Tegniese probleme met die blogs

Goeie more aan alle lesers en intekenaars


Ek wil julle net in kennis stel dat al 3 blogs, Tabernakel Bedieninge, Gebedversoeke en Gebede sowel as Verhoog Jesus 'n tegniese probleem op het waaraan ons werk, tot dus vêr sonder enige sukses, wees asb geduldig ons werk aan die probleem, elke keer net as ons dink ons kry iets reg, is iets anders weer verkeerd!



Ek het ook al die Intekenaars en volgers verloor en weet nie meer wie ingeteken het en wie nie, ek sal waardeer as elke persoon wat ingeteken het, of wat die blog volg my kan kontak deur e.pos belindapaar@gmail.com en my kan verwittig van enige probleme wat jul met die blog ondervind asb.



Ek het alreeds klagtes ontvang van mense wat sê dat hulle nie verwittig word deur e.pos wanneer ek iets nuuts op die blog sit nie.



Die ander probleem wat ondervind word deur mense is dat hulle kommentaar lewer en die kommentaar wys nie op die blog nie, ek wil ook net sê dat ek ook nie meer die e.pos ontvang wat sê iemand het komentaar gelewer nie.



Laastens, mense wat my per e.pos kontak met probleme, se e.pos gaan nou in my "Spam box", en ek is eerlik as ek nie die persoon ken nie is ek soms te bang om die e.pos oop te maak.



Soos ek verstaan van die tegniese mense wat my help, het Google veranderinge gebring in Google self en die blogs is daardeur beinvloed.



Wees asb geduldig ons werk aan die probleem en glo dat die Here vir ons wysheid en insig sal gee aangaande die probleem om dit op te los, ek glo hierdie is net 'n aanval dat die Evangelie nie verkondig kan word nie, maar God is grooter as enige tegniese probleem, ons sal oorwin in Jesus Naam.



Baie dankie aan al die getroue ondersteuners en lesers van die blogs, ek glo dat mense nog die blog besoek en kan besoek alhoewel die syfer op die 'Total views" nie meer vermeerder nie, ons glo dat daar 'n probleem met die "Total views gadget" is en dat dit nie is omdat mense nie die blog kan bereik nie.



Wees geseend in Jesus en bid ook asb vir my bediening dat die Heilige Gees my altyd uit die pad sal neem en Hyself deur my sal skryf, en bid asb dat ons hierdie probleem spoedig sal kan oplos.



Groete en Jesus liefde


Belinda

Oorlewering van mense

Mar 7:5  Daarop stel die Fariseërs en die skrifgeleerdes Hom die vraag: Waarom wandel u dissipels nie ooreenkomstig die oorlewering van die ou mense nie, maar eet brood met ongewaste hande?
Mar 7:6  En Hy antwoord en sê vir hulle: Tereg het Jesaja oor julle, geveinsdes, geprofeteer soos geskrywe is: Hierdie volk eer My met die lippe, maar hulle hart is ver van My af.

Mar 7:7  Maar tevergeefs vereer hulle My deur leringe te leer wat gebooie van mense is.

Mar 7:8  Want terwyl julle die gebod van God nalaat, hou julle aan die oorlewering van mense vas: die wassery van kanne en bekers, en ander dergelike dinge van dieselfde aard doen julle baie.

Mar 7:9  En Hy sê vir hulle: Julle verstaan dit goed om die gebod van God opsy te sit en so julle oorlewering te onderhou.

Bogenoemde aanhaling uit die Woord, is een van daardie geleenthede waar Jesus die Fariseërs baie ernstig aangespreek het oor hulle godsdienstigheid. En vandag, meer as 2000 jr later, is die godsdiensgees nogsteeds net só besig om die kinders van die Here te mislei en te laat dwaal omdat hulle die Skrifte nie ken nie.

