Brandewyn het nie brieke nie!

 'n Bekende ou gesegdetjie wat so lekker van die tong af gly nê?  Maar ag, my liewe mens, hoeveel hartseer en hoeveel tragiese gevolge het die misbruik van drank nie al veroorsaak nie? Hier dink ek onder andere aan gebroke huwelike, ongewenste tiener swangerskappe, selfmoorde (onder jong- en volwasse mense), bankrotskappe direk as gevolg van drankmisbruik ensomeer, ensomeer, ensomeer..

Het die Bybel enige spesifieke siening hieroor vra jy, want ons moet mos darem onthou Jesus het water in wyn verander, en Hy het dit sekerlik self ook gedrink, nê? Ja, dalk, maar dink jy Jesus was OOIT dronk? En wat van Noag, vra jy, want onthou, die eerste ding wat Noag gedoen het toe hy uit die ark uit gekom het, was om 'n wingerd te plant en wyn te maak nie, nê? (Genesis 9:20-29). Ja, seker, maar kyk net in daardie stuk uit die Bybel hoe het die drank tot gevolg gehad dat Noag se verhouding met sy een seun, lewenslank geskaad is. Net so het drank tot gevolg gehad dat Lot se twee dogters in Genesis 19:31-38 beide met hulle vader gemeenskap gehad het en sodoende die sonde van bloedskande gepleeg het! Maar weet jy, die Bybel het ALTYD antwoorde, so kom ons blaai weer bietjie deur hierdie wonderlike boek se bladsye.

"Die wyn is 'n spotter, en sterk drank 'n lawaaimaker; en elkeen wat daardeur bedwelmd raak, is nie wys nie." (Spreuke 20:1) Die nuwe vertaling sê in dieselfde teksvers: "Wyn maak jou ligsinnig, drank laat jou lawaai maak; niemand wat van dronkenskap slinger, is verstandig nie." Die Bybel dink dus nie veel van iemand wat deur drank "bedwelmd" raak, of "van dronkenskap slinger" nie.  Ek wonder ook hoeveel gewone mense is REGTIG bëindruk met mense wat drank in openbare plekke, of selfs in hulle eie huis misbruik, en dan "lawaaimakers" word en van "dronkenskap slinger"?  Baie min, maar dit het mos sosiaal aanvaarbaar geword, om dit maar gelate te aanvaar. Kyk ook net wat sê die volgende  teksverse hieroor, naamlik:

"Wie van vrolikheid hou, is 'n man van gebrek; hy wat van wyn en olie hou, sal nie ryk word nie." (Spreuke 21:17) "Luister, my seun, soek die regte insig: bly op die regte pad; moet jou nie ophou met suiplappe en vrate nie, want die suiplap en die vraat word arm; dronkenskap laat jou in vodde loop."  (Spreuke 23:19-21) "Want die wat slaap, slaap in die nag; en die wat dronk word, is in die nag dronk."  (1 Thessalonisence 5:7)

My liewe vriend of vriendin, besef jy en ek wat ek doen wanneer ek met een of twee drankies begin en al hoe meer en meer begin drink, hetsy sosiaal of alleen by die huis?  O, ja, ek wéét, drank is mos nie jou baas nie, jy kán drank hanteer!  Maar weet jy, so redeneer amper ál die mense met akute drankprobleme in menige rehabilitasiesentrums ook - en so het hulle almal ook geredeneer toe hulle nog vaste betrekkinge, en gewone huwelike, gehad het.  Die nagevolge van drank is darem ook alombekend nê?  Lekker is dit beslis nie, maar tog is so baie van ons bereid om dit amper daagliks te deurstaan, nét sodat ons tog nie ons "pêlle", moet teleurstel nie.  Kyk net hoe akkuraat beskryf selfs die Bybel daardie gevoel (wat elkeen, soos ek, wat ook  gereeld te veel gedrink het, dit baie goed ken):

"By wie is "Ag!"; by wie is "Wee my!"; by wie is getwis; by wie is geklaag; by wie is wonde sonder oorsaak; by wie is dofheid van oë? By die wat láát opbly by die wyn, by die wat ingaan om gemengde drank te proe. Kyk nie na die wyn as dit rooiagtig lyk, as dit sy glans gee in die beker, glad na binne gly nie: op die end byt dit soos ‘n slang en spuug gif uit soos ‘n basilisk. Jou oë sal vreemde dinge sien en jou hart verkeerde dinge spreek; en jy sal wees soos een wat in die hart van die see lê en soos een wat op die top van die mas lê. Hulle het my geslaan, sê jy dan, ek het geen pyn gevoel nie; hulle het my neergeslaan, ek het dit nie gemerk nie! Wanneer sal ek wakker word? Dan sal ek dit weer opnuut soek."  (Spreuke 23:29-35)

Ken jy díé gevoel, my vriend of vriendin?  Indien wel, wil jy dit nie ook maar vir God gee, dit aflê en op die nuwe pad met Hom gaan, sónder drank nie? En, kyk mooi:

"Wee hulle wat helde is om wyn te drink en wakker manne om sterk drank te meng..." (Jesaja 5:22)

Mens, het jy al gesien hóé dapper en braaf mense soms kan wees met die wyndrinkery, en by die meng van hulle drank?  Is jy ook nog deel daarvan, of het jy al vir Christus gekies? VRAAG: Is jy 'n held vir jou "pélle", ...of is jy 'n held vir Jesus?  En as jy wél 'n held vir Jesus is, is jy dit ook wanneer jy by jou "pêlle" is?  Indien nie, hóékom nie?  Is jou "pêlle" - wat nie vir ewig by jou is of sal wees nie - vir jou belangriker as God, wat ewig daar is en sal wees? Antwoord asseblief hierdie twee vrae aan God, nie aan my nie.  Dan kom die belangrike vraag: Presies hóé wil God hê moet ons met drank omgaan? Wat sê die Bybel?

"Laat ons welvoeglik wandel soos in die dag, nie in brassery en dronkenskap, nie in ontug en ongebondenheid, nie in twis en nydigheid nie. Maar beklee julle met die Here Jesus Christus, en maak geen voorsorg vir die vlees om sy begeerlikhede te bevredig nie." (Romeine 13:13,14) "Kyk nie na die wyn as dit rooiagtig lyk, as dit sy glans gee in die beker, glad na binne gly nie: op die end byt dit soos ‘n slang en spuug gif uit soos ‘n basilisk." (Spreuke 23:31) "Moenie dronk word van wyn nie—daarin is losbandigheid; maar word met die Gees vervul." (Efesiërs 5:18)

En wat sê Galasiërs 5:19-21 nou weer? "En die werke van die vlees is openbaar, naamlik... dronkenskap, brassery en dergelike dinge, waarvan ek julle vooraf sê, soos ek al vroeër gesê het, dat die wat sulke dinge doen, die koninkryk van God nie sal beërwe nie."

