Hoekom slaan mans vrouens en wat se die Bybel daarvan? Deel 2

Deel 2

Kol 3:19 Manne, julle moet jul vroue liefhe en nie teen hulle verbitter word nie.

1Pet 3:7 Net so moet julle manne, verstandig met hulle saamlewe en aan die vroulike gesag, as die swakkere, eer bewys, omdat julle ook mede efgename van die genade van die lewe is, sodat julle gebede nie verhinder mag word nie.

Efes 4:29-32 Laat daar geen vuil woord uit julle monde uitgaan nie, maar net ‘n woord wat goed is vir die nodige stigting, sodat dit genade kan gee aan die wat dit hoor, en bedroef nie die Heilige Gees van God nie, deur wie julle verseel is tot die dag van verlossing. Alle bitterheid en woorde en toorn en geskreeu en lastering moet van julle verwyder word, saam met alle boosheid.

Mat 15:18&20 Maar die dinge wat uit die mond uitgaan, kom uit die hart, en dit is die wat mens onrein maak, want uit die hart kom daar slegte gedagtes, moord, egbreuk, hoerery, diewery, valse getuienis, lastertaal. Dit is hierdie dinge wat mens onrein maak, maar om met ongewaste hande te eet maak mens nie onrein nie.

Ons almal ken die Bybel vers wat se die vrou moet onderdanig wees aan haar man, want hy is die hoof van die gesin, soos Jesus die hoof is van die kerk. Vir die man se God, wees lief vir jou vrou soos vir jouself! Jy sal tog nie jouself seer maak nie, hoekom dan die vrou wat jy moet liefhe soos jouself, en as jy vergelyk word met Jesus wat hoof is van die kerk, hoeveel eer is nie daarin nie? En hoe sal Jesus die huis se hoof gewees het? Sou hy sy vrou (en kinders) fisies en emosioneel afbreek en aanrand? Kyk wat se die Woord verder vir die man!

1Tim 3:1-5 Dit is ‘n betroubare woord: as iemand na ‘n opsienersamp verlang, begeer hy ‘n voortreflike werk. ‘n Opsiener dan moet onberispelik wees, die man van een vrou, nugter, ingetoe, fatsoenlik, gasvry, bekwaam om te onderrig, geen drinker, geen vegter, geen vuilgewindsoeker nie, maar vriendelik, geen strydlustige, geen geldgierige nie, een wat sy eie huis goed regeer en sy kinders met alle waardigheid in onderdanigheid hou.

Mag ‘n vrou ‘n man skei wat haar slaan?

Die Woord se wanneer iemand eg gebreek het mag hulle skei en ook as die man onbekwaam is om getroud te wees. Mat 19 praat Jesus oor skei in vers 8 se Hy “Omdat Moses weens die hardheid van julle harte julle toegelaat het om van julle vroue te skei,” Lees asb die hele gedeelte self, in vers 12 se Jesus, want daar is persone wat onbekwaam is om te trou, wat van die moedeskoot af so gebore is, en daar is persone wat deur die mense onbekwaam gemaak is, en daar is persone wat hulleself onbekwaam gemaak het ter wille van die koningkryk van die hemele.

Let asb mooi daarna op dat hierdie my opinie is en dat ek seker is dat sekere kerkgenootskappe nie met my sal saam stem nie, ek kan nie sien dat God sal toelaat dat iemand in ‘n huwelik sit waar hulle afgebreek en geslaan word nie. God se ons moet oorvloedig lewe, met blydskap, vrede, geluksalig ens, hoe moet iemand in so huwelik leef met wat die Woord se? Daarom voel ek in my hart dat God sal verstaan as iemand uit so huwelik wil skei. Daar is NIE, so ver my kennis strek ‘n Bybelvers wat se jy mag skei as jy mishandel word nie, en ek sal geen mens aanraai om te skei nie, maar eder probeer om die man te help om te verander, maar ek voel nogsteeds dat as mens se lewe ingevaar is, sal God se toelaatbare wil so vrou se skeisaak insien en verstaan.

Watter hulp is daar vir so man volgens die Bybel?

Jak 3:13-18

   13. Wie is wys en verstandig onder julle? Laat hom uit sy goeie lewenswandel sy werke in               sagmoedige wysheid toon.

14. Maar as julle bittere afguns en selfsug in julle hart het, moenie roem en lieg teen   die waarheid nie,

15. Dit is nie die wysheid wat van bo kom nie, maar is aards, natuurlik, duiwels,

16. Want waar afguns en selfsug is, daar is wanorde en allerhande gemene dade,

17. maar die wysheid van bo is ten eerste rein, dan vredeliewend, vriendelik, geselig,   vol barmhartigheid en goeie vrugte, onpartydig en ongeveinsd.

18. En die vrug van die geregtigheid word gesaai in vrede vir die wat vrede maak.

Vers 15 is die vers waarop ek wil klem le, dit is duiwels! So die dryfkrag agter die persoon se minderwaardigheid, humeur, aggresie, afbrekerigheid en wil om te beheer is niks anders as demonies nie. Kyk na vorige “blogs” waar ek verduidelik wat demone is en hoe hulle mens kan beheer as jy nog nie het nie. Vir elke negatiewe emosie is daar ‘n demoon, so in hierdie spesifieke geval is dit dan die demoon/gees van minderwaardigheid, gees van humeur, gees van aggressie ens. wat die persoon beheer en die probleem kan baie vinnig uitgesorteer word deur ‘n Pastoor wat weet hoe om bevryding te doen.

Let weereens daarna op dat ek se “ ‘n Pastoor wat weet hoe om bevrydings te doen!” Hierdie is ‘n ernstige saak en moet reg gedoen word, nie elke 2de man in die kerk kan bevrydings doen nie, soek iemand wat daarin spesialiseer en wat geleerd is op die gebied. Ek noem dit omdat ek weet van mense (nie pastore nie) wat se dit is ‘n gawe wat hulle ontvang het om dit te kan doen, en eintlik rig hulle meer skade aan as wat hulle goed doen want die demone verlaat nie die persoon nie, en die persoon is onder ‘n wan-indruk en wanneer die probleem terug kom draai hulle of teen die kerk, of dink dat dit hulleself is wat die skade aanrig, en nog meer emosionele probleme begin kop uitsteek.

Jesus Groete
Belinda

As enige iemand berading, geestelike hulp of gebed nodig het, kontak Belinda by belindapaar@g.mail.com