Een van die algemeenste voorbeelde van tradisie wat volgehou word in ons land, is die tradisie van mondigwordings. 'n Paar jare gelede het wetgewing nog bepaal dat 'n persoon 21 jaar oud moes wees om wettiglik 'n kontrak op sy eie te kon aangaan en dit was vir baie jare die bepaling. Dan is dit ook daar waar die gebruik vandaan gekom het om dit te vier as kinders die ouderdom van 21 bereik het. Die wettige ouderdom is egter al jare terug verander, maar vandag nog word die tradisie slaafs gevolg om vir kinders met hul 21 ste verjaardag, 'n “21st party” te hou waar in die meeste gevalle net gedrink en gekuier word. Ten spyte van die feit dat wetgewing verander het, is hierdie tradisie nog een van die hoogtepunte vir menige jongmens...gelowiges ingesluit!


Ek gebruik die voorbeeld van mondigwording, net om te bewys hoé 'n sterk binding tradisie kan wees. Net só het menige van ons geglo dat Jona lewendig in die maag van die vis was vir 3 dae en 3 nagte, omdat dit is wat ons van Sondagskooldae af geleer was. Tog het nie een van ons die moeite gedoen om die Skrifte te ondersoek om te sien of dit die waarheid is wat aan ons oorgedra is nie. Die volgende leuen wat ons geglo het was dat Jesus “ter helle” neergedaal het, terwyl dit ook nêrens in die Woord staan nie! Dit is bloot leerstellings van kerke wat ons aangeneem het, omdat ons geglo het dat: “hulle mos nie vir ons sal lieg nie”.


En dan praat ek nie eers van die leuen van Jesus wat op “Goeie Vrydag” gesterf en op Sondag opgestaan het nie, terwyl dit glad nie aan die toets van Jona se 3 dae en 3 nagte voldoen nie. En Jesus het self gesê dat Sy dood en opstanding sal wees soos die teken van Jona. As mens dan die berekening doen vanaf Vrydag namiddag tot Sondagoggend, sal jy verseker nie 3 dae en 3 nagte kry nie, maak nie saak watter optelmasjien of metode jy gebruik nie! Tog aanvaar ons die spul leuens goedsmoeds net omdat hulle dit in die “Kerk” aan ons verkondig het. Dan praat ek nou nie eers verder van die Kersfees-leuen en ander tradisies waaraan vasgehou word nie.


Te veel word leringe aanvaar en te min word Skrifte ondersoek om te sien of die dinge wat gepreek word, werklik strook met die ware Woord van God...en na my mening is dit die 1933/53 Afr of King James- weergawes van die Bybel.


Tog het Jesus self gesê:

Mat 22:29  Toe antwoord Jesus en sê vir hulle: Julle dwaal, omdat julle die Skrifte nie ken nie en ook nie die krag van God nie.

Die realiteit is, dat ons eendag nie saam met die Dominee of Pastoor voor God se troon gaan staan nie, maar elkeen afsonderlik en Hy gaan vir my en jou vra: “wat het JY met my Woord gedoen?”


Wat gaan voortaan my en jou keuse wees, kind van God?


Mag Jesus u ryklik seën hierdie week en mag die Heilige Gees aan ons uitwys waar ons nog God se woord verwerp ter wille van tradisies!

Geplaas met toestemmin van Tiaan Gildenhys

Wat is die Bybelse Beginsel oor finansies?

Bybelse Beginsel – Alles behoort aan die Here, jy bestuur dit net. Jy bestuur God se geld!

1Kor 4:7 Wat behoort aan jou wat jy nie ontvang het nie, God het dit vir jou gegee deur genade. God gee ook jou werk vir jou, en teken jou salaris tjek. God gee oor aan jou jou gesondheid en energie om te kan werk. Alles genade van die Here.

God gee 9/10des van Sy geld aan jou, sodat jy ook ander kan sëen.

Ons is aangestel as rentmeesters oor ons finansies en moet nie bo ons inkomste leef nie. Skuld verwoes lewens, daarom moet ons ons finansies reg handteer en eerste ons 10de vir God terug gee sodat God vir ons kan vermeerder/ons verder sëen.

Joh 10:10 Dief het gekom om te steel, roof en slag, Jesus het gekom sodat ons oorvloedig kan lewe. Satan lieg vir jou om jou sëening te steel.