Hoeveel duideliker wil ons dit nou nóg uitgespel hê?  Ag mens, en moet asseblief ook nie die argument teenoor my gebruik dat dit nie "dronkenskap" is as jy nét vier drankies gedrink het, terwyl jy wéét jy kan tien "hanteer" nie! Wat probeer jy dan doen? Probeer jy vir God se onthalwe weer 'n tegniese definisie uitdink van "dronkenskap" net sodat jy nie skuldig hoef te voel dat jy dalk self onder hierdie teksvers deur Heilige Gees aangespreek word nie? Nee, my liewe vriend, as enige hoeveelheid drankies, of dit nou één is, of twintig, jou selfs net EFFENS van stryk bring, óf jou vermoëns net EFFENS aantas, óf jou jou inhibisies net EFFENS laat verloor - IS DIT DRONKENSKAP in GOD se oë!  Redeneer gerus maar daaroor soos jy wil!  Onthou, jy hoef my nie te oortuig nie, maar wel vir die Heilige Gees!

Ons het ook nie werklik 'n ander keuse as om vír God en téén die wêreld te kies nie.  As ek sê: ".,,teen die wêreld..." bedoel ek natuurlik ook teen ENIGIETS wat kan veroorsaak dat ek nie binne God se wil wandel nie, wat baie beslis drankmisbruik insluit!  Waar lê jou lojaliteit, my liewe mens? "weet julle nie dat die vriendskap van die wêreld vyandskap teen God is nie? Wie dan ‘n vriend van die wêreld wil wees, word ‘n vyand van God." (Jakobus 4:4)

Indien jy reeds 'n keuse vir Jesus gemaak het téén die wêreld, en dus ook téén drankmisbruik, wens ek jou baie, baie geluk, veral as jy dalk ook voorheen iemand was wat deur die "voggies" beheer was in die verlede. Moet daarom nie toelaat dat die lelike name wat jou vorige drinkebroers jou nou skielik gaan toesnou, of die sarkastiese gedagtes wat hulle oor jou dink, of uitspreek, jou besluit enigsens affekteer nie.  Kyk maar net wat die Bybel reeds eeue terug gesê het juis sal gebeur wanneer iemand so 'n keuse maak, naamlik: "Want dit is genoeg dat ons die afgelope lewenstyd die wil van die heidene volbring het deur te wandel in ongebondenheid, begeerlikheid, dronkenskap, brasserye, drinkpartye en ongeoorloofde afgoderye. Daarom vind hulle dit vreemd as julle nie saamloop in dieselfde uitgieting van losbandigheid nie, en hulle laster." (1 Petrus 4:3-4)

My liewe vriend of vriendin, PRYS DIE HERE indien jy nou name genoem en sleggesê word omdat jy vir Christus gekies het.  Jy het reeds vir jou 'n skat in die hemel bymekaargemaak, en kyk wat sê 1 Petrus 4:12 en 14 daaroor: "Geliefdes, verbaas julle nie oor die vuurgloed van vervolging onder julle wat tot julle beproewing dien, asof iets vreemds oor julle kom nie; maar namate julle gemeenskap het aan die lyde van Christus, moet julle bly wees, sodat julle ook by die openbaring van sy heerlikheid met blydskap kan jubel. As julle beledig word oor die Naam van Christus, is julle gelukkig, omdat die Gees van die heerlikheid en van God op julle rus. Wat hulle betref, word Hy wel gelaster; maar wat julle betref, word Hy verheerlik."

Ons moet ook nooit uit die oog verloor dat ek effektief my broer kan laat struikel en vir God se koninkryk verlore kan laat gaan deur wat ek drink, of selfs eet nie.  So stel Romeine 14:13, 15, 17 en 21 dit as volg: " Laat ons dan mekaar nie meer oordeel nie, maar besluit dít liewer, om nie die broeder ‘n hindernis of struikelblok in die weg te lê nie....Maar as jou broeder deur voedsel (of natuurlik drank) gegrief word, dan wandel jy nie meer volgens die liefde nie. Moenie deur jou voedsel hom te gronde rig vir wie Christus gesterf het nie....Want die koninkryk van God is nie spys en drank nie, maar geregtigheid en vrede en blydskap in die Heilige Gees...Dit is goed om geen vleis te eet of wyn te drink of iets te doen waardeur jou broeder aanstoot neem of struikel, of waarin hy swak is nie."

Die kruks hier is dus dat jou persoonlike gebruik van drank 'n saak tussen jou en Heilige Gees moet wees. Indien jy net so nou en dan 'n drankie gebruik, en jy het rustigheid en vrede in jóú hart daaromtrent, is daar dalk in jou oë niks mee verkeerd nie. Vra net vir Heilige Gees of Hy vrede het dat jy dit doen - en sóós jy dit doen?

MAAR, indien enigiets wat ek hier geskryf het, jou dalk in die binneste aangeraak het, en jy voel dat "iets" binne-in jou met jou praat hieroor, en oor die vraag of dit wat jy nog heeltyd as drank "gebruik" gesien het, nie dalk besig is om in jou lewe drank "misbruik" of "dronkenskap" te word nie, gaan word asseblief iewers stil met God, en vra Hom of Hy dalk vir jóú iets wil sê oor die manier waarop jy tot dusver drank gebruik het.  En wanneer Hy vir jou die antwoord gee, bly asseblief gehoorsaam aan Sy antwoord! Maar man, die lewe gaan "boring" wees sonder drank! Nee, my liewe vriend of vriendin, die lewe is 'n FEES met Jesus Christus en Heilige Gees in jou lewe - SONDER ENIGE DRANK!!  Onthou wat het die mense gesê nadat Heilige Gees oor die mense uitgestort is: Handelinge 2:13: "Hulle is dronk".  Ek is eerder sewe dae 'n week dronk van die wonderlike wete dat Heilige Gees binne-in my is, as wat ek my liggaam oorgee aan iets wat baie beslis vir God onaanvaarbaar is en inderdaad my liggaam langsamerhand fisies aftakel.

tiaan gildenhuys (tg@oicb.co.za)
Geplaas met toestemming



tiaan gildenhuys (tg@oicb.co.za)

Is dit God se wil om jou gesond te maak? Nee!!!

 

Dit is God se wil dat jy NIE moet siek word NIE!!

In Exodus 15 en Deuternomium 28 lees ons dat God belowe dat as ons Sy wette onderhou geen van die peste en siektes van Egipte naby ons sal kom nie.

