unto the damsel."

So firstly we learn that the fact that Shechem slept with Dinah outside of marriage was Biblically deemed to be a "defilement". What makes us think that in our modern day God does not still deem such a deed as a defilement? After all, Malachi 3:6 and Hebrews 13:8 is clear that God has not changed but is the same yesterday, today and forever. And what did this eventually result in for Shechem?

Genesis 34:26: "And they slew Hamor and Shechem his son with the edge of the sword, and took Dinah out of Shechem's house, and went out."

Secondly we learn from this that an ungodly "soul tie" was formed between Shechem and Dinah because he had sex with her outside of marriage. And thirdly we learn that this deed cost him his life.

This very same thing happens to this day whenever a couple has sex outside of marriage. In the first instance it is Biblically still a "defilement", secondly they enter into an "ungodly soul tie" that binds them together outside of marriage. Depending on how many sexual partners they may have had, they may have quite a number of such "soul ties" keeping them in bondage and causing problems in their relationships. Thirdly, something "dies".

In most instances it is their own relationship that eventually dies, because it was NOT built on God and His Word from the beginning, but on the LUST OF THE FLESH. And even if they do get married afterwards, in most cases their sex life "dies" and they start to look around for the same excitement they had prior to their marriage... And of course that mostly leads to new "ungodly soul ties" being formed and eventually that marriage "dies"... And as a result of sexually transmitted diseases many times that man or woman also dies physically...

You see, the principles contained in God's Word never change.

The argument that most people, Christians included, and especially the young people use today is that there is no verse in the Bible that says sex outside of marriage is a sin. Another argument is that if they both consent to the sex, it is an act of love and not a defilement any longer. Well, firstly we have already seen in Genesis 34:2,3 that sex outside of marriage was deemed to be a defilement no matter what carnal arguments we may use today. But let us now also read Genesis 39:7-9:

"And it came to pass after these things, that his master's wife cast her eyes upon Joseph; and she said, LIE WITH ME. But he refused, and said unto his master's wife, Behold, my master wotteth not what is with me in the house, and he hath committed all that he hath to my hand; There is none greater in this house than I; neither hath he kept back any thing from me but thee, because thou art his wife: how then can I do this great wickedness, AND SIN AGAINST GOD?"

This is the well-known story of Joseph and Potiphar's wife. We see that she blatantly invites him to have sex with her, so if he did it would have been “consensual”. Yet Joseph, AS A MAN OF GOD, REFUSES. Why? The answer is found in the last few words he speaks:"...how then can I do this great wickedness and SIN AGAINST GOD?" Joseph knew that if he slept with Potiphar's wife, even if she consented, it would still be deemed a wickedness and a SIN against God. So no matter what any reverend, pastor, or professor of theology may tell you, sex outside of marriage even though it may be consensual, is STILL a sin against God! To this day!

And please, don't try to use the old argument that Genesis is Old Testament and not applicable to us anymore. Read 2 Timothy 3:16,17 with me:

"ALL SCRIPTURE IS GIVEN BY INSPIRATION OF GOD, and is profitable for doctrine, for reproof, for correction, for instruction in righteousness: That the man of God may be perfect, throughly furnished unto all good works."

This means nothing else but that EVERYTHING in the Bible, from Genesis to Revelation, was given by inspiration of God so that we can learn therefrom and eventually become perfect and furnished unto all good works.

The Bible is also clear what a young man should do if he has slept with a young girl. Read Exodus 22:14 and Deuteronomy 22:28, 29 with me:

"And if a man entice a maid that is not betrothed, and lie with her, HE SHALL SURELY ENDOW HER TO BE HIS WIFE."

"If a man find a damsel that is a virgin, which is not betrothed, and lay hold on her, and lie with her, and they be found; Then the man that lay with her shall give unto the damsel's father fifty shekels of silver, AND SHE SHALL BE HIS WIFE; because he hath humbled her, he may not put her away all his days."

From this it is clear, if a man sleeps with a woman he MUST marry her. Why? Because Deuteronomy 22:29 says he has "humbled her", in other words he has defiled her. Be very careful what you do with your body then, because as a Christian your body is still a temple of the Holy Spirit. Please don't defile your temples Christians! Keep yourselves holy and sanctified unto marriage.