Mense is onkundig omtrend God se Woord oor die geestelike wet van saai en maak en daarom kry satan ‘n wettige houvas op jou finansies. Wat jy saai sal jy maai is van toepassing in alles in ons lewens, as jy onmin saai, gaan jy onmin maai, as jy finasiëel saai gaan jy finasiëel maai!

Materiele dinge is nie iets wat ons kan saam neem hemel toe nie, so dit moet nie vir ons ‘n afgod wees nie. God weet wat ons nodig het en sal vir ons voorsien as ons by God se riglyne hou.

Om ander te sëen finansiëel sal God jou ook finansiëel sëen. Dit is belangrik om te kyk waarop ons ons finansies spandeer. Mense sukkel finansiëel omdat hulle verslaaf raak aan goed soos drank, kooplus, materiele dinge, om ander mense te wys wat hul adres is en watter model voertuig hulle ry….alles aardse dinge, wêreld goed!

God sê maak eder skatte in die hemel bymekaar waar geen dief dit kan steel en dit nie opgevreet kan word nie…dit is die eerste beginsel wat ons in ons lewens moet toepas.

Om ons 10de vir die werk van God terug te gee is ‘n Bybelse beginsel wat God ingestel het. Ons betaal nie 10des omdat ons terug wil ontvang nie, maar omdat ons God se natuur in ons het!

God sëen ons, ons moet ook Sy Huis sëen, God voorsien aan ons met liefde, ons moet ook aan Hom (kerk) voorsien met liefde, ons gesindheid moet reg wees.

Ek kry baie keer die geval waar mense se “ja maar die pastoor spandeer die geld op dit of dat” My mening hieroor is, wat die pastoor met die geld maak het niks met jou te doen nie, jy betaal jou 10de want dit is ‘n saak tussen jou en God, wat die pastoor met die 10de maak, is ‘n saak tussen hom en God. Elkeen is verantwoordelik vir sy eie doen en late en saligheid.

Ons moet ‘n oophand hë vir God se werk, sodat God ons ook weer kan sëen, maar ons moenie saai met die verwagting om te maai nie, ons moet saai omdat ons God se geaardheid het, God het ‘n vrygewige gewer lief.

Hoekom is dit belangrik om dit vir ander te leer?

Omdat dit ‘n Bybelse beginsel is, omdat God ons wil leer hoe om ‘n sëening vir ander te wees en hoe om God se sëen te ontvang. Dit is ook belangrik dat mense die regte konsep kry van waaroor 10des gaan en hoe dit werk sodat hulle met liefde kan saai in die Koningkryk van God, en sodoende uit hulle finansiële probleme kan kom.

2 Ko5:7 God het 'n vrygewige gewer lief!

Indien iemand gebed of geestelike raak benodig, kontak my belindapaar@gmail.com

Bybelse bewyse waar en hoe die gee van tiendes ontstaan het.

Tiendes betaal is nie deel van die wet nie en het alreeds voor die wet onstaan toe Abraham aan Melgesedek 10 des betaal het, om hom te sëen, nadat Malgisedek aan hom brood en wyn gebring het. Gen 14:18


Heb 7:1 Wie Megisedek was:
Malgisedek was ‘n gesalfde hoëpreister van God, sonder ‘n geslagsregister, en Koning van Salem wat beteken “vrede” Hy was ook koning van geregtigheid, hy was die ewebeeld van Jesus.


– Soos Abraham aan hom die 10de betaal het so betaal ons ook aan die HoëPriester Jesus nou ons 10de. Jesus het onder die orde van Melgisedek gekom.

Mal 10:8-11 Ons beroof God in ons tiendes, God sê toets My hierin en sien of Ek die hemelvensters vir jou sal oop maak en jou oes sal beskerm teen die sprinkane.

Omrede God ons nooi om Hom te toets bewys dat dit vir Hom belangrik is dat ons ons 10de aan Hom moet teruggee.

As ons nie 10de betaal nie (God beroof) is ons vervloek met armoede, nie deur God nie maar deur satan omdat ons ‘n deur vir hom oopmaak deur te steel.

