Soms voel dit of ons gebede nie verhoor word nie, asof ons
teen die plafon vas bid. Omdat ons sondige vlees is, mag satan ons seeninge
steel en vashou en kan dit gebeur dat ons nie ontvang wat ons vra nie, om
hierdie gebede te “bevry” van die vyandskamp, doen die volgende gebed nadat jy
vergifnis gevra het vir jou eie sonde.
Gebed word gebasseer op die volgende 2 Bybel verse.
Ps 103:20 Loof die
Here Sy engele, kragtige helde wat Sy Woord volbring in gehoorsaamheid aan die
stem van Sy Woord
Heb 2:14 Aangesien die
kinders van vlees en bloed deelagtig is, het Hy (Jesus) dit ook op dieselfde manier deelagtig geword, (Jesus het aarde
toe gekom in mens vorm – vlees en bloed) sodat
Hy deur die dood hom tot niet kon maak wat mag oor die dood het- dit is die
duiwel – en almal kon bevry wat hulle hele lewe lank uit vrees vir die dood aan
slawerny onderworpe was.
Gebed:
“O God, stuur U kragtige engele na die land van die lewende
en die dooies om al my gesteelde seeninge vry te maak in die Naam van Jesus, ek
vra……..” vra dan wat jy wil he in die Naam van Jesus want Jesus se “ Alles wat
julle die Vader vra in My Naam, dit sal julle gegee word”
As die gebed regtig dringend is, vas en herhaal die gebed
totdat die antwoord kom.
Jesus seen.
No comments:
Post a Comment