Wat is "Spiritual warfare"?

Moet ons geestelike oorlogvoering doen? (Spiritual warfare)

Baie mense, en self kerke praat van geestelike oorlogvoering. Wat beteken dit? En moet ons dit doen, as ons moet hoe doen ons dit?

Die stelling om geestelike oorlogvoering te doen is verkeerd. Die oorlog is alreeds oorwin die dag toe Jesus die prys ten volle betaal het op Golgota. Om geestelike oorlogvoering te doen beteken om vir die persoon te bid! Werklik bid, intree, en God se aangesig soek in die persoon se lewe of situasie. Vas en gebed is deel van oorlogvoering, nie om satan te vervloek en aan te val nie, maar om God in beheer te sit van die situasie of omstandighede.

Jesus het ons opdrag gegee om duiwels uit te dryf Mat 10:8, maar Jesus het ook vir ons die voorbeeld gegee van hoe dit gedoen moet word. Jesus het vir geen duiwel geskree om uit iemand te gaan nie, Hy het net gesê “gaan uit” en die duiwels is uit! Hoekom moet ons dan vandag skree vir duiwels om uit te gaan…en watter mag het jou geskree dan nou eintlik?

MATTHEUS 10:8  Maak siekes gesond, reinig melaatses, wek dooies op, dryf duiwels uit. Julle het dit verniet ontvang, verniet moet julle dit gee.

Die enigste mag om ‘n duiwel mee uit te dryf is in die Naam van Jesus, sonder dit kan jy maar ophou skree, ons kan nie duiwels uitdryf op ons eie kragte nie, net in die Naam van Jesus en onder die krag van die Heilige Gees.

MATTHEUS 6:33  Maar soek eers die koninkryk van God en sy geregtigheid, en al hierdie dinge sal vir julle bygevoeg word.

2 KOR 10:3  Want hoewel ons in die vlees wandel, voer ons die stryd nie volgens die vlees nie;

2 KOR 10:4  want die wapens van ons stryd is nie vleeslik nie, maar kragtig deur God om vestings neer te werp,

2 KOR 10:5  terwyl ons planne verbreek en elke skans wat opgewerp word teen die kennis van God, en elke gedagte gevange neem tot die gehoorsaamheid aan Christus,

Wanneer jy ‘n duiwel uitdryf, maak seker jy staan rein voor God, moenie met goed speel waarvan jy nie weet nie, en om in jou taal te praat wanneer jy die gees uitdryf beteken niks vir die gees nie, dit is kommunikasie tussen die Heilige Gees en jou. 

Die Heilige Gees openbaar aan jou watter gees jy moet aanspreek, die gees verstaan nie wat jy sê wanneer jy in jou taal bid nie. So spreek hom aan in enige aardse taal want satan verstaan alle tale maar nie die taal in verborgenheid nie.

Satan kan net ingang kry in jou lewe as jy hom toelaat, of wanneer jy gesondig het! Wanneer jy ‘n wedergebore kind van God is kan satan en sy gesante jou nie beset nie, hulle kan wel jou gedagtes beheer en daarom waarsku die Woord ons om staande te bly en satan te weerstaan, wanneer jy gaan toegee aan die manupilasie gaan satan vir jou vastrek.

JAKOBUS 4:7  Onderwerp julle dan aan God; weerstaan die duiwel, en hy sal van julle wegvlug.

JAKOBUS 4:8  Nader tot God, en Hy sal tot julle nader. Reinig die hande, julle sondaars, en suiwer die harte, julle dubbelhartiges!

Wees geseend in Jesus.

Indien iemand geestelike raad of gebed benodig, kontak my belindapaar@gmail.com

"Sien is glo"

Só 'n tyd gelede vra die Here my die vraag: “wil jy wag op “signs” en “wonders” om te manifesteer of gaan jy My woord vat en daarin alleen glo en vertrou?”. Dit is na aanleiding van sake van genesing in my kind en vrou wat ek by die Here se voete neergelê het. En as ek die volgende dag nie beterskap sien nie, dan is ek teleurgesteld en bring dan maar weer die saak op petisie voor die Here. Die Here gee my toe een oggend die volgende gedeelte uit Sy woord:


Luk 1:13  Maar die engel sê vir hom: Moenie vrees nie, Sagaría, want jou gebed is verhoor, en jou vrou Elisabet sal vir jou ‘n seun baar, en jy moet hom Johannes noem.

Luk 1:14  En hy sal blydskap en verheuging vir jou wees, en baie sal oor sy geboorte bly wees;

Luk 1:15  want hy sal groot wees voor die Here. En wyn en sterk drank sal hy nooit drink nie, en hy sal vervul word met die Heilige Gees reeds van die skoot van sy moeder af.

Luk 1:16  En hy sal baie van die kinders van Israel bekeer tot die Here hulle God.

Luk 1:17  En hy sal voor Hom uit gaan in die gees en die krag van Elía, om die harte van die vaders terug te bring tot die kinders en die ongehoorsames tot die gesindheid van die regverdiges, om vir die Here ‘n toegeruste volk te berei.

Luk 1:18  Toe sê Sagaría vir die engel: Waaraan sal ek dit weet? Want ek is ‘n ou man, en my vrou is op ver gevorderde leeftyd.


Toe ek hierdie stuk lees was dit vir my op daai stadium nog net die mooi belofte van Johannes die Doper wie die voorloper vir Jesus Christus sou wees. Ek het egter op hierdie stadium nog nie gesien wat die Here my wou wys nie en Hy laat my dus verder lees:


Luk 1:34  Toe sê Maria vir die engel: Hoe kan dit wees aangesien ek geen man het nie?

Luk 1:35  En die engel antwoord en sê vir haar: Die Heilige Gees sal oor jou kom en die krag van die Allerhoogste sal jou oorskadu. Daarom ook sal die Heilige wat gebore word, Seun van God genoem word.

Luk 1:36  En kyk, Elisabet, jou bloedverwant, het self ook ‘n seun ontvang in haar ouderdom, en hierdie maand is die sesde vir haar wat onvrugbaar genoem is.

Luk 1:37  Want geen ding sal by God onmoontlik wees nie.

Luk 1:38  En Maria sê: Hier is die diensmaagd van die Here. Laat dit met my gaan volgens u woord. En die engel het van haar weggegaan.