10de moet ‘n leefwyse wees net soos wat geloof ‘n leefwyse is, ons moet ‘n verhouding met God bou deur 10des te betaal, deur God te vertrou om vir ons te voorsien. Jou oes kan nie groei as jy nie saai nie, God is ‘n God van vermeerdering, soos met die 5 brode en 2 vissies gesien kan word. 10des is nie ‘n wet nie maar ‘n hartsaak, dit moet ‘n voorreg wees om aan God lofoffers te bring, en nie iets wat jy betaal omdat jy iets terug wil ontvang nie, jou gesindheid moet reg wees, want God kyk na jou hart nie na jou geld nie.

Om nie jou 10de te betaal nie, beroof jy jouself van jou eie sëeninge deur suinigheid.

Wanneer jy 10de betaal bid oor dit en sëen dit, dit is ‘n offer wat jy aan die Here bring.

Saai in vrugbare grond. Maak God eerste in jou lewe, en God sal vir jou voorsien (Matt 6:25-34)

Rom 10:13 As jy in finansiele probleme sit bely dit as sonde en begin om jou 10de te betaal san sal God vir jou voorsien en jou uit jou probleme help

Aan eie moet ek my10de betaal as jy nie aan 'n kerk behoort nie maar tussen kerke is? Daar waar jy geestelik gevoed word! Hiermee sê ek nie dat jy nie 'n vaste kerk moet hê nie, want ons moet deel wees van 'n kerk, maar soms word ons geestelik gevoed deur 'n Evangelisasie organisasie, en mag ons, ons 10des aan hulle betaal om hulle te help om God se Woord en die Evangelie verder te verkondig, soos ek gesê het saai op vrugbare grond!


6 Areas van gee:

1. Betaal 10des
2. Offergawes is vir armsorg, weduwees, liefdadigheid
3. Predikers
4. Evangelisasie
5. Offergawes (kerk se onthoudskoste)
6. Ander offers wat nie geld behels nie – tyd, werk vir God ens maar jou tyd vervang nie die geld wat jy moet betaal nie, dit is net 'n offer wat jy maak vir God.

Indien iemand gebed of geestelike raad benodig, kontak my belindapaar@gmail.com

Emosionele bagasie wat ons opvreet!

1. Onvergewingsgesindheid:-

Ons moet vergewe en vryspreek sodat God ons ook kan vergewe. Onvergewingsgesingheid het stappe – woede, haat, geweld, en selfs moord. Kort voor lank gaan jy die persoon wil terug kry oor wat aan jou gedoen of gesê is Rom 12:17-19 (verkort) moenie kwaad met kwaad vergeld nie, moenie self wraak neem nie.

Oplossing: As jy sukkel om te vergewe, vra die Here om jou te help. 2 Kor 10:5 (verkort) Ons neem elke gedagte gevange om dit aan Christus gehoorsaam te maak.

2. Hoogmoed en trots :

Definisie van hoogmoed is minderwaardigheid! Mense wat hoogmoedig is, is gewoonlik mense wat uit arm agtergrond kom, God haat hoogmoed en Woord sê hoogmoed kom tot ‘n val. (Spr 16:18) Satan is perfekte voorbeeld want hy het hoogmoedig geword teenoor God.

Oplossing:   Geestelike wet…As jy jouself gaan verhoog, gaan God jou verneder, as jy jouself voor God gaan verneder en vergifnis vra, sal Sy liefde jou vergewe en sal God jou verhoog.

3. Verwerping:

Jy is geskape in Godsbeeld, jy is geroep vir die aarde, net God kan lewe skenk, en het jou beplan voor die aardlegging, jou gevorm in moederskoot, jou asem gegee en jou met eer bekroon, jou aangestel net onder die engele en jou mag gegee om oor alles te heers wat  aan Hom behoort, jy is duur gekoop met Jesus Bloed en Heilige Gees ingeworpe, God sê jou moeder en jou vader sal jou verlaat, maar Ek sal jou nooit verlaat nie!
Jesus was ook verwerp deur Sy eie nasie en is gekruisig.

Oplossing: Vergewe mense wat jou verwerp laat voel het, en gaan na Jesus vir genesing oor jou emosionele dimensie. Jesus maak waarlik vry.

