Heilig is U Naam!

Opb 19:11  Toe het ek die hemel geopend gesien; en daar was ‘n wit perd, en Hy wat daarop sit, word genoem Getrou en Waaragtig, en Hy oordeel en voer oorlog in geregtigheid.

Opb 19:12  En sy oë was soos ‘n vuurvlam, en op sy hoof was baie krone; en Hy het ‘n Naam wat geskrywe is, wat niemand ken nie, behalwe Hy self.


Opb 19:13  En Hy was bekleed met ‘n kleed wat in bloed gedoop was, en sy Naam is: Die Woord van God.


Ek wonder hoeveel kinders van die Here besef werklik wat dit beteken dat God se naam Heilig is? In Lev 22 sê die Here vir Moses om aan die volk opdrag te gee dat hulle moet waak daarteen dat hulle Sy naam ontheilig:


Lev 22:32  En ontheilig my heilige Naam nie, sodat Ek geheilig kan word onder die kinders van Israel. Ek is die HERE wat julle heilig, 

en in Exodus 20: 7 lees ons as deel van die tien gebooie dat elkeen wat God se Naam ydelik gebruik, nie ongestraf sal bly nie.


Nogtans is daar menige van ons wat al die Woord van God gebruik het om onsself te regverdig of om ander mee te oordeel en veroordeel. Dan praat ek nie eers daarvan dat Sy naam nog in menige mense se monde as 'n vloekwoord gebruik word nie. Baie kere was ek ook al in gesprekke waar daar op ligsinnige manier met die Woord van God die spot gedryf word, terwyl Openbaring duidelik sê dat Sy naam: die Woord van God is!


Hoeveel van ons dink werklik daaraan wat dit beteken as ons in ons gebede bid: “in Jesus se naam?” Het Sy naam werklik so afgestomp geword in ons gedagtes en spraak, dat ons nie meer besef dat dit Heilig is nie?


En dan kom hierdie wonderlike en Heilige  God en Hy vertrou ons met Sy naam!!! Hoeveel van ons sal ooit iemand anders vertrou met ons naam deur te sê: “gaan sê maar vir so en so in my naam dit en dat”? Nogtans sê ons God in Markus 16 dat ons in Sy naam mag duiwels uitdryf!


Mar 16:17  En vir die wat geglo het, sal hierdie tekens volg: in my Naam sal hulle duiwels uitdryf, met nuwe tale sal hulle spreek,


Wat vir my egter die mees kosbaarste was, is toe Vader my lei na Num 6: 24-27 in Sy woord!. Daarin gee Hy opdrag dat ons mekaar moet seën met spesifieke woorde en só Sy naam op mekaar lê en dan beloof Hy om te seën! Hoe absoluut stunning, awesome is dit nie dat God Sy naam aan ons toevertrou om mekaar mee te seën en die vyand van ons lyf af te hou nie?


Num 6:24  Die HERE sal jou seën en jou behoed;


Num 6:25  die HERE sal sy aangesig oor jou laat skyn en jou genadig wees;


Num 6:26  die HERE sal sy aangesig oor jou verhef en aan jou vrede gee.


Num 6:27  So moet hulle dan my Naam op die kinders van Israel lê; en Ék sal hulle     seën.


Dit is tyd dat ons werklik weer moet besef hoé kosbaar en Heilig Sy naam is en hoé getrou God aan Sy naam is. Hy sê ook daarom dat as ons iets in Sy naam vra, dan sal ons dit ontvang van Vader af!!


Joh 15:16  Julle het My nie uitverkies nie, maar Ek het julle uitverkies en julle aangestel om vrug te gaan dra en dat julle vrug kan bly, sodat wat julle die Vader ook al in my Naam vra, Hy julle dit kan gee.


Dankie God dat U ons U Heilige Naam gegee het en ons daarmee vertrou!

 (ernest phillipson - ecp@oicb.co.za)
Geplaas met toestemming van Tiaan Gildenhuys

Indien jy gebed of geestelike berading benodig kontak my belindapaar@gmail.com

God se beskerming en voorsiening

Ons lees in Genesis 8:1 die volgende: “En God het gedink aan Noag en aan al die wilde diere en al die vee wat saam met hom in die ark was;..”

Hierdie is woorde wat ons kan bedink, want dit gee aan ons die versekering dat God nie alleen versorging en beskerming bied aan diere, voëls en elke lewende wese, soos ons ook lees in Deuteronómium 25:4; Psalm 104:11-22; Jona 4:11; Matthéüs6:26, nie maar dat Hy baie meer aan en van ons dink en ons, Sy kinders, versorg!

Ons kan, soos Noag en sy kinders, afgesny wees van enige menslike hulp. Dit mag ook vir jou, soos vir Noag, onmoontlik wees om iets aan die omstandighede te verander of jouself daaruit te kry. Jy mag ook die verantwoordelikheid hê om te voorsien in die behoeftes van díe om jou. Jy kan sien hoe jou eie bronne wegkwyn en opdroog MAAR God sien jou in die watervloed wat jou omring, onder die onheilspellende donker wolke. Soos ‘n moeder nie haar kind kan vergeet nie, so sál God jou nie vergeet nie. HY sê in Jesaja 49:15 & 16 “Kan ‘n vrou haar suigling vergeet, dat sy haar nie ontferm oor die seun van haar skoot nie? Ofskoon hulle sou vergeet, nogtans sal Ék jou nie vergeet nie! Kyk, Ek het jou in die handpalms gegraveer;”

Die ark het op die berg Ararat op die sewentiende dag van die sewende maand gestrand (Genesis 8:4), en die waters het sô vinnig gesak, dat, soos Noag ‘n oes kon afhaal voor die vloed, hy weer betyds saad kon saai om die volgende seisoen se oes te kon afhaal.

Ek pleit by jou om die seisoene en tye in jou lewe aan ons hemelse Vader toe te vertrou. Hy wag dat ons Hom vertrou in alle omstandighede en ook ten spyte van omstandighede. Dan kan ons lewens ingeweef word in ‘n pragtige mosaïk van Sy liefdevolle beskerming en voorsiening.

Bewaak jou gedagtes. Satan manipuleer ons met verkeerde gedagtes en daarom sê God in 2 Korinthiërs 10:5 “.. en elke gedagte gevange neem tot die gehoorsaamheid aan Christus,”. Kolosense 3:2 sê:  “Bedink die dinge wat daarbo is, nie wat op die aarde is nie.” Verder sê Vader ook wát ons moet bedink in Filipense 4:8  “Verder, broeders, alles wat waar is, alles wat eerbaar is, alles wat regverdig is, alles wat rein is, alles wat lieflik is, alles wat loflik is—watter deug en watter lof daar ook mag wees, bedink dit.”