En tóe sien ek dit en ek snap wat die Here my wou leer! Die engel kom by Sagaria en sê vir hom dat hyself sy vrou sou beken en dat sy sou swanger word al was hulle al op hoë ouderdom. Sagaria vra hierdie dood onskuldige vraag (volgens my) : “waaraan sal ek dit weet?”…en zap! Daar slaan die engel hom met stomheid vir die volle 9 maande plus nog 8 dae tot op die besnyding van Johannes! En ek dog by myself: en dit oor ‘’n eenvoudige ou vragie!”


Nietemin, dieselfde engel kom by Maria en sê vir haar dat die Heilige Gees haar sal bevrug en nie eers ’n man nie! En sy antwoord: “laat dit met my gaan volgens u woord”. En dis net daar waar die Here vir my vra: wil jy ook 9 maande 8 dae wag vir jou belofte, of sal jy My vertrou op My woord en daarmee onmiddelik die krag van Jesus Christus en Sy volheid ontvang. En net daar bloei al die bietjie tande wat ek oor het!


Die Here begin my toe attent maak daarop dat soveel van Sy kinders verval het in die vloek van die wêreld van: “sien is glo”! terwyl die Woord van God tog duidelik is oor wat geloof eintlik is volgens Heb 11: 1.


En dan sê vers 6 van Heb 11 nog baie duidelik dat dit onmoontlik is om God te behaag sonder geloof!


Maar daar is ook die belofte dat Hy die SAL beloon wat Hom soek! Wow!


Hoekom is dit dan vir ons as kinders van die Here, só moeilik om net God se woord te vat en daarop vas te staan? Of is dit dalk ’n geval van: te veel van die wêreld se woord in ons mond en te min van God se woord? Die Skrif is baie duidelik dat ons mag in ons monde het en dat dit wat ons spreek of dood sal voortbring of lewe. In Jakobus lees ons hoe hy beskryf dat die tong maar 'n klein orgaan is in die mens se liggaam, maar dat dit groot vure kan aansteek!


Spr 18:20  Van die vrug van iemand se mond word sy maag versadig; hy word versadig van die opbrings van sy lippe.

Spr 18:21  Dood en lewe is in die mag van die tong; en elkeen wat dit graag gebruik, sal die vrug daarvan eet.


Die mens wat dus voorspoedig wil lewe, moet leer om sy tong te beheer! Mag die Heilige Gees my en jou daarmee help.

 (ernest phillipson - ecp@oicb.co.za)
Geplaas met toestemming van Tiaan Gildenhuys

Kan satan my laat sondig?

Net as jy hom toegang gee en jou ore uitleen aan hom!

 God het ons vryewil gegee om hom te kan weerstaan! Paulus sê “ Weerstaan die duiwel en hy sal van jou wegvlug”

So baie kinders van die Here is vasgevang in die leuens van satan.  Al wat satan nodig het is om ‘n persoon op jou pad te stuur om vir jou iets te sê soos” jy is nie goed genoeg nie”, en  satan het ‘n plek gekry om jou  verder seer te maak as jy daai gedagte gaan koester . Instede van om satan net daar en dan te vertel dat jy waardig is voor God, laat ons toe dat hierdie woorde plek vat en gee ons demoniese magte plek om ons gevoelens so te beinvloed dat ons dit later self glo.

EFESIËRS 4:27  en gee aan die duiwel geen plek nie.

JAKOBUS 4:7  Onderwerp julle dan aan God; weerstaan die duiwel, en hy sal van julle wegvlug.

Mense wat nie verhouding met die Here het nie, is baie meer vatbaar vir die leuens van satan en hulle lewens word verwoes omdat hulle eder glo wat satan sê as wat God sê, omdat hulle nie weet hoe God jou sien nie, sondaar of nie.

God se liefde is baie grooter as wat gelowiges en ongelowiges glo. God het die sondaar ook lief, nie net die geredde nie, en al is jy ‘n geredde is jy nogsteeds nie sondevry nie, want die Woord leer ons ook dat hy wat sê hy is sondevry bedrieg homself.  

PSALMS 25:8  Tet. Die HERE is goed en reg; daarom sal Hy sondaars leer aangaande die weg.

Beteken dit dat ons maar sondaars kan bly? Beslis nie, ons moet wegdraai van ons sondige natuur en Jesus aanneem en tot redding kom, (Wedergebore word), werklike inkeer en streef na heiligmaking. My punt is dat God jou liefhet of jy al gered is of nog nie.

Hoe weerstaan ons satan? Deur nie na hom te luister nie en deur kennis te hê van God se  Woord sodat ons kan sien hoe God ons sien en van ons verwag.

Satan sal jou wysmaak dat God daai sonde wat jy gepleeg het teen jou hou, dat jou verhouding met God skade gelei het omdat jy gedoen het wat jy gedoen het, maar dit is ‘n leuen van die vader  van leuens!

Die Skrif se:

1 JOH 2:1  My kinders, ek skryf hierdie dinge aan julle, dat julle nie moet sondig nie; en as iemand gesondig het, ons het 'n Voorspraak by die Vader, Jesus Christus, die Regverdige.

1 JOH 2:2  En Hy is 'n versoening vir ons sondes, en nie alleen vir ons s'n nie, maar ook vir dié van die hele wêreld.

JES 30:18  En daarom sal die HERE met ongeduld daarop wag om julle genadig te wees, en daarom sal Hy Hom verhef om Hom oor julle te ontferm; want die HERE is 'n God van die gerig. Welgeluksalig almal wat op Hom wag!

Hier sien ons dat God Sy Seun Jesus vir ons gestuur het om as Regter vir ons Voorspraak te maak by God, dat Jesus ons Advokaat is, dat Hy ons wil terugbring in geregtigheid met God, ons wil versoen met God, en nie net vir die geredde nie, maar ook vir die een wat nog in die wêreld is….die sondaar, verder sien ons dat God ongeduldig vir ons wag sodat Hy Sy genade oor ons kan uitstort om ons te kan red, dat Hy Hom ontferm oor ons…dit sê dus vir jou God smag daarna om ‘n verhouding met jou te hê!

As ons satan se leuens gaan glo, staan ons teen die Woord want God het ons aangestel net onder die hemelewesens (engele) God het ons mag gegee om te heers oor Sy hele  Skepping insluitende satan! Jesus het ons opdrag gegee om duiwels uit te dryf, nie net uit ander mense nie, maar ook uit jou lewe en uit jou huis, jy kan dus vir satan sê In Jesus Naam los my uit! En hy moet gaan! Hoekom? Want daar is krag in die Naam van Jesus!