4. Rebellie:

Rebellie kom 100% van satan af, hy was die eerste een wat die sonde gepeeg het teenoor God. As jy rebels is weet jy satan staan agter jou! As jy rebels is, is jy ongehoorsaam aan God en gehoorsaam aan satan. Efes 4:17 verharding van jou hart, jy is in rebellie (20) julle het Christus nie so leer ken nie.

5. Spanning:

God wil nie he jy moet spanning in jou lewe hê nie. Om in spanning te leef beteken dat jy God nie vertrou nie, God sê kom na My toe! God sal jou vrede gee want mens se verstand te bowe gaan. Alles werk ten goede mee met die wat God liefhet. (Ps 23) Al gaan ek ook in ‘n dal van doodskaduwee, U is met my!  Die Here is jou Herder niks sal jou ontbreek nie.
Spanning is nie van God nie, en het stappe soos woede uitbarstings, mislike persoonlikheid en is nie goed vir jou gesondheid nie

Heb 11:1 Die geloof is ‘n vaste vertroue op die dinge wat ons hoop, ‘n bewys van die dinge wat ons nie kan sien nie….Geloof breek spanning!

Oplossing:

1Pet 5:7 Werp al jou bekommernisse op Hom, want Hy sorg vir jou!
Ps 55:23 (verkort) werp jou sorg op die Here, en Hy sal jou onderhou.

6. Woede:

Woede verwoes lewens! Jy begin mense sleg sê en beskinder. Dit veroorsaak bitterheid en gegrieftheid in jou lewe, dit beinvloed jou sosiale lewe, en kort voor lank sit jy alleen want niemand wil naby jou wees nie. God het ons geskape volgens Sy beeld, Sy natuur en die hele definisies van Sy gees en siel. Hy het ons ook selfbeheersing gegee.

Efes 4 Moenie kwaad gaan slaap nie, Jak 1:19-21 (verkort) toorn van ‘n man bewerk nie geregtigheid voor God nie.

Oplossing: Fip 4:13 Ek is tot alles instaat deur Jesus wat my krag gee! Gaan soek hulp by die Kruis

7. Agterdog:

Agterdog breek verhoudings af, jy sit jouself in gevangeniskap met agterdog, waar daar nie vertroue is nie kan daar nie liefde wees nie.

Oplossing:
Ons kan nie ons eie mans/vrouens oppas nie maar Jesus kan! As jy sukkel met agterdog, vra Jesus om jou man/vrou op te pas en hulle oë toe te maak vir wat nie van Hom is nie, en vertrou Jesus daarmee.

8. Jaloesie:

Daar is ‘n mooi en lelike jalousie. God is jaloers op ons en wil ons nie deel nie, net so ook man/vrou binne die huwelik.
Lelike jalousie is wanneer jy besitlik word, agterdogtig is, begin om mense aftepers en dreig. Skinder is vorm van jaloesie, jy breek mense af omdat jy minderwaardig voel teenoor hulle. Jy probeer hulle op jou vlak bring deur hulle sleg te sê en te beskinder. Sëen eder die persoon sodat God jou ook kan sëen.


9.Bitterheid:

Heb 12:14 (verkort) Jaag die vrede na…leef in vrede…streef heiligmaking na…bitterheid besoedel jou!

Bitterheid is ‘n baie ernstige emosionele probleem wat mens so gou as moontlik by die kruis moet kry. As ons kyk na Kain en Abel se verhaal sien ons die stappe van bitterheid!
Bitterheid is ‘n sterkman en sy gesante/onderdane is: Onvergewingsgesindheid, wrok/afkeer, vergelding, worde, haar geweld, moord.

Jer 4:18 Jou handel en jou wandel het dit aan jou gedoen, dit is jou boosheid, ja bitteris dit, ja dit raak tot aan jou hart.

Oplossing: Bely dit as sonde, vergewe en vergeet… en spreek God se Woord oor jouself. 2Kor 10:4&5 (verkort) elke gedagte gevange neem tot gehoorsaamheid aan Christus

10.Vrees:

Vrees is nie van God af nie! .

