Sunday 17 December 2017

Wanneer alles platval - Kyk op!


Image result for Psalm 5:3


In Psalm 5:3 is geskrywe: “In die môre, HERE, sal U my stem hoor; in die môre sal ek dit aan U voorlê en afwag.” Die King James bybel stel dit egter so: “My voice shalt thou hear in the morning, O LORD; in the morning will I direct my prayer unto thee, and will look up.”

Jy ken die ritueel – dit gebeur elke oggend. Eerstens, word wakker. Volgende, staan op. Waarom voltooi ons nie die proses nie en KYK OP. Die is die beste manier waarop jy ‘n dag kan begin. Veral wanneer dinge rondom ons in ‘n afwaartse spiraal is. Jy kán opkyk wanneer dinge afgaan. Jy MOET!

Maar wat doen soveel van ons egter? Eerstens, word wakker. Dan voordat jy opstaan, gryp jou “smart” foon – kyk wat jy gemis het deur die nag op “facebook” en ander sosiale media platforms, kyk na die nuus en ekonomiese blaaie, word ontsteld oor wat gebeur het, staan op en pak die dag aan!

Dit is ‘n bewysde feit dat mense die rigting inslaan waarin hulle kyk. Dit is sowel letterlik as figuurlik waar. Stop en bedink vir ‘n oomblik; wat is dit waaraan ek die meeste tyd spandeer om na te kyk? Jou oë sien dit, jou gedagtes bedink dit, jou verbeelding speel daarmee, jou siel begeer dit – en uiteindelik doen jy dit.

Waarom gee ons nie hierdie patroon die kans om op die manier te werk waar die die meeste saak maak nie?

Kyk op na Jesus in die oggend, terwyl jou gedagtes vars en gefokus is en jou energie vlakke hoog is. Hoor wat Hy vir jou sê en sien jouself dan doen wat Hy gesê het. Indien jy hierdie eenvoudige gewoonte aanleer, hierdie geestelike dissipline, sal jy vind dat jy doen wat Jesus van jou verwag.

Aan die ander kant, indien jy afkyk en jouself oorwonne en depressief sien, sal jy sekerlik die dag in ‘n gat van wanhoop deurbring. Kyk af en jy gaan af – Kyk OP en jy gaan OP!

Die Bybel sê in Psalm 34:5: “Hulle het Hom aangesien en gestraal van vreugde, en hulle aangesig hoef nie rooi van skaamte te word nie.” Jesaja stel dit as volg in Jesaja 60:4 & 5: “Slaan jou oë rondom op en kyk—hulle almal kom bymekaar, hulle kom na jou toe; jou seuns kom van ver, en jou dogters word op die heup gedra. Dan sal jy dit sien en straal van vreugde, en jou hart sal ontroer en verruim word; want die rykdom van die see gaan na jou toe oor, die skatte van die nasies kom na jou toe aan.” Jou hart sal swel van vreugde.

Een van die mooiste liedere oor tyd vat dit so mooi saam: “Turn your eyes upon Jesus, look full in His wonderful face. And the things of earth will grow strangely dim in the light of His glory and grace.” (Helen H. Lemmel, 1922)

My liewe vriend / vriendin, kyk op. Wanneer alles om jou uitmekaar en inmekaar val – kyk op. Wanneer jy opkyk, sal Jesus jou oplig. So KYK OP!

Ek sien jou bô!

Gebed: “Here Jesus, ek kies vandag om op  te kyk, na U te kyk. Al is dinge hoe donker om my, by U is uitkoms en lig. Help my deur die Heilige Gees om elke oggend reg te begin deur na U te kyk en U stem te hoor. Ek kyk met ‘n verwagting uit na hoe U my lewe gaan verander en gee volle toestemming aan U om dit te doen. Ek vra dit in die Naam van Jesus Christus. Amen.”

(cobus van heerden - cvh@oicb.co.za)
Geplaas met toestemming van Tiaan Gildenhuys




Monday 4 December 2017

Waar vertoef jy?


Image result for Jer 17:10


In hierdie onseker tye waarin ons leef, is die mense van ons land besig om na sóveel strooihalmpies te gryp en besig om die een aksie en optog na die ander te reêl, om te kyk of ons nie God se hand in beweging kan bring oor ons land nie. In baie gevalle is hierdie dinge waarmee mense besig is, maar baie onstabiele gronde waarop gebou word, want die hart van die mense is bedrieglik. Hoe hou 'n mens 'n gebedsbyeenkoms met braaivleisvure en drank?

 Ek glo dat die bedoeling van die mense werklik is om God se aangesig te soek en hulle te verootmoedig voor Hom, maar as ek luister na baie van die video's en stemnotas wat rondgaan, dan kan ek nie agterkom dat daar werklik 'n bedoeling by mense is om weg te draai van die sondige weë nie. Ek hoor baie mense wat sê: “die Here ken ons hart”...en tog hoor ek nogsteeds die hoeveelheid haat en rassisme wat daar onder selfs kinders van die Here is.

Jer 17:9  Bedrieglik is die hart bo alle dinge, ja, verdorwe is dit; wie kan dit ken?
Jer 17:10  Ek, die HERE, deursoek die hart, toets die niere, om aan elkeen te gee na sy weë, volgens die vrug van sy handelinge.

Ek hoor in hierdie video's en stemnotas dat mense aangeraai word om ou weermaglede te kry om hulle plase en persele op te pas en toe kom hierdie vraag by my op: “waar vertoef ek en U as ons dan beweer dat ons wedergebore kinders van Jesus Christus is?”

Kom ons kyk wat het die mense van die Bybel gedoen en dan vra ons onsself weer hierdie vraag.

Hand 1:12  Daarop draai hulle om na Jerusalem van die berg af wat genoem word Olyfberg, wat naby Jerusalem is, ‘n sabbatsreis ver.
Hand 1:13  En toe hulle daar kom, gaan hulle na die bo-vertrek waar hulle gewoond was om te vertoef, naamlik: Petrus en Jakobus en Johannes en Andréas, Filippus en Thomas, Bartholoméüs en Matthéüs, Jakobus, die seun van Alféüs, en Simon, die Yweraar, en Judas, die seun van Jakobus.
Hand 1:14  Hulle almal het eendragtig volhard in gebed en smeking, saam met ‘n aantal vroue en Maria, die moeder van Jesus, en met sy broers.

