My liefste kind
Jy ken My dalk nie, maar Ek weet alles van jou af (Ps.139:1)
Ek weet wanneer jy sit en wanneer jy opstaan (Ps.139:2)
Ek is bekend met al jou paaie (Ps.139:3)
Selfs die hare op jou kop is getel (Matt.10:29-31)
Want jy is na My beeld gemaak (Gen.1:27)
In My leef, beweeg en is jy (Hand.17:28)
Want jy is My nageslag (Hand.17:28)
Ek het jou geken selfs voordat jy in jou moeder se skoot gevorm was (Jer.1:4-5)
Ek het jou gekies toe Ek die Skepping beplan het (Ef.1:11-12)
Jy was nie ‘n fout nie, want al jou dae is in My boek opgeskryf (Ps.139:15-16)
Ek het die presiese tyd van jou geboorte bepaal en waar jy sou bly (Hand.17:26)
Jy is vreeslik wonderbaarlik gemaak (Ps.139:14)
Ek het jou gevorm en aanmekaar geweef in jou moeder se skoot (Ps.139:13)
Van jou geboorte af help Ek jou (Ps.71:6)
Ek word misverstaan deur dié wat My nie ken nie (Joh. 8:41-44)
Ek is nie op ‘n afstand en kwaad nie, maar Ek is die volmaakte liefde (1 Joh. 4:16)
En dit is My begeerte om My liefde oor jou uit te stort (1 Joh. 3:1)
Net omdat jy My kind is en Ek jou Vader (1 Joh. 3:1)
Ek bied jou baie meer as wat jou aardse vader ooit kan (Matt. 7:11)
Want Ek is die volmaakte Vader (Matt. 5:48)
Elke goeie gawe wat jy ontvang, kom uit My hand (Jak. 1:17)
Want Ek sorg vir jou en voorsien in al jou behoeftes (Matt. 6:31-33)
My plan vir jou toekoms was altyd met hoop gevul (Jer. 29:11)
Want Ek het jou nog altyd liefgehad (Jer. 31:3)
My gedagtes is wonderlik oor jou - meer as wat daar sand is (Ps. 139:17-18)
Ek jubel en juig oor jou (Sefanja 3:17)
Ek sal nooit ophou om aan jou goed te doen nie (Jer. 32:40)
Want jy is My kosbare eiendom (Eks. 19:5)
Met alles wat Ek is, begeer Ek om jou te vestig (Jer. 32:41)
Ek wil groot en ondeurgrondelike dinge aan jou openbaar (Jer. 33:3)
As jy met jou hele hart na My soek, sal jy My vind (Deut. 4:29)
Vind jou vreugde in My, dan sal Ek jou gee wat jou hart begeer (Ps. 37:4)
Want dit is Ek wat daardie begeertes in jou hart lê (Fil. 2:13)
Ek is in staat om oneindig meer te doen as wat jy ooit kan bid of dink (Ef. 3:20)
Want Ek is jou grootste bemoediger (2 Tess. 2:16-17)
Ek is jou Vader wat jou in elke moeilikheid help (2 Kor. 1:3-4)
As jy hartseer is, is Ek naby jou (Ps. 34:19)
Soos ‘n herder ‘n lammetjie dra, dra Ek jou teen My bors (Jes. 40:11)
Ek sal eendag elke traan van jou oë afvee (Op. 21:3-40)
Ek sal al die smart en pyn wat jy hier op aarde gehad het, wegneem (Op. 21:3-4)
Ek is jou Vader, en Ek het jou net so lief soos My Seun, Jesus (Joh. 17:23)
Want in Jesus is My liefde vir jou geopenbaar (Joh. 17:26)
Jesus is die ewebeeld van My wese (Heb. 1:3)
Hy het gekom om vir jou te wys dat Ek vir jou is en nie teen jou nie (Rom. 8:31)
En om vir jou te sê dat Ek nie jou sondes tel nie (2 Kor. 5:18-19)
Want Jesus het gesterf sodat Ek en jy versoen kon word (2 Kor. 5:18-19)
Sy dood was die volkome bewys van My liefde vir jou (1 Joh. 4:10)
Ek het Jesus ter wille van jou oorgelewer (Rom. 8:32)
Sal Ek dan nie al die ander dinge, saam met Hom, vir jou gee nie? (Rom. 8:32)
As jy My Seun, Jesus, ontvang, ontvang jy My (1 Joh. 2:23)
En niks sal jou ooit weer van My liefde skei nie (Rom. 8:38-39)
Kom huistoe, ek Ons sal fees vier in die hemel (Luk. 15:7)
Ek was nog altyd jou Vader, en Ek sal altyd Vader bly (Ef. 3:14-15)
My vraag is ..... wil jy My kind wees? (Joh. 1:12-13)
Ek wag vir jou. (Luk. 15:11-32)
Met liefde,
Jou Pappa God en Vader
Geskryf deur Ds Pieter Fourie
Omgee Gemeente
Krugersdorp
No comments:
Post a Comment