Ex 15:26  As jy getrou na die stem van die Here jou God luister en doen wat reg is in Sy oë, en luister na Sy gebooie en al sy insettinge hou, DAN SAL EK GEENEEN van die siektes op jou lê wat Ek op Egipteland gelê het nie, want Ek is die Here wat jou gesond maak.

Deut 28:1 As jy goed luister na die stem van die Here, jou God om sorgvuldig te hou al sy gebooie wat ek jou vandag bevel, dan sal die Here jou God die hoogste stel bo al die nasies van die aarde.

Maar wat as ons dit nie doen nie?

Deut 28:58-61 (verkort) As jy nie sorgvuldig al die woorde van hierdie wet hou wat in hierdie boek geskryf is, . …(59) dan sal die Here oor jou en oor jou nageslagte buitengewone plae bring, groot en aanhoudende plae en kwaadaardige en aanhoudende siektes (60) en Hy sal weer op jou bring al die kwale van Egipte waarvoor jy bang was, sodat dit jou aanklewe (61) ook allerhande siektes en allerhande plae wat in die boek van hierdie wet nie geskrywe is nie, die sal die Here teen jou laat opkom totdat jy verdelg is.

Nie alle siektes kom van die feit dat ons onheilig lewe nie, ons word ook siek omdat ons blootgestel word aan baterië en gifstowwe soos byvoorbeeld mense wat in myne werk ens,of wat ons aan onsself doen deur verkeerd te eet en ongesond te lewe, maar die meeste gevalle kom siekte van ons sielsdimensie wat nie gesond is nie. Is dit wat ek nou se Bybels korrek? Kom ons kyk wat se die Woord!

Spr 23:7 (verkort) Soos hy in sy siel bereken so is hy…

Pred 11:10 En wee verdreit uit jou hart en hou die kwale weg van jou liggaam!

Jer 4:18 Jou handel en jou wandel, het dit aan jou gedoen, dit is jou boosheid, ja bitter is dit. DIt raak tot aan jou hart.

Ps 31:11 My lewe kwyn weg van kommer en my jare van gesug, my krag struikel van my ongeregtigheid, en my gebeente teer uit.

Spr 14:30 ‘n Rustige hart is die lewe vir die vlees, maar hartstog ‘n verrotting vir die gebeente.

Hierdie is maar ‘n paar verse wat in die Woord voorkom waaruit jy kan sien dat jou gemoedstoestand veroorsaak dat jy siek word. Wanneer ons siek word gaan ons heel eerste dokter toe of kry die hulp van ‘n spesialist in, maar wat sê God in die Woord wanneer ons siek is waarheen moet ons gaan?

Jak 5:13-15 Is daar iemand onder julle wat ly? Laat hom bid. Is iemand opgeruimd? Laat hom psalms sing, Is daar iemand siek onder julle? Laat hom die ouderlinge van die gemeente inroep, en laat hulle oor hom bid nadat hulle hom in die Naam van die Here met olie gesalf het.

En die gebed van die geloof sal die kranke red, en die Here sal hom oprig. Selfs as hy sonde gedoen het, sal dit hom vergewe word.

Niemand van ons is sondevry nie, en God weet dit, daarom het Hy vir ons Sy Seun Jesus gegee sodat ons vandag vergifnis vir ons sonde kan ontvang en kan genees. Maar tog kry ons baie keer gevalle waar daar vir siek mense gebid word en hulle genees nie? Hoekom dan nie? God sê tog Hy wil nie hê ons moet siek word nie, en Hy het ons Jesus gegee om te sterf vir ons siekte wat Hy op Hom geneem het (Matt 8:17, Jes 53,4 en 1 Pet 2:24) Hy wat  ons krankhede op Hom geneem en ons siektes gedra het” Nou hoekom genees mense dan nie nadat daar vir hulle gebid is nie?

Omdat ons nog nie ons gemoed verander het nie, omdat ons nog nie vergifnis gevra het vir daai haat, woede, bitterheid, selfhaat, vrees wat diep binne ons gewortel is nie. Ons bid en vra vergifnis van ons sondes en dink ek het nie gesteel, gemoor, eg gebreuk ens nie, maar ons vergeet van daai sielsondes…daai skinderstorie, die verwerping wat ons voel teenoor iemand, die ongeloof en twyfel waarmee jy sit, jou swak selfbeeld waarmee jy rondloop, daai geweldige gevoel van verlatenheid, van hopeloosheid, van minderwaardigheid….al hierdie dinge veroorsaak siektes in jou lewe want dit is onbelyde sondes!

Ons moet op die punt kom waar ons mense vergewe en vryspreek vir wat hulle aan ons gedoen het. God sê ook Hy vergewe soos ons vergewe, en as ons nie vergewe nie, vergewe Hy ook nie! (Matt 6:14&15, Matt 18: 21&22, Matt 18:35).

Is dit dan sonde om dokter toe te gaan? Nee beslis nie! (Net die prys wat jy moet betaal is ‘n sonde) maar nee, God het vir ons kennis en wysheid gegee om dokters te kan word en medikasie te kan kry wat jou kan genees. Maar God wil ook hê dat ons na die kerk moet gaan en dat ons in geloof moet staan dat ons genesing van Jesus ontvang, maar ons moet ook seker maak dat ons nie met wrokke en haat en onvergewingsgesindheid rondloop en dan nie genesing ontvang nie.

3John 1:2 Geliefdes, ek wens dat dit met jou in alles goed mag gaan en dat jy gesond is, soos dit met jou siel goed gaan!

Waarom mense nie genees nie:

·         Sleg Jesus kan genees…moenie die medikasie  eer gee nie. (fokus moet reg wees)

·         Ongeloof –dis ons geloof wat God behaag

·         Mens leef nie heilig nadat genesing ontvang is nie

·         Gemeenskaplike ongeloof

·         Mense wil genesing koop

·         Fokus op persoon / prediker nie Jesus nie

·         Mense kyk na simptome nie na God nie

·         Wanredenasie – weet nie of God wil genees nie

·         Tradiesie

·         Verbreking  van natuur wette

·         Verslawing keer genesing

·         Bose geeste

·         Kerk waarin jy is lou is vir God

·         Onvergewendsgesindheid en bitterheid

·         Ongehoorsaam aan God se Woord

·         Sondige lewenswandel

·         Vloeke, Black Magic, Vrymesselaary ens

·         Gebrek aan ywer vir die Here

·         Beproewing - God het ‘n doel met beproewing – om geloof te louter.

Jesus Groete

As iemand gebed of geestelike berading benodig kontak my belindapaar@gmail.com

Hoe kry ek vrede in my lewe?