1 Thessalonians 4:3: "For this is the will of God, even YOUR SANCTIFICATION, that ye should ABSTAIN FROM FORNICATION;...."

1 Corinthians 6:18-20: "FLEE FORNICATION. Every SIN that a man doeth is without the body; but he that committeth fornication SINNETH against his own body. What? Know ye not that your body is the temple of the Holy Ghost which is in you, which ye have of God, and ye are not your own? For ye are bought with a price: THEREFORE GLORIFY GOD IN YOUR BODY, AND IN YOUR SPIRIT, which are God's."

These verses cannot be put any clearer than it is written. FORNICATION IS SIN. And our BODIES and SPIRITS belong to God and should only glorify God. Many Christians do not take heed of the words contained in 1 Corinthians 6:19 above: "...and ye are NOT YOUR OWN..." The moment I become a child of God I DO NOT BELONG TO MYSELF or the world anymore. I was bought at a very dear price. The life of Jesus Christ! So I cannot hide behind my old arguments anymore. I must now glorify Jesus in my life.

Sin does NOT glorify God. And those verses cannot be "interpreted" to mean anything else than what it says, because 2 Corinthians 1:13 states:

"For we write NONE OTHER THINGS unto you, than what ye read or acknowledge; and I trust ye shall acknowledge even to the end;..."

May you read in the above-mentioned verses nothing else but the clear warnings contained therein and may it lead you to ABSTAIN from the deadly sin of fornication.

So dear friend, in order to have a Godly relationship and eventually a Godly marriage, or to teach others to have such a Godly relationship, take heed of the very important principle of spirit, soul and body.


Geniet jou week saam met Jesus! Enjoy your week with Jesus!

tiaan gildenhuys

e-mail: tg@oicb.co.za

Cell: 082 803 3326

Pragtige artikel oor "It's Time" dag

Oud-Beeldjoernalis Amanda de Lange se raakvatartikel oor It's Time in Bloem.

Angus Buchan: Dit het alles oor die ‘kerk’ gegaan
Sy het as ’n “Angus-groentjie’ verlede week se veelbesproke byeenkoms buite Bloemfontein bygewoon, maar later ook mense omhels wat sy nie ken nie, skryf Amanda de Lange.

Op ’n kampstoel tussen die stof en graspolle het ek besef waaroor dit alles gaan. Hierdie miljoen mense. Almal op soek na iets.
Verlossing. Hoop. Vryheid. Vrede. Iets om aan vas te hou.
Enigiets wat sê hierdie is nie die einde nie.
Na God.
Dit was nie oor die dinge wat in ons land verkeerd is nie. Nie oor die ongelowiges of die regering en die korrupsie en die arrogansie en magsbeheptheid van dié in beheer nie.
Dit was oor die “kerk”.

Nie die gebou met die toring en die klok wat Sondagoggende lui nie. Nie die ouditoriums waar talle bymekaarkom om te aanbid en ’n hopelik lewensveranderende boodskap te hoor nie. Die ménse.
Want ék is die kerk. Elke mens wat sê hulle dien Jesus, is ’n stukkie kerk op twee bene.
Kla jy oor die kerk, dan kla jy ook oor my. En as jy ’n Christen is en oor die kerk kla, dan kla jy oor jouself. Ons is ambassadeurs van die Koninkryk van God. Ons werk is om lief te hê en te dien. Sonder voorbehoud en sonder veroordeling.

Om te bemoedig. Om te vertroos. Om twee myl te stap wanneer ander net bereid is om een te stap. Om meelewing te hê. Om lig in donkerte te skyn. Om ’n antwoord te wees vir dié wat sê: “Daar is nie ’n God nie. Kyk om jou, man, en wýs vir my waar is God!”
‘Kry jou eie huis in orde’

Wat begin het as ’n lekker jolige affêre (sit drie Suid–Afrikaners bymekaar en die woord “braai” duik vir seker op) het mettertyd omgeswaai na een vol verootmoediging.
Met die reuk van die veld in die lug, word ons aangespreek deur iemand wat vir baie Suid-Afrikaners ’n geestelike vader is. Ek het oom Angus (soos mense graag na hom verwys) nog nooit hoor preek nie; nog nooit die chauvinistiese uitsprake waarvan hy so wyd beskuldig word uit sy eie mond gehoor nie. Ek is ’n Angus-groentjie.