HANDELINGE 16:18  En dit het sy baie dae lank gedoen; maar baie ontevrede daaroor, het Paulus hom omgedraai en vir die gees gesê: Ek beveel jou in die Naam van Jesus Christus om uit haar uit te gaan. En hy het op dieselfde oomblik uitgegaan.

HANDELINGE 4:12  En die saligheid is in niemand anders nie, want daar is ook geen ander naam onder die hemel wat onder die mense gegee is, waardeur ons gered moet word nie.

Self kinders van die Here glo die leuens wat satan hulle vertel, mense sit vasgevang in minderwaardigheid, selfbejammering, verwarring, skuldgevoelens, depressie….die lys hou aan vir ewig! Hoekom? Omdat ons nie besef dat satan die een is wat ons gevange hou in hierdie dinge nie, gaan na God en gaan maak reg waar jy verkeerd gemaak en en kom terug in versoening met God, as jy jou sonde belei het God is regverdig en sal jou vergewe en daai sonde sal weg wees asof dit nog nooit gebeur het nie, as jy langer vasgevang sit in dit is dit omdat jy nie glo dat God jou waarlik vergewe het nie.

JES 1:18  Kom nou en laat ons die saak uitmaak, sê die HERE: al was julle sondes soos skarlaken, dit sal wit word soos sneeu; al was dit rooi soos purper, dit sal word soos wol.

Hier sê die HERE, dit is ‘n uitgemaakte saak! Jou sonde sal vergewe word, al wat jy moet doen is om dit te gaan belei en te glo dat God jou skoon gewas het van hierdie sonde. Natuurlik praat ek van wedergebore kinders, as jy nog nie wedergebore is nie, maar dit ‘n saak van dringendheid om tot bekering te kom en gedoop te word, want niemand sal die koningkryk beërwe tensy hy dit nie gedoen het nie.

Ten slotte, moenie satan mag gee oor jou lewe nie, maar seker jou lewe is reg met God, en weerstaan hom sodat jou siel kan genees en jy ‘n lewe in oorvloed kan hê

ROMEINE 8:37  Maar in al hierdie dinge is ons meer as oorwinnaars deur Hom wat ons liefgehad het.

ROMEINE 8:38  Want ek is versekerd dat geen dood of lewe of engele of owerhede of magte of teenwoordige of toekomende dinge

ROMEINE 8:39  of hoogte of diepte of enige ander skepsel ons sal kan skei van die liefde van God wat daar in Christus Jesus, onse Here, is nie.

Indien enige iemand gebed of geestelike raad benodig, kontak my belindapaar@gmail.com

Deelgenote van die Goddelike natuur

DEELGENOTE VAN DIE GODDELIKE NATUUR

2 Petrus 1:4 “waardeur Hy ons die grootste en kosbare beloftes geskenk het, sodat julle daardeur deelgenote kan word van die goddelike natuur, ...”


Johannes 15:4 & 5 “Bly in My, soos Ek in julle. Net soos die loot geen vrug kan dra van homself as dit nie in die wynstok bly nie, so julle ook nie as julle in My nie bly nie. Ek is die wynstok, julle die lote. Wie in My bly, en Ek in hom, hy dra veel vrug; want sonder My kan julle niks doen nie.”


Die belofte van “deelgenootskap aan die goddelike natuur” is so groot en kosbaar dat ons gerus dieper daarna moet kyk. Om ‘n deelgenoot van die goddelike natuur te wees (sonder om God te wees of te word) is ‘n moeilike konsep om te verstaan. Die Woord roep ons om elke dag ons lewens in Christus te leef. Kyk gerus na Galasiërs 2:20 “...en ék leef nie meer nie, maar Christus leef in my. ...” Hoe ons in hierdie waarheid leef kan soveel keer ontwykend wees. In die gelykenis van die wynstok en die lote gee Jesus egter ‘n fisiese illustrasie van hierdie groot geestelike realiteit.


Die voorbeeld wat Jesus hier gebruik gaan oor fisiese wingerd stokke, lote en die potensiële vrug wat daaruit kan voortkom. Vir die druiwe om te vorm moet die regte omstandighede (lewe) gevolg word wat dan sal lei tot die oes van die vrug. Die druiwe lote het nie hierdie lewe in hulleself nie. “Net soos die loot geen vrug kan dra van homself” Om vrug te kan dra moet die loot deel in die lewe van die wingerdstok, “so julle ook nie as julle in My nie bly nie.” Kyk gerus na die dooie lote wanneer die wingerde klaar gesnoei is. Hulle kan geen vrug dra nie. Daar kan slegs vrug op die lote wees as hulle in die wingerdstok is. Die lewe van die wingerdstok is waaroor dit gaan en is van kardinale belang.


In die geestelike toepassing hiervan is Jesus die wingerdstok en ons die lote, “Ek is die wynstok, julle die lote.” Vir die goddelike vrug en natuur om in ons te ontwikkel en vorm moet ook die regte omstandighede en lewe gevolg word. Ons as lote het nie hierdie lewe in onsself nie, “so (kan) julle ook nie (vrug dra) as julle in My nie bly nie.” Hierdie kan ons daagliks sien in die selfgesentreerde lewens van soveel Christene rondom ons, wat nie deelgenote is van die lewe in Jesus, die wynstok, nie, “sonder My kan julle niks doen nie.” ‘n Daaglike Christelike lewenswandel is slegs moontlik deur die deelgenootskap aan Jesus Christus wat deur ons werk.


Verder word ons daaraan herinder dat nederigheid en geloof uiters belangrik is om te lewe soos God beplan het. Ons moet in nederigheid op Jesus vertrou vir ‘n goddelike en vrugtevolle lewe net soos die lote op die wynstok vertrou vir die vrug wat hulle dra.


“Here Jesus, dankie dat ek nie nodig het om my eie vrug te dra nie. Leer my om ‘n deelgenoot van U goddelike natuur te hê. Ek wil in nederigheid en in geloof myself aan U onderwerp sodat U in en deur my kan lewe. Verheerlik Uself ook deur my lewe. In Jesus Naam vra ek dit. Amen.”

(cobus van heerden - cvh@oicb.co.za)
Geplaas met toestemming van Tiaan Gildenhuys

Wat het van jou Getuienis geword?

Julle sal my getuies wees tot aan die uiterste van die aarde (Hand 1:8).

 En Christus sê as ons Hom voor die mense bely, dan bely Hy ons voor die Vader. Getuig, bely ons nie, kan ons geestelike lewe ook nie beweeg of groei nie en beroof ons onsself van ryke seëninge.

