God se beskerming

“En Ek sal vir hom wees, spreek die HERE, ‘n vurige muur rondom en tot heerlikheid daar binne-in.” (Sagaria 2:5)

“Want onse God is ‘n verterende vuur.” (Hebreërs 12:29)

Die Here plaas al vir etlike maande hierdie teksvers op my hart. Want sonder dat ek kennis gedra het van die betrokke vers, het ek op ‘n stadium deur die loop van 2016 daagliks begin bid en die Here gevra om ook ‘n muur van vuur rondom my en my vrou en my kinders te plaas. Voor dit het ek altyd net gebid en gevra dat Hy ons sal toemaak met Jesus se bloed, en dat Hy Sy engele sal opdrag gee om rondom ons te wees vir daardie dag, volgens Psalm 91:11.

Maar een oggend wys die Here toe vir my hierdie vers in die Bybel en skielik besef ek wat het die Heilige Gees my reeds maande vantevore begin wys, sonder dat ek die Skrif daarvoor gehad het. En toe hierdie vers aan my geopenbaar is, het daar skielik ‘n wonderlike nuwe waarheid van God se Woord in my hart ontplof!

Kyk mooi wat sê daardie eerste vers, dat God HOMSELF vir ons as Sy kinders ‘n vurige muur van beskerming rondom ons sal wees. Wat ‘n wonderlike God dien ons nie! En as Hy dan daardie muur van beskerming om ons is, en die Woord sê duidelik Hy is ‘n verterende vuur, wat is daar wat teen ons kan kom sonder dat Sy verterende vuur dit nie van ons af sal wegbrand nie? Dis nog sonder om in ag te neem wat die addisionele beskerming is van God se engele rondom ons, en Jesus se bloed oor ons!

Hieruit is dit darem baie duidelik dat Jesus graag wil hê dat ons Sy beskerming TEN VOLLE sal geniet. Maar ongelukkig is ons geneig om self onder daardie beskerming uit te beweeg met die keuses wat ons in die lewe maak. Die Bybel is egter ook duidelik dat ons dit nie sommer net outomaties sal ontvang nie, ons moet bid en vra, en dan sal ons dit ontvang.

“Vader, baie dankie dat die Woord sê dat U self ‘n vurige muur van beskerming om my en my geliefdes sal wees, maar dat ons moet vra, en dan sal ons dit ontvang. Ek bid daarom dat U self ‘n vurige muur van beskerming om my en my geliefdes sal wees, en  dat U verterende vuur enigiets sal wegbrand wat vandag teen my en my geliefdes mag kom. In Jesus se Naam vra ek dit. Amen.”


(tiaan gildenhuys - tg@oicb.co.za)
Geplaas met toestemming van Tiaan Gildenhuys

Het God jou siekte vir jou gegee?

Het jy al gehoor van kinders van die Here wat getuig en sê …

”God  het hierdie siekte vir my gegee het , so ek sal die kruis dra vir Jesus”?

 Is so stelling waar? Mag ons ooit so iets kwyt raak? Sê ons nie hiermee dat God nie altyd goed is nie?

En dan nog iets wat my pla is dat ons vertel word ons moet net geloof hê dan sal ons genees, en dan bid die pastoor  vir jou en vra….” Vader, as dit U wil is, genees die persoon”! ….as dit U wil is???

Wat moet die persoon nou glo as hy/sy nie gesond geword het nie? Dit was nie God se wil nie? Of moet hoe moet jou geloof nou wees?  Gaan jy nie twyfel oor die woorde “As dit U wil is nie”? Ek sal twyfel of dit God se wil is om my te genees as iemand so vir my bid!

Hierdie tipe van gebed maak nie vir my sin nie, nog minder dat God vir jou Jesus se kruis gegee het om te dra! So vêr ek in die Woord kan lees, is en was dit nog altyd Jesus en God se wil om jou te genees….in teendeel lees ek dat dit nie God se wil is dat jy moet siek word nie!! Nou waar kom die siekte dan vandaan?

