Om die Gelofte te gedenk, of om dit as versoening tussen volksgroepe te sien, is on-Bybels, sê mnr Schalk Jacobsz, navorser van die Boerevolk se geskiedenis.
Mnr Andrè Jacobsz verduidelik die Gelofte is op 16 Desember 1838 afgelê en as gevolg daarvan is ‘n nuwe VERBOND tussen die Boere en God gesluit. Dit is die Verbond wat gedenk moet word en nie die Gelofte nie.
Wat gebeur het by Bloedrivier is geprofiteer in Die Bybel dat dit sal gebeur. Vandag is die dag van die Verbond. Dit is die dag waarop die nuwe Verbond met Israel gesluit is. Dis die Verbond van die Nuwe Testament wat opgeteken staan in Jeremia 31:31-34 en soos Paulus dit aangehaal het in Heb. 8:8-12. Die kern daarvan is: “Ek sal vir hulle ‘n God wees, en hulle sal vir My ‘n Volk wees.
Die Gelofte lees, dat hulle belowe om ‘n Huis (Volk) ter gedagtenis van Sy groot naam, te stig waar dit Hom sal behaag.
Die Trekkers het nooit belowe om die dag te herdenk nie. Daar is geen sprake daarvan nie. Hierdie geskiedenis wat almal aanhang, is die memoires van ‘n ou man, Sarel Cilliers, wat 30 jaar na die tyd, sonder dat hy die notules voor hom gehad het, sy memoires geskryf het.
Die dag toe die Gelofte voorgehou is deur Pretorius, het Bandjies dit neergepen. Hy was die Klerk van die Raad van die Volk en hy was saam op die ekspedisie as Pretorius se privaat sekretaris, vir die uitsluitlike doel om hulle doen en late te notuleer. En hy het dit gedoen en dit is gepubliseer op die Volk se instruksies op 14 Junie 1839. Dit is amptelik. Die res is buite die waarheid.
16 Desember is die Dag van die Verbond. En, dit behoort nie ‘n vakansiedag te wees nie. Iemand wat homself ‘n nasaat noem van die Trekkers, wat in sy hart weet dat hy lid van die Boerevolk is, behoort vroegoggend, terwyl dit nog donker is, die hele dag op sy knieë deur te bring, al is dit ‘n werkdag en moet hy – sy salaris en voordele ten spyt – die dag aan God wy. Dit is die offer wat gebring moet word.
Mense speel met vuur. Die Boerevolk is die offerande wat God Almagtig vir Homself afgesonder het, en volgens die Wet op die Tiende van die vee. Sien Lev. 27:32-33. Daar sal mens lees dat die Wet op die afsondering van ‘n Tiende van die vee, is die enigste Tiende wat nie gelos mag word nie. Dit mag nooit gelos word nie.
Die Gelofte is sewe dae na mekaar herhaal. Die Boerevolk is gebind in die band van die Verbond. Eseg. 20:37 lees: “Ek sal julle onder die Herderstaf laat deurgaan, en julle bring in die band van die Verbond. Die Almagtige God het presies dit gedoen.
Die meeste teoloë, asook die ANC en sy alliansie, praat almal oor ‘n saak wat hulle nog nie eers begin het om te verstaan nie.
Suid-Afrika stuur op chaos af, omrede die Boerevolk nog nie sy Gelofte nagekom het nie.
Wat interessant is, is dat Cilliers die oggend van 9 Desember 1838 tydens die oggenddiens gelees het uit Rigters 6:1-24. Vers 24 eindig waar Gideon, ‘n altaar bou vir die Almagtige God en hy noem dit “God is Vrede”.
In verse 25 en 26 het God die nag aan Gideon verskyn en gesê, gaan, en breek jou vader se Baal-altare af, kap die heilige boomstam af en vat die tweede bul van sewe jaar en offer dit. Vernietig jou vader se godsdiens.
Die Kerk is vandag dus buite orde, want die Kerke verkondig vandag die integrasie van die Uitverkore Volk.
Eseg. 20:33-38 begin by die Godsdiensoorloë en -vervolgings in Europa en die vestiging van die Kaapse gemeenskap..... “Ek sal julle in die woestyn van die volkere inbring en daar sal Ek met julle in die gerig tree van aangesig tot aangesig, soos ek met julle vaders in die woestyn van Egipteland in die gerig getree het, so sal ek met julle in die gerig tree.”
Hierdie moet saamgelees word met Miga 5:1-4 wat sê dat “die Gesalfde sy Volk prysgegee het, tot op die tyd dat ‘n barende sal baar. Dit is ‘n Volk wat ‘n Volk sal baar. Die Dogter van Sion wat die jongste dogter gaan baar.
Hierdie baring het begin met die Tweede Vryheidsoorlog. Lees hiermee saam Jes. 66, onder meer “sal Ek tot by die geboorte bring en nie laat baar nie. Sal Ek wat laat baar, self toesluit.