          Om te getuig, is die voorreg van elke wedergebore gelowige, maar baie gelowiges word koud of onverskillig deur die koue ontvangs van hul getuienis.
          Hierdie boodskap van verlossing is vir beide siel en liggaam bedoel en God wat ons verordineer het om getuies te wees, het belowe om Sy Woord aan ons te vervul en te bevestig.

(Hebr 2:3-4).
“Hoe sal ons ontvlug as ons so ‘n groot saligheid verontagsaam wat, nadat dit eers deur die Here verkondig is, aan ons bevestig is deur diegene wat dit gehoor het, terwyl God nog saam getuig het deur tekens en wonders en allerhande kragtige dade en bedieninge van die Heilige Gees volgens Sy wil?”
          “Hy het vir hulle gesê:  Gaan die wêreld in en verkondig die Evangelie en maak siekes gesond.”  

Daar is sommige wat vir God wil werk, maar wat vrees dat Hy nie Sy beloftes sal vervul nie.

Dit is net omdat jy nie in die geloof uitgestap het nie, omdat jy nie ‘n vaste vertroue in die Woord van God het nie. Sy Woord is onfeilbaar. Hy het gesê ons is die instrument en die uitbou en onderhou van Sy Koninkryk word deur Sy krag en genade bewerk. Die onus is op Hom, nie op jou en my nie. Al wat ons moet doen is om te gaan vertel.

God sê Hy is waarmaker van Sy woord. Ons is nie die waarmaker nie. Ons getuig en Hy, deur Sy Heilige Gees, bevestig dit.

Daar is diegene wat nie Christene wil word nie omdat hulle bang is om hul by ‘n verlore saak te voeg.

Weens die sondes van sogenaamde Christene (iemand noem hulle “papier” Christene) wil sommiges nie graag bekend staan as kinders van God nie. Dit is egter geen verlore saak nie. Dit is die enigste saak wat die moeite werd is om by aan te sluit.

Hy is die enigste God wat jou uitdaag en sê: Toets My of Ek nie ‘n waarmaker van My Woord is nie!

Toe Adam, ons voorvader, in die Tuin van Eden in sonde geval het deur te eet van die BOOM van kennis van GOED EN KWAAD, het hy die geestelike DOOD op homself gehaal.
          Hierdie geestelike Dood het die mens sy vryheid laat verloor en hom, God se skepsel, onder die wrede heerskappy van Satan en van sonde en siekte geplaas.
          Daarom het die geestelike Dood ons natuur bederf. Die enigste manier om Geestelike lewe terug te kry en die mens te herstel in die Koninkryk van God, is om hom ‘n nuwe natuur te gee.

          Die mens het ‘n nuwe geboorte nodig, die lewe van God, wat die Heilige Gees alleen kan gee. Dit is waarom Christus aan Golgota gesterf het, sodat ek en jy weer met die Almagtige God versoen kan raak, sodat ons weer ‘n burger van God se Israel kan word.
          Na sy val het die mens volhard om teen God te rebelleer en om valse gode te aanbid. Die resultaat was dat hy godsdienste gekry het wat hom skynbaar bevredig het, maar wat hom nie terug in die plan van God kon kry nie.
          God het nogtans die gevalle mens lief genoeg gehad om voorsiening te maak vir sy terugkeer in Sy familie, daarom het Hy Sy Seun Jesus Christus gestuur.

          Jesus Christus het in die arena van wêreld se godsdienste gestap as Uitdager. As die Seun van God het Hy hulle uitgedaag.
          Die Hemelse uitdaging staan nog.  Baie godsdienste, illusies en dwalinge, het die wêreld se belangstelling gewek, maar kon niemand nooit werklik bevredig nie.
          So lank as wat God se Woord vasstaan, sal daardie uitdaging bly staan. Ander godsdienste was reeds oud en verbygaande toe Jesus in die wêreld as ‘n hulpelose babatjie gebore is. Selfs die godsdiens wat reiniging van sondes deur vuur voorgestaan het, dit is die aanbidding van die son, die vuurgod, kon die natuur aan die mens nie verander nie.

          Die stemme van die stigters van vele anti-Christiese godsdienste is nog nooit weer van anderkant die graf gehoor nie. Hulle dood het ‘n volslae einde aan hulle lewens gebring.

          Die Seun van God, beklee met glorieryke Heiligheid, Goddelike geregtigheid, Hemelse reinheid, het in hierdie bose wêreld gekom en die Ewige Lewe, die opstanding uit die dode, gemeenskap met God, kom aankondig. Jesus Christus het ons waarlik vrygemaak van sonde en siekte. Halleluja!

          Jesus Christus het nie in die wêreld gekom om apologie vir Sy bestaan aan te teken nie, of om ‘n woonplek te vra nie; Hy het as die vervulling van die Belofte gekom.
          “Hy sal jou die kop vermorsel, en jy sal hom in die hakskeen byt.” (Gen 3:15)

          Die lewe van Jesus Christus word in elke gelowige gebore wanneer hy die wedergeboorte ontvang, deur die bloed wat op Golgota gestort was.  Deur die wedergeboorte word hierdie mens nou ‘n werktuig in die hand van God, ‘n Getuie van God se Genade en Liefde.
          “Soos Hy is, is ons ook in hierdie wêreld.”  (1 Joh 4:17)

          In ons dag is daar baie mense wat nie ware gelowiges is nie, maar slegs nominale Christene, papier Christene, wat die hele week hulle eie gang gaan, maar op Sondae  probeer om die Tien Gebooie te gehoorsaam.
          Hierdie mens probeer deur ‘n uiterlike vorm van vroomheid God te dien, maar sy godsdiens is tevergeefs. Jesus Christus, die Heilige Gees, ontbreek in sy lewe..

          Jesus Christus het nie gekom om goeie sedes te bewerkstellig nie, maar onsterflikheid aan die mens te skenk. Hy belowe: “Ek sal hom opwek op die laaste dag, Ek sal hom die Ewige Lewe gee. Die dode in Christus sal eerste opstaan.”

          Geen ander godsdiens behalwe die Christelike Godsdiens, belowe en verseker die Ewige Lewe nie. Wie kon ooit die Ewige Lewe belowe voordat Jesus Christus gekom het? Watter sterfling kon? Dit was net die Seun van God self, uit die Hemel, met die kennis van onsterflikheid en die Ewige Lewe wat kon waag om so ‘n klimaks vir die mens voor te hou.