Dit bly egter my keuse!! Mag die Heilige Gees jou lei om die regte keuse te maak en mag Hy jou bekragtig om volgens daardie keuse te leef.

“Vader, ek kom na U in die naam van Jesus Christus. Versterk my asseblief dat ek nie na die donker wolk sal kyk nie maar na U reenboog, nie na wat gesteel of verloor is nie maar maar na wat nog daar is, nie na die stormwaters wat my omring nie maar na die gesig van Jesus wat op die waters loop. Dit vra ek in die naam van U seun, Jesus Christus. Amen”

Geplaas met toestemming van Tiaan Gildenhuys
 (cobus van heerden - cvh@oicb.co.za)

As iemand gebed of geestelike raad benodig kontak my belindapaar@gmail.om

Met vrymoedigheid na die genadetroon.

Heb. 4:14-16:  “Terwyl ons dan ‘n groot Hoëpriester het wat deur die hemele deurgegaan het, naamlik Jesus, die Seun van God, laat ons die belydenis vashou. Want ons het nie ‘n hoëpriester wat nie met ons swakhede medelye kan hê nie, maar een wat in alle opsigte versoek is net soos ons, maar sonder sonde. Laat ons dan met vrymoedigheid na die troon van die genade gaan, sodat ons barmhartigheid kan verkry en genade vind om op die regte tyd gehelp te word.”

Baie mense wat al in my beradingskantoor gesit het, het vir my gesê dat hulle nie dink Jesus verstaan presies wat hulle op hierdie aarde deurgaan nie. Dan verwys ek hulle elke keer na die bogemelde teksverse, want daar staan dat Jesus IN ALLE OPSIGTE versoek is net soos ons, maar sonder sonde. Onthou, Jesus was vir 40 dae en 40 nagte deur die duiwel versoek, en daar is maar net drie spesifieke situasies vir ons in die Bybel opgeteken. Maar in daardie 40 dae en 40 nagte is Hy versoek met ELKE LIEWE SONDE onder die son, maar Hy het nie gesondig nie.

Dit beteken dat Hy versoek is met drank, met dwelms, met rook, met seks, met pornografie, met homoseksualisme, met skinder, met vloek, met twis, met watter soort sonde jy ookal aan kan dink, (en waarmee jy dalk vandag sukkel), daarmee is Hy versoek. Maar Hy het nie gesondig nie. En juis daarom kan Hy met AL ONS SWAKHEDE medelye hê. Onthou: “Temptation is not a sin. Jesus was tempted but He never sinned. Temptation only becomes a sin when we give in to it.”

En juis daarom kan ons MET VRYMOEDIGHEID na Sy genadetroon gaan wanneer ons sukkel met iets, ons hoef nie eers “reg te bid”, of “deurgebid wees”, of “rein en heilig” te wees voordat ons na Sy genadetroon toe gaan nie, nee ons kan met vrymoedigheid na Hom toe hardloop, maak nie saak hoe “vuil” ons op daardie oomblik in ons lewe lyk of voel nie. Want dit is juis daar voor Sy genadetroon wat ons barmhartigheid kan verkry en genade vind om op die regte tyd gehelp te word.

Ek sien altyd in my geestesoog die prentjie van hierdie koning van een of ander land, wat op sy troon sit terwyl die tien ministers wat onder hom dien, volgens protokol voor hom staan om die koning te kan sien, van minister nommer 1 tot by minister nommer 10. Maar reg agter die koning se troon is sy klein 4-jarige seuntjie se slaapkamer waar die sit en speel. Skielik vlieg ‘n by by sy slaapkamer se venster in en steek die seuntjie op sy duim. En in my geestesoog sien ek dat daardie 4-jarige seuntjie sy slaapkamerdeur saggies oopmaak, en saggies tot agter minister nommer 10 stap en wag om met sy pa te kan praat…. Regtig? Daar is geen manier nie! Hy gaan sy slaapkamerdeur oopruk en met groot spoed reguin na sy pa se troon toe hardloop en op sy pa se skoot spring en huil oor die by wat hom gesteek het!

En dit is presies wat ek glo wat die bogemelde teksverse beteken as dit sê dat ons met VRYMOEDIGHEID na die genadetroon kan gaan. God die Vader is ons Hemelse Pappa wat wil hê dat Sy kinders na Hom toe sal hardloop met hulle probleme.

My liewe vriend/in, hou dus op om na satan se leuens te luister wat jou wil laat WEGHARDLOOP VAN die genadetroon af, nee, draai om en hardloop NA die genadetroon toe, want daar sal jy barmhartigheid en genade vind om gehelp te kan word om los te kom van jou sondes.

Gaan luister gerus na hierdie lied op YouTube (gesing deur Katy Wilburn) wat hierdie waarheid net meer bevestig. Die lied het my gees geruk toe ek dit die eerste keer geluister het.

Gaan gerus na hierdie skakel: https://www.youtube.com/watch?v=d8a5LYafhlw

(tiaan gildenhuys - tg@oicb.co.za)

Geplaas met toestemming van Tiaan Gildenhuys

Indien iemand gebed of geestelike raad benodig kontak belindapaar@gmail.com

Wie nie teen ons is nie, is vir ons

 

Mar 9:38  Toe antwoord Johannes Hom en sê: Meester, ons het iemand gesien wat in u Naam duiwels uitdryf en wat ons nie volg nie; en ons het hom belet, omdat hy ons nie volg nie.

Mar 9:39  Maar Jesus sê: Moet hom nie belet nie, want daar is niemand wat ‘n krag in my Naam sal doen en gou van My sal kan kwaadspreek nie;


Mar 9:40  want wie nie teen ons is nie, is vir ons.


Dit het vir my die afgelope tyd baie opgeval hoé baie kinders van die Here met mekaar kan verskil oor dieselfde ding. Die gevolg is dan gewoonlik dat die een homself hoër ag as die ander of dink dat sy manier, die regte manier is. Terwyl die Woord tog duidelik sê dat ons almal net ten dele ken.


Het jy al ooit gewonder hoekom dit so is, terwyl ons dieselfde God dien wie nie verdeeld is teen Homself nie?


Die antwoord is eintlik redelik eenvoudig: waar daar verdeeldheid is, is geen krag nie! En Satan is baie deeglik hiervan bewus en daarom is dit dat hy die godsdiensgees uitstuur om die liggaam van Christus lam te lê. Die Bybel is tog baie duidelik dat waar twee of drie oor 'n saak saamstem, sal die saak vasstaan (Matt.18:19; 2 Kor 13:1).