Ons lees hier dat die dissipels  en 'n aantal vroue onmiddelik teruggegaan het na die plek waar hulle gewoond was om te vertoef, nadat Jesus van hul weggeneem was en Hy nie meer fisies by hulle teenwoordig was nie. Hulle het vasgehou aan Sy beloftes en hul besig gehou deur voortdurend, eendragtig, besig te wees met smeking en gebed. Daar was nie verdeeldheid en onenigheid tussen hulle nie. Hulle het vasgehou aan dit wat hulle geweet het sal werk!

Luk 10:38  En op hulle reis het Hy in ‘n sekere dorp gekom, en ‘n vrou met die naam van Martha het Hom in haar huis ontvang.
Luk 10:39  En sy het ‘n suster gehad met die naam van Maria; dié het aan die voete van Jesus gesit en na sy woord geluister.
Luk 10:40  Maar Martha was baie besig om alles klaar te maak. Sy kom toe daar staan en sê: Here, gee U nie om dat my suster my alleen laat bedien nie? Sê dan vir haar dat sy my moet help.
Luk 10:41  Maar Jesus antwoord en sê vir haar: Martha, Martha, jy is besorg en verontrus oor baie dinge;
Luk 10:42  maar een ding is nodig; en Maria het die goeie deel uitgekies wat van haar nie weggeneem sal word nie.

In hierdie deel lees ons weer die verhaal van Jesus se goeie vriendinne. Martha was die een wie haar besig gehou het met die alledaagse dinge en voorbereidings om sekerlik tog te probeer om te sorg dat alles reg moet wees vir hierdie belangrike Gas wie hulle in hul huis ontvang het. Maria het egter by Jesus se voete vertoef om die “brrod van die lewe” by Hom te kry, want sy het besef dat dit baie belangriker is as die liggaamlike behoeftes.

Joh 13:23  En een van sy dissipels, hy vir wie Jesus liefgehad het, het aan tafel teen die bors van Jesus gelê.
Joh 13:24  Simon Petrus knik toe vir hom dat hy moet vra wie dit kon wees van wie Hy spreek.
Joh 13:25  En hy val op die bors van Jesus en sê vir Hom: Here, wie is dit?

Toe Jesus by die laaste maaltyd saam met Sy dissipels, bekend maak dat een van Sy binnekring vriende Hom sou verraai, het Petrus vir Johannes geknik om vir Jesus te vra wié hierdie verraaier is. Ons sien duidelik uit hierdie deel dat Johannes se liefde vir Jesus baie intens was en dat hy gereeld soos 'n klein seuntjie teen sy Pappa se bors gelê het. Hy wou altyd naby Jesus vertoef en het gesmag na daai liefde van Sy Here om tasbaar deur hom te vloei.

Psa 23:6  Net goedheid en guns sal my volg al die dae van my lewe; en ek sal in die huis van die HERE bly in lengte van dae.

Psa 27:2  As kwaaddoeners teen my nader kom om my vlees te eet—my teëstanders en my vyande, ja, myne—struikel hulle self en val.
Psa 27:3  Al word ‘n laer teen my opgeslaan, my hart sal nie vrees nie; al staan ‘n oorlog teen my op, nogtans vertrou ek.
Psa 27:4  Een ding het ek van die HERE begeer, dit sal ek soek: dat ek al die dae van my lewe mag woon in die huis van die HERE, om die lieflikheid van die HERE te aanskou en te ondersoek in sy tempel.
Psa 27:5  Want Hy steek my weg in sy hut in die dag van onheil; Hy verberg my in die skuilplek van sy tent; Hy verhef my op ‘n rots.

Dawid word deur God bestempel as 'n ware man na Sy hart en as ons net na hierdie twee Psalms kyk, dan kan ons sien dat Dawid se begeerte altyd was om naby die Here te vertoef. Hy was sekerlik die een figuur in die Bybel, wie die meeste moes vlug voor sy aanvallers en vervolgers. En tog het hy geweet dat die belangrikste deel van die lewe, is om by die voete van die Here te vertoef. In Ps 51 lees ons ook dat Hy die Here smeek om asseblief nie Sy Gees van hom te weerhou, oor sy sondige dade nie.

Luk 22:39  En Hy het vertrek en volgens gewoonte na die Olyfberg gegaan. En ook sy dissipels het Hom gevolg.

Mar 1:35  En vroeg in die môre, nog diep in die nag, het Hy opgestaan en uitgegaan en na ‘n eensame plek vertrek en daar gebid.

Jesus het ook die gewoonte gehad om stil te gaan word by Sy Vader se voete en tydens Sy bediening rondom die see van Galilea, lees ons gereeld dat Hy die mense weggestuur het en na 'n eensame plek gegaan het om te bid. Omdat Hy volledig mens was soos ons en geweet het waarvandaan Hy kom en weer teruggaan, het Hy geweet hoé belangrik dit is om by Vader te vertoef, sodat ons kan staande bly in hierdie stryd op aarde teen die bose magte en ook om duidelik te kan hoor wat Vader se wil vir ons is.

Hand 2:46  En dag vir dag het hulle eendragtig volhard in die tempel en van huis tot huis brood gebreek en hulle voedsel met blydskap en eenvoudigheid van hart geniet,
Hand 2:47  terwyl hulle God geprys het en in guns was by die hele volk. En die Here het daagliks by die gemeente gevoeg die wat gered is.

Nadat die dissipels met die Heilige Gees vervul is, het hulle daagliks gemeenskap met mekaar gehad en volhard in aanbidding en lering in die tempel. Dit was nie 'n eenkeer- per-week ding vir 'n uur of twee nie, maar hulle het regtig bemoeienis met mekaar gemaak. Ons het egter só vasgevang geraak in hierdie gejaagde lewe, dat ons nie meer tyd oor het vir ons broers en susters nie, wat nog te sê die bure om ons.  Baie keer ken ons nie eers die bure langs ons nie.

Miskien moet ons net weer 'n bietjie tyd maak om te besin oor die dinge waarmee ons onself besig hou en die dinge waaroor ons besorg is. Want ons is baie keer meer besorg oor ons besittings en wêreldse goed en oor ons land, as oor ons buurman wie se siel oppad hel toe is. Baie word gegee vir die bewaring van renosters en walvisse, maar karig word dit gesaai in die koninkryk van God ter wille van siele wat gered moet word en broeders en susters wat verkwik moet word .

Maak tyd vandag en vra jouself die vraag: “waar vertoef ek in hierdie tye?”