Joh 10:10 Lees ons dat die duiwel kom om te slag te steel en te vermoor (KJV) sê “to kill”. Dan lees ons verder,  Joh 8:44:  Dat satan die vader van leuens is, en ‘n mense moordernaar!

Gee God dan vir ons siekte?    

Beteken die feit dat Jesus die kruis gedra het vir ons dan niks nie? Het Jesus nie juis die kruis gedra vir ons, sodat ons nie nodig het om die kruis te dra nie? Jesus het die volmaakte prys betaal vir ons, sodat ons vandag in geregtigheid met God kan leef, om ons terug te bring na God toe, hoekom sal ons dan sê dat ons die kruis vir Jesus dra? Die kruis is dan juis ons verlossing in elke sin van die woord.Dit is mos nie Bybels korrek nie!

Hier is nog ‘n stelling wat my vertel dit is nie reg om God te blameer vir ons siekte nie….

Jes 5:20 Wee hulle wat sleg goed noem en goed sleg, wat die duisternis lig maak en die lig duisternis, wat bitter soet maak en soet bitter.

Watter waarskuwing sien ons hier? Wee jou wat sê dat God jou siek gemaak het, God wat goed is, dis ons  wat die lig, duisternis maak, wat soet bitter maak!

Daar is wel geskrywe….

Mat 10:38 “En wie sy kruis nie neem en agter My volg nie, is My nie waardig nie” ….

Wat sou Jesus hierby bedoel het?  Dat ons, ons siekte (kruis) moet neem en Hom volg? Nee stellig nie! Jesus praat hier van ons geloof in die Kruis boodskap… Jesus het aan die kruis gesterf vir elkeen van ons, ons moet in geloof staan dat die kruis boodskap waar is, en die boodskap opneem en Jesus volg….nie die siekte nie! Maar die waarheid van die Evangelie!

Die Woord van God is vol beloftes dat Jesus ons wil genees, kom ons kyk net na ‘n paar van hulle.

Mat 11:28-30 Jesus nooi ons uit:

 Kom na My toe, almal wat vermoeid en belas is, en Ek sal julle rus gee (29) Neem My juk op julle en leer van My, want Ek is sagmoedig en nederig van hart, en julle sal rus vind vir julle siele, (30) want my juk is sag en my las is lig.

Nog ‘n paar verse (verkort)

Ex 15:26 “Ek is die Here wat jou gesond maak”,

1 Pet 2:24 Deur die wonde van Jesus is jy genees,

Mat 8:17 Jesus het ons krankhede op Hom geneem en ons gesond gemaak,

Gal 3:13-14 Jesus het ons losgekoop van die vloek van siekte,

Ps 91: 1-10 Geen onheil kan my tref nie, en geen plaag mag naby my liggaam kom nie,

Ps 34:8 Ek is veilige en beskut, want die Engele van die Here trek ‘n laer rondom my,

Ps 107: 20 Hy het Sy Woord uitgestuur dat Hy hulle kon gesond maak en hulle uit die kuile red,

Ps 103:3 God wat die krankhede genees.

Sal ek nog ongeloof vind as Ek kom?

Hierdie is 'n vraag wat Jesus self gevra het nadat Hy die gelykenis vertel het van die arm weduwee wat aanhoudend na die onregverdige regter gegaan het om haar gelyk te gee in haar saak. Die regter het haar vir 'n lang tyd net elke keer weggestuur sonder om uitspraak te gee in haar saak.

In hierdie laaste dae waarin ons leef, het die aanslae van die vyand alreeds al hoé meer intens begin raak en belowe die Bybel dat dit nog erger sal word, voordat Jesus gaan terugkeer. Die vraag is of ons as gelowiges in Christus Jesus, wel die deursettingsvermoeë het om 'n saak deur te bid en om geloof te hê in die uitkoms volgens God se woord en beloftes...al is Hy ook lankmoedig in ons geval???

Luk 18:7  Sal God dan nie reg doen aan sy uitverkorenes wat dag en nag tot Hom roep nie, al is Hy ook lankmoedig in hulle geval?
Luk 18:8  Ek sê vir julle dat Hy gou aan hulle reg sal doen; maar as die Seun van die mens kom, sal Hy wel die geloof op die aarde vind?