 

Waar kom vrede vandaan? Ons leef in ‘n tydperk wat mense rondhardloop en hulself in ‘n toestand werk om aan die lewe te bly, gepaard met dit kom allerhande siektes soos hoë bloedruk, stress, angsaanvalle, vrees, vrees vir more ens. Wat moet ons doen om vrede in ons lewens te kry?

1 Thes 5:23 En mag Hy, die God van die vrede, julle volkome heilig maak, en mag julle gees en siele en liggaam geheel en al onberispelik bewaar word, by die wederkoms van onse Here Jesus Christus.

Vrede kom van God!! Nie van drink, partytjies,sport of medikasie nie!!

Joh 14:27 Vrede laat Ek julle na, My vrede gee Ek aan julle, nie soos die wêreld gee, gee Ek aan julle nie. Laat julle hart nie ontsteld word en bang wees nie.

Luk 24:36 en 38  En terwyl hulle hieroor praat, staan Jesus self in hulle midde en sê vir hulle: “Vrede vir julle!” (38)  En Hy sê vir hulle: “Waarom is julle ontsteld en waarom kom daar twyfel in julle hart op?

Jes 26: 3 U sal ‘n standvastige gesindheid in volle vrede bewaar, want hulle vertrou op U.

U, is Jesus, en Jesus is die Woord, ons kan nie net op die Naam van Jesus vertrou nie, maar ons moet ook in die Woord van Jesus vertrou. Ons kan nie verwag dat Jesus ons moet verander nie, ons moet glo wat Sy Woord sê en hou by die riglyne van die Woord. God wil ‘n verhouding met ons hê, en ‘n verhouding kom van twee kante af. Ek hoor so baie mense sê “Wel as dit is wie God wil hê ek moet wees, moet Hy my kom verander”

God het Sy Gees alreeds binne jou gesit! As fetus het jy bestaan uit gees, siel en liggaam en toe gevorm na mens, God sê “ En Ek het die mens geskape na My Beeld…dit beteken ons is in gees in Sy Beeld geskape, ons het reeds die geestelike kragbron binne ons, om te kan wees wie Hy wil hê ons moet wees, ons moet net ontwaak uit ons slaap, en begin om ons kragbron te voed met Sy Woord en in vrede te leef.

Satan kan die vrede van God nie namaak nie, as jy ware vrede binne jou het, het jy dit by die Heilige Gees van God gekry.

Kom ons gaan terug na die eerste versie genoem….1 Thes 5:23 En mag Hy, die God van die vrede, julle volkome heilig maak, en mag julle gees en siele en liggaam geheel en al onberispelik bewaar word, by die wederkoms van onse Here Jesus Christus.

Wat beteken dit om heilig gemaak te word? Ons moet “geheilig” word….om heel gemaak te word…ons siel, gees en liggaam moet geheel word. Sonder heiligheid kan ons nie heel gemaak word nie, ons geesdimensie moet skoongemaak word, ons sielsdimensie moet hernu word sodat ons liggaam ons kan dra waar ons moet wees.

Rom 12:2 Hernu julle gemoed (denkwyse) sodat julle kan beproef wat die goeie en welgevalle en volmaakte wil van God is.

Om vrede in ons lewens te he moet ons op God vertrou. God sê self….Vertrou op geen mens nie, vertrou NET op My.

Verkry jou vrede deur by God se riglyne te hou en om te streef na heiligmaking en volg die volgende “resep” van die Woord elke dag van jou lewe.

1Thes 5: 16-22

16         Wees altyddeur bly,

17         Bid sonder ophou,

18         Wees in alles dankbaar want dit is die wil van God in Christus Jesus oor julle,

19         Blus die Gees nie uit nie,

20         Verag die profesieë nie,

21         Beproef alle dinge, behou die goeie,

22         Onthou julle van elke vorm van kwaad.

Ten slotte

Rom12:11&12 Wees nie traag in die ywer nie, wees vurig van gees, dien die Here, (12) verbly julle in die hoop, wees geduldig in die verdrukking, volhard in die gebed.

Rom 13:8 Wees aan niemand iets verskuldig nie, behalwe om mekaar lief te hê, want hy wat ‘n ander liefhet, het die wet vervul.

Jesus groete

Geloof stil die storm.

Daar is twee skepe in ’n lewenskrisis op die stormsee. Op die een is net een man reg en die res verkeerd. Op die ander is net een man verkeerd en die res van die bemanning reg.
          Wie was dan nou reg en wie verkeerd? Vir die kinders van die HERE gaan dit nooit oor die meerderheidstem nie. Dit gaan elke keer oor die Heilige Gees.
          Die meerderheid kan verkeerd wees. Daarom gaan dit altyd oor wat reg en verkeerd is.
          Op die een skip is een man, Jesus Christus, reg en die res van die bemanning, op die skip verkeerd, almal vasgevang in ongeloof.
          Op die ander skip is een man, Jona, verkeerd, en die res van die bemanning oortuig van die onheil op die skip.
          In die geloofslewe werk ons nie op die meerderheidstem nie.
          In die eerste plek gee Jesus Christus in Mark. 4:35 opdrag: “Laat ons oorvaar na die anderkant.”
          Die opdrag was binne almal se vermoë. Dis ‘n eenvoudige en bekende opdrag: “Laat ons oorvaar na die anderkant.”
          En toe is daar die geweldige stormwind wat die See van Galilea in brutale verraderlikheid omskep het.
          Jesus Christus het rustig gelê en slaap. Geen storm kon hom ontstel nie, nie eers die latere lewenstorm van die Lydingsweg en Golgota nie.
          Vrees pak die dissipels aan boord.
          Hulle het Jesus Christus teen daardie tyd baie goed geken. Ten minste een van hulle moes die res tot bedaring gebring het en gesê het: “Moenie vrees nie, Hy is met ons. Hy het gesê ons gaan oorkant toe en as Hy so iets sê dan word dit vervul. Wees kalm, ons sal wel oorkant aankom.”
          Maar daar was nie so iemand nie.
          Vreesbevange het hulle Jesus Christus wakker gemaak en vir Hom gesê: “Meester, gee U nie om dat ons vergaan nie?”
          Strofe 39: En Hy het opgestaan en die wind bestraf en vir die see gesê: “Swyg, wees stil!” en daar het ‘n groot stilte gekom.
          Net so eenvoudig soos die opdrag om oorkant toe te vaar, net so eenvoudig was die opdrag aan die storm: “Swyg, wees stil!”
          Ons sing: “As die lewenstorme woedend om jou slaan, en jy gans ontmoedig, vrees om te vergaan – tel jou seëninge een vir een, en jy sal verbaas wees oor wat God verleen.
          “As jy ooit gebuk gaan onder sorg en pyn, as die kruis te swaar word en jou krag te klein – tel jou seëninge, dan vlug twyfel heen, en jy sien God’s goedheid laat jou nooit alleen.
          “As jy let op ander met hul goud en eer, dink dan God beloof jou nog oneindig meer; tel jou seëninge, weet dat prag en praal, nooit die minste van die Hemel kan behaal.
          “Laat dan al die stryd, die kruis, die bange nood, jou tog nie ontmoedig, God’s trou is so groot; tel jou seëninge; Engele staan jou by, bied jou hulp en leiding na die ander sy.”
          Ons sing dit, ons glo dit, ons weet dit, maar telkens wanneer ‘n lewenstorm ons tref, pak die vrees ons.
          Dan sê Jesus Christus aan ons, soos wat Hy aan die dissipels gesê het: “Waarom is julle so bang? Het julle dan geen geloof nie.”
          Geloof is ‘n gawe wat jy by die Wedergeboorte ontvang het. Deur die Woord in jou hart te bêre en as lamp vir jou voet te gebruik, bou jy jou geloof uit soos ‘n gewigopteller sy spiere.
          “Daarom, rig die slap hande en die verlamde knieë weer op; en maak reguit paaie vir julle voete, sodat wat kreupel is, nie uit lit raak nie, maar liewer gesond gemaak word.” Heb. 12:12-13.
          Die ander skip op die stormsee, vertel sy eie verhaal.
          Jona, nogal ‘n profeet, was deur die Vader ‘n opdrag gegee, maar besluit toe dat hy nie die Vader se opdrag wil uitvoer nie.
          Die optrede van die Vader tydens ons oomblikke van ongehoorsaamheid, is dan ook juis die hooftema van dié verhaal.
          Jona se verhaal is die verhaal van elke gelowige, want ook ons het ‘n soortgelyke opdrag as Jona ontvang: dat ons die Evangelie aan die ganse mensdom moet verkondig.
Ook ons moet “oorkant toe vaar,” en mense moet waarsku dat as hulle, hulle nie gaan bekeer en God dien nie,  God sy oordele oor hulle sal laat kom.
          Jona se opdrag was: “Maak jou klaar, gaan na die groot stad Ninevé, en spreek daarteen, want hulle boosheid het opgestyg voor My aangesig.”
          Daar is drie werkwoorde in die opdrag:

·       Maak jou klaar – dit beteken, ons kan nie onbepaald in die kerkbanke sit en na preke luister nie, al is die preke ook hoe interessant.
·       Gaan – dit beteken, daar is ‘n wêreld daarbuite waarheen ons moet gaan.
·       Spreek – wat beteken dat ons mondelinge getuies moet wees.

Die woord “maar” is seker die mees besonderse woord in die hele verhaal, Strofe 3 begin met “Maar Jona het hom klaargemaak om na Tarsus te gaan…
En dan weer... “maar” weer ‘n keer: Maar die Vader het ‘n sterk wind…
Wanneer ons na die 3e hoofstuk gaan, vind ons ‘n parallel wat betref Jona se latere gehoorsaamheid: Toe maak Jona hom klaar en gaan na Ninevé… en verder:  En die manne van Ninevé het geglo…
Met ander woorde, toe Jona “maar” gesê het, het die Vader ook sy eie “maar” gereed gehad. Toe Jona egter “ja” sê, was die Vader gereed met Sy eie “ja” en toe stroom die seëninge in.
Die derde strofe van hoofstuk 1 leer aan ons die eerste beginsel wat betref die werking van God se voorsienigheid in menslike ongehoorsaamheid.
Dit word uitgebeeld in die herhaling van die woord  “af”. Jona het “afgegaan” na Jafo en in ‘n skip geklim. Toe die storm opkom het hy na die onderste dele van die skip “afgeklim”.
Hy is daarna oorboord, afgegooi, in die see.
Om af te gaan, na benede te gaan, en selfs onder te gaan, is eenvoudig die onvermydelike pad wat almal loop wat van die Here God af wegvlug.
Hierdie afganery is ‘n reël waarvolgens God in gevalle van ongehoorsaamheid optree.
Nog ‘n reël oor die voorsienigheid van God vind ons op humoristiese wyse daarin dat Jona, toe hy by die skip kom, sy eie reisgeld moes betaal.
Maar hy het nooit by Tarsus uitgekom nie. Hy is lank voor daardie tyd oorboord afgegooi. Hy is nooit die ongebruikte deel van sy reiskaartjie terugbetaal nie.
Hier sien ons ‘n groot beginsel in werking. Dit is die volgende: Wanneer mens van GOD af wegvlug dan kom jy nooit uit waarheen jy vlug nie en jy betaal al jou rekenings self, soms ten duurste.
Maar wanneer mens God se weg volg, bereik jy elke keer jou bestemming en die Here God betaal die rekeninge.
Mens kan nie nalaat om op hierdie punt die Amerikaanse prediker Bob Mumford aan te haal nie. Hy het gese: “GOD puts you into a fix to fix you, but if you fix the fix before you’re fixed, He has to fix another fix to fix you!”
Jona is beslis ‘n illustrasie van Mumford se woorde.
Onthou jy die verhaal van Moses in die mandjie? As sy moeder aan hom vasgehou het, was hy ook vermoor.
Kort daarna word sy Moses se pleegmoeder, maar, nie voordat Farao se dogter Moses ontdek en aan sy sussie Miriam sê: “Ek sal jou loon betaal”.
Moses se moeder het gekry wat sy die graagste wou hê en God het boonop die loon, die koste, die rekening, om die kindjie Moses groot te maak, betaal!
Maar Jona was op pad weg van God af, buite God se Wil, en hy moes sy eie kostes betaal.
As mens dus van God af wegbeweeg sal jy nooit jou bestemming bereik nie en jy gaan elke keer self die kostes moet betaal.
As die pad wat jy bewandel egter God se pad is, dan het jy boonop ‘n waarborg dat jy beslis jou bestemming sal bereik en God sal die kostes betaal.
Dit is die les wat God aan Jona begin leer het toe Jona aan boord van die skip gegaan het. God het op ‘n bonatuurlik wyse ingetree om dit wat Hy in die eerste plek gedoen wou gehad het, wel te laat plaasvind.
Laat ons almal maar die les hieruit leer: God sal Sy doelwitte bereik, selfs al is ons ongehoorsaam, of soos in die geval van die ander skip “ongelowig”.
Hy kan dit doen deur oordele oor ons te laat kom weens ons ongeloof  en ongehoorsaamheid, of Hy kan dit doen deur middel van seëninge weens ons geloof en gehoorsaamheid. Maar optree, gaan Hy optree.
Wanneer God praat moet ons luister. Selfs die terroris Saulus moes op ‘n traumatiese wyse sy les leer toe hy nie wou luister nie.
En daar was Abraham. Die HERE het gesê sy vrou Sara sou geboorte gee. Abraham besluit sy vrou is te oud, hopeloos te oud. Hy besluit om dit makliker te maak en gaan by die slavin in... ‘n fout wat die Jode vandag nog voor betaal betaal. (Begin bid vir ‘n magtige Goddelike Herlewing onder die Arabiere).
As God verlang dat ons ‘n besondere taak moet verrig, dan het ons nie ‘n keuse nie.
So is die opdrag aan al die kinders van God om die Koninkryk van God reg oor die wêreld te verkondig, siele in te bring, hulle te doop en hulle te onderrig in die Woord.
Totdat hierdie opdrag vervul is, sal diegene wat nie die opdrag  uitvoer nie, van probleem tot probleem lewe en ‘n onsekere bestaan voer.
Jy het geen professionele opleiding nodig om jou getuienis uit te dra nie, en jy mag nie weier om dit uit te dra nie.
Jesus sê self: As julle My voor die mense bely, dan sal Ek julle voor die Vader bely.
Bely ons dus nie Jesus Christus voor die mense nie, dan bely Hy ons nie voor die Vader nie... en so beroof ons onsself van seëninge.
Dink weer aan die beeld van die gemeentes wat warm, lou en koud is en let op dat daar op ‘n manier voorsiening gemaak is vir die wat koud is, maar daar is geen voorsiening vir diegene wat lou is nie – diesulkes sal Hy uit Sy mond uitspuug!
Besluit nou self: Gaan jy die opdrag van die HERE uitvoer, of gaan jy spreekwoordelik in ‘n groot vis se ingewande of in ‘n stormsee van die lewe beland? Die vraag is so eenvoudig soos die opdrag. —  Sjibbolet