Vader het 'n tyd gelede aan tiaan gildenhuys die “puzzle” van God verduidelik en het dit baie duidelik gemaak dat die boonste, linkerkantste stukkie van die “puzzle” nie kan inpas op die regterkantste, onderste hoekie nie, want dan sal die volle prentjie nie duidelik wees nie. Daarom moet ons besef dat ons elkeen iets het om by te las by die “puzzle”, maar dat ons ook die ander een se stukkie nodig het om die prentjie te voltooi.


Soveel kere kry ons hierdie “wow” groot openbaring van Pappa af dat ons dit net met almal wil deel en dan luister ons nie na die “klein” (volgens ons opinie) openbaring wat 'n ander boeta of sussa gekry het nie. Somtyds ervaar ons dan ook dat die “wow” van ons openbaring vinnig papwiel kry, omdat dit voel dat daar iets “missing” is. Dan was dit hoeka daai “klein” dingetjie van 'n ander se openbaring wat die sleutel was om ons “wow ding” oop te sluit.


My boeta en sussa, dit het tyd geword dat die liggaam van Christus begin saamwerk, sodat die krag van God sigbaar en tasbaar kan word vir die heidene wat nog buite staan! Lê af jou hoogmoed en trots en kom ons kom sit by die voete van ons Koning soos Maria, sodat ons Sy koninkryk en geregtigheid kan soek en uitleef!


Vrede en seën in Yeshua
(ernest phillipson - ecp@oicb.co.za)
Geplaas met toestemming van Tiaan Gildenhuys

Indien iemand gebed of geestelike raad benodig kontak belindapaar@gmail.com

'n Vrou se gebed

Here, gee vir my asseblief geloof soos Sara sodat ek seker kan wees van die dinge waarop ek hoop.

Gee asseblief vir my trane van hoop soos Hanna.

Ek vra ook vir Ragab se waagmoed, sodat reg sal geskied.


Mag Debora se leierskap my help om die regte keuses te maak.Ek vra ‘n klein bietjie van Delila se hart, sodat ek die duiwel sal kan uitvang.


Here, help dat ek soos Naomi, nooit sal opgee nie.

Mag ek soos Orpa en Rut, die mense wat ek liefhet, nooit in die steek laat nie.

Help asseblief dat ek soos Esra sal sorg dat “menslike tempels” herbou sal word.

Jesus, ek vra vir Koningin Ester se skoonheid – maar laat dit asseblief van binne-in my uitstraal.

Laat die “Vrou van Spreuke 30” my naambordjie dra, en gee my asseblief krag om soos die meisie van Hooglied my man te bemin en eer.

Help dat ek sal klou aan die ewige lewe soos Jaïrus se dogter.

Gee my ook asseblief die vyf verstandige meisies se wysheid om ekstra olie vir my lampie te vat, sodat ek altyd vir U skyn . En die selfde wysheid om soos die arm vrou, alles wat ek besit, vir U te gee.

Laat my leer uit Eva se foute asseblief Liewe Heer, sodat ek die regte lewensbesluite sal maak.

Spreek deur my die goeie nuus van U wat lewe, soos deur Maria Magdalena en  Maria.

Here, en dan die vrou van alle vroue… U… Maria… Maak my asseblief bereid, net soos sy, om my hele lewe en alles wat ek oneindig liefhet, vir U op te offer, want U is my gunsteling en ek wil ‘n vrou so na U hart wees!

Ek bid en vra dit alles in Jesus Naam.
Amen


Indien jy enige gebed of geestelike raad benodig kontak belindapaar@gmail.com

Is ons die beelddraers van God? Hoekom sukkel ons dan so?

Nêrens in die Skrif staan dat die plant, dier of engele beelddraers van God is nie, maar net die mens is geskape na Godsbeeld. In ons wese is ons geskape in Godsbeeld, dit beteken dat ons  die gesindheid en liefde van God alreeds binne ons het in ons geesdimensie.

Verder word ons aangestel om te heers oor God se skepping, oor die hele skepping, en is ons opdrag om te vermeerder en die en die aarde te vul.

GEN 1:26  En God het gesê: Laat Ons mense maak na ons beeld, na ons gelykenis, en laat hulle heers oor die visse van die see en die voëls van die hemel en die vee en oor die hele aarde en oor al die diere wat op die aarde kruip. 1:27  En God het die mens geskape na sy beeld; na die beeld van God het Hy hom geskape; man en vrou het Hy hulle geskape. 1:28  En God het hulle geseën, en God het vir hulle gesê: Wees vrugbaar en vermeerder en vul die aarde, onderwerp dit en heers oor die visse van die see en die voëls van die hemel en oor al die diere wat op die aarde kruip.

God sê dat hy jou uitverkies het. Dit beteken nie dat net die pastoor, voorsanger in die kerk, die berader…almal wat in diens van die Here is gekies is nie, nee, elke mens wat gebore is, is deur God beplan en gekies om op die aarde te wees! Die beteken jy is welkom op die aarde! God wou jou hier hê!

Daar is baie verse in die Skrif wat jou vertel dat jy gekies en gevorm is deur God en vir God, ek gaan net ‘n paar hier gebruik om jou te oortuig daarvan.

JES 44:2  So sê die HERE, jou Maker en jou Formeerder van die moederskoot af, wat jou help: Wees nie bevrees nie, Jakob, my kneg, en Jesúrun wat Ek uitverkies het!

JES 46:3  Luister na My, o huis van Jakob en die hele oorblyfsel van die huis van Israel, julle wat deur My gedra is van die moederskoot af, opgeneem is van die geboorte af; 46:4  en tot die ouderdom toe is Ék dieselfde, ja, tot die grysheid toe sal Ek julle dra; Ék het dit gedoen, en Ék sal julle opneem, en Ék sal dra en red.

Daar is baie meer verse in die Woord wat ons kan oortuig dat God ons beplan het vir die aarde, voor die aardlegging het God al geweet ek en jy gaan vandag hier wees vir Sy doel en rede.

EFESIËRS 1:4  soos Hy ons in Hom uitverkies het voor die grondlegging van die wêreld om heilig en sonder gebrek voor Hom in liefde te wees,

Daar is baie mense wat nie weet wat hulle doel op aarde is nie, baie mense wat vasgevang sit in ‘n lewenstryd wat net-net bestaan, daar is ook mense wat se lewens verwoes is, wat stukkend is en nie weet hoekom hulle ooit gebore is nie, daar is soveel verdriet en hartseer in ons lewens, en hoe nader ons aan die wederkoms van Jesus kom, hoe erger word dit.