Die vyand het dit reggekry om baie van die kinders van die Here, vas te vang in die dimensie waarin ons leef, instede van dat ons krag trek uit 'n dimensie wat hoër gesag het as die een waarin ons leef...dit is die dimensie waarin God leef! Die mens van vandag word só gebreinspoel om te fokus op die dinge wat ons kan sien, hoor, voel of proe en vergeet daardie mens dan maklik dat geloof die substansie is van die dinge wat ons hoop en 'n bewys van die dinge wat nie gesien kan word nie (Heb 11: 1).

Die feit is dat God ons die outoriteit gegee het om die dinge wat in die geesdimensie alreeds bestaan, te kan inroep in die dimensie waarin ons leef, al sien ons nie die manifestasie daarvan onmiddelik nie. Hy het ons dieselfde mag in ons mond gegee, as waarmee Hy van die begin af alle dinge tot stand gespreek het.

Spr 18:20  Van die vrug van iemand se mond word sy maag versadig; hy word versadig van die opbrings van sy lippe.
Spr 18:21  Dood en lewe is in die mag van die tong; en elkeen wat dit graag gebruik, sal die vrug daarvan eet.

Die grootste voorwaarde hiervoor is dat ons geloof in God se woord moet hê en bereid wees om ons mond oop te maak en dit te verklaar. Ek wil dit net gou duidelik stel dat ek nou nie hier besig is met 'n: “name it and claim it”-teologie nie, maar dat ek bloot klem lê op die krag in God se woord en die naam van Jesus Christus van Nasaret! Elkeen van ons besit die mag in ons woorde om die situasie waarmee ons sukkel, te omskep in die perfekte wil en plan wat ons hemelse Vader vir ons beplan het. Ons hoef net te kyk na die voorbeelde van hoé Jesus die vyand weerstaan het soos dit geskryf staan in Matt 4 en Luk 4.

Die Bybel is duidelik dat ons oorwinning oor hierdie wêreld en sy boosheid, lê in ons geloof in Jesus en Sy woord. Dit beteken dat ons ons fokus moet wegkry van dit wat ons kan sien, hoor, proe of voel en dit rig op die dinge wat nie gesien kan word nie, maar wat wel bestaan omdat God dit van die begin af in werklikheid in gespreek het!

1Joh 5:3  Want dit is die liefde tot God, dat ons sy gebooie bewaar; en sy gebooie is nie swaar nie.
1Joh 5:4  Want alles wat uit God gebore is, oorwin die wêreld; en dit is die oorwinning wat die wêreld oorwin het, naamlik ons geloof.

Ons moet dus ophou fokus op die eerste berig wat die vyand aan ons bring en dan te glo dat dit die werklikheid is van ons situasie, want “the first report is not the last report!” Niks is oor voordat God nie gesê het dat dit klaar is nie! En tot dan staan Sy belofte wat sê:

Joh 10:10  Die dief kom net om te steel en te slag en te verwoes. Ek het gekom, dat hulle lewe en oorvloed kan hê.

Jer 29:11  Want Ék weet watter gedagtes Ek aangaande julle koester, spreek die HERE, gedagtes van vrede en nie van onheil nie, om julle ‘n hoopvolle toekoms te gee.

Liewe kind van God, daar is krag en oorvloed tot ons beskikking, maar niks gaan gebeur as ons nie wat God gesê het, verklaar nie en ophou om die dinge wat die vyand sê, te verklaar nie!

Mag Sy Gees ons in die volle waarheid lei in hierdie week en mag Hy ons help om te wandel en handel in die krag van God se beloftes volgens Sy woord!

Vrede en seën vir elkeen wat bereid is om geloof te hê!

SAL EK NOG GELOOF VIND AS EK KOM?
(ernest phillipson - ecp@oicb.co.za)
Geplaas met toestemming van Tiaan Gildenhuys

Die boodskap van die wet: Liefde!

DIE BOODSKAP VAN DIE WET: LIEFDE!