Gebed: Hemelse Vader, ons het werklik U hulp nodig in hierdie land en erken vandag dat ons nie sonder U kan lewe nie. Ons bely ons sonde van afvalligheid vandag en dat ons baie kere op verkeerde pekke vertoef het. Wees ons genadig en wys ons weer die pad terug na U boesem en U hart en gebruik ons ook om ander op te help wie geval het en om in vrede met ons medemens,U skepsels, saam te leef. Vergewe ook ons vrese en bekommernis en help ons om weer onder U vleuels te skuil...amen!
(ernest phillipson - ecp@oicb.co.za)
Geplaas met toestemming van Tiaan Gildenhuys


Getuienisse


Image result for Jesus genees

In Maart vanjaar moes ‘n Krugersdorpse vrou vir ‘n operasie gaan om katerakke van haar oë te laat verwyder. Sy het dit gekanselleer weens geldelike probleme.
          Sy en haar dogter het gevra dat Jesus Christus dit moet genees sonder enige operasie. Intussen het haar oë baie verswak, en sy het begin kla dat sy ‘n nuwe bril moet kry want sy sien beter sonder die bril as met die bril! Haar dogter vertel:

          Op 1 Desember is sy oogarts toe vir oogtoetse en om ‘n nuwe bril te bestel. Toe die oogarts na haar oë kyk sê hy vir haar die Dr wat haar katerakke verwyder het het 'n wonderbaarlike operasie gedoen, wie het dit gedoen? My ma het begin lag en gevra wil hy regtig weet, waarop hy geantwoord het: Ja asseblief, hy sal sy pasiënte soontoe verwys, my ma het vertel dat Jesus dit verwyder het!
            Die oogarts het haar oë verder ondersoek en gesê dit lyk asof sy geopereer is, maar dit is die mees perfekste operasie wat hy ooit gesien het.

            Toe getuig die oogarts dat hy sy hand vergruis het, hy moes staal penne in sy hand kry. Die hand het hom onsettend probleme gegee nadat dit genees het, en hy het die dr gaan sien, hulle het X-trale geneem en hom verwys na die Dr wat sou opereer, intussen het hy gebid vir genesing, toe hy by die snydokter  kom het die gedink hy het X-trale van die verkeerde hand geneem, hy getuig Jesus het sy hand ook 100% genees.

          Hoor wat sê hy van my ma se bril!! Hy sê sy sien beter sonder haar bril as met haar bril omdat die bril te sterk is vir haar oë... sy het 'n swakker bril nodig! Hy het ook vir my ma gevra of sy jok oor haar ouderdom want haar oë is byna soos 'n jongmens sin. Hoe wonderlik is Jesus nie vir ons nie! My ma loof en prys Hom al die heeldag en vertel vir almal daarvan! Glorie aan Jesus ons Geneesheer!

          Ek het ook vir 'n meisie gebid wat baie baie siek is, 16 jr oud, nadat ek vir haar gebid het, het ek ouers gevra of ek haar alleen kan sien nadat sy genees is, Heilige Gees het vir my gewys dat dit demonies. Ek het ook haar seunsmaat gesien, blonde hare en swart klere aan.
          Die kind het gevormeer terwyl ek vir haar bid wat ek gedink het is goeie ding maar het niks vir die ouers genoem nie,
Die meisie was erger nadat ek vir haar gebid het en is toe hospitaal toe, die Drs wou weet of sy serebraal gestremd is want sy trek afteroor, oë rol om, sy kan nie praat nie, kan nie iets vashou nie…
Drie hospitale later kom al haar toetse negatief terug! Intussen bid ek teen die bose magte, die kind is fyn en klein, in die ambulans toe hulle haar wil skuif na ander hospitaal toe breek sy los uit die bed en spring uit die ambulans, ses mans kon haar nie vashou nie! Toe die stiefpa my laat weet vertel ek hom dit is demonies! Hy stem toe saam, die dogter is 5dae later uit die hospitaal ontslaan heeltemal gesond.
AL die lof en eer aan ons Koning Jesus Wie se Naam Bo alle name is en wat soveel krag dra!

Monday 27 November 2017

Die wapen wat satan die meeste vrees


Image result for 2 Kor 10:4

2 Kor 10:4 & 5 sê: “want die wapens van ons stryd is nie vleeslik nie, maar kragtig deur God om vestings neer te werp, terwyl ons planne verbreek en elke skans wat opgewerp word teen die kennis van God, en elke gedagte gevange neem tot die gehoorsaamheid aan Christus,”

Ons beskik oor ‘n arsenaal van wapens wat nie deur mensehande gemaak is nie, wat gemaak en verskaf word deur God Homself. Dit is nie gemaak vir eie gratifikasie of manipulasie in enige vorm nie maar is spesifieke wapens wat ontwerp is om demoniese vestings te verbreek. Die weerlegging van elke valse argument teen Waarheid. Hierdie wapens het die krag van God om die wapens van die vyand, teen ons geloof te vernietig!

Gebed is een van hierdie wapens en wanneer dit gekoppel word aan die Woord van God, ontsluit dit onoorwinbare krag. Dit is die wapen wat Satan die meeste vrees. Dit is ook waarom die dissipels gesê het; “Ons wy onsself aan gebed en aan die bediening van God se Woord.” Wanneer ons hulle voorbeeld volg, sal ons dieselfde resultate beleef en bereik as hulle.

Kom ons kyk na ‘n voorbeeld uit die Bybel:

Terwyl Josua teen die leermagte van Amalek geveg het in die vallei van Ráfidim, het Moses op die heuwel gestaan met die staf van God in sy hand. Hy het sy hand met die staf omhoog gehou en Josua het gewen in die geveg. Sodra Moses se hand en die staf gesak het, het Josua egter verloor. Aäron en Hur het langs Moses kom staan en het sy hande omhoog gehou en die volk het ‘n oorweldigende oorwinning behaal.

Eks 17:8 - 13  “Daarop het Amalek gekom om teen Israel by Ráfidim te veg. En Moses het aan Josua gesê: Kies vir ons manne en trek uit, veg teen Amalek. Môre sal ek op die top van die heuwel staan met die staf van God in my hand. En Josua het gedoen soos Moses aan hom gesê het, om te veg teen Amalek. Maar Moses, Aäron en Hur het op die top van die heuwel geklim. En telkens as Moses sy hand ophou, was Israel die sterkste; maar as hy sy hand laat sak, was Amalek die sterkste. Maar die hande van Moses het swaar geword; daarom het hulle ‘n klip geneem en dit onder hom neergelê, dat hy daarop kon sit. En Aäron en Hur het sy hande ondersteun, die een duskant en die ander anderkant. So het sy hande dan vas gebly tot sononder. En Josua het Amalek en sy volk met die skerpte van die swaard ‘n neerlaag toegebring.”