Die manne sit met die hoed in die hand en luister.
Hy praat sonder skroom. “Hier is mense wat die wêreld wil gaan red, maar jul eie huise is in ’n gemors. Jy praat nie met jou vrou nie. Jou kinders het die pad gevat, maar jy wil die wêreld red. Meneer, ek het ’n baie streng woord vir jou van die Here. Kry jou eie huis in orde voordat jy probeer om iemand anders te help.”

Hy spreek hulle aan oor pornografie, drankmisbruik en verslawing, buite-egtelike verhoudings. Die een sonde ná die ander, terwyl die manne hoed in die hand sit en luister. Ek hoor nie meer wat hy sê nie, want ek is té besig om aan my eie sondes te dink.

Hardkoppigheid. Ek het nog altyd daarmee gesukkel. Ek kan nogal moedswillig wees. En my pa het kleintyd al vir my gesê ek het nie ore nie. Ek laat sak my oë oor my ongelowigheid en gebrek aan vertroue.

Ons bely ons swakhede knielend in die stof
Ons moet ons sondes bely, laat hoor oom Angus. Ons kan nie vir God vra om ons gebede te verhoor terwyl ons lewe vol sonde en ongeloof is nie.

Toe kniel ons, die hele miljoen, (oom Angus inkluis) net daar, in die stof. Ons bely ons swakheid, ons sonde. Daar het trane gevloei. Dit was ’n emosionele besigheid. Hoe anders? Het jy al gehoor van liefde sonder emosie?
Ons bid vir dié wat nie meer hoop het nie.
Elke keer wanneer die Bybel vertel hoe God se mense sy teenwoordigheid betree het, was daar emosie. Hulle het gehuil en hulle het gejuig. Hulle was bang en hulle het vrede gevind. Hulle het gebewe en kon nie staande bly nie. Hulle het berou gehad en is vergewe. Hoekom sou dit nóú anders wees?

Maar ek dwaal af.
Daar, in die dorheid van die Vrystaat met die son wat alle oorblywende sonde uit ons uitgebraai het, begin ons juig. Want, herinner Oom Angus, Jesus het ’n swak geheue. As jy berou het en vergifnis gevra het, vergeet Hy van jou oortredinge. So, ons juig omdat ons weet ons God is goed. Ons juig ook omdat ons eintlik ’n vrolike klomp is. Ons omhels mense wat ons van g’n kant ken nie en vertel hulle ons het hulle lief. Ons vat hul hande en huil saam oor verhoudinge met geliefdes wat nie is wat dit moet wees nie.
Ons bid vir dié wat aan angs en depressie ly, vir dié wat werkloos is, vir dié wat siek is en vir dié wat nie meer hoop het nie.
Vir hierdie mooi land en sy mense. Vir ’n regering wat geregtigheid sal najaag en hul land met integriteit sal dien. Teen geweld en teen korrupsie. Teen moord en verkragting.
Koue rillings in die vlaktes
Ná elke gebed rys daar ’n stewige “amen” op.
Weet jy hoe klink dit wanneer ’n miljoen mense saam “amen” uitroep? Dis soos ’n Mexikaanse golf; die klank rol en rol en rol en rol. Dit rol oor jou en langs jou verby tot dit doer anderkant in die vlaktes tussen die hooibale neerplons. Dit gee jou koue rillings. Dit laat jou op en af spring en hande klap. Dit laat jou jou gesig in die warm son hemel toe draai sodat jy dit kan indrink. Amen, amen, amen, amen.
U wil, Here, nie ons s’n nie.
'n Land kan op een dag gebore word.
So lawaaierig as wat ’n miljoen mense kan wees, so stil kan hulle wees. As mens ’n speld in die stof kon hoor val, sou dit deur die vlaktes weergalm het. Skielik, in die windstilte, steek ’n rukwind op. Dit warrel tussen ons deur.
Die bries streel oor elkeen, dwarrel van hart tot hart. Hy raak ons aan, fluisterend.
Die woorde bons in my binneste rond: Gaan vertel hulle Ek het hulle lief, sonde of nie. Gaan vertel hulle Ek haat hulle nie. Vertel hulle hoe Ek na hulle verlang. Gaan, en wees my hande, my voete, my Liefde en my Lig.
Dis Tyd, kerk.
Want ’n land kán op een dag gebore word, ’n nasie in een oomblik in die wêreld gebring word. (Jesaja 66:8.)