Waar is God wanneer dit sleg gaan met ons?

Soms laat God toe dat slegte dinge met goeie mense gebeur om daai persoon voor te berei vir iets spesiaal wat God vir hulle in stoor het.

Soms is dit God se manier om die persoon te kry om nader aan God te beweeg en 'n meer intieme verhouding met Hom te bou.

Siektes is 'n oorsaak van sonde in die lewe en soms moet ons, ons sonde bely om genesing te kan ontvang, dus kan God, 'n siekte oor jou pad bring omdat Hy wil hê jy moet 'n sonde bely wat jy dalk al van vergeet het, of in sommige gevalle te hardkoppig is om te bely, soos onvergifnis as voorbeeld.

Heb 12:14&15 Jaag die vrede na met almal, en die heiligmaking, waarsonder niemand die Here sal sien nie, (15) en pas op dat niemand in die genade van God veragter nie, dat geen wortel van bitterheid opskiet en onrus verwek en baie hierdeur besoedel word nie.

Soms is siekte 'n straf vir 'n sonde en God probeer jou rein en skoon was deur die siekte oor jou pad te bring. Maar nie alle siektes is a.g.v 'n sonde nie, daar is wel siektes wat net oorgedra is deur 'n bakterie of blootstelling aan iets wat jou siek kon maak.

Soms laat God dit sleg gaan met ons om ons sterker te maak in sekere areas van ons lewens,  of omdat God wil hê ons moet meer heilig lewe, 'n proses wat ons moet deurgaan om Hom beter te leer ken, of soms soos met Paulus, sodat ons God se genade in ons lewe kan raak sien.

Maar nie elke slegte ding wat in ons lewe gebeur kan ons voor God se deur gaan lê nie, soms is dit net satan wat ons aanval soos met Job die geval was.

Maar waar is God wanneer dit sleg gaan met ons? Net soos 'n ouer nie elke keer hardloop om 'n klein keintjie op te tel wanneer hy/sy val nie, om die kind te leer om self weer op te staan, net so doen God dit ook met ons, soms wil God hê ons moet self probeer. En hoe doen ons dit, deur Skrif te ondersoek om die oplossing vir die probleem te kry, om meer te bid en te vra vir God se wysheid in sake, om nader aan Hom te beweeg, sodat Hy nader aan ons kan beweeg.

Heb 12:11 Nou lyk elke tugting of dit op die oomblik nie 'n saak van blydskap is nie, maar van droefheid, later lewer dit egter 'n vredevolle vrug van geregtigheid vir die wat daardeur geoefen is.

Uit die bogenoemde versie kan ons amper sê dat ons na 'n moeilie tydperk of versugting moet kyk as 'n "geskenk van God" want ons sal later 'n vreugdevolle vrug ontvang daardeur.

Ons is so geneig om God te blameer vir alles wat in ons lewens verkeerd gaan, maar soms bring ons ook hierdie dinge oor ons eie lewens, Ons het 30 000 verse in die Woord wat ons leer hoe om by God se riglyne te hou, maar wanneer ons in beproewing is, kan ons altyd op Sy Woord staan wat belowe dat ons nie bo ons kragte beproef sal word nie.

1 Kor 10:13 Geen versoeking het julle aangegryp behalwe 'n menslike nie, maar God is getrou, wat nie sal toelaat dat julle bo julle kragte versoek word nie, maar Hy sal saam met die versoeking ook die uitkoms gee, sodat julle dit kan verdra.

Ten slotte ons moet nie altyd net na wonderwerke en tekens in die lewe soek nie, maar ons moet op geloof lewe. Ons sien in Rom 1:17 Want die geregtigheid van God word daarin geopenbaar uit geloof tot geloof, soos geskrywe is: Maar die regverdige sal uit die geloof lewe.

Toe die mense Jesus gevra het vir teken het Hy hulle hard aangespreek en gesê :

(Joh 6:26- 29) Jesus antwoord hulle en sê : "Voorwaar, voorwaar Ek sê vir julle, julle soek My nie omdat julle tekens gesien het nie, maar omdat van die brode geëet het en versadig geword het.
(27) Moenie werk om die spys wat vergaan nie, maar om die spys wat bly tot in die ewige lewe, wat die Seun van God van die mens julle sal gee, want Hom het God, die Vader verseêl",
(28) Toe vra hulle hom: Wat moet ons doen om die werke van God te volbring?
(29) Jesus antwoord en sê vir hulle: "Dit is die werk van God, dat julle in Hom glo wat Hy gestuur het"

Ons moet daaglik na Jesus soek en kyk eder as na wonderwerke om uit ons situasies te kom.

Jesus seen

Hoekom hou God geheime?

Het jy al ooit gewonder hoekom God ons nie alles van ons toekoms vertel nie?

Hy ken ons toekoms maar vertel ons nie alles wat  in die toekoms gaan gebeur nie, die Woord sê God ken ons toekoms en dit is om voorspoedig te wees.(Jer 29:11)

Net soos 'n besorgde moeder nie vir haar kinders vertel dat sy siek is nie, om hulle van die seer te beskerm, net so beskerm God ons teen dinge wat in die toekoms is, sodat Hy nie ons vrede en blydskap van ons wegneem nie, Die Woord se lewe vir vandag, more sorg vir homself.

