Sukkel jy met woede?

 

Deur die Evangelie lees ons hoe Jesus gedreig was, uitgemaak was as ‘n leuenaar, bespot was, uitgelag was, uitgelok was om kwaad te word, mense Hom nie geglo het nie, alhoewel Hy altyd net die waarheid gepraat het, hoe Hy verneder was, verwerp deur Sy eie mense, veraai deur Sy eie disipels en uiteindelik wreed gemartel en doodgemaak was.

Tog het Jesus altyd ‘n gesindheid van geduld en liefde uitgestraal  en het tot die einde toe, ‘n vergewensgesindheid gehad.

Woede is ‘n baie meer skadelik vir ‘n mense as enige siekte, want dit is ‘n siekte van die gees. Dit beinvloed jou goeie oordeel, jou gedagtes, dit maak jou verbitterd, dit beinvloed jou verhoudings met mense om jou,  dit laat jou wrokke dra, jy begin die persoon sleg sê en haat, dit maak jou gewelddadig en dit tas jou geestelik, fisies, emosioneel, maatskaplike, verstandelik aan, en dit maak jou siek!

Jer 4:18 Jou handel en jou wandel het dit aan jou gedoen, dit is jou boosheid, ja, bitter is dit, ja dit raak tot aan jou hart.

Hoe langer jy woede koester, hoe moeiliker gaan dit word om weer beheer oor jou lewe te kry.

Efes 4:26 word toornig (kwaad), en moenie sondig nie, laat die son nie ondergaan oor julle toorn nie.

Wanneer jy sukkel met woede, vra Jesus om jou te bevry van hierdie negatiewe emosie en gevoelens. Vergewe mense met die krag van die Heilige Gees, spreek hulle vry, en indien nodig herstel verhoudings. Om mense te vergewe beteken nie dat jy saam stem met wat hulle aan jou gedoen het nie, dit beteken net dat jy besluit om nie langer in gevangeniskap te sit met hierdie emosies nie.

Efes 4: 32 Maar wees vriendelik en vol ontferming teenoor mekaar, vergeef mekaar soos God ook in Christus julle vergewe.

Ons lees in Matt 6, hoe Jesus self ons leer om te bid, ons almal ken die Onse Vader, en net na die Onse Vader sê Jesus self!

Matt 6:14&15 “Want as julle die mense hulle oortredinge vergewe, sal julle Hemelse Vader julle ook vergewe,

(15) Maar as julle die mense hulle oortredinge nie vergewe nie, sal julle Vader julle oortredinge ook nie vergewe nie”.

Wil jy vergifis ontvang, en van jou woede ontslae raak in jou lewe?. Vergewe mense! Nie net omdat dit die regte ding is om te doen nie, maar vir jouself, sodat jy ‘n gesonde geestelike, maatskaplike en fisiese lewe kan ly, maar meer belangrik, sodat ons Hemelse Vader jou, jou oortredinge ook kan vergewe.

Jesus seën

Belinda

As jy enige geestelike hulp, gebed of berading verlang skryf aan Belinda Paar (belindapaar@gmail.com)