Die oë van God deursoek die aarde om die harte te versterk van díe wat ten volle aan Hom toegewy is, die wat ernstig is oor Sy Woord en gebooie. Jesus sê dat wanneer ons in die binnekamer bid sal Vader ons in die openbaar vergoed. ‘n Voorbeeld hiervan het in Jerusalem gebeur. Die dissipels het in gebed bymekaar gekom en die hele huis is geskud en almal is vervul met die Heilige Gees. Hulle het die Woord van God met durf en vrymoedigheid gepreek, ook in die aangesig van vervolging en dood.

Hierdie kort blik in die Bybel bevestig ook Jak 5:16  “Bely mekaar julle misdade en bid vir mekaar, sodat julle gesond kan word. Die vurige gebed van ‘n regverdige het groot krag.” Gebed ontsluit groot krag, dinamies in sy werking en effektief in sy gevolge. Groot krag wat Goddelike resultate voortbring.

Waarom begin jy nie vandag bid nie? Jy mag net jouself vind waar jy elke dag bid en God antwoord. Jy, geliefde, het in jou hand die wapen wat die meeste deur Satan gevrees word! Gebruik dit.

Gebed: “Here Jesus, leer my ook bid soos U die dissipels geleer het. Help my deur die Heilige Gees, sodat my gebed nie net woorde sal bly nie maar ‘n kragtige wapen sal word. Ek vra die in die Naam van Jesus Christus van Nasaret. Amen.”

(cobus van heerden - cvh@oicb.co.za)
Geplaas met toestemming van Tiaan Gildenhuys



Monday 20 November 2017

Stop apologizing to the devil"

"STOP APOLOGIZING to the DEVIL"

by Coach Dave Daubenmire

"Is anyone besides me tired of being so nice? That is what they are trying to convince us to be you know...nice.

Funny, isn't it? You can search the Bible through and through and you will be hard-pressed to find that adjective in reference to Christianity. Somewhere along the line we have become convinced that the greatest thing they can ever say about you as a Christian is that you are a "nice" man...

It's time we stopped apologizing to the Devil.

A few months ago I wrote about going to the gay pride parade in Columbus. We were shocked to see so many churches marching in the parade in support of sodomy and those who practice it. I was struck by how deceived those churches were. See, they were convinced that if they would just be "nice" to those who were perishing in that lifestyle, then we would all be able to enjoy the love of Jesus together. In fact, the homosexual crowd (the Devil's "kids") applauded the 'tolerant" churches as they marched. They spit at those of us who carried the Truth of God's love to them.

Sometimes God's love hurts.

Is it just me or was there something wrong with that picture? The Devil's "kids" applauding the church..sort of like a Buckeye fan rooting for Michigan. But that isn't what really amazes me. What honks my horn is the number of churches who are mad at me because we haven't been nice to the Devil. We shouldn't do that, I guess -- oppose the Devil and his followers. Just doesn't seem very Christ-like...er...nice. "Be nice, Coach. Please be nice. You are making Christians look bad."

Yep. The Devil says we're mean and that Christians shouldn't be mean. Most Christians follow his advice. Gotta be nice, you know.

Well, a few of my pastor friends (yes I still have a few friends who are pastors) decided that we have been pointing our guns at the wrong crowd. Instead of spending their time calling the lost to account they made the decision to call "the church" to account.

How did they do it? Well, they went to a couple of churches who had marched in the sodomite-parade. It seems one lesbian-pastor did not appreciate her fellow brethren-of-the-cloth calling her to account for preaching a different gospel. It was just too...well...mean.

So how did she respond? She called her daddy's boys in the media and told them how un-nice these mean Christians had been to her. Next thing you know, three-different publications had done stories on how these "hateful" Christians had "crashed" the services of these nice, loving, defenseless, homosexual-Christians.

You see, the media wants you to know that Bible-believing Christians are hateful but homosexual-Christians are loving. That is the Devil's mantra. Who do you think the cowardly-church believes? The letters to the editor in the following days was filled with letters from other "nice" Christians who wanted to make sure that the Devil knew that they were sorry that some of God's children played mean. That's not very Christ-like, you know.

Christians must play by the rules...EVEN IF THE DEVIL MAKES THEM.

But God is gracious. He told us it was a war. He told us they would hate us. He told us He would never leave us or forsake us.

Every attack of the enemy is a chance to stand-up for Jesus. Stop sucking on your thumb when the attack comes. The Devil doesn't play nice. He's counting on us to do that.

For two weeks I endured the assault of the "nicer-than-Coach"Christians and their apologies to the Devil in the local papers.

They just couldn't wait to apologize to the Devil for my opposition to his "kids'" behavior. By the way, did I point out that I wasn't even involved in going to the churches? It didn't matter. The Devil just wanted to make sure that everyone knew Christians like me were mean, and that anyone else who decided to speak up for Jesus could expect the same public smearing.

I hate to sound so prideful, but the attack just egged me on. I am not ignorant of his devices. I know when we have hit a nerve. I refuse to apologize to the Devil.

So, I wrote a letter-to-the-editor and to my amazement, they printed it. The Columbus Dispatch, the largest home-newspaper in Ohio, printed my letter at the top of the opinion page. I refused to do what so many do when attacked by the media. I wasn't going to grovel for their approval, slobbering how sorry I was, how I had miss-spoken, and how I would soon be entering diversity training to learn to be nicer.

The Lord gave me an opportunity to share the Gospel with those who are perishing as well as those who apologize to those who are perishing. Here is what the Lord allowed me to say.

I write not to defend myself, but rather to clarify the continued drive-by reporting of those at the Columbus Dispatch.

The Aug. 17 Dispatch article "Anti-gay activists crash worship services" was filled with inaccuracies and untruths. To set the record straight: Two ministers of the Gospel, with others from their congregation, visited two gay-affirming churches with the message that homosexuality and Christianity are incompatible. It is my understanding, as I was not there, that after the service they met privately with the pastor at each church to call the pastor to account for teaching doctrine that is not supported by Scripture.

For The Dispatch to use the term "crashed" is journalistic fraud designed to incite a negative response by Dispatch readers.

I stand in support of Christian Ministers holding others who claim to be Christian Ministers accountable to the Word of God. It is the way the church body should operate. Telling a gay-man or gay- woman that God looks the other way as He winks at their particular sin is not the loving response a homosexual should hear from any minister of the Gospel. The two pastors who spoke truth to their gay-affirming fellow ministers did exactly what the Scriptures require they do according to Mathew 18:15-17:

Go and show him his fault, just between the two of you.

If he will not listen, take one or two others along.