          Want in Hom was LEWE, en die Lewe was die lig van die mense. Hy het ook gesê: “Hy wat leef en in My glo, sal nooit sterf nie.”

          Vandag is Jesus Christus die mens se enigste hoop. Geen duiwelse mag op aarde kan die mag weerstaan wat Jesus Christus as ‘n erfenis aan die weergeborene nagelaat het nie.
          Baie Christene wil vandag die duiwel om verskoning vra omdat hulle Christene is.  Ons het ons vertroue in God en ook in die Woord van God verloor! Ons het ons ware persepsie verloor, dit is,  ons is op in Christus op oorwinningsgrond, ons het reeds oorwin!

          Die saligheid bestaan dus daarin dat God die sondige mens tot ‘n nuwe mens herskape, alleen maar daarin dat God die wêreld liefhet (Joh 3:16). God se hele verlossingsplan is reeds voor die grondlegging van die wêreld vasgestel.  En aan elke verloste mens gee God deur Jesus Christus mag (gesag) om die duiwel te weerstaan.
          Jesus Christus het die sonde-vraagstuk opgelos deur Homself as ons Bloed-offer op Golgotha te offer.
          Nou word jy as vrygekoopte geroep om te getuig aangaande dié heerlike feit, dat daar deur Sy gestorte Bloed vergifnis van sondes is, en dat deur Sy wonde daar genesing vir ons liggame gekom het.

          Toe Jesus uit die graf opgestaan het, het hy in Sy opstandingskrag te voorskyn gekom.  Hy wat bo alle owerheid en mag en krag is en wat alle dinge onder Sy voete onderwerp en Hom as Hoof bo alle dinge aan die gemeente gegee het.  Hy gee aan u hierdie mag, hierdie gesag, om die werke van die duiwel te verbreek.

          Staan op in die Geloof! Gaan en verkondig die werke van God!  Hy sal dit bevestig waar die voorwaardes nagekom word. Die Here wil en sal Sy Woord bevestig.

          Hy sê in Jes 50: 2-3: “Is my hand werklik te kort om te verlos of is daar in my geen krag om uit te red nie?  Kyk, deur My dreiging maak Ek die see droog... Ek beklee die Hemel met swartheid.”

          Ons is dus geroep om getuies van die Evangelie te wees, waarin die mag van Jesus Christus en die Volle Raad van die Godheid uiteengesit word.
          Neem die bonatuurlike – die Geesvervulde lewe – uit ons godsdiens en u kry ‘n godsdiens so dood soos die heidense godsdienste.
          Neem die Evangelie van Jesus Christus uit hierdie wêreld en ons sal spoedig ‘n volk van kannibale, seksuele kranksinniges en moordenaars wees, mense wat skielik Bybelse waarhede ontken soos Sy maagdelike geboorte, ens.

          Die mense veroordeel wonderwerke en genesings, en verwater so die Christen se getuienis:  Hulle leef sogenaamd in ‘n tyd waar wonderwerke geëindig het.

          Prys die Here, ek ondervind meer en meer elke dag, die bevestiging van die Woord van God;  die waarheid dat Hy Sy Woord gestuur het om te genees, word elke keer bevestig.
          Die Here sal altyd ‘n getuienis eer. Kyk na Henog. Hy het met God gewandel en is deur God weggeneem om by Hom te wees.
          En daar is Elia wat 450 heidense priesters uitgedaag en oorwin het. En Daniël wat geweier het om voor mense te buig wat sy getuienis sou beskadig het.  God het die bekke van die leeus gesluit sodat sy getuienis nog indrukwekkender kon wees.

          Alhoewel ons geroep is om die lydingsdoop te deurloop, mag ons nie die mens of ‘n gesag gehoorsaam wat vereis dat ons God se insettinge moet oortree nie.
          Op Golgota is daar voorsiening vir Goddelike genesing gemaak.  Watter soort Evangelie sou ons sonder die Groot Geneesheer, Jesus Christus, gehad het? Ons getuienis behoort in die eerste plek so te wees dat Christus deur ons lewens te voorskyn kom, sodat die getuienis van ons wedergeboorte mense tot sonde oortuiging sal bring.

          In die tweede plek moet ons nie bang wees om die beloftes van God in ons bediening te gebruik nie. Die Bybel verklaar onomwonde dat ons deur die gestorte bloed van Christus, verlossing van sonde het en dat ons deur Sy wonde genees is.
          Hy belowe ook dat as ons hande op die siekes lê, hulle gesond sal word.  Hy het dit belowe, nie jy en ek nie. Hy sê Hy is ‘n waarmaker van Sy Woord. Waarom sou ons dan twyfel.
          In Jak 1:6-7 sê die Here dat iemand wat twyfel... ”moenie dink dat iets, van die Here kan ontvang nie.” Ja, nie eers  “iets” nie.

          Dus, weier om te twyfel. Twyfel is nie van die Hemel nie. Die duiwel saai twyfel. Verdryf hom uit jou lewe in die kragtige naam van Jesus Christus, staan vas, en weier om te twyfel.
          Toe Jesus Christus op Golgota gesterf het, het Hy elke sondaar verseker dat hy ‘n geleentheid gebied word om ‘n kind van God te word.

John Lake het die opstanding van Christus so beskryf: Een dag het Dawid op die berg gesit en sy skape opgepas, toe Sy gees hom weggevoer het na die ruimtes van God.  Hy sien die toekomstige gebeure en roep uit: “U het opgeklim na die hoogte, U het gevangenes weggevoer, U het geskenke onder die mense geneem, ja ook wederstrewiges om daar te woon, o, Here God.”  (Psalms 68:19).
          En toe met ‘n triomfantelike geroep sê hy: “Hef op julle hoofde, o poorte, ja verhef julle ewige deure dat die Ere-Koning kan ingaan.” (Ps 24:7)

          Toe Christus daardie handskoen in die arena gewerp het, het ‘n oorlog tussen twee koninkryke ontstaan. Dit was ‘n stryd tussen lig en duisternis in die Hemel en op die aarde. Jesus Christus het aan die hele wêreld getoon dat Hy waarlik die Oorwinnaar is.
          Die môre van Sy opstanding het Hy as Held, Oorwinnaar oor Satan, dood en hel, sonde en siekte, opgestaan.
          Ek en jy is vandag Hy. Ons as wedergeborenes het oorwin!