(2 Tim 1:7) God het ons nie ‘n gees van vreesagtigheid gegee nie, dus kom dit van satan
Matt 8:26 Waarom is julle bang, kleingelowiges?
Matt 14:31 Kleingelowiges waarom twyfel julle?

Geestelike wet: Job 3:25 Dit wat jy vreeslik vrees kom na jou toe aan!

Vrees is vernietigend vir liggaam, siel en saligheid: Dit vreet aan jou geloof, plunder jou hoop, steel jou Vryheid, beroof jou van vreugdevolle lewe, veroorsaak emosionele pyn! Vrees hou jou weg van God se beloftes vir jou lewe.

DIt maak jou siek! Gee jou hoë bloeddruk en veroorsaak hart siektes! Luk 21:26  In die laaste dae sal mense se harte beswyk van vrees!

Vrees is sonde! Rom 14:23 (verkort) alles wat nie uit geloof is nie is sonde & Open 21:8 (verkort) Maar wat die vreesagtiges aangaan en die ongelowiges……hulle deel is in die poel wat brand met vuur en swael.

Oplossing: Bely vrees as sonde en vra Jesus om jou waarlik vry te maak van die gees van vrees. Rom 12:2 (verkort) laat God julle verander deur julle denke te vernuwe


11. Selfbejammering:

Selfbejammering hou jou weg van God af, Jesus is jou Verlosser, moenie vasgevang raak in selfbejammering nie, glo aan wat Jesus aan die Kruis vir jou gedoen het juis om jou vry te maak van emosionele bagasie

Oplossing:
Fil 3:14  (eie woorde) Los die verlede se mislukkings en traumas…selfbejammering bind jou aan die verlede


12. Vewarring:

Verwarring kom van satan sodat jy nie in oorwinning kan staan nie! Baie mense sit met verwarring oor hulle geestelike lewe, omdat hulle God se Woord nie ken nie! Omdat hulle nie verstaan wat die Kruisboodskap vir ons beteken nie!

Oplossing:

Glo God se Woord as waarheid! Bid vir jou verlossing! Skryf God se Woord op jou hart!

Spr 30:5 Elke woord van God is gelouter! Hy is ons skild, vir elkeen wat by Hom skuil,
Ps 139:23 Deursoek my O God, en ken my hart, toets my onrustige gemoed.
1 Kor 14:33 Want God is nie ‘n God van wanorde nie maar van vrede….

Engelse Bybel se dit eintlik beter…God is not a God of confusion but of peace.

Indien iemand gebed of geestelike raad benodig, kontak my belindapaar@gmail.com

Just by the grace of God

WHAT A LIFE WE LIVE!

Have you taken note of the CO-INCIDENCE OF LIFE:

1. CHURCH has 6 letters so does MOSQUE.

2. BIBLE has 5 letters so does QURAN.

3. LIFE has 4 letters so does DEAD.

4. HATE has 4 letters, so does LOVE.

5. ENEMIES has 7 letters, so does FRIENDS.

6. LYING has 5 letters, so does TRUTH.

7. HURT has 4 letters, so does HEAL.

8. NEGATIVE has 8 letters, so does POSITIVE.

9. FAILURE has 7 letters, so does SUCCESS.

10. BELOW has 5 letters, so does ABOVE.

11. CRY has 3 letters so does JOY.

12. ANGER has 5 letters, so does HAPPY.

13. RIGHT has 5 letters, so does WRONG.

14. RICH has 4 letters, so does POOR.

15. FAIL has 4 letters, so does PASS.

16. KNOWLEDGE has 9 letters, so does IGNORANCE.

Are they all by Coincidence? We should choose wisely, this means LIFE is like a double-edged sword.
If you think it is your alarm clock that woke you up this morning, try putting it beside a dead body and you will realise that it is the grace of God that woke you up.

It is JUST BY THE GRACE OF GOD that we are alive.

Take Life Easy, Life is short.