If he refuses to listen to them, tell it to the church.

If he refuses to listen even to the church, treat him as you would a pagan or a tax collector.

The condition of American-Christianity (and the rest of the world) would be much better if more ministers of the Gospel held those in Scriptural error more accountable. I also believe it the duty of the scribes of our times to be more respectful of the truth - regardless of their personal agendas.

Thank God for the brave men who would speak the truth face-to- face rather than publicly defame the integrity of another. I support the brave pastors who stood for the vast majority of Christendom who agree with their theology.

I thank The Dispatch for the unwarranted coverage of the event and their obvious attempt to defame two brave Christian pastors. I just wanted to be sure that I did not receive credit for something someone else had done.

I know, I know. I'm not very nice.

Let's stop apologizing to the Devil!"

© 2007 Dave Daubenmire - All Rights Reserved

Enjoy your week with Jesus!

tiaan gildenhuys

e-mail: tg@oicb.co.za

Cell: 082 803 3326

Wednesday 15 November 2017

Hoekom gebeur slegte dinge met goeie mense?


Image result for john 10 10

Heel aan die begin van hierdie artikel, wil ek dit net baie duidelik stel, dat ek nie bedoel om ‘n klinklare antwoord te gee oor hierdie vraagstuk nie, maar om bloot ‘n bietjie lig te werp op die realiteit dat geen mens gevrywaar is teen die aanvalle van die Satan nie...nie eens getroue en gehoorsame kinders van die Here nie…en dat God nie dood maak nie!

Die heel eerste vraag wat só dikwels gevra word is: “hoekom het God dit toegelaat?” As ons dan sulke getroue en gehoorsame kinders van God is, hoekom laat Hy toe dat die Satan ‘n geliefde kind se lewe neem, of ons aanval met siektes en krankhede, of die plaasaanvalle toelaat? Só dikwels word die verhaal van Job dan aangehaal en word daar gesê dat God ons geloof wil toets. As ek egter die verhaal van Job lees, sien ek duidelik dat God juis by Satan gespog het oor Job se geloof. Hy het dus nie nodig gehad om Job se geloof te toets nie, want Hy het presies geweet dat Job Hom nooit sou verloën nie!

Job 1:8 En die HERE vra vir die Satan: Het jy ag gegee op my kneg Job? Want daar is niemand op die aarde soos hy nie: ‘n man vroom en opreg, godvresend en wat afwyk van die kwaad.

Die volgende vraag wat onmiddelik opkom is, wat is die “oop deure” in ons lewens wat die Satan ‘n reg gegee het om aan te val. En tereg IS dit Satan wat hier op aarde is om te steel, slag en verwoes!

Joh 10:10 Die dief kom net om te steel en te slag en te verwoes. Ek het gekom, dat hulle lewe en oorvloed kan hê.

Die dief na wie Jesus hier verwys, is Satan homself. Ons sien dit ook  in ander aanhalings waar Jesus die gelykenisse gee van die goeie herder en die skaapkraal, waar hy dan sê dat die dief nie by die deur van die skaapkraal inkom nie. Die goeie herder verwys natuurlik na Jesus homself en so is Hy ook die deur (Weg) waardeur die skape (gelowiges) in die kraal kom. Die blote feit dat ek en jy kinders van God is, maak die duiwel briesend en maak ons teikens van sy aanslae! Daarom is geen kind van God gevrywaar van die duiwel se aanvalle net omdat ons nou  “onder die Bloed” is, nie.

 Opb 12:12 Daarom, wees verheug, o hemele en die wat daarin woon; wee die bewoners van die aarde en die see, want die duiwel het na julle neergedaal met groot woede, omdat hy weet dat hy min tyd het.

Dit is tereg egter ook só dat “oop deure”  verseker die vyand ‘n reg sal gee om ons te kan aanval en moet ons voortdurend onsself voor God verootmoedig en Sy Heilige Gees vra om aan ons die areas uit te wys waar ons in ongehoorsaamheid leef teenoor Sy woord. Só dikwels bind die vyand ons só vas met ‘n besige lewensstyl of met ons oog gevestig op die wêreldse dinge, dat ons verhouding met Jesus skade lei en dan hoor ons nie die stem van Sy Gees wanneer Hy ons waarsku teen die aanvalle wat die vyand teen ons beplan nie.  Ek is ook van oortuiging dat Jesus hom nooit sal laat “outgive” deur die vyand nie en dat Hy altyd eerste is met ‘n waarskuwing of ‘n antwoord.

Die feit van die saak is, dat selfs Jesus nie gevrywaar was teen die aanvalle van die vyand nie en het Satan hom voortdurend aangeval tydens Sy 33-jarige leeftyd hier op aarde! Ek wil dus hê dat mense moet besef dat dit verkeerd is om die oortuiging te hê dat daar ‘n oop deur MOET wees, wat Satan reg gegee het om te kom steel, want dit is nie altyd die geval nie. As ons dan ook weer na Job se verhaal gaan kyk, dan sien ons duidelik dat dit juis was oor hy só vroom en Godvresend was, dat die vyand lus gehad het om hom aan te val.

Heb 4:15 Want ons het nie ‘n hoëpriester wat nie met ons swakhede medelye kan hê nie, maar een wat in alle opsigte versoek is net soos ons, maar sonder sonde.

En dit bloot omdat Jesus in alle opsigte mens was net soos ek en jy vandag:

Joh 1:10 Hy was in die wêreld, en die wêreld het deur Hom ontstaan, en die wêreld het Hom nie geken nie.
Joh 1:11 Hy het na sy eiendom gekom, en sy eie mense het Hom nie aangeneem nie.
Joh 1:12 Maar almal wat Hom aangeneem het, aan hulle het Hy mag gegee om kinders van God te word, aan hulle wat in sy Naam glo;
Joh 1:13 wat nie uit die bloed of uit die wil van die vlees of uit die wil van ‘n man nie, maar uit God gebore is.
Joh 1:14 En die Woord het vlees geword en het onder ons gewoon—en ons het sy heerlikheid aanskou, ‘n heerlikheid soos van die Eniggeborene wat van die Vader kom—vol van genade en waarheid.

Satan se aanslae teen Jesus was só erg, dat hy selfs die hele wêreld aan Hom beloof het, as Jesus hom net sou aanbid…en dit alles nog voordat Jesus één wonderwerk gedoen het. Jy sien, want hy het geweet dat as Jesus aan God in alle opsigte gehoorsaam sal wees tot die einde toe, dan het hy, wat Satan is, GROOT probleme! Want Jesus het nie net gekom om te sterf vir die mens se sonde  en só versoening tussen mens en God te bring nie, maar ook om die heerskappy, wat van die begin af aan die mens gegee is, te kom terugvat uit Satan se hand. Hierdie heerskappy is in die tuin van Eden deur Adam aan die vyand weg gegee toe hy aan die vrug geëet het.