In Matt 22:36-40 word Jesus gevra: “Meester, wat is die groot gebod in die wet? En Jesus antwoord hom: Jy moet die Here jou God liefhê met jou hele hart en met jou hele siel en met jou hele verstand. Dit is die eerste en groot gebod. En die tweede wat hiermee gelykstaan: Jy moet jou naaste liefhê soos jouself. Aan hierdie twee gebooie hang die hele wet en die profete.”

In Sy antwoord op die vraag gee Jesus ‘n opsomming van die wet: liefde. “Jy moet die Here jou God liefhê… Jy moet jou naaste liefhê.” Jesus verklaar verder “Aan hierdie twee gebooie hang die hele Wet en die Profete.” Enige opdrag in die wet (woord) van God is onderworpe aan een van hierdie twee gebooie.

“Jy moet die Here jou God liefhê.” Die primêre opdrag van die wet is ‘n alles omvattende liefdesverhouding met God Almagtig. Ek moet God liefhê met my hele hart en met my hele siel en met my hele verstand. Vanuit die diepste van my wese en bestaan moet liefde tot Hom uitvloei. In elke uitdrukking van my persoonlikheid moet liefde tot God uitvloei. In elke gedagte wat ek het en bedink moet liefde tot God die ondertoon wees. Enige aspek van die lewe wat nie ‘n onbeperkte, allesomvattende liefde tot Hom openbaar en wys nie, is ‘n oortreding van Sy wet.

“Jy moet jou naaste liefhê.” Die tweede opdrag in God se wet vereis onselfsugtige liefde vir elke ander mens. Ek moet ander liefhê soos myself. Sommige gebruik hierdie vers verkeerdelik om mense te motiveer om ‘n fiktiewe derde gebod te gehoorsaam – “Ek moet leer om myself lief te hê!” Nee, Jesus sê dat daar net twee gebooie is. Hierdie tweede gebod is ‘n oproep om aan ander dieselfde bedagsaamheid  en versorging te bewys as wat ek deur my hele lewe aan myself gegee het. Jesus het later hierdie gebod verder versterk en bevestig in Joh 13:34 “‘n Nuwe gebod gee Ek julle, dat julle mekaar moet liefhê; soos Ek julle liefgehad het, moet julle ook mekaar liefhê.”

Die boodskap van die wet van God is : LIEFDE.
Teenoor God – TEN VOLLE
Teenoor ander – OPOFFEREND

“Here Jesus, ek kom buig voor U as die God van onvoorwaardelike liefde. Ek het U lief omdat U my eerste liefgehad het. Tog skiet my liefde tot U so vêr tekort in die lig van wat U verdien en verwag. Here, my liefde teenoor ander word soveel kere beïnvloed en verminder deur my eie selfsugtigheid. Ek vra nederig dat U in my ‘n meer diepergaande liefde tot U en onselfsugtige liefde tot ander sal bewerk. In Jesus Naam. Amen.”

(cobus van heerden - cvh@oicb.co.za)
Geplaas met toestemming van Tiaan Gildenhuys

Kragdadig in die Here

“Eindelik, my broeders, word kragtig in die Here en in die krag van sy sterkte.” (Efesiërs 6:10)


Hierdie is ‘n teksvers wat ek ervaar het die Here Jesus vir my gegee het as “boodskap” vir die jaar van 2017.


Kom ons kyk wat leer ons uit hierdie vers. In die eerste plek moet ons kragtig word IN DIE HERE en dus nie in ons eie krag nie. Die Griekse woord vir “kragtig” is “edunamoo” en dit beteken “to be empowered”. Met ander woorde, ons moet in die eerste plek deur die Here bekragtig (“empower”) word.


Die Griekse woorde wat hier vir “krag” gebruik word, is “kratos” en dit beteken onder andere “dominion”, met ander woorde Sy outoriteit of gesag. Ons leer dus tweedens hieruit dat ons bekragtig moet word deur die Here en in Sy outoriteit, want ons kan niks in ons lewens in ons eie gesag of outoriteit doen nie.  