In Miga 4 lees ons van “krimp in mekaar o’ Dogter van Sion soos een wat baar.” Dit is die sleutel. Dis die Volk. Vers 37 van Eseg. 20 wat lees “en Ek sal julle onder die Herderstaf laat deurgaan en julle laat bring in die band van die Verbond – en lees daarmee saam Lev. 27:32-33 wat sê alles wat Hy onder die Herderstaf laat deurgaan, ‘n tiende daarvan moet geheilig word aan die Here, God.
Die Woord sê verder “julle mag nie ondersoek of hulle goed of sleg is nie en dit ook nie ruil nie. Maar as julle dit tog ruil, moet dit en die geruilde heilig wees. Dit mag nie gelos word nie.”
Wanneer die Here sê Ek sal julle onder die Herderstaf laat deurgaan, het Hy dit gedoen met die Groot Trek. Hy het ‘n tiende van die Kaapse gemeenskap laat trek. Die geskiedkundiges is dit almal eens, dit was maar net ‘n tiende.
Hulle is afgesonder as Sy offerande, die offerande van Safanja 3 vers tien. Die Here sê “anderkant die Riviere van Kus sal My aanbidders, die Dogter van My verstrooide, My offerande bring.”
Dit is die Boervolk, die “Dogter van My verstrooide” moet die offerande bring, hulle moet geboorte gee aan hierdie offerande, en dit is die Boerevolk.
En die Here sê: “Ek sal julle bring in die band van die Verbond”. Op die 9e Desember is die Gelofte afgelê. In die daaropvolgende week is die ekspedisie met drie en ‘n halwe dae vertraag.... ‘n tyd, tye en ‘n halwe tyd.
As gevolg van hierdie vertraging is die Gelofte sewe dae agtereenvolgens herhaal. Bybels beteken dit dat as mens ‘n onderneming teenoor enigiemand sewe keer herhaal, sweer jy dit met ‘n eed. Daar het God die Vader hulle dit sewe dae agtereenvolgens gedwing om dit te herhaal.
En op die oggend van die 16e Desember, voordat hulle dit die agste keer kon herhaal, toe dit dagbreek was, so effe dagbreek dat die brandwagte wat toe nog steeds op hulle poste was, kon net-net sien dat die Zoeloes aan die kom was.
Byna voor die son opgekom het, het die slag begin. Voordat die Trekkers weer ‘n diens kon hou.
En toe, deur ‘n wonderwerk, het God die oorwinning in hulle hand gegee, net soos hulle gevra het in hulle gebed die oggend van die 9e Desember. Vader het hulle geantwoord op hulle gebed en die Gelofte wat hulle afgelê het.
So het die Here God kontrak met die Trekkers gesluit. Wat is die inhoud van hierdie kontrak?
Die inhoud van hierdie kontrak is die Nuwe Verbond van die Nuwe Testament. Dit is hoe eenvoudig dit is.
Die inhoud van die Bloedrivier Verbond, is neergepen deur Jeremia, meer as twee millennia gelede. Dis weer aangehaal deur Paulus: “Ek sal my Wet op hulle hart skryf en in hulle verstand gee, en Ek sal vir hulle ‘n God wees en hulle sal vir My ‘n volk wees. En hulle sal nie meer elkeen sy broer leer en sê: Ken God nie, want elkeen sal My ken, klein en groot onder hulle, en Ek sal barmhartig wees en aan hulle ongeregtigheid en hulle sonde nie weer dink nie.
Dus, hulle sal vol ongeregtigheid en vol sonde wees... ons sal dit wees, want daar is geen manier wat onsself kan regverdig nie. Niemand kan homself regverdig maak nie. God die Vader het dit onmoontlik gemaak, maar, Hy het ook gesê Hy sal barmhartig wees en Hy sal daaraan nie meer dink nie.
Die rede is dat die Gesalfde, Jesus Christus, het die prys betaal. Hy het die offer gebring, die finale offer.
Mens aanvaar dit en jy bely dat Jesus Christus Seun van God en jou Verlosser is en jy word gered deur die Genade, deur jou geloof in Hom.
Geen mens kan die Koninkryk van God binnegaan deur middel van die Wet nie, alleen deur Jesus Christus. Vandaar dan ook die bewoording van die Nuwe Verbond: Ek sal hulle barmhartig wees en aan hulle sonde nie meer dink nie.
God het gesê Troos, troos My Volk, Ek is die leidsman!
En hierdie is die sleutel, Christus is die leidsman. Die tyd vir menslike leiers is verby.
Dit is die dat ons gedurigdeur die Woord van die Here moet bestudeer en gedurigdeur moet waak. Ons moet alles, letterlik alles, toets aan die Skrif.
Geskryf deur Andrè Jacobsz
Wow Dankie dat jy dit op jou forum gesit het!! Dit is 'n eye-opener! Dankie Vader vir die Verbond.
ReplyDeleteWees geseend Belinda