Kol 2:14 en die skuldbrief teen ons, wat met sy insettinge ons vyandig was, uitgedelg en weggeruim het deur dit aan die kruis vas te nael,
Kol 2:15 nadat Hy die owerhede en magte uitgeklee en hulle in die openbaar tentoongestel en daardeur oor hulle getriomfeer het.

Jesus het die oorwinning vir ons behaal en daarna het Hy ons mede-erfgename gemaak van hierdie oorwinning.

Rom 8:37 Maar in al hierdie dinge is ons meer as oorwinnaars deur Hom wat ons liefgehad het.

Ek sien egter ook dat die Woord duidelik meld dat Jesus aan ons die mag gegee het oor al die “krag van die vyand”:

Luk 10:19 Kyk, Ek gee aan julle die mag om op slange en skerpioene te trap, en oor al die krag van die vyand; en niks sal julle ooit skade doen nie.

Ons kan dus met sekerheid weet, dat ons in die krag van Jesus, kan staande bly in hierdie stryd teen die vyand.
Joh 16:33 Dit het Ek vir julle gesê, dat julle in My vrede kan hê. In die wêreld sal julle verdrukking hê; maar hou goeie moed, Ek het die wêreld oorwin.

Tereg sê die Bybel dan ook dat ons in ‘n stryd teen die vyand is hier op aarde, al het Jesus hom reeds oorwin. Die harde waarheid is dat hierdie ‘n stryd is tot die dood toe en dat ons, óf bloedbelope daarvan sal afkom, óf in die geveg gaan omkom as ons dit nie in die krag van Jesus aanpak nie.

Ef 6:11 Trek die volle wapenrusting van God aan, sodat julle staande kan bly teen die liste van die duiwel.
Ef 6:12 Want ons worstelstryd is nie teen vlees en bloed nie, maar teen die owerhede, teen die magte, teen die wêreldheersers van die duisternis van hierdie eeu, teen die bose geeste in die lug.

Weereens bevestig hierdie stuk dat, die vyand hier op aarde, Satan homself is en omdat ons hom nie kan sien nie, kan ons hom nie in die vlees baklei nie! In die brief aan die Korinthiërs, stel Paulus dit duidelik dat ons nie met vleeslike wapens kan baklei nie.

2Kor 10:3 Want hoewel ons in die vlees wandel, voer ons die stryd nie volgens die vlees nie;
2Kor 10:4 want die wapens van ons stryd is nie vleeslik nie, maar kragtig deur God om vestings neer te werp,
2Kor 10:5 terwyl ons planne verbreek en elke skans wat opgewerp word teen die kennis van God, en elke gedagte gevange neem tot die gehoorsaamheid aan Christus,

Beteken dit dan nou dat ons nie mag hartseer wees as die vyand een van ons geliefdes kom steel nie? Nee, verseker nie! God het die mens gemaak met emosies en dit is een van die dinge wat aan ons gegee is, sodat ons kan uitting gee aan die seer en kwaad wat binne ons woed, sodat daar ook met verloop van tyd, genesing kan kom. Die voorwaarde is net dat die kwaad teenoor die vyand gerig moet wees en nie teenoor mense of selfs God nie. Baie keer word God verkwalik omdat Hy dan nou “kwansuis” die aanval of verlies toegelaat het of dit voel vir die persoon asof God nie daar was om hul te beskerm nie. Die feit is dat God die outoriteit om te heers, aan die mens gegee het en dat dit van die begin af Sy skeppingsopdrag was. Omdat Hy dan tot op die laaste komma en punt, getrou is en sal wees oor Sy woord, sal Hy nie inmeng nie, al kan Hy ook.

So hoekom dan word mense op wreed wyse gemoor en gemartel as hulle dan getroue kinders van die Here is wat veronderstel is om deur die bloed van Jesus beskerm te word terwyl Hy ook Sy engele opdrag gee oor Sy kinders? Ek dink die antwoord kry ons in Jesaja 57:

Jes 57:1  Die regverdige kom om, en daar is niemand wat dit ter harte neem nie; en die vromes word weggeruk sonder dat iemand daarop let; want die regverdige word weggeruk vanweë die boosheid.

Jesus het ons baie duidelik gewaarsku dat hierdie laaste dae sal wees soos in die dae van Noag, voordat God besluit het om die die hele mensedom (behalwe 8 siele) te verwoes met die groot vloed. Die Woord waarsku ook dat die wat sleg is nog slegter sal word.

Die vraag is egter of ons as kinders van God, die tekens raaksien rondom ons en besig is om ons voor te berei vir Jesus se koms? Is ons ook besig om te verseker dat ons huismense die Here ken en Hom dien, dat wanneer dit tyd is vir hulle om hierdie tentwoning te verlaat, dat hulle in die paradys ontvang sal word?

Die verval en die toename van die duisternis in hierdie lewe, is 'n werklikheid en kan nie vermy word nie, want dit is die vervulling van God se woord, maar is ek en jy as Sy kinders, gereed om ons Skepper te ontmoet?

Gebed: Here Jesus gee ons die krag om in hierdie dae wat ons beleef en dit wat ook nog sal kom, staande te kan bly in U sterkte en om onsself voor te berei vir U koms. Gee ons ook die krag om te kan vergewe en vryspreek en om die stryd in die gees te voer en nie in die vlees nie. En Vader genees asseblief waar daar wonde van bitterheid en seer is wat veroorsaak word deur die aanslae van die vyand...In Jesus Naam. Amen!

(ernest phillipson - ecp@oicb.co.za)
Geplaas met toestemming van Tiaan Gildenhuys

Saturday 4 November 2017

Hoe kan ek geestelik groei?

Image result for ps 23

In vandag se tyd is ons so besig om te bestaan dat ons vergeet om te lewe!

Dit is ‘n gejaag na geld, om by die werk uit te kom, om inkopies te gaan doen, kinders te help met huiswerk, en watter ander dinge daar ookal in een dag moet gebeur, hoe moet mens tussen al die gejaag nog by stilte tyd en gebed uitkom as jy moeg op jou bed neerval in die aand en dadelik aan die slaap raak net om die volgende dag weer die vorige dag te herhaal?

Paulus beskryf die bogenoemde probleem so mooi!

