Veg jou gevegte soos 'n arend!

Die Arend beveg nie die slang op die grond nie. Dit tel die

slang op tot baie hoog in die lug en laat val die slang en

beveg dit in die lug. Hoog in die lug het die slang geen

stamina nie, kan hy nie veg nie want hy is sonder krag en

sonder ewewig. Die slang is magteloos, swak en uiters

kwesbaar. Dis net mooi die teenoorgestelde as om op

die grond te wees waar hy ewewig het, kragtig en dodelik

is.

Ons moet ons gevegte ook hoog in die geestelike sfeer

beveg deur gebed want wanneer ons op geestelike vlak

beweeg, veg die HERE al ons stryd vir ons. Moet nie die

vyand in sy gemaksone takel nie. Verander die omgewing

van die gevegsterrein deur ernstige gebed.  So sal jy elke

keer triomfeer. Bid sonder ophou. – Lance Wallnau

Hoekom moes Jesus sterf?

Jesus moes sterf om terug te vat wat satan van die mens gesteel het. Om ons heerskappy wat ons aan satan gegee het vir ons terug te gee, naamlik ons outoriteit wat God vir ons gegee het oor satan.

God se ewige doel was om met Jesus se menswording en sterwe was om ons te versoen met God, Jesus het gesterf as ons Redder!

1 Pet1: 18-20 omdat julle weet dat julle nie deur verganklike dinge, silver of goud losgekoop is uit julle ydele lewenswandel wat deur die vaders oorgelewer is nie, (19) maar deur die kosbare bloed van Christus, soos van 'n lam, sonder gebrek en vlekloos.

1Joh 3:5  En julle weet dat Hy verskyn het om ons sondes weg te neem, en geen sonde is in Hom nie.

Jesus was ‘n offer vir ons redding

Rom 3:25&26 Hom, het God voorgestel in Sy bloed as ‘n versoening deur die geloof, om Sy geregtigheid te bewys deurdat Hy die sondes ongestraf laat bly het, wat tevore gedoen is onder die verdraagsaamheid van God – om Sy geregtigheid te toon in die teenwoordige tyd, sodat Hy self regverdig kan wees en regverdig maak wie uit die geloof in Jesus is.

Jesus moes sterf om God se liefde aan ons te bewys, na die sondeval het die mens God se vyand geword, en Jesus het die vyandskap tussen mens en God te herstel.

Rom 5:8&9 Maar God bewys Sy liefde tot ons daarin dat Christus vir ons gesterf het toe ons nog sondaars was (9) veel meer dan sal ons, noudat ons geregverdig is, in Sy bloed, deur Hom gered word van die troon (kwaad word van God), want as ons, terwyl ons nog vyande was, met God versoen is deur die dood van Sy Seun, veel meer sal ons deur Sy lewe gered word noudat ons versoen is!

Ons kan onsself nie red nie, ons kan net gered word deur Jesus aan te neem as ons Verlosser ! Christus is geregtigheid! Die hel het ontstaan toe satan teen God gerebeleer het. God het nooit die hel vir die mens geskep nie! Satan was nog nooit in die hel nie, sy bestemming is die hel. Maar as ons Jesus nie aanneem as ons Verlosser nie, en nie wedergebore word uit water en gees nie (gedoop word nie) is hel ook ons bestemming. God wou die mens n ewige lewe gegee het van die begin af, en Jesus moes sterf om dit vir ons moontlik te maak om die ewige lewe te kon beerwe.

Rom 6:23 want die loon van die sonde is die dood, maar die genadegawe van God is die ewige lewe in Christus Jesus, onse Here.

Jesus moes ook sterf om satan en die dood te oorwin. En omdat Jesus satan reeds oorwin het aan die kruis, het satan ook nie meer mag oor ons nie, Jesus het ons mag gegee oor satan deur die kruisdood.

Rom 2:14&15 Aangesien die kinders dan vlees en bloed deelagtig is, het Hy dit ook op dieselfde manier deelagtig geword,(mens geword) sodat Hy deur die dood hom tot niet kon maak wat mag oor die dood het – dit is die duiwel (15) en almal kon bevry wat hulle hele lewe lank uit vrees vir die dood aan slawerny onderworpe was.

Ons lees in Joh 8:44 dat satan die mensemoordenaar is. Hoe doen hy dit? Deur jou siek te maak, deur ongelukke te veroorsaak, deur jou sonde ‘n opening in jou lewe te kry!

Efes 6:12 Want ons worstelstryd is nie teen vlees en bloed nie, maar teen die owerhede, teen die magte, teen die wêreldheersers van die duisternis van hierdie eeu, teen die bose geeste in die lug.

Maar ons het mag ontvang deur Jesus om oor satan te heers. Hy is onderdanig aan ons, nie ons aan hom nie.

Ps 8: 6&7  U laat hom heers(mens) oor die werk van U hande, U het alles aan hom onderwerp.

Luk 10:18 Jesus sê Ek het satan soos ‘n bliksem uit die hemel sien val, kyk, Ek gee julle mag om op slange en skerpione te trap en die duiwels uit te dryf.