En derdens is die woord wat vir “sterkte” gebruik word in Grieks: ”ischus” en dit beteken onder andere ook “vermoë” of “bekwaamheid”.


Wat leer ons dus uit hierdie teksvers? Dat ons in ons alledaagse lewens BEKRAGTIG moet word deur die Here Jesus Christus, in Sy outoriteit en in Sy vermoë en bekwaamheid.


En ons het juis nodig om so kragtig te word in die Here omdat ons in ‘n daaglikse oorlog is teen bose geeste in die lug, soos wat Efesiërs 6:12 ons leer. En ons sal nie daardie aanslae in ons lewens, op ons huwelike, ons kinders, ons finansies of ons gesondheid in hierdie jaar van 2017 kan hanteer en weerstand daarteen kan bied, as ons nie bekragtig is deur die Here Jesus Christus en as ons nie Sy outoriteit en Sy vermoë en bekwaamheid teen daardie geeste gebruik nie.


Hoe doen ons dit? Deur intiem TYD met die Here te spandeer op ‘n daaglikse basis, en om daagliks Sy Woord te bestudeer en om daagliks in gebed met Hom te verkeer. Dan sal Hy deur Sy Heilige Gees en deur die openbaring van Sy Woord, ons as sulks bekragtig en ons leer hoe om Sy outoriteit te gebruik en hoe om in Sy sterkte, ja Sy vermoë en bekwaamheid te lewe en enige situasie in ons lewens te kan hanteer.


Gebed: “Here Jesus, ek bid en vra dat U my in 2017 sal bekragtig en sal leer van U outoriteit en my sal leer om te lewe in U vermoë, U sterkte en U bekwaamheid, want Here die Bybel bepaal immer ook dat ek tot alles in staat is deur Christus wat my die krag gee. Ek vra dus vandag dat U asseblief vir my U krag en U sterkte sal gee vir elke dag van hierdie jaar. Amen.”

(tiaan gildenhuys - tg@oicb.co.za)

Aangenome Kinders en Biologiese ouers

As jy as aangenome kind jou biologiese ouers soek,
     of weet van sulke kinders wat hul ouers soek,
     kontak vir Willie Karnavos williek@otenet.gr

Sy en haar span vroue doen sulke opsporings
   voltyds en gratis. Aangenome kinders kan ook hier
     by Willie-hulle se FB blad aansluit:

https://www.facebook.com/groups/babycomehome/

Hoe groot is God?

Ons lees in Jesaja dat God se handpalm so groot is soos die heelal, ‘n mens se hand groote is 1/8ste van die mens se liggaamslengte…dan maak Jesaja se beskrywing van God, God 8 keer grooter as die heelal.

Ons kan dit met ons mens-brein nie eens insien nie of verstaan nie, en dit is waarom ons nie die grootheid van God kan raaksien nie, dit is vir as mens onmoontlik om die grootheid van God te visualiseer, ons kan nie eens sien dat  God grooter as die heelal is nie, nog minder dat Hy 8 maal grooter as die heelal is.

Jes 4:12  Wie het die waters met die holte van sy hand afgemeet, en van die hemele met 'n span die maat geneem, en in 'n drieling die stof van die aarde opgevang, en die berge geweeg met 'n weegtoestel en die heuwels met 'n weegskaal?

Baie keer wil ons God afbring na ons vlak toe, maak asof God ons gelyke is, sonder om te besef met Wie ons te doen het, hoe Groot, Kragtig, Almagtig en Heilig God is. God is nie ons Abba Pappa nie, God is Sowereine God, Heilige God, Ons Meester, Skepper, Alomteenwoordig….God is die Enigste Ware en Lewende God van die Heelal,  voor wie ons moet neerbuig, wie ons moet eer en respekteer!

Heilige Heilige God!

God is “Ek Is!”

Ja God is ook God van Liefde,  en wil ‘n verhouding met ons hê, maar ons moet nogsteeds Godsvresend wees en dit beteken om God met absolute respek en status as Koning te erken in ons lewens.

Laat ons hierdie jaar ingaan en besef  hoe groot God is.
Gesëende 2017