Huwelike val uitmekaar, mense maak mekaar seer, finansies wil net nie klop nie, dit is ‘n gesukkel van die more tot die aand om net kop bo water te hou. Ons selfmoord syfers is hoog, en hoekom? Het God ons dan geskape om so te sukkel om so deur die lewe te gaan om amper soos Job op die ashoop te sit? En van ashoop gepraat wat van die mense wat wel in plakkerskampe sit? Was dit God se doel vir hulle lewens, moes hulle gebore geword het  (in Godsbeeld) sodat hulle daar moes eindig? Die vrae hou nie op nie, die lys kan net langer en langer word, so wat is die antwoord? En dan die belangrikste vraag van alles….. is dit God se wil of God se skuld dat ek sit waar ek sit?

Ek is betrokke by ‘n armsorg organisasie en, het mense gevra oor hulle lewens, want ek wou ook die antwoord kry oor al die vrae, ek wou weet is dit God se plan met hierdie mense se lewens gewees van die begin af?

Hierdie is die antwoorde wat die meeste mense my gegee het!

·         My ouers het geskei toe ek nog jonk was, ek was van die een huis na die ander gestuur oor naweke en skoolvakansies en het nêrens ingepas nie, ek pas vandag nogsteeds nêrens in nie.

·         My man/vrou het my verlaat, en van toe af het my lewe net afdraand gegaan tot op die punt dat ek vandag sit waar ek sit!

·         Ek was ‘n suksesvolle mens, goeie werk gehad, goeie inkomste, maar ek het net so hard partytjie gehou as wat ek gewerk het, drank het later my baas geword en ek het my werk verloor en daarna het ek alles begin verloor, besittings, tot by my familie.

·         Ek het ‘n onsettende humeur aan my gehad, ek kry skaam maar ek moet eerlik se ek betaal vir my dade vandag, ek het my vrou en kinders verskree, gevloek, geslaan, en as ek gedrink het, was ek nog 10 keer erger, so het ek mense weggestoot en op die ou net was die enigste vriende wat ek oorgehad het die vriende wat my geken het wanneer ek gebraai en drink het tot ek niks oorgehad het nie, toe is hulle ook weg.

·         Ek het aan depressie gelei, dit het so erg geword dat ek begin het om almal naby my te vermy, ek was in so donker gat dat ek nie meer geweet het hoe om daar uit te kom nie, my man kon dit later nie meer uithou met my nie, want of hy goed of sleg gedoen het, ek het hom altyd blammeer omdat ek sielsongelukkig was, tot op ‘n dag wat hy besluit het hy kan nie meer nie, hy het my laat opneem in ‘n hospitaal en toe ek nie regkom nie het hy die kinders gevat en geloop. Hy wou die kinders nie naby my hê nie want hy wou nie hê die kinders moes langer onder my mond deurloop nie. Die hof het die kinders in sy sorg gesit en hier is ek vandag!

·         My man het verhoudings gehad, een na die ander, ek kon dit later nie meer handteer nie en het gedink dat ek dit op my eie sou maak, ek het hom geskei, hy is weer getroud, verneek nogsteeds sy vrou, en weier om enige onderhoud te betaal want dit was my keuse om hom te los, my salaris kan nie alles betaal nie, my prioriteit is om te sien dat die kinders ‘n dak oor hulle kop het, so my salaris gaan vir huur en brandstof, ek kan nie al die kos koop wat nodig is nie, en klere kan ek glad nie bekostig nie, ons almal dra tweedehandse klere, wat anders kan ek doen?

·         Daar was ook ‘n hele paar wat die regering blameer het oor rasisme, wat werk moes verlaat om vir ‘n swarte ‘n pos te skep en nie weer werk kon kry nie omdat hulle “die verkeerde kleur is”

Hierdie is maar ‘n paar van die antwoorde wat ek gekry het. Almal hartseer verhale, en sommiges is wat mense aan mense gedoen het, ander is wat mense aan hulself gedoen het. So is God te blameer vir hierdie mense se lewens wat so uitgedraai het? Wou God hierdie mense in die “dumps” sien sit,gesinne sien uitmekaar val, met ‘n gesukkel om kop bo water te hou?

Dan was my volgende vraag aan hierdie mense, dink jy dit was God se plan vir jou lewe? En die antwoorde was basies dieselfde!

• ·         Ek dink ek is maar net een van daai mense wat geen “luck” in die lewe het nie,
• ·         Ek dink nie dit is God se skuld nie, maar ek verstaan nie waarom God my nie help nie,
• ·         EK het lankal opgehou om te bid en te vra, ek glo nie God wil my help nie, ek dink ek het Hom al te veel teleurgestel,
• ·         Dit is net God se genade dat daar nog mense is wat wat omgee om te help, ander weet ek nie wat sou van ons geword het nie.

Ek het ook mense gevra of hulle ‘n verhouding met God gehad het voordat hulle opgeindig het waar hulle is en die meerderheid se antwoord was, ons het soms kerk toe gegaan, en ander het gesê dat hulle niks met kerke te doen wil hê nie want die kerk gaan net oor geld, as jy nie gee nie, wil hulle jou ook nie help nie.

Kom ons gaan kyk na wat God sê oor al die gevalle hierbo, is sommiges gebore sonder “luck”, is ander gebore om te sukkel, om in depressie te sit, om te vrees oor waar die kos more vandaan gaan kom om die kinderbekkies te voer? Is dit so dat sommige mense net eenvoudig nie gemaak is vir die lewe nie?

JER 1:5  Voordat Ek jou in die moederskoot gevorm het, het Ek jou geken; en voordat jy uit die liggaam voortgekom het, het Ek jou geheilig; Ek het jou tot 'n profeet vir die nasies gemaak.

PSALMS 139:14  Ek loof U, omdat ek so vreeslik wonderbaar is; wonderbaar is u werke! En my siel weet dit alte goed.139:15  My gebeente was vir U nie verborge toe ek in die geheim gemaak is nie, kunstig geweef in die dieptes van die aarde.139:16  U oë het my ongevormde klomp gesien; en in u boek is hulle almal opgeskrywe: dae dat alles bepaal was, toe nog geeneen van hulle daar was nie.

PSALMS 8:6  U het hom 'n weinig minder gemaak as 'n goddelike wese (engele) en hom met eer en heerlikheid gekroon.  8:7  U laat hom heers oor die werke van u hande; U het alles onder sy voete gestel:

Ons sien dus uit die paar verse dat ons: Geheilig is, dat ons profete vir nasies gemaak is, dat ons vreeslik wonderbaar is, kunstig geweef in die dietes van die aarde, en dat ons name almal opgeskryf is in die boek van die Lewe, dat ons met eerbekroon is deur God self, en dat ons net onder die engele aangestel is op die aarde om oor die aarde (God se skepping) te heers!

