Luk
2:7 En sy het haar eersgebore Seun gebaar
en Hom toegedraai in doeke en Hom in die krip neergelê, omdat daar geen plek in
die herberg was nie.
Toe
Josef en Maria herberg gesoek het, en die mense daai tyd sou geweet het dat sy
Jesus, in haar moederskoot het, sou hulle sekerlik plek gemaak het vir haar om
geboorte te kon gee aan die Koning wat kom. Ek en jy weet nou dat dit Jesus was
wat sy gebaar het, hoe kan ons nie plek hê vir Hom nie? Ons het geen verskoning
nie!
Met
die geboorte van Jesus het ons nie net ‘n Verlosser en Saligmaker gekry nie,
maar God SELF het ook uit die hemel gestap om by ons te kom woon!
Matt
1:23 Die
maagd sal swanger word en ‘n Seun in die wêreld bring, en hulle sal Hom
Immanuel noem…Die Naam beteken! God by ons!!
Op
Kersdag ontvang ons die reddened hand van God, deur Sy Seun Jesus Christus. God
openbaar Homself op Kersdag aan ons, as die Seun!
God
se verskyning aan ons deur Jesus Christus op Kersdag het reeds die belofte
ingehou van die Heilige Gees wat sou kom om ons te leer, te lei, te troos,toe
te rus en met krag te vul. Om ons verstand te lig, ons harte warm te maak en
ons siele op te hef tot aanbidding.
Joh
14:2,4 (verkort) Ek gaan om vir hulle
plek gereed te maak….En julle ken die weg na hierdie plek waarheen Ek gaan.
Alhoewel
daar nie plek was vir Jesus se geboorte in Betlehem nie, het Hy nogsteeds deur
die Kruisdood gegaan om vir ons plek gereed te maak, om die berouvolle sondaar
te verserker dat daar ‘n plek vir hom/haar sal wees by die Vader!
Durf
ons toelaat dat Hy by die deur van ons harte staan en klop en ons wieier om die
deur vir Hom oop te maak?
Laat
ons kersgesindheid wees om plek en tyd in ons lewens te maak vir God, Sy Seun
en God se Gees.
Maak
seker jy het plek vir Jesus sodat jy sonder vrees wees dat Jesus vir jou plek
gaan hê by Onse Hemelse Vader was die feestyd nooit sal ophou nie.
Vader,
Seun en Heilige Gees, ek gee myself opnuut weer oor aan U, en dank U vir U
liefde, redding en genade in Jesus Christus.
Amen
Geseënde
Feestyd
Groete
Belinda
As jy enige geestelike hulp, gebed of berading verlang skryf aan Belinda Paar (belindapaar@gmail.com)
No comments:
Post a Comment