Wat verwag God van jou nadat jy ‘n Christen geword het?

English: Jesus entering Jerusalem on a donkey (Photo credit: Wikipedia)

 

Hoe moet ons leef nadat ons ons lewe vir Jesus gegee het en gedoop is? Baie Pastore preek “once saved, always saved” dit is nie waar nie, ons moet werk aan ons verhouding met die Here, ons moet elke dag daarna strewe om God gelukkig en trots te hou op ons. Kom ons kyk wat se die Woord.

Lees die Bybel elke dag! Ps 1:2  maar sy behae is in die wet van die Here, en hy oordink die wet dag en nag.

Wees bereid om vir God te werk! iiTim 2:15 Le jou daarop toe om jou beproef voor God te stel as ‘n werker wat hom nie hoef te skaam nie, wat die woord van die waarheid reg sny.

Bid gereeld en vurig, dit is hoe ons God dank, ons hartbegeertes met Hom deel en Hom vra om ons te help. Pet 5:7  Werp al julle bekommernis op Hom, want Hy sorg vir julle! 1 Tes 5:17 se Paulus: Bid sonder ophou. Joh 15:7 Jesus se: Alles wat ons in Sy Naam vra, sal ons ontvang. En as ons vir ander mense bid, seen God ons!

Gaan gereeld kerk toe sodat julle opgebou kan word en in vrede en troos kan lewe: Hand 9:31 En die gemeentes…het vrede gehad en terwyl hulle opgebou is en gewandel het in die vrees van die Here, en die vertroosting van die Heilige Gees, het hulle vermeerder.

Gee vrylik aan die kerk en betaal jou tiendes. Baie mense redekabel oor die tiendes. God se wat jy saai, sal jy maai…as jy geld saai, sal jy geld maai. Mal 3:8-10 Mag ‘n mens God beroof? Want julle beroof My en julle se “ Waarom het ons U beroof? In die tiendes en die offergawe. (9) Maar die vloek is julle belaai en tog beroof julle My, julle die hele nasie! (10) Bring die hele tiende na die skathuis, sodat daar spys in My huis kan wees, en beproef My tog hierin, se die Here van die leerskare, of Ek vir julle nie die vensters van die hemele sal oopmaar en op julle ‘n oorvloedige seen sal uitsort nie.

Baie mense kla oor wat die kerk met die geld doen wat hulle invorder. Streng gesproke het dit niks met jou te doen nie, jy gee vir God, wat die kerk daarmee doen is ‘n saak tussen hulle en God. God sal jou seen vir wat jy gegee het en met hulle diensooreenkomstig werk as dit nodig is.

Ondersteun mekaar in geloof sodat niemand verlore gaan nie Heb 3: 12&13 (verkort) Sorg dat daar nie miskien in een van julle ‘n bose en ongelowige hart is deurdat hy van die lewende  God afvallig word nie, maar vermaan mekaar elke dag!

Laastens, maak seker dat jy ‘n voorbeeld is van Jesus, behandel mense reg en met respek, laat jy die spieelbeeld wees waarin mense Jesus sien, die advertensie van Jesus! Baie mense noem hulleself Christene en tree glad nie so op nie, en dit veroorsaak dat Christene ‘n slegte naam kry, tree op sodat mense wil he wat jy het! Jesus in jou!!

Jesus seën

Belinda

As jy enige geestelike hulp, gebed of berading verlang skryf aan Belinda Paar (belindapaar@gmail.com)