Deut 29:29 Die verborge dinge is vir die Here, onse God, maar die geopenbaarde dinge is vir ons en ons kinders tot in ewigheid, om te doen al die woorde van hierdie wet.

Miskien hou God die toekoms 'n geheim omdat ons nie hou by Sy Woord nie, hoekom moet God jou iets van jou toekoms vertel, as jy nie gedoen het wat Hy in die verlede vir jou gesê het nie?

Daar is geheime wat God hou wat ons nooit sal verstaan nie, omdat ons nie die gedagtes van die Here ken nie.

Jes 55:8&9 My gedagtes is nie julle gedagtes nie, en julle weë is nie My weë nie, spreek die Here (9)Want soos die hemel hoër is as die aarde, so is My weë hoër as julle weë en My gedagtes as julle gedagtes.

Hierdie verse vertel ons twee dinge, eerstens dat ons nie weet hoe God se gedagtes is nie, en tweedens dat ons nie weet hoe Hy dink nie, want Hy ding hoër as ons gedagtes.

Daar is tog dinge wat God met ons deel, en Sy Woord sê ook dat Hy dinge aan ons bekend sal maak, maar daar is 'n vereiste aan verbonde, kyk wat sê die Woord.

Ps 25:14 Die verborgenheid van die Here is vir die wat Hom vrees, en Sy verbond om hulle dit bekend te maak.

Ons moet God ken en 'n pad met Hom stap sodat Hy met ons kan praat, ons moet 'n verhouding met Hom hê sodat Hy, Sy verbond aan ons bekend kan maak. Ons moet op die punt kom wat ons 'n heilige lewe voor God leef, sodat ons kan leer om Sy stem te hoor.

Spr 3:32 Want die verkeerde is vir die Here 'n gruwel, maar Sy verborgenheid is met die opregtes.

GEBED:

Here was ons skoon van ons sonde sodat ons rein voor U kan staan, en open ons geestes-ore sodat ons kan leer om U Stem te hoor, In Jesus Naam Amen

Jesus Groete

Is dit nou regtig so nodig om te vergewe?

 "Want AS julle die mense hulle oortredinge vergewe, SAL julle hemelse Vader julle ook vergewe.  MAAR as júlle die mense hulle oortredinge nie vergewe nie,  SAL julle Vader julle oortredinge óók NIE vergewe NIE."  (Mattheus 6:14-15 )

Ons mense hou tog so baie daarvan om oortredinge teen mekaar op te teken vir latere gebruik.  Dis mos altyd so "lekker" om vir iemand te sê: "Omdat jy my tien jaar terug seergemaak het, gaan ek jou nou seermaak met dit wat ek nou sê, of dit wat ek nou aan jou gaan doen!"  Maar as ek kyk na die bogemelde teksvers, lyk dit vir my nogal of Jesus presies die teenoorgestelde houding beveel, en dat Hy baie ernstig is daaroor dat, as ONS nie vergewe nie, óns ook NIE vergewe sal word NIE.

Hoe vergewe God ons?  Kom ons kyk na die Bybel:

"Loof die Here... wat AL jou ongeregtigheid vergewe... So ver as die ooste verwyderd is van die weste, so ver verwyder Hy ons oortredinge van ons." (Psalm 103:3 en 12) “Ek delg jou oortredinge uit soos 'n newel en jou sondes soos 'n wolk, keer terug na My, want Ek het jou verlos." (Jesaja 44:22) "En Ek sal hulle reinig van AL hulle ongeregtigheid waarmee hulle teen My gesondig het, en vergewe AL hulle ongeregtighede waarmee hulle teen my gesondig en teen My oortree het." (Jeremia 33:8)

God sê dus in die Bybel baie duidelik dat Hy, nadat ons tot inkeer gekom en om vergifnis van ons sondes gevra het, - MAAK NIE SAAK WAT DIT WAS NIE-, ons dit vergewe en in vier ander teksverse in die Bybel word dit baie duidelik gestel dat Hy NOOIT weer daaraan dink nie! 'n Baie duidelike geval dus, van vergewe ÉN VERGÉÉT!

Maar ons mense sê so maklik: "Maar jy verstaan nie hoe seer hy my gemaak het nie!"  Weet jy, dit maak werklik nie sáák nie.  VERSTAAN JY hoe seer JY al vir Jesus gemaak het?  En Hy het jóú vergewe - ONVOORWAARDELIK!

Ag, maar is die Bybel regtig so ernstig hieroor?  Kan ek nie maar somtyds iets teen iemand hou as so 'n klein ou wapentjie om later teen hom te gebruik nie?  Weet jy, NEE, ons mag nie, en as ons die ware liefde van Jesus in ons het, WIL ons ook nie, want ons probeer wees SOOS WAT JESUS WAS! Met ander woorde, iemand met onvoorwaardelike liefde! So sien ons ook in Lukas 17:4-5 dat Jesus as volg bepaal:

"En as jou broeder teen jou sondig, bestraf hom; en as hy berou kry, vergewe hom.  En as hy sewe maal op 'n dag teen jou sondig en sewe maal op 'n dag na jou toe terugkom en sê:  Ek het berou - MOET jy hom vergewe."

Ek merk baie duidelik dat in hierdie laaste sin staan: " MOET JY HOM VERGEWE"! Dit is dus duidelik nie 'n geval dat ek 'n KEUSE het of ek daardie persoon WIL vergewe nie.  God bepaal dus sélf dat ek VERPLIG is om daardie persoon te vergewe, ONGEAG wat sy of haar oortreding teen my was!

Hierdie waarheid word nog eens herhaal in Kolossense 3:13-14, wat duidelik bepaal: "Verdra mekaar en vergewe mekaar as die een teen die ander 'n klag het; soos Christus julle vergeef het, so MOET julle ook doen..

Weer is dit duidelik dat vergifnis nie 'n keuse is wat ons kan uitoefen nie.  Christus verwag dat ons mekaar MOET vergewe, ongeag die nadeel wat ons ly - sóós Hy ons vergewe het!  Hoe het Hy ons vergewe?  Hy het vir ons aan die kruis gesterf!  En juis vanweë hierdie volmaakte vergifnis moet ek daarna streef om myself te beklee met daardie selfde Christus LIEFDE.