Mossiedag

🐦 MOSSIEDAG 🐦
 -  PRAGTIGE WARE VERHALE -

HET JY GEWEET? In die konsentrasie kamp, meer as 100 jaar gelede, sit Anette Marais op ’n stomp en skud die stof van haar verslete klere af.
Rondom haar sit die groepie bekende gesigte van moeë vrouens. Net ’n paar tree verder is die hoë draad van die konsentrasie kamp. Sy slaan haar Bybel oop en begin lees. Sy het in die donker ure van die nag geworstel met God en Hom gesmeek vir ʼn boodskap om hierdie vrouens te bemoedig, want wie weet hoe lank nog . ... ..
Anette lees die woorde van Matt 10:29 – “Is twee mossies nie vir ’n sent te koop nie, en tog sal nie een van hulle op die grond val sonder die wil van julle Vader nie.”

Terwyl sy besig is om hierdie woorde te lees, kom sit daar ’n vaal klein mossie op haar skouer. Die groepie vrouens staar in verbasing na wat voor hulle gebeur, en so word die mossie, die teken van hoop in die onmoontlike omstandighede van die konsentrasie kamp in Bethulie.

Dit was fantasties om in die maande wat volg te sien hoe die mossies van Bethulie ’n baken van geloof en hoop word vir hierdie vrouens. Op 21 Mei 1902 was die oorlog verby, Anette het op pad terug na haar huis gestop by ’n vrou met invloed en haar vertel van die mossie-boodskap, sy het dit weer oorvertel en Genl Jan Smuts het in 1923 die mossie op die land se kleinste muntstuk (kwartpennie) laat verskyn.

Amper 80 jaar later sit Jak de Priester in ’n park in Londen. Sy geld is op, hy kry nie werk nie, hy mis die meisie van sy drome en sonskyn en biltong. Hy slaan sy klein silwer Bybeltjie oop en lees die “mossie” boodskap en bid vir die soveelste keer vir werk!

Vroeg die volgende oggend lui sy telefoon en dis die oproep waarvoor hy gewag het, hy spring op die eerste trein en begin met ʼn lang dag se onderhoude. Moeg maar gelukkig en met ’n permanente werk klim hy weer laatmiddag op die trein.

Toe hy inklim sien hy ’n muntstuk op die vloer lê, hy tel dit op, en daar op ’n trein in Londen hou hy ’n Suid-Afrikaanse 1c in sy hand, met ’n mossie agter op. Hy vertel dat die wêreld rondom hom gaan stil staan het, dat hy besef het dat God daar by hom op die trein is en dat gebed sy waarborg is in hierdie stukkende wêreld.

Vandag ’n paar jaar later, skud ek my beursie uit. Ek sit ʼn 1c neer vir my vriendin met borskanker, nog ʼn 1c vir huwelike wat sukkel, ’n 1c vir iemand na aan my hart se werks omstandighede, vir enkel ouers en weduwees, en ek besef die mossie boodskap is dalk net een versie in ’n dik Bybel, maar ’n Almagtige, liefdevolle God staan agter dit!

Here, dankie, dat daar altyd hoop is. Dankie, vir bakens langs die pad wat ons help om geduldig te wees, terwyl ons wag vir U, om op die perfekte tyd ons omstandighede te verander. Gister terwyl ek vir my kliente sit en wag en ek dieselfde boodskap vir my vrou gestuur het, het 3 mossies op my voertuig se voorste "bushbar" kom sit en het ek dadelik geweet ons Koning praat met my om my gerus te stel.

Daar is niemand soos Hy nie en Hy sal altyd na ons kyk en ons versorg. Hy's net 'n gebed ver.

Geseënde "mossie" dag vir jou. Vrede vir jou. Deel met ander om te bemoedig en maak die Here se naam groot!  Mag God Homself ook vandag op ‘n besonderse manier aan jou openbaar!

Skrywer onbekend.