ROMEINE 7:15  Want wat ek doen, weet ek nie; want wat ek wil, dit doen ek nie, maar wat ek haat, dit doen ek.

Die bogenoemde probeem veroorsaak ook vrees in ons lewens, want ons het vrae soos, waar kom die geld vandaan? Hoe moet ek by als uitkom? Wanneer gaan ek rus kry? En met die huidige situasie in ons land is alles nog meer gespanne en sit baie mense met die vrees dat hulle hul werk kan verloor of dat mens nêrens meer veilig is nie.

As jy mooi gaan kyk na alles en net vir ‘n paar minute oor jou lewe gaan sit en dink dan besef jy dat satan jou tyd, jou energie, jou kalmte en vreugde van jou steel en jy is besig om hom toe te laat. Hy weet hoe om ons so besig te hou dat ons nie meer tyd het vir ons huwelike of kinders nie, wat nog van om tyd met God te spandeer? In die gejaag na wind, kry hy al hoe meer hou vas plek op jou want deur jou moegheid raak mens geireteerd, kort van draad en verloor gou jou humeur, en kort voor lank val alles uitmekaar, onmin by die werk, huwelike wat afgeskeep word en kinders wat nie meer Godsvresend groot gemaak word nie, en besig is met dinge van die duiwel op hulle fone.

JOHANNES 10:10  Die dief kom net om te steel en te slag en te verwoes. Ek het gekom, dat hulle lewe en oorvloed kan hê.

Noudat ons die vyand se planne vir ons lewens erken, kan ons kyk na die oplossing, en die oplossing is in God se Woord. Maar kom ons kyk eers na die waarskuwing van wanneer ons is vlees lewe, wat sê Paulus vir ons oor ons gejaagde lewens? Dat ons in vlees leef en nie in gees nie, dat ons God nie kan behaag wanneer ons in vlees lewe nie, dat ons nie in God is wanneer ons in vlees lewe nie! Dit is ernstige woorde, nie iets wat enige Christen moet ligterlik opneem nie, maar nogsteeds het ons nie ‘n oplossing nie!

ROMEINE 8:2  Want die wet van die Gees van die lewe in Christus Jesus het my vrygemaak van die wet van die sonde en die dood.
ROMEINE 8:5  Want die wat vleeslik is, bedink vleeslike dinge, maar die wat geestelik is, geestelike dinge.
ROMEINE 8:6  Want wat die vlees bedink, is die dood, maar wat die Gees bedink, is lewe en vrede,
ROMEINE 8:7  omdat wat die vlees bedink, vyandskap teen God is; want dit onderwerp hom nie aan die wet van God nie, want dit kan ook nie.
ROMEINE 8:8  En die wat in die vlees is, kan God nie behaag nie;
ROMEINE 8:9  julle is egter nie in die vlees nie, maar in die Gees, as naamlik die Gees van God in julle woon. Maar as iemand die Gees van Christus nie het nie, dié behoort nie aan Hom nie.

Die oplossing is seker een van die bekendste gedeeltes in die Woord, Ps 23! Lees dit weer en verstaan wat dit vir jou sê!

PSALMS 23:1  'n Psalm van Dawid. Die HERE is my herder; niks sal my ontbreek nie.
PSALMS 23:2  Hy laat my neerlê in groen weivelde; na waters waar rus is, lei Hy my heen.
PSALMS 23:3  Hy verkwik my siel; Hy lei my in die spore van geregtigheid, om sy Naam ontwil.
PSALMS 23:4  Al gaan ek ook in 'n dal van doodskaduwee, ek sal geen onheil vrees nie; want U is met my: u stok en u staf dié vertroos my.
PSALMS 23:5  U berei die tafel voor my aangesig teenoor my teëstanders; U maak my hoof vet met olie; my beker loop oor.
PSALMS 23:6  Net goedheid en guns sal my volg al die dae van my lewe; en ek sal in die huis van die HERE bly in lengte van dae.

Hierdie is so bekende Psalm en tog kan ons almal dit opsê, maar nie ons eie maak nie, kan ons nie in geloof staan dat dit ‘n belofte van God is wat Hy aan ons maak nie, en as jy dit mooi lees sal jy sien dat dit al die probleme van ons daaglikse lewe vir ons oplos! Al wat God vra is dat ons ‘n vehouding met Hom moet hê en weg moet draai van sonde en Hom eerste stel, die res sal wel vir ons bygevoeg word uit Sy Hand!

JAKOBUS 4:7  Onderwerp julle dan aan God; weerstaan die duiwel, en hy sal van julle wegvlug.
JAKOBUS 4:8  Nader tot God, en Hy sal tot julle nader.

Kom ons begin bietjie tyd maak vir God, kom ons nader tot Hom, sodat Hy tot ons kan nader, dat Hy ons lei na waters waar rus is, dat Hy ons siele vir ons kom verkwik, ons beskerm, vir ons voorsien sodat niks sal ontbreek nie, dat ons by Hom goedheid en guns kan ontvang, dat ons hoofde vet gesmeer sal wees met olie, en dat ons bekers sal oorloop!

Dawid sê dat hy 'n intieme verhouding met die Here het, dan sê hy, wanneer ek in 'n intieme verhouding met die Here staan, sal niks in my lewe ontbreek nie, die Here lei my na voorspoed en oorwinning, die Here vul my met Sy heerlikheid en ek sal die oorwinning deur Hom behaal! Hoe kragtig is dit nie?

Wees geseend in Jesus Naam

Belinda

Sunday 29 October 2017

Moenie verslap nie!


Image result for Hebreërs 12:3
“Want julle moet ag gee op Hom wat so ‘n teëspraak van die sondaars teen Hom verdra het, sodat julle in jul siele nie vermoeid word en verslap nie.” (Hebreërs 12:3)

Aan die begin van Januarie 2016 het ek die punt bereik waar ek moeg was, fisies moeg, geestelik moeg en sommer emosioneel moeg ook. Moeg as gevolg van al die aanslae teen hierdie bediening waartoe die Here ons 15 jaar gelede geroep het, moeg as gevolg van mense wat nie wil luister en gehoorsaam raak aan Jesus en Sy Woord nie, en moeg om al die agteraf geskinder en rugstekery onder kinders van die Here, te hoor en selfs fisies in my en my vrou se eie lewens te ervaar.

En die betrokke oggend sê ek dit toe vir die Here: “Vader, ek is moeg vir al hierdie dinge, en ek dink nie ek sien meer kans om aan te gaan in hierdie bediening nie. Ek is jammer Here, maar ek dink ek moet maar uitstap.”