          Mense het baie verskonings waarom hulle nie sogenaamd kan getuig nie. Die Skrif trek egter ‘n finale streep deur alle verskonings.
          Eseg. 3:18-19 lees: “As Ek aan die Goddelose sê: Jy sal sekerlik sterwe – en jy (Christen gelowige) waarsku hom nie en spreek nie om die Goddelose vir sy Goddelose weg te waarsku om hom in die lewe te hou nie, dan sal hy, die Goddelose, deur sy ongeregtigheid sterwe; maar, sy bloed sal  Ek van jou hand eis!
          “Maar as jy die Goddelose waarsku, en hy hom nie van sy Goddelose weg bekeer nie, dan sal hy deur sy ongeregtigheid sterwe; maar jy, jy het jou siel gered!”

          Getuig, getuig, getuig, waarsku die Goddelose en red jou eie siel! Wees soos Paulus wat  in Romeine 1 vers 16 sê: “Want ek skaam my nie oor die Evangelie van Christus nie, want dit is ‘n krag van God tot redding vir elkeen wat glo.” 
Daardie redding beteken vrymaking, veiligheid en genesing.
          Paulus sê: “...vir elkeen wat glo.” Wat beteken dit in die praktyk? Eenvoudig die volgende: Petrus kom by die man by die poort en sê aan die verlamde  “... staan op en loop.” As die man nie probeer opstaan het nie sou hy nooit geloop het nie.

          Geloof vra dus gehoorsaamheid en handeling. Nadat Jesus die brode en die vissies aan die dissipels gegee het om uit te deel, het die dissipels tot by die voorste ry mense moes stap en dit begin uitdeel. Veronderstel hulle sou net daar bly staan het en gesê het: Nou hoe op aarde kan ons vyf duisend man, hul vroue en hul kinders met die bietjie kos voed? Dan sou daar niks gebeur het nie.
          Geloof vra daardie vaste vertroue, daardie gehoorsaamheid om te stap na die eerste ry mense en te begin uitdeel, en toe kom God se vermenigvuldende krag in werking en nie is almal gevoed nie, daar bly toe nog brokstukke ook oor.


Deel asb jou getuienis met ons oor hoe Jesus jou gehelp het, tot eer van Jesus se Godheid en om ander te bemoedig om die Evangelie te glo.

 Skryf aan belindapaar@gmail.com Jy kan jou getuienis ook annoniem deel.

 Jesus gee ons opdrag om van Hom te getuig. Heb 2:3-4

Is God Abba Pappa of God die Vader?

Ek het nou die dag die stelling op Fb gemaak dat dit nie reg is om  God as Abba Pappa aan te spreek nie, en ek het nogal ‘n goeie klomp argumente gekry oor dit, nie almal het die moed gehad om dit op my Fb  blad te sit nie, maar dit het my laat besluit om hierdie atikel op die blog te sit.

Nêrens in die Bybel word daar aangehaal dat God ons pappa of daddy is nie, tot Jesus wat God se Eie en Enigste Seun is praat met God met die allerhoogste respek, is dit dan reg dat ons Hom afbring na ons vlak en Hom pappa of daddy of die oubaas daarbo of die grootman daarbo mag noem? Lees die gebed wat Jesus hieronder doen vir ons, en let ook op dat Jesus met God praat en Hom U noem…nie jy nie! Baie mense bid en praat met God en se “jy”…Ek gaan nie al die U’s  uitwys nie, maar let op daarna.

JOHANNES 17:1-21  Dit het Jesus gespreek, en Hy het sy oë na die hemel opgehef en gesê:

VADER (nie Pappa nie), die uur het gekom; verheerlik U Seun, sodat U Seun U ook kan verheerlik …2  soos U Hom mag oor alle vlees gegee het, sodat Hy aan almal wat U Hom gegee het, die ewige lewe kan gee…3  En dit is die ewige lewe, dat hulle U ken, die enige waaragtige God, en Jesus Christus wat U gestuur het. ..4  Ek het U verheerlik op die aarde. Die werk wat U My gegee het om te doen, het Ek volbring…5  En nou, VADER, verheerlik My by Uself met die heerlikheid wat Ek by U gehad het voordat die wêreld was. ..6  Ek het u Naam geopenbaar aan die mense wat U My uit die wêreld gegee het. Hulle het aan U behoort, en U het hulle aan My gegee, en hulle het U woord bewaar. ..7  Nou weet hulle dat alles wat U My gegee het, van U kom.

8  Want die woorde wat U My gegee het, het Ek aan hulle gegee; en hulle het dit ontvang en waarlik erken dat Ek van U uitgegaan het, en hulle het geglo dat U My gestuur het. …9  Ek bid vir hulle; Ek bid nie vir die wêreld nie, maar vir die wat U My gegee het, omdat hulle aan U behoort.

10  En alles wat myne is, is uwe; en wat uwe is, is myne; en Ek is in hulle verheerlik. ..11  En Ek is nie meer in die wêreld nie, maar hulle is in die wêreld; en Ek kom na U toe. HEILIGE VADER, bewaar in U Naam die wat U My gegee het, sodat hulle een kan wees net soos Ons.

12  Toe Ek saam met hulle in die wêreld was, het Ek hulle in u Naam bewaar. Oor die wat U My gegee het, het Ek gewaak; en nie een van hulle het verlore gegaan nie, behalwe die seun van die verderf, sodat die Skrif vervul sou word. ..13  Maar nou kom Ek na U toe; en Ek spreek hierdie dinge in die wêreld, sodat hulle My blydskap volkome in hulle kan hê.

14  Ek het hulle U woord gegee, en die wêreld het hulle gehaat, omdat hulle nie van die wêreld is nie, net soos Ek nie van die wêreld is nie. ..15  Ek bid nie dat U hulle uit die wêreld wegneem nie, maar dat U hulle van die Bose bewaar.

16  Hulle is nie van die wêreld nie, net soos Ek nie van die wêreld is nie. …17  Heilig hulle in U waarheid; U woord is die waarheid. …18  Soos U my gestuur het in die wêreld, het Ek ook hulle in die wêreld gestuur. ..19  En Ek heilig Myself vir hulle, sodat hulle ook in waarheid geheilig kan wees. …20  Maar Ek bid nie vir hulle alleen nie, maar ook vir die wat deur hulle woord in My sal glo…21  dat almal een mag wees net soos U, Vader, in My en Ek in U; dat hulle ook in Ons een mag wees, sodat die wêreld kan glo dat U My gestuur het.