1.No matter how beautiful and handsome you're, just remember Baboon and Gorillas also attract tourists .
Stop Boasting

2.No matter how big and strong you are, you will not carry yourself to your Grave .
Be Humble

3.No matter how tall you are, you can never see tomorrow.
 Be Patient

4.No matter how Light Skinned you are, you will always need light in Darkness
 Take Caution 

5.No matter how Rich and many Cars you have, you will always Walk to Bed
Be Contented

Take Life Easy, Life is short.

God is God:

He doesn't care about *age*, no wonder he blessed Abraham.

He doesn't care about *experience*, no wonder he chose David.

He doesn't care about *gender,* no wonder he lifted Esther.

He doesn't care about *your past*, no wonder he called Paul.

He doesn't care about *your physical appearance*, no wonder he chose Zachaeus
(the shortest one).

He doesn't care about *fluency in speech* , no wonder he chose Moses.

He doesn't care about *your career*, no wonder he choose Mary Magdalene; a prostitute.

He doesn't care about *class*, no wonder he sent his own Son on earth.

All I know is that my God never changes

He never made *a promise he wouldn't keep*

He never saw *a person he wouldn't help*

He never heard *a prayer he wouldn't answer*

He never found *a soul he wouldn't love*

He never found *a sinner he wouldn't forgive*

This is the kind of God I would like to commune with every day the moment I wake up.
 I strongly recommend Him to you. 

Net ietsie mooi om te deel - Wie is Jesus?

Wie is Jesus? 

 Vir die juwelier is Hy die Kosbare pêrel..•°

 °•Vir die bakker is Hy die Brood van die Lewe..•°

 °•Vir die oogarts is Hy die Stralende Oë..•°

 °•Vir die dokter is Hy die Groot Geneesheer..•°

 °•Vir die bankier is Hy die Kosbare Skat..•°

°•Vir die tuinier is Hy die Herfsroos van Saron en die Lelie van die Dale...•°

 °• Vir die koerantman is Hy die Tyding van Groot Blydskap..•°

 °•Vir die geoloog is Hy die Ewige Rots..•°

°•Vir die regter is Hy die Waaragtige Getuie..•°

 °•Vir die advokaat is Hy die Voorspraak..•°

 °•Vir die prisonier is Hy die Verlosser..•°

°•Vir die dorstige is Hy die Fontein van Lewende Water..•°

 °•Vir die landbouer is Hy die Ware Wynstok..•°

 °•Vir die skaapwagter is Hy die Goeie Herder..••

°•Vir die sterrekundige is Hy die Blink Môrester..☆•°

 °•Vir die musikant is Hy die Soetste Melodie..•°

 °•Vir die kunstenaar is Hy die Lieflikheid self..•°

°•Vir die treurende is Hy die Trooster..•°

 °•Vir die sagmoedige is Hy die Prins van Vrede..•°

 °•Vir die vermoeide is Hy die Een wat Rus gee..•°

 °•Vir die sondaar is Hy die Lam van God wat die sonde van die wêreld wegneem...♡•

Vals profete?

“Elkeen wat bely dat Jesus die Seun van God is - God bly in hom, en hy in God.” (1 Johannes 4:15)

Soos ek deur die land toer, kom ek al hoe meer agter hoe baie Christene ander Christene, met wie hulle nie saamstem oor een of ander saak nie, baie gou wil etiketteer as “vals profete”. Ek was persoonlik daaraan skuldig toe ek voor my bekering, as ouderling in die kerk, ook gou geneig was om ander mense met wie ek nie saamgestem het nie, as “vals profete” te brandmerk.


Die rede hiervoor is omdat ek destyds, en ek glo net soos baie Christene van vandag, nie my Skrifte geken het nie (Mattheus 22:29). Want eers nadat ek tot bekering gekom het, en ‘n persoonlike ontmoeting met Jesus Christus gehad het, het die Heilige Gees die bogemelde teksvers aan my uitgewys. Hy het my ook terselfdertyd daarop gewys dat baie Christene vandag ander Christene as “vals” brandmerk, bloot net omdat hulle nie met mekaar saamstem oor die grootdoop, of die wegraping, of geloofsgenesing, of wat ookal nie, maar tog bely daardie ander Christene niks anders as dat Jesus die Seun van God is nie.