Is ek en jy regtig bereid om daardie persoon wat my om een of ander rede innerlik gekrenk het, wat my afgebreek het en my verneder het voor ander mense of mede-kollegas, of daardie werknemer of mede-kollega wat my besigheid onder my uitgetrek het, óf daardie man wat my dogter verkrag het, óf die dronkaard wat met 'n motor my kind se lewe verwoes het, ensomeer, ensomeer. aan 'n kruis te sterf?  "Verseker nie!", sal ons gou sê.  EK wil eerder sien dat juis dáárdie persoon opgesluit word, of sélf ook verneder word, of vernietig word, vir dit wat hy my aangedoen het!

Ons wil mos altyd sélf wraak neem.  En tog, dít is NIE wat Jesus van ons verwag nie.. "Moenie julle wreek nie, geliefdes, maar gee plek vir die toorn; want daar is geskrywe: Aan My kom die wraak toe, Ek sal vergeld, spreek die Here." ( Romeine 12:19 )

Wat verwag Jesus dan van ons?  Efesiërs 4:32 stel dit so mooi duidelik: "Maar wees vriendelik en vol ontferming teenoor mekaar ; vergeef mekaar soos God ook in Christus julle vergewe het."

"Nee, maar dis ONMOONTLIK om hom te vergewe, óf om te vergeet wat hy aan my gedoen het!"  Sê my, is ek en jy groter of belangriker as God?  Sê my verder, weeg dít wat daardie persoon aan jou gedoen het, énigsens op aan dit wat jy en ek die afgelope aantal jare in ons persoonlike lewens dáágliks aan God gedoen het ?

As God dus bereid is om my en jou te vergewe vir alles wat ek en jy aan Hóm gedoen het, EN NOOIT WEER DAARAAN TE DINK NIE, WIE is ONS om te WEIER om ons medemens te vergewe!?  Sou ons weier om te vergewe, EN te vergeet, soos God dit baie duidelik doen, sê ons dus effektief vir God dat ons dink dat ons beter is as Hy, groter is as Hy, of onsself nie noodwendig eens gebonde ag aan Sy Bybelse opdragte nie! Nee, wat dáárdie opdrag is mos nie op MY van toepassing nie!

Let asseblief mooi op dat vergifnis nie 'n PROSES is waardeur ons kan gaan nie.  Vergifnis is iets wat ons oombliklik moet doen.  Ek kan nie 'n persoon wat my verneder het, of tenagekom het, of seergemaak het, vandag so 'n klein bietjie vergewe vir dit wat hy my aangedoen het, môre so 'n bietjie meer, en oormôre, en die dag daarna, totdat EK uiteindelik voel ek het hom nou genoeg vergewe nie!  Dit wérk nie so nie!  As ek vergewe, vergewe ek en klaar!  Want só het God my en jou vergewe ..

Ons almal ken die baie bekende gedeelte uit die "Onse Vader" gebed wat lui: "... en vergeef ons ons skulde, NET SOOS ons ook ons skuldenaars vergewe." Kom ons borduur hierdie sin net vir 'n oomblik bietjie andersom. "Vader, ek het my skuldenaars net so 20% vergewe, vergewe U my dan ook maar net so 20% asseblief!"  Mens, klink die volgende nie dalk beter nie: "Vader, ek het my skuldenaars vandag ALMAL 100% vergewe, vergewe U my ook 100% asseblief!"  Maak nogal 'n verskil om só daaraan te dink, nê? Die keuse lê, WEER EENS, by óns oor hoe ons wil hê God ONS moet vergewe!  Heeltemal, of glad nie?  Want jy sien, daar is nie 'n  tussen-in nie.

Met ware, Geesvervulde, godvrugtige liefde in ons, sal ons nie anders kán as om daardie ander persoon wat teen ons oortree het, te vergewe nie!  Kom ek sluit af met die woorde van 1 Johannes 1:9 wat dit so mooi stel:

"As ons ons sondes bely, hy is getrou en regverdig om ons die sondes te vergewe en ons van ALLE ongeregtigheid te reinig."

Kom ons bely ons sondes ELKEEN voor God, ons aanvaar Sy vergifnis, ons HOU OP om teen Hom te sondig, ons lewe soos Hy wil hê ons moet lewe, en kom ons VERGEWE ook ons medemens as hulle teen ons oortree, soos Hy van ons verwag - ONVOORWAARDELIK!

tiaan gildenhuys (tg@oicb.co.za)

Geplaas met toestemming

Martial arts, what does the Bible say?

So many people come to me asking: “What does the Bible say regarding karate and martial arts?” or “What do you think, how God feels about karate?”

 Let us have a look at the martial arts, specifically karate!

 It is written in Isaiah 2:5 & 6 “O house of Jacob, come ye, and let us walk in the light of the LORD. Therefore thou hast forsaken thy people the house of Jacob, because they be replenished from the east …” and in Luke 6:43 & 44 Jesus says: “For a good tree bringeth not forth corrupt fruit; neither doth a corrupt tree bring forth good fruit. For every tree is known by his own fruit. For of thorns men do not gather figs, nor of a bramble bush gather they grapes.”

So, let us have a look at the karate tree and its roots:

Karate-do means: The way of the open hand. The Bible says in John 14:6 that there is no other way than Jesus Christ “Jesus saith unto him, I AM THE WAY, the truth, and the life: no man cometh unto the Father, but by me.”

Kung Fu and other doctrines were developed by one Bodhidharma, an Indian Zen Buddhist in the sixth century AC, in the Song Shan Shaolin temple in northern China.

Bodhidharma taught his monks self defense by using his techniques, which included personal meditation and exercises. He developed katas (a series of exercises compiled in a certain form) as a tool to meditation. The Bible states that we must only meditate on God’s word. Psalm 1:2 “But his delight is in the law of the LORD; and in his law doth he meditate day and night.” He combines the doctrines of Zen Buddhism (idolatry) with the martial arts. Psalm 96:5 says: “For all the gods of the nations are IDOLS: but the LORD made the heavens.”  Zen Buddhism is idol worship and definitely not from God!

Gichen Funakoshi was trained in Japan in the Shaolin temple martial arts. During 1917 he held his first public demonstration of karate-do. (In China “karate-do is known as Shotokan.) Funakoshi is recognized as the “father of karate-do”.

The dojo, where there is exercised, means “THE PLACE OF THE WAY”

Karate-do is still knows as ”moving Zen”. The base is nothing else than Zen Buddhism and its doctrines. Zen believes that there is no “external” God but that man is god and must discover this truth by disciplining his brain.

“Ki”-power is seen in Taoism as a supernatural power flowing through all and sustains life. Jesus said in John 7:38 & 39: “He that believeth on me, as the scripture hath said, out of his belly shall flow rivers of living water. But this spake he of the Spirit, which they that believe on him should receive ….” In karate the “KIAI” is used to activate a person’s “inner power”. This is nothing else than calling upon certain evil spirits from Satan!