22  En Ek het hulle die heerlikheid gegee wat U My gegee het, sodat hulle een kan wees, net soos Ons een is. ..23  Ek in hulle en U in My, sodat hulle volkome een kan wees; en dat die wêreld kan weet dat U My gestuur het, en hulle liefgehad het net soos U My liefgehad het. ..24  Vader, Ek wil dat waar Ek is, hulle wat U My gegee het, ook saam met My sal wees, sodat hulle my heerlikheid kan aanskou wat U My gegee het, omdat U My liefgehad het voor die grondlegging van die wêreld.

25  REGVERDIGE VADER, al het die wêreld U nie geken nie, tog het Ek U geken, en hulle hier het erken dat U My gestuur het. …26  En Ek het u Naam aan hulle bekend gemaak en sal dit bekend maak, sodat die liefde waarmee U My liefgehad het, in hulle kan wees, en Ek in hulle.

Ander Skrifte in die Woord waar almal verwys na God die Vader…om maar net ‘n paar te noem!

1 PETRUS 1:16  omdat daar geskrywe is: Wees heilig, WANT EK IS HEILIG.

1 PETRUS 1:17  En as julle Hom as VADER aanroep….

2 PETRUS 1:17  want Hy het van God die Vader eer en heerlikheid ontvang toe hierdie stem uit die luisterryke heerlikheid tot Hom gekom het: Dit is my geliefde Seun in wie Ek 'n welbehae het.

GALATE 1:1  Paulus, 'n apostel nie vanweë mense of deur 'n mens nie, maar deur Jesus Christus en God die Vader wat Hom uit die dode opgewek het,

GALATE 1:2  en al die broeders wat by my is--aan die gemeentes van Galásië…3  Genade vir julle en vrede van God die Vader en onse Here Jesus Christus,

EFESIËRS 5:20  terwyl julle God die Vader altyd vir alles dank in die Naam van onse Here Jesus Christus,

EFESIËRS 6:23  Vrede vir die broeders en liefde, met geloof, van God die Vader en die Here Jesus Christus!

FILIPENSE 2:11  en elke tong sou bely dat Jesus Christus die Here is tot heerlikheid van God die Vader.

KOLOSENSE 3:17  En wat julle ook al doen in woord of in daad, doen alles in die Naam van die Here Jesus en dank God die Vader deur Hom

1 PETRUS 1:2  uitverkore volgens die voorkennis van God die Vader, in die heiligmaking van die Gees, tot gehoorsaamheid en besprenkeling met die bloed van Jesus Christus: Mag genade en vrede vir julle vermenigvuldig word!

1 PETRUS 1:3  Geseënd is die God en Vader van onse Here Jesus Christus wat na sy grote barmhartigheid ons die wedergeboorte geskenk het tot 'n lewende hoop deur die opstanding van Jesus Christus uit die dode,

2 PETRUS 1:17  want Hy het van God die Vader eer en heerlikheid ontvang toe hierdie stem uit die luisterryke heerlikheid tot Hom gekom het: Dit is my geliefde Seun in wie Ek 'n welbehae het.

Dan kyk ons na die voorbeeld van hoe om te bid wat deur Jesus vir ons gegee is! Ons amal ken die Onse Vader….

Matt 6:9-13

Onse Vader wat in die Hemel is, …. Hierdie woorde verheerlik God, dit identifiseer vir WIE jy bid!

laat U Naam geheilig word … Ons aanbid loof en prys Hom as Heilige God…..Jesus leer ons nie hier om te bid Abba Pappa, of Liewe Daddy nie….Jesus begin die gebed deur die respek wat ons vir God moet hê eerstens in die gebed te noem….dan…laat U Naam geheilig word…laat ons U loof en prys omdat U Heilig is!

Laat U koningkryk kom….laat die Outoriteit van God oor ons kom!

Daar was genoem dat ons ‘n persoonlike verhouding met God het, en dat ons onself met Hom kan vereenselwig deur hom Abba Pappa te noem! Ja ons moet ‘n verhouding met God he! Dit is God se grootste begeerte en dit is die rede waarom Hy Sy Seun vir ons gestuur het! Maar as jy ‘n persoonlike verhouding met God het, sal jy weet dat Hy Heilig is want wanneer jy in Sy Heilige teenwoordigheid gaan beleef jy Sy Heiligheid, Sy Heiligheid is tasbaar!

Ek is jammer as mense nie met my saam stem nie, maar Jesus het nie net gekom as ons Saligmaker en Redder nie, maar ook om vir ons ‘n voorbeeld te wees van hoe ons moet wees, en as Hy God as Heilige Vader en U aanspreek, dink ek moet ons Sy voorbeeld volg en dieselfde doen.

Indien enige iemand geestelike raad of gebed benodig kontak my belindapaar@gmail.com

Wees 'n voorbeeld!

1Ti 4:12  "Laat niemand jou jonkheid verag nie, maar wees ‘n voorbeeld vir die gelowiges in woord, in wandel, in liefde, in gees, in geloof, in reinheid."

Hierdie teksvers leer ons ‘n paar baie interessante dinge. Kom ons kyk punt-vir-punt daarna:


1.       Laat niemand jou jonkheid verwag nie, met ander woorde, selfs al is jy nog ‘n “jong” gelowige (natuurlik fisies of geestelik), kan jy steeds doen wat hier staan. En natuurlik is die bepalings van hierdie teksvers nie net op jong gelowiges van toepassing nie, maar op elkeen van ons wat Jesus dien en aanbid.
  

2.       Vir wie met ons ‘n voorbeeld wees? Vir al die ander gelowiges rondom ons.



3.       Waarin moet ons vir die gelowiges ‘n voorbeeld wees?



3.1. In woord – met ander woorde, in ons kennis en toepassing van die Woord van God in ons eie lewens. Daarvoor het ons nodig om daagliks ons eie Skrifte te ondersoek (Hand.17:11).
  

3.2. In wandel – met ander woorde, hoe ons daagliks lewe en wandel volgens die Woord. Want die wêreld en ander gelowiges hou ons dop…




3.3. In liefde – met ander woorde hoe ons Jesus se liefde uitleef teenoor die mense rondom ons. Die Bybel is duidelik dat ons sonder liefde, niks is nie (1 Kor.13:2).
  

3.4. In gees – met ander woorde hoe ons in die gees wandel, en nie meer na die vlees nie. Die belofte in Rom.8:1 is immers dat daar geen veroordeling is vir die wat na die Gees wandel, en nie meer na die vlees nie.