Wat is satan se doel? Om ons weg te dryf van God deur sonde, om seker te maak ons gaan hel toe. Satan is ‘n “copy-cat” alles wat God het, het hy. God het ‘n Koningkryk (hemel) satan ook…hel! Net soos God alles in Sy vermoë gedoen het om jou gered te kry vir Sy Koningkryk, so ook satan! Jesus sê (Luk 22:31) Simon, Simon, kyk die satan het ‘n vurige begeerte om julle soos koring te sif!

Let nou mooi op wat Jesus vir ons beteken het!

Jesus was nie vermoor nie! Jesus het gesterf vir ons! Hoekom sê ek so? Omdat Jesus mens geword het, het Hy vryewil gehad, Hy kon besluit het om nie aan die kruis te gaan sterf nie, Hy het geweet wanneer die laaste uur sou kom vir Hom, Hy het geweet wanneer en wie Hom sou verraai en wat Sy bestemming was, en uit gehoorsaamheid teenoor God en uit liefde vir die mens het Jesus gesterf vir ons, sodat ons vandag gered kan word.

Toe Jesus versoek was in die woestyn om die klippe in brode te verander, kon Hy dit gedoen het, en sodoende die dood vrygespring het, maar Hy het nie!

 Omdat Jesus mens was, het Hy ook geweet wat vir hom voorlê as mens. Wat die marteling en dood vir hom sou inhou. Ons sien dit in Getsemane (Mat 26:53) toe Jesus gebid het en bloeddruppels van Sy kop gedrup het en Hy gevra het “Vader laat hierdie beker verby My gaan (as daar ‘n ander manier is), ….Jesus wou nie sterf nie, maar Hy het geweet, Hy was gestuur om te sterf, daarom sê Hy verder “Maar nie My wil nie, maar U wil”

Jesus kon die engele opdrag gegee het om die mense wat hom wou kruisig dood te maak, of Hy kon gevlug het, maar Hy het nie!!

Jesus het die prys betaal ten volle deur ‘n vloek te word, sodat ons onder genade kan lewe (Gal 3:10-14) En sodat ons efgename van God kan word (Gal 4:4-7 en 1 Pet 3:18)

GEBED

Dankie Jesus dat U die volle prys betaal het vir my, as sondaar, al die eer en glorie aan U in die Hoogste hemele!

As jy jou lewe vir Jesus wil gee, geestelike berading of gebed benodig, kontak my belindapaar@gmail.com

Hoekom moes Jesus vlees word?

Toe die sondeval (Adam en Eva) gekom het, het die mense outomaties onder die doodstraf gekom. Daar het ‘n verwydering gekom tussen mens en God.

Jesus moes mens geword het om die mens te red. Die mens word gebore met ‘n sondige natuur, wanneer jy wedergebore is, verander jou siel en gees na heiligmaking, maar jou vlees het nogsteeds ‘n sondige natuur. Ons lees in die Skrif dat die loon vir die sonde dit dood is.

Rom 6:23 want die loon van die sonde is die dood, maar die genadegawe van God is die ewige lewe in Christus Jesus, onse Here

In die tydperk wat Jesus op die aarde was het Hy meer gepreek oor ons saligheid en om te verseker dat ons na God gaan as enige iets anders. Hoekom? Omdat Jesus ons gewaarsku het dat as ons nie verander en Hom aanneem as ons Verlosser en Saligmaker nie, gaan ons hel toe. Dus sien ons dat hel bestaan! Jesus se self “Ek het gekom sodat jy kan lewe!”

Ons almal het ‘n afspraak met die dood. Niemand gaan hierdie afspraak kan kanselleer nie, maar waarheen gaan jy wanneer jy die dag sterwe? Ewige lewe ,na Jesus of ewige lewe na die hel?

Kom ons kyk waarom vleeswording nodig was?

Jesus het mens geword, om te sterwe vir die mens se redding. Jesus was ‘n losprys vir ons!

Matt 20:28 “net soos die Seun van die mens nie gekom het om gedien te word nie, maar om te dien en Sy lewe te gee as ‘n losprys vir baie” lees ook1 Kor 15:1-4

Jesus moes mens word omdat Hy nie as God kon sterf nie, Hy moes as mens sterf, Hy moes met ons kon identifiseer deur menslike dinge te beleef, soos hartseer, honger, moeg, frustrasie, ens. Om te verstaan hoe ons voel. Jesus kon nie as God sterf nie want God is onsterflik, daarom moes Hy die gedaante van ‘n mens aanneem.