En wat beteken dit? Dat God in daardie persoon bly en hy in God – selfs al stem ons nie met mekaar saam oor daardie ander aangeleenthede in die Bybel nie.


'n Tweede teksvers wat dieselfde waarheid bevestig en as toets gebruik kan word, is 1 Korinthiërs 12:3: "Daarom maak ek julle bekend dat niemand wat deur die Gees van God spreek, Jesus 'n vervloeking noem nie; en niemand kan sê dat Jesus die Here is nie, behalwe deur die Heilige Gees."

So geliefde, voordat jy dus weer gou iemand as “vals profeet” probeer brandmerk, luister gerus net eers of hy dalk bely dat Jesus die Seun van God is, of dat Jesus die Here is, of nie. Want indien hy dit wel doen, dan bly God in hom en hy in God en doen hy dit slegs deur die Heilige Gees, en kan hy dus NIE ‘n “vals profeet” wees nie, selfs al stem jy dalk nie met hom saam oor sekere ander aspekte in die Bybel nie.

 (tiaan gildenhuys – tg@ oicb.co.za)
Geplaas met toestemming van Tiaan Gildenhuys

Sou iemand gebed of geestelike raad benodig, kontak my by belindapaar@gmail.com

Toe-eiening van die Woord

"‘n Psalm van Dawid. Die HERE is MY herder; niks sal MY ontbreek nie. Hy laat MY neerlê in groen weivelde; na waters waar rus is, lei Hy MY heen. Hy verkwik MY siel; Hy lei MY in die spore van geregtigheid, om sy Naam ontwil. Al gaan EK ook in ‘n dal van doodskaduwee, EK sal geen onheil vrees nie; want U is met MY: u stok en u staf dié vertroos MY. U berei die tafel voor MY aangesig teenoor MY teëstanders; U maak MY hoof vet met olie; MY beker loop oor. Net goedheid en guns sal MY volg al die dae van MY lewe; en EK sal in die huis van die HERE bly in lengte van dae." (Psalm 23:1-6)

Baie mense kom na my toe vir berading, of hulp met hulle gelooflsewe. En telkens kom ek agter dat die probleem is: - ‘n gebrek aan toe-eiening van die Woord. Mense sal gou sê hulle glo wat in die Woord staan, maar hulle eien dit nie vir hulleself toe nie, wat outomaties tot gevolg het dat hulle nie DOEN wat daar staan nie. Die groot rede daarvoor is dat meeste Christene net geleer het om die Bybel te “interpreteer”, of in hierdie of daardie “konteks” te lees, wat meegehelp het daartoe dat baie gelowiges nie besef dat dit wat daar staan, fisies ook op hulle normale lewens van toepassing is nie.

Volgens my is Psalm 23 een van die beste Psalms om ons te leer hoe om die Bybel vir onsself letterlik toe te eien. Die woord “my” kom 14 keer daarin voor, wat dit duidelik laat blyk dat alles waarna daardie Psalm verwys, nie van toepassing is op jou broer, suster, ma, pa of dominee of pastoor nie, maar op JOUSELF.

Dus kan elkeen van ons wat onsself  as Christene beskou  elke ding wat in hierdie Psalm geskryf is, vir onsself toe-eien, en dan letterlik staan op daardie beloftes wat daar na verwys word. Het JY dit al begin doen, liewe vriend of vriendin? Het jy al na elke teksvers in hierdie Psalm gekyk, en JOU naam by daardie woord “my” ingesit? En het jy al besef dat al daardie dinge dan ook met JOU sal gebeur as jy dit so persoonlik vir jou begin toe-eien?

Mag die toe-eiening van die waarhede van hierdie ou bekende Psalm in hierdie week, jou lei om die RES van die Woord OOK vir jouself toe te eien, juis sodat jy gehoorsaam daaraan kan begin lewe en die beloftes en seëninge daarin ook in jou lewe kan begin sien waar word.

 (tiaan gildenhuys - tg@oicb.co.za)
Geplaas met toestemming van Tiaan Gildenhuys

Indien enige een gebed of geestelike berading benodig kontak my belindapaar@g,mail.com