Baie kinders van die Here wat erns maak met die Bybel as Woord van God, is geneig om hulle Bybels in te kleur deur teksverse wat uitstaan, te merk of te “highlight” met kleur merkpenne. So lyk my Bybel ook maar. En terwyl ek so met die Here hieroor sit en gesels, met ‘n swaar gemoed, lê my Bybel oop voor my by Hebreërs hoofstuk 12.

En saggies hoor ek die stem van die Heilige Gees in my gees sê: “Lees wat voor jou staan.” Ek kyk toe en lees toe Hebreërs 12:1, 2 en 4 (wat almal so met kleur gemerk was in my Bybel). Want dit is mos wat gebeur, mens se oog vang net die gedeeltes wat jy voorheen ingekleur het. Ek sê toe vir die Here ek verstaan nie wat Hy vir my uit daardie gedeeltes wil wys nie? Duidelik hoor ek toe in my gees: “Lees die teksvers wat jy NIE ingekleur het nie”. En dit is toe die bogemelde vers 3.

Uit die aard van die saak slaan daardie “ongemerkte” vers in die Bybel toe my voete onder my uit! Hoekom? Want dit hanteer toe my hele situasie, deur my eerstens te herinner aan Jesus en die teëspraak wat Hy alles van mense moes verdra, wat uit die aard van die saak VEEL ERGER is as wat ek tot dusver moes verdra. En tweedens gee dit toe vir my die rede WAAROM Hy dit moes verduur? Sodat ONS, ek en jy, nie in ons siele moet vermoeid en moeg word en dan verslap in dit wat ons vir Hom moet doen nie.

Hoeveel sulke ander “ongemerkte” verse is daar nie nog in my en jou Bybel nie? Wat eintlik “ongemerk” ook ons antwoorde bevat op vele ander vrae wat ons mag hê…

Dit was vir my soos ‘n ontploffing in my gees! Wow! Jesus moes presies dieselfde goed verduur as wat ons vandag verduur, en Hy het dit juis gedoen sodat ons vandag nog nie in ons siele sal vermoeid en moeg word en verslap nie! Toe ek daardie oggend opstaan voor my Bybel was ek sommer na gees en siel en liggaam bemoedig en verkwik en kon ek die nuwe dag, die nuwe jaar en sommer die res van die toekoms totdat ek eendag by Jesus sal wees, met hernude ywer aanpak. Wat ‘n wonderlike God en Vader dien ons nie!

Mag jy ook in die week onthou wat Jesus moes deurgaan, juis sodat JY ook nie sal vermoeid word in jou siel en dan verslap in wat jy vir Hom moet doen nie.
“Want ons het nie ‘n hoëpriester wat nie met ons swakhede medelye kan hê nie, maar een wat in alle opsigte versoek is net soos ons, maar sonder sonde.” (Hebreërs 4:15)

Gebed:
“Vader, vergewe my waar ek gedink het dat die dinge wat met my gebeur, uniek is en dat Jesus nie verstaan waardeur ek gaan nie. Dankie Here Jesus dat U die teëspraak van mense teen U verduur het, juis sodat ek nie in my siel vermoeid hoef te word en dan verslap in wat ek vir U moet doen nie. Gee my opnuut U krag in hierdie nuwe week. In Jesus Naam vra ek dit.
Amen.”

(tiaan gildenhuys - tg@oicb.co.za)
Geplaas met toestemming van Tiaan Gildenhuys



Tuesday 24 October 2017

'n Hoopvolle Toekoms


Image result for Filippense 3:14


“Maar een ding: ek vergeet die dinge wat agter is en strek my uit na wat voor is, en jaag na die doel om die prys te verkry van die hoë roeping van God in Christus Jesus.” (Filippense 3:14)

Dit is darem interessant hoe die hele wêreld geneig is om mens te wil vasmaak aan die verlede, met dinge soos al die “memory-trips” en “memories are made of this” en “let’s walk down memory lane”, ensomeer. En almal, Christene ingesluit, is geneig om maar net saam te praat oor die “goeie ou dae” en/of al die verskriklike dinge wat in die verlede met hulle gebeur het.
Waarom sou dit wees? Is dit dalk omdat satan probeer om Christene weg te hou van die waarheid van die Woord? Die waarheid soos vervat in die bogemelde teksvers, maar ook in Lukas 9:62:
“En Jesus antwoord hom: Niemand wat sy hand aan die ploeg slaan en agtertoe kyk, is geskik vir die koninkryk van God nie.”

Die vyand wil nie hê ons moet besef dat solank hy ons kan kry om “agtertoe te kyk”, dat ons nie geskik sal wees vir die koninryk van God nie. Onthou, satan ken die Bybel beter as ons en wil dit graag teen ons gebruik, net soos wat hy dit teen Jesus probeer gebruik het tydens die versoeking in die woestyn.  Deur ons vas te bind met al die dinge van die verlede wat so goed klink, weerhou hy ons van die verdere waarheid van die Woord soos wat die Here dit self vir ons sê in Jeremia 29:11:

“Want Ék weet watter gedagtes Ek aangaande julle koester, spreek die HERE, gedagtes van vrede en nie van onheil nie, om julle ‘n hoopvolle toekoms te gee.”

Die woorde: “hoopvolle toekoms” in die Grieks beteken ook: “an end-time reward”. Dit beteken God wil ons graag kry om uit te sien na ‘n hoopvolle toekoms en “end-time reward” saam met Hom. En juis dit wil satan nie vir ons hê nie en daarom wil hy ons eerder vasmaak aan al die dinge van die verlede, want daardeur kan hy ons vasbind aan al die seer, verwerping, mislukkings en hartseer van die verlede ook.

Kom ons kies eerder om van nou af onsself los te maak van die dinge wat agter is en om ons uit te strek na daardie hoopvolle toekoms wat net Jesus Christus vir ons kan bied.

Gebed:

“Vader, vergewe my asseblief omdat ek ook vasgeval het in al die dinge van die verlede, instede daarvan om uit te sien na die hoopvolle toekoms saam met U. Leer my asseblief om die laste van die verlede van my rug af te gooi en daagliks te begin lewe vir U en U Koninkryk, totdat ek eendag by U kan wees in alle ewigheid. In Jesus Naam. Amen.”

 (tiaan gildenhuys - tg@oicb.co.za)
Geplaas met toestemming van Tiaan Gildenhuys

Melaatsheid

My doel met hierdie week se skrywe, is om net aan jou die wonderlikheid van ons Bybel te bewys en dat daar geen twyfel moet bestaan dat ons ...