Lees ook die volgende Bybel verse: Jes 44:21 ons is geskape om God se dienskneg te wees, en dat God ons nooit vergeet nie, Joh 11:4-10  Dat God elkeen van ons gekies het om vir Hom ‘n profeet van nasies te wees, Heb 8:10 Dat God ons verstand gegee het, en dat ons Sy volk sal wees en Hy ons God!

As God dan al hierdie dinge vir ons in Sy Woord sê, hoekom sukkel die mense so?

Eerstens van alles, niemand is sondevry nie, sekere gevalle is dit omdat gehoorsaamheid aan God se Woord nie deel was van hulle lewens nie, ander gevalle is omdat mense nie weggedraai het van sonde nie, myns insiens is dit omdat mense nie ‘n verhouding met God het  nie, en nie geloof het dat God hulle liefhet nie, en laastens omdat mense nie glo dat Jesus die volle prys betaal het vir hulle nie, maar kom ons kyk ook waar kom satan in die prentjie! Die bekende gedeelte wat almal ken.

JOHANNES 10:10  Die dief kom net om te steel en te slag en te verwoes. Ek het gekom, dat hulle lewe en oorvloed kan hê. 10:11  Ek is die goeie herder. Die goeie herder lê sy lewe af vir die skape.

JOHANNES 8:44  Julle het die duiwel as vader, en die begeertes van julle vader wil julle doen. Hy was 'n mensemoordenaar van die begin af en staan nie in die waarheid nie, omdat daar in hom geen waarheid is nie. Wanneer hy leuentaal praat, praat hy uit sy eie, omdat hy 'n leuenaar is en die vader daarvan.

1 JOH 5:3  Want dit is die liefde tot God, dat ons sy gebooie bewaar; en sy gebooie is nie swaar nie. 5:4  Want alles wat uit God gebore is, oorwin die wêreld; en dit is die oorwinning wat die wêreld oorwin het, naamlik ons geloof. 5:5  Wie anders is dit wat die wêreld oorwin as hy wat glo dat Jesus die Seun van God is? 5:6  Dit is Hy wat deur water en bloed gekom het, Jesus die Christus; nie deur die water alleen nie, maar deur die water en die bloed; en dit is die Gees wat getuig, want die Gees is die waarheid.

EFESIËRS 6:12  Want ons worstelstryd is nie teen vlees en bloed nie, maar teen die owerhede, teen die magte, teen die wêreldheersers van die duisternis van hierdie eeu, teen die bose geeste in die lug.

Weens spasie gaan ek hierdie moet verkort, my punt is om te bewys dat ons emosionele en lewenspaaie nie so beplan was deur God nie, nie al die mense wat in armoede sit is ongelowige mense nie, tot kinders van God sit met finansiele en emosionele probleme, maar net Jesus is die uitweg, en al wat ons moet doen in om terug te keer na God en in geloof te staan dat Jesus die duiwel alreeds oorwin het op die kruis.

Gebed:

God ons Almagtige Vader, ons weet dat U vir ons ‘n toekoms beplan het van vooruitsig, goedheid en guns, dat U ons hoof vet gesmeer het met olie en ons met eer bekroon het, my gebed vandag is om dankie te sê vir U genade en liefde, en om te vra dat U elke persoon sal genees van emosionele probleme en hulle die weg te wys na Jesus, dat elke persoon tot inkeer sal kom en ‘n verhouding met U sal hê. EK bid dat U vir elke persoon ‘n weg sal oopmaak en hulle sal red uit hul versugtinge en aan hulle sal gee soos U wil, Vader ek dank U dat ons na U kan kom met hierdie probleme en al hierdie mense aan U kan opdra in gebed en kan weet dat ons op U kan vertrou, ek bid bekering vir elke siel, wedergebore kinders van U Koningkryk en dat U in beheer sal wees van almal se lewens en sake, In die Heilige Naam van U Seun Jesus Christus

 Amen

God se vrede met U almal in Jesus Naam

As iemand geestelike raak of gebed benodig kontak my belindapaar@gmail.com

Wie het jy meer lief? Stief, aangenome of eie kind?

Ons leef in ‘n tydperk waar amper almal stiefkinders het weens ons hoë egskeidingsyfer. Ek kry baie te doen met mense en kinders wat stiefouers haat en sukkel met vergifnis.
In baie gevalle het die stiefouers ‘n groot aandeel in die mense se haatgevoelens omdat hulle die mense nie reg behandel het nie, eie kinders voorgetrek het, of selfs die kinders of mense gemolisteer of mishandel het as kinders.

Maar daar is ook gevalle waar die stiefouers regtig nie die oorsaak is van die haatgevoelens nie. Daar is stiefouers wat alles in hulle vermoeëns doen om die stiefkinders te nader maar die kinders stoot hulle weg, weens gevoelens dat dit die stiefouer is wat ‘n huwelik laat verbrokkel het, of wat voorkom het dat die ouers weer by mekaar uitkom.

Daar is mense wat kinders aanneem en lief is vir hulle asof hulle uit hulself gebore is. Ek weet van paar gevalle waar aangenome kinders ‘n onsettende goeie verhouding en baie baie groot waardering en liefde het vir hul aanneem ouers.

Die vraag vandag is, mag ons ‘n stief of aangenome kind minder liefhê as ‘n eie kind? Nee! As God ‘n God van Liefde is, en ons gebore is in die beeld (geestesbeeld) van God is dit vir ons onmoontlik om een kind liewer te hê as ‘n ander! Want God het ons almal wat,ook aangenome kinders, van Hom is, net so lief soos Hy Sy eie Seun Jesus liefhet.

Terwyl Jesus op die aarde was, was Hy ook ‘n stiefkind kind. Hy was nie Josef se kind nie! Het Josef Jesus anders behandel as sy ander kinders? Het Jesus gevoel hy haat vir Josef omdat hy sy stiefpa was? Beslis nie! Jesus was gehoorsaam aan Sy aardse stiefpa, Jesus en Josef is ‘n perfekte voorbeeld van hoe stief ouers en kinders met mekaar moet wees.

Ek dink dit het tyd geword dat ons die stigma van “stief – en aangenome kinders” moet begin vernietig! God is ‘n God van Liefde wat ons toegerus het met Sy liefde. Begin bietjie na jou stief, aangenome kind(ers) en ouers kyk deur God se oë. Verwag God nie van ons om mekaar lief te hê nie. God sê jy moet jou naaste liefhê soos jouself. Of dit nou ‘n stief ouer of kind is of aangenome kind is, jou opdrag is om lief te hê!
Respekteer mekaar! Onthou respek is nie iets wat ons kan afdwing op mekaar nie, respek is iets wat jy moet verdien. In Engels klink dit net beter….”if you want to be respected…be respectable!”