  

3.5. In geloof – met ander woorde hoe ons in en deur die geloof lewe. Die Woord sê tog die regverdige sal deur die geloof lewe. (Rom.1:17)



3.6. In reinheid – met ander woorde hoe ons heilig, rein en suiwer vir Jesus lewe, en nie meer soos die wêreld nie.  God se opdrag is immers dat ons in ons hele lewenswandel heilig moet wees. (1 Petr.1:15)


  

Ek bid dat dit hierdie week in jou hart sal brand om hierdie paar punte na te streef in jou omgang met die wêreld om jou, maar spesifiek ook teenoor ander gelowiges met wie jy in aanraking sal kom.

Geplaas met toestemming van Tiaan Gildenhuys
(tiaan gildenhuys - tg@oicb.co.za)

Hoe loof en prys (worship) ons vir God?

 

Baie mense sê dat hulle nie weet hoe om God te loof en prys nie. Nie wanneer Hy iets vir hulle gedoen het nie, maar net sommer omdat Hy God is, hier is ‘n paar riglyne.

Die Woord, veral in Psalms  gee ons baie voorbeelde van hoe om God te loof en prys, maar daar is ook ander maniere hoe om te loof en prys.

As jy net dink aan Jesus, kan jy amper ‘n uur lank net dankie sê vir wat God vir ons gedoen het deur Sy Seun Jesus.

Jy kan byvoorbeeld bid met opregte dankbaarheid.

Dankie God dat U my so liefhet dat U, U enigeste Seun aan die Kruis laat sterf het vir my sonde, dankie vir die vergifnis wat ek ontvang het daardeur, dankie dat ek in versoening kon kom met U deur Jesus se Bloed, dankie dat die Voorhangesel geskeur het, en ek vandat tot in die Troonkamers kan kom om U te loof en te prys, dankie dat Jesus al my siektes en bekommernisse op Hom geneem het, en my kom verlos het van al die probleme in my lewe, dankie dat Sy Bloed my beskerm teen die aanslae van die onrein wêreld, my mag gegee het oor satan omdat Hy alreeds die oorwinning behaal het vir my. Dankie dat ek in Sy Naam alles mag vra wat ek nodig het en weet dat ek dit sal ontvang, dankie dat daar nie ‘n Naam bo Jesus se Naam is nie, en dat ek tot alles in staat is deur Hom wat my krag gee. Daar is soveel om voor dankbaar te wees as dit net kom by Jesus.

Ons kan God ook loof en prys vir Wie Hy is, dat Hy Almagtig is en enige situasie kan omdraai, maak nie saak hoe onmootlik dit vir ons lyk nie, al wat God vra is dat ons geloof van ‘n mosterdsaad moet he, en in Jesus Naam moet vra. Ons kan God bedank dat Hy ons Skepper is, ook die Skepper van die natuur, die heelal, die Skepper van alles wat mooi is in die wêreld, Hom loof en prys vir ons kinders, familie, vriende want elke persoon wat ons ontmoet het ‘n rede hoekom ons hulle ontmoet, soms is dit dat ons iets moet leer uit ‘n vriendskap, ander kere net sodat ons kan liefde en aanvaarding van vriende ontvang. Dat Hy ons Voorsienner is, ons Rots en Skuilplek dat Hy Engele opdrag gee om ons op te pas en beskerm….die lys is baie langer as ons het daaraan begin dink wat God alles vir ons beteken en doen.

En dan die Heilige Gees…Ons kan die Heilige Gees bedank omdat Hy ons leer en stig, dat hy ons wys wanneer ons foute maak, onthou die Heilige Gees sal jou nooit aankla soos ons geleer word in kerke nie, die Heilige Gees herinner jou aan onbeleide sonde, as jy dit belei het het God jou alreeds vergewe, as jy aanhou daaraan herinner word is dit satan wat jou met skuldgevoelens wil belas en jou geloof wil afbreek. Ons kan God ook bedank omdat Hy Sy Gees binne ons gesit het nadat ons tot bekering gekom het, want nou het ons die Trooster , Helper, Wysheid, en Vrug van die Gees ontvang.

Wanneer mens net mooi gaan sit en dink Wie en Wat God is kan ons heeldag loof en prys.

Verder kan ons God loof en prys deur vir Hom te sing, sit geestelike musiek op en sing terwyl jy werk, net ontspan, of net voel jy wil naby God wees, luister wat jy sing, dit gaan jou in verhouding met God bring en bedoel wat jy sing.

Ek speel geestelike musiek terwyl ek die huis skoon maak. Eerstens van alles is dit vir my net lekker om te kan loof en prys omdat ek ‘n huis het om skoon te maak, net God se genade, dit maak die werk ligter want jy konsentreer meer of God as op die werk wat jy doen, dit is vir my net lekker om ook naby God te wees terwyl ek take moet verrig wat nie altyd lekker is om te doen nie.

Ook wanneer ek bestuur, dit laat my net veiliger voel omdat ek in God se teenwoordigheid is en ek met sekerheid weet dat ek veilig is op die pad. Ek gebruik dit nie om God se arm te draai nie, maar omdat dit vir my lekker is om dit te doen, om naby God te wees maak nie saak wat ek doen nie, met loof en prysing kan mens nie anders as om naby God te wees nie

EK hoop dat dit vir iemand van raad sal wees, hierdie is hoe ek dit doen, jy kan jou eie manier uitvind, natuurlik moet ons ook tyd afstaan om God te loof en prys in stilte tyd nie net wanneer ons besig is nie, maar ook nie net wanneer ons stilte tyd het nie, ons kan God loof en prys die heeldag deur, en dit maak die lewe net mooier om ons, en die laste net ligter, dit bring ons nader aan God, dit bou ‘n verhouding, en wanneer jy dit eers begin doen het, voel jou lewe sommer leeg as jy dit die dag nie kan doen nie omdat ander dinge jou aandag nodig het….maar wat ookal die geval, dit is belangrik om altyd God die eer te gee vir alles want sonder Hom is ons niks, en sonder Jesus is ons tot niks in staat  nie, en sonder die Heilige Gees wat ons wysheid kom gee is ons verlore.

Mag God elkeen seen tot in hulle diepste wese, en mag ons elke dag onthou dat God “EK IS” is! Alfa en Omega….begin en einde

Indien iemand geestelike raad of gebed benodig, kontak my belindapaar@gmail.com