Hy moes sterf om as Middelaar te kon optree tussen mens en God. 1Tim 2:5-6 (verkort) Jesus het gesterf vir die sondaar. Lees ook Job 9:2

Om as Hoë Priester ons offers na God te bring Heb 7:15-17 En nog duideliker is dit as daar ‘n ander priester opstaan na die ewebeeld van Malgisedek, een wat dit geword het nie kragtens die wet van ‘n vleeslike gebod nie, maar uit die krag van die onvernietigbare lewe, want Hy getuig: U is Hoë Priester vir ewig volgens die orde van Melgisedek. Lees ook Heb 7:4-5 Heb 10:5 Heb 10:14

 Om Koning te word op aarde. God het ‘n belofte aan Dawid gemaak dat uit sy nageslag ‘n Koning gebore sou word wat tot in alle ewigheid Koning sou wees. Die belofte moes vervul word. Lees Luk 1:32&33

Om ons te kom leer van God se Koningkryk, hemel en hel. In die Ou Testament kon profete net vertel wat hulle gehoor het, Jesus kon getuig omdat Hy God was. Lees Matt 5, Joh 3:1-5 Matt 6:8 Ps 103:13 Jesus leer ons van siekte, gebondenheid, duisternis,dood, sonde en hoe om dood te oorwin.

Alhoewel Jesus, God is, was Hy 100% mens op aarde. Jesus het geen wonderwerke gedoen voordat Hy gedoop was nie. Hy was afhanklik van die krag van die Heilige Gees. Hoekom het Jesus wat God is, die Heilige Gees nodig gehad om wonderwerke te doen? Sodat ons as mens kon sien jy moet bekeer, wedergebore (gedoop) word en die Heilige Gees ontvang, om onder die Heilige Gees se kragte te kan opereer.

Jesus moes mens word, sodat ons die Evangelie kon glo, dat daar getuienis kon wees om te sien en te leer van God se Almag. Jesus het die losprys kom betaal sodat ons vandag gered kan word, sodat almal wat in Hom glo die ewige lewe kon be-erwe. Sonder Jesus is ons almal bestem vir die ewige hel!

Fil 2:6-11 Hy wat die gestalte van God was, het dit geen roof geag, om aan God gelyk te wees nie (7) maar het Homself ontledig deur die gestalte van ‘n dienskneg aan te neem en aan die mens gelyk te word (8) en in ‘n gedaante gevind as ‘n mens, het Hy homself verneder deur gehoorsaam te word tot die dood toe, ja, die dood van die kruis (9) Daarom het God hom ook uitermate verhoog en Hom gegee ‘n Naam bo alle name (10) Sodat in die Naam van Jesus, sou buig elke knieg van die wat in die hemel en die wat op die aarde, en die wat onder die aarde is (11) en elke tong sal bely dat Jesus Christus die Here is tot heerlikheid van God die Vader
.

Jesus is die weg, die waarheid en die lewe!

Indien u geestelike berading of gebed benodig kontak my belindapaar@gmail.com

Wat is die verskil tussen 1ste Adam en laaste Adam?

God se plan vir die mens was om 'n verhouding met Hom te hê. Mense sou vir ewig geleef het in die Tuin van Eden, in harmonie met God, sondeloos en vlekvry.

Maar na die sondeval, toe Adam en Eva van die boom geëet het, het hul sterfbaar geword.

Gen 2:16-17 As jy van die boom van kennis van goed en kwaad eet, sal jy sekerlik sterwe. As Adam en Eva nie gesondig het nie, sou hulle vandag nog geleef het. Die mens het sterflik geword omdat hulle gesondig het.  Gen 3:22-24 (verkort) Nou het die mens geword soos Ons wat goed en kwaad ken.

Maar God het Sy liefde aan die mens geopenbaar deur vir hul 'n Redder te stuur om in hul plek te sterf vir hul sonde sodat ons weer 'n verhouding met God kan hê. Dit was God se oorspronklike plan met die mens van die begin af, die sondeval het ons van God geskei, en om ons terug te kry het God Jesus Christus gestuur om te sterf vir ons, deur ons Redder en Verlosser te word.

Die verskil tussen die eerste Adam (mens) en die laaste Adam (Jesus)

• Adam is geskep deur God - Jesus is Enigegebore Seun van God
• Adam bevraagteken God se liefde - Jesus bewys God se liefde.
• Adam betwyfel God se Woord - Jesus bevestig God se Woord
• Adam verwerp God se outoriteit - Jesus aanvaaar God se gesag en outoriteit
• Adam was weggejaag uit God se teenwoordigheid (tuin) - Jesus bring ons terug in God se teenwoordigheid (voorhangsel wat skeur)
• Adam het die beeld van God verloor - Jesus herstel die beeld van God
• Adam het 'n dienskneg van satan geword - Jesus maak ons vry van satan
• Adam het die erfgenaamskap van God verloor - Jesus maak ons erfgename van die Koningkryk.

GEBED:

Dankie Vader, dat U ons so lief het, dat U, U Enigegebore Seun Jesus Christus aan die kruis laat sterf het vir ons sonde, en om ons weer te versoen met U. Dankie Jesus vir die prys wat U betaal het sodat ons vandag teruggeneem is deur God, deur U Bloed aan die kruis. Dankie dat U die voorhangsel geskeur sodat ons weer in God se teenwoordigheid kon terugkom.

Al die eer en lof kom U toe, in die Heilige Naam van alle name, Jesus Christus van Nasaret.

Amen

Sou enige iemand geestelike berading of gebed benodig kontak my belindapaar@gmail.com