Gebed:

Vader, ek dra vandag elke aangenome en stief kind aan U op in gebed en vra dat U die ouers en die kinders se harte en gesindheid teenoor mekaar sal verander en dat U hulle sal seen met U liefde vir mekaar, ek dank U Vader vir elke ouer wat probeer om ‘n stiefkind by te staan en deel te maak van die familie, en vra dat U ook elke kind se hart sal oopmaak om te kan sien dat hulle ook hul stiefouer(s) kan liefhê omdat U ons eerste liefgehad het.  In Jesus Naam
Amen

As iemand gebed of geestelike hulp benodig kontak my belindapaar@gmail.com

Is vigs ‘n straf van God?

Baie mense glo dat vigs ‘n straf is wat God oor mense uitgespreek het omdat hulle losbandige leef  of homoseksuele verhouding het.  Kan dit waar wees?

Rom 6:23 Die loon wat die sonde gee, is die dood, die genade wat God gee, is die ewige lewe in Christus ons Here.

Ons sien uit die boonste versie dat die dood die loon is van sonde, maar wat van babatjies wat met vigs gebore word? Het hulle ook reeds gesondig en het God dan die dood oor hulle ook uitgespreek? Of is dit die ouers of die ongehude moeder se straf omdat sy losbandig was?

As God ‘n God van Liefde is, hoe kan Hy ‘n babatjie wat nog nie eens gebore is nie, straf vir ‘n sonde wat die ouers gepleeg het? En wat van verkragting? As iemand deur verkragtig vigs kry, is die dood dan ook haar loon?

Kom ons kyk eerstens wat se die Woord aangaande losbandige lewe, homoseksuele verhoudings en die loon van sonde.

Egbreek is wanneer jy getroud is en seks het met iemand anders, hoereerders is mense wat seks het voor die huwelik, prostitute, sodomiete en mense wat na pornografie kyk, asook mense wat homoseksuele seks het.  Mans en vrouens! Selfs al is jy verloof, of bly jy saam, dit is nogsteeds seks buite die huwelik en is nogsteeds hoereerdery in God se oë.

1 PETRUS 2:11  Geliefdes, ek vermaan julle as bywoners en vreemdelinge om julle te onthou van vleeslike begeertes wat stryd voer teen die siel;

1 THIM 1:9  en as hy weet dat die wet nie gegee is vir die regverdige nie, maar vir die wettelose en tugtelose mense, goddelose en sondaars, onheiliges en ongewydes, vadermoorders en moedermoorders, moordenaars, 1:10  hoereerders, sodomiete, mensediewe, leuenaars, meinediges en wat daar anders met die gesonde leer in stryd is, 1:11  volgens die evangelie van die heerlikheid van die salige God wat aan my toevertrou is.

1 KOR 6:10  Moenie dwaal nie! Geen hoereerders of afgodedienaars of egbrekers of wellustelinge of sodomiete of diewe of gierigaards of dronkaards of kwaadsprekers of rowers sal die koninkryk van God beërwe nie.

1 KOR 5:9  Ek het julle in my brief geskrywe om nie met hoereerders om te gaan nie, 5:10  dit wil sê, nie die hoereerders van hierdie wêreld of die gierigaards of rowers of afgodedienaars in die algemeen nie, want dan sou julle uit die wêreld moet uitgaan, 5:11  maar nou skryf ek aan julle om nie om te gaan met iemand wat, al staan hy as 'n broeder bekend, 'n hoereerder is of 'n gierigaard of 'n afgodedienaar of 'n kwaadspreker of 'n dronkaard of 'n rower nie; met so iemand moet julle selfs nie saam eet nie.

LIVITI 19:29  Ontheilig jou dogter nie deur haar vir hoerery aan te hou nie, sodat die land nie hoereer en die land vol skandelike dade word nie.

LIVITI 21:9  En as die dogter van 'n priester (elke man van die huis is ‘n priester van die huis, hier word nie verwys na die amp van priester nie) haar ontheilig om te hoereer, ontheilig sy haar vader; met vuur moet sy verbrand word.

Egbrekers:

HEBREËRS 13:4  Laat die huwelik in alle opsigte eerbaar wees en die bed onbesmet; want God sal hoereerders en egbrekers oordeel.

MATTHEUS 5:28  Maar Ek sê vir julle dat elkeen wat na 'n vrou kyk om haar te begeer, reeds in sy hart met haar egbreuk gepleeg het.

Wanneer oordeel God jou?

Die dag wanneer jy voor Jesus staan nadat jy doodgegaan het, wanner jy jou oë toemaak op die aarde en dit oopmaak voor Jesus! Dan oordeel Jesus jou, en jou oordeel is hemel of hel! Jesus oordeel ons nie op die aarde nie! 

So waarom sê die Woord dan dat die loon van die sonde die dood is, en ons almal weet dat vigs jou dood veroorsaak? Omdat die dood waarna hier verwys word nie net fisiese dood is nie, maar ook emosionele en geestelike doodsheid .

OPENB 21:8  Maar wat die vreesagtiges aangaan en die ongelowiges en gruwelikes en moordenaars en hoereerders en towenaars en afgodedienaars en al die leuenaars hulle deel is in die poel wat brand met vuur en swawel: dit is die tweede dood.

JOHANNES 10:10  Die dief (satan)kom net om te steel en te slag en te verwoes. (King James sê… to kill) Ek (Jesus) het gekom, dat hulle lewe en oorvloed kan hê.

JOHANNES 8:44  Julle het die duiwel as vader, en die begeertes van julle vader wil julle doen. Hy was 'n mensemoordenaar van die begin af en staan nie in die waarheid nie, omdat daar in hom geen waarheid is nie. Wanneer hy leuentaal praat, praat hy uit sy eie, omdat hy 'n leuenaar is en die vader daarvan.

Hier sien ons duidelik dat satan die een is wat dood op aarde veroorsaak, en dat Jesus ons lewe gee! So terug na die baba wat gebore word met vigs, en die verkragte vrou wat die virus optel….Is dit dan God se wil dat hulle moet vigs kry en doodgaan daaraan? Nee beslis nie!  Jesus sê duidelik dat Hy gekom het sodat ons kan lewe! Op aarde sowel as ewige lewe!

Ons is te vinning om te vra “Hoekom het God dit aan my gedoen “? Die antwoord is eenvouding, God het dit nie aan jou gedoen nie, satan het! God beskerm ons ten alle tye as ons Sy kinders is, wanneer ons wegdraai van sonde en Jesus aanneem as ons Verlosser en Saligmaker, sal ons ALTYD beskerm word deur God. As Jesus gekom het sodat ons kan lewe en in oorvloed, beteken dit nie net eendag in die hemel nie, maar ook hier op aarde.

Ons sien duidelik dat satan die mensemoordenaar is, satan het net 3 doele op die aarde, om god te wees,( of om soos God te wees), om skeiding tussen ons en God te bring en om ons dood te maak, of dit deur trauma, emosionele bagasie, geestelik, of siekte is, sy doel is om ons dood te maak, juis omdat hy weet wanneer hy ons seermaak, maak hy God seer!

God het die persoon met vigs net so lief soos enige ander persoon op aarde, of die persoon dit nou gekry het deur losbandigheid, of deur verkragting maak nie saak nie, God het die persoon nogsteeds lief, en al het iemand dit gekry deur losbandigheid, kan die persoon nogsteeds versoen met God, deur Jesus en vergifnis ontvang, en as jy Jesus nog nie ontmoet het nie, is hierdie juk dalk ‘’n goeie rede waarom jy juis jou lewe vir Jesus moet gee want Jesus bly ons Verlosser, en kan jou nie net verlos van jou sonde nie, maar ook van jou sieke. Jesus kan enige siekte genees, Hy is ons  Geneesheer wat ons wil genees omdat Hy gekom het sodat ons oorvloedig kan lewe.

Ons sien dat ons nie seks buite die huwelik mag hê of egbreek binne die huwelik  nie, dus moet ons ook gehoorsaam wees aan God se Woord waar dit by seks kom. Deur gehoorsaamheid sal jy nie die kans vat om die virus op te tel nie. Onthou jou reinheid voor God is vir God baie belangrik.

OPENB 22:14  Salig is die wat sy gebooie doen, sodat hulle reg kan hê op die boom van die lewe en ingaan deur die poorte in die stad. 22:15  Maar buite is die honde en die towenaars en die hoereerders en die moordenaars en die afgodedienaars en elkeen wat leuens liefhet en doen.

2 PETRUS 3:9  Die Here vertraag nie die belofte soos sommige dit vertraging ag nie, maar Hy is lankmoedig oor ons en wil nie hê dat sommige moet vergaan nie, maar dat almal tot bekering moet kom.

ROMEINE 6:16  Weet julle nie dat aan wie julle julself as diensknegte tot beskikking stel om hom gehoorsaam te wees, julle diensknegte is van hom aan wie julle gehoorsaam is nie òf van die sonde tot die dood, òf van die gehoorsaamheid tot geregtigheid 6:17  Maar ons dank God dat julle wel diensknegte van die sonde was, maar van harte gehoorsaam geword het aan die voorbeeld van die leer wat aan julle oorgelewer is, 6:18  en, vrygemaak van die sonde, het julle diensbaar geword aan die geregtigheid. 6:19  Ek spreek menslikerwys ter wille van die swakheid van julle vlees; want net soos julle jul lede diensbaar gestel het aan die onreinheid en wetteloosheid om wetteloos te wees, so moet julle nou jul lede diensbaar stel aan die geregtigheid tot heiligmaking. 6:20  Want toe julle diensknegte was van die sonde, was julle vry van die geregtigheid. 6:21  Watter vrug dan het julle toe gehad van die dinge waaroor julle jul nou skaam? Want die uiteinde daarvan is die dood. 6:22  Maar nou dat julle vrygemaak is van die sonde en diensbaar geword het aan God, het julle jul vrug tot heiligmaking en uiteindelik die ewige lewe.

Indien jy gebed of  geestelike raad benodig, kontak my belindapaar@gmail.com

Is vloek en vuilpraat reg?

Ons hoor so baie keer dat Christene vloek en vuil grappe vertel, hoort dit by ‘n kind van God?

Baie mense regverdig dit deur te sê God wil hê ons moet lag en nie suur Christene wees nie, en ek stem saam! ‘n Skoon en onskuldige grap is goed en dit is lekker om te lag, en ja God wil hê ons moet lag en die lewe geniet, maar waar moet mens die streep trek, wanneer is dit nie meer vanpas vir ‘n kind van die Here om deel te hê aan vuiltaal en vuil grappe nie?

Eerstens wanneer jy skuldig voel omdat jy gevloek het, weet jy dat dit verkeerd is. Die Heilige Gees leer ons om na heiligmaking te strewe, so Hy gaan jou bewus maak van jou taalgebruik. Ek vra altyd die vraag? Sal jy so praat terwyl jy in die kerk is? As jy nee sê weet jy mos dat dit nie by ‘n kind van die Here pas nie. Maar kom ons kyk of God se Woord sê of ons mag vuilpraat en vloek.

EFESIËRS 5:3  Maar hoerery en allerhande onreinheid of hebsug moet onder julle selfs nie genoem word nie, soos dit die heiliges betaam;  5:4  ook nie gemeenheid en dwase of lawwe praatjies wat nie pas nie, maar liewer danksegging. 5:9  Want die vrug van die Gees bestaan in alle goedheid en geregtigheid en waarheid.

EFESIËRS 5:10  En beproef wat die Here welbehaaglik is;

KOLOSENSE 3:8  Maar nou moet julle ook dit alles aflê, naamlik toorn, woede, boosheid, laster, skandelike taal uit julle mond.

EFESIËRS 4:29  Laat daar geen vuil woord uit julle mond uitgaan nie, maar net 'n woord wat goed is vir die nodige stigting, sodat dit genade kan gee aan die wat dit hoor.

MATTHEUS 12:34  Addergeslag, hoe kan julle goeie dinge praat terwyl julle sleg is? Want uit die oorvloed van die hart praat die mond.  12:35  Die goeie mens bring uit die goeie skat van sy hart goeie dinge te voorskyn, en die slegte mens bring uit die slegte skat slegte dinge te voorskyn. 12:36  Maar Ek sê vir julle dat van elke ydele woord wat die mense praat, daarvan moet hulle rekenskap gee in die oordeelsdag.  12:37  Want uit jou woorde sal jy geregverdig word, en uit jou woorde sal jy veroordeel word.

LUKAS 6:43  Want dit is nie 'n goeie boom wat slegte vrugte dra nie, en ook nie 'n slegte boom wat goeie vrugte dra nie.  6:44  Want elke boom word geken aan sy eie vrugte. Van dorings pluk 'n mens tog nie vye nie, en 'n mens sny ook nie druiwe van 'n doringbos nie.  6:45  Die goeie mens bring uit die goeie skat van sy hart te voorskyn wat goed is; en die slegte mens bring uit die slegte skat van sy hart te voorskyn wat sleg is; want uit die oorvloed van die hart spreek sy mond.

Net soos ‘n baba woorde leer wat hy/sy herhaalde kere hoor, net so gaan jy vloek aanleer as jy dit herhaalde kere gebruik en hoor. Later word dit soos jou moedertaal en kan jy nie meer praat sonder om te vloek nie.

Om van vloek en vuiltaal ontslae te raak neem tyd maar met wilskrag en gebed kan jy dit oorwin, en hoe minder jy dit doen, hoe minder wil jy dit doen, en begin mens dit meer agterkom wanneer ander mense dit doen…dit val hard op jou ore.

Soos ons sien in die bogenoemde verse, (en dit is maar net ‘n paar wat ek aangehaal het)  is dit  sonde vir ‘n kind van die Here om lelike taalgebruik en vuil grappe te vertel nie, en elke keer wanneer jy dit doen maak jy die Heilige Gees wat binne jou woon seer, so bid en vra vergifnis en vra die Heilige Gees om jou attend te maak elke keer wanneer jy verkeerd praat, en jy sal sommer vinnig  van die gewoonte ontslae raak.

Ons kan God nie met dieselfde mond eer en prys as wat ons vloek, skel en vuilpraat nie.

LUKAS 6:46  En wat noem julle My: Here, Here! en doen nie wat Ek sê nie?

Onskuldig a.g.v.logika?

In Mei 2015 het die 23 - jarige Dominikaan, Antonio Alfonseca by ‘n bank in Virginia Strand, VSA ingestap en ‘n nota, waarin hy geld eis, aan die kassier oorhandig. Sowat 20 minute na die roof het die polisie Alfonseca opgespoor en in hegtenis geneem.


Tydens ‘n onderhoud met ‘n joernalis in die tronk, het Alfonseca gesê dat hy nie regtig die bank beroof het nie maar slegs vir geld gevra het. “Ek weet nie hoe ek ‘n bankrower kan wees nie want ek het net gevra. Die kassier kon geweier het en dan sou ek loop. Ek beskou dit nie as ‘n roof nie. Volgens die wet kan ek skuldig wees maar volgens my logika is ek nie. Ek voel dat ek onskuldig is as gevolg van logika” het hy gesê.


Die hof het duidelik nie die argument van “onskuldig as gevolg van logika” aanvaar nie en het hom skuldig bevind aan bankroof.


Ons mag die argument amusant en komies vind. Hoeveel keer hoor ons van mense wat dieselfde argument gebruik, ook onsself, om hulle te verontskuldig.

“Wat ek doen is nie so erg as wat hy/sy doen nie!”


“Iemand het my dit laat doen”.


“Dit is my ouers se skuld as gevolg van hoe hulle my groot gemaak het”.


“Die samelewing of televisie of video speletjies het my beïnvloed”.


“Ek was dronk of bedwelmd toe ek dit gedoen het en daarom is ek nie verantwoordelik vir my dade nie”.



“Volgens die wet van God kan ek skuldig weer MAAR EK voel EK is onskuldig.”



GOD het nog nooit rasionalisasie aanvaar nie. HY het dit nie vanaf Adam aanvaar toe hy gesê het dat Eva hom dit laat doen het nie. HY het dit ook nie van Aaron aanvaar toe hy gesê het dat hy die goud in die vuur gegooi en die kalf daaruit gekom het nie. Eksodus 32:21 - 24 “En Moses het vir Aäron gesê: Wat het hierdie volk jou gedoen, dat jy so ‘n groot sonde oor hulle gebring het? Toe antwoord Aäron: Laat die toorn van my heer nie ontvlam nie. U self ken die volk, dat hulle deur en deur sleg is. Hulle het dan aan my gesê: Maak vir ons gode wat voor ons uit trek, want hierdie Moses, die man wat ons uit Egipteland laat optrek het, ons weet nie wat van hom geword het nie. Daarop het ek hulle geantwoord: Wie goud het, laat dié dit afruk! En hulle het dit aan my gegee. En ek het dit in die vuur gegooi, en hierdie kalf het daaruit gekom.”


Net so sal GOD dit ook nie van my en jou aanvaar nie. God soek nie veroordeling nie. Wat Hy begeer is rekonsiliasie. HY weet dat die enigste maniers tot rekonsiliasie is as ons alle verskonings en argumente laat vaar en net eerlik sal wees oor ons sonde.


In 1 Johannes 1:8 & 9 is geskrywe: “As ons sê dat ons geen sonde het nie, mislei ons onsself en die waarheid is nie in ons nie. As ons ons sondes bely, Hy is getrou en regverdig om ons die sondes te vergewe en ons van alle ongeregtigheid te reinig.”


Nou wat is sonde? Is dit om te drink, rond te slaap, te lieg, te rook, ens. Om te weet wat sonde is moet ons die Bybel lees. 2 Timótheüs 3:16 & 17 sê: “Die hele Skrif is deur God ingegee en is nuttig tot lering, tot weerlegging, tot teregwysing, tot onderwysing in die geregtigheid, sodat die mens van God volkome kan wees, vir elke goeie werk volkome toegerus.”


Die hele Skrif beteken die HELE Bybel, die Ou en Nuwe Testament.


Sonde is enige dade of woorde of denke wat nie in lyn met God se Woord is nie. Romeine 14:23 “…en alles wat nie uit die geloof is nie, is sonde.”


Ongeag van hoe ek VOEL deur MY logika, is ons almal skuldig aan die verbreking van die wet van God, wat op die tafels van ons harte geskryf is. Die gouer wat ons dit erken, die gouer sal rekonsiliasie (versoening) tussen ons en God plaasvind.


“Hemelse Vader. Ek kom vandag voor U in die naam van Jesus Christus. Ek erken vandag dat ek skuldig is en U wet oortree het asook U manier om dinge te doen. Ek aanvaar volle verantwoordelikheid vir my keuses en dade en vra U vergifnis.Help my asseblief om die gevolge van my keuses te hanteer volgens U weë en riglyne.Vervul my asseblief opnuut met U Heilige Gees. Ek kies om van vandag af nie meer volgens my of ander se opinies te leef nie maar om op die waarheid van U Woord te staan.Ek bid dit in die naam van Jesus Christus, my Verlosser. AMEN.”

(cobus van heerden - cvh@oicb.co.za)
Geplaas met toestemming.

Indien iemand gebed of geestelike raad benodig kontak my gerus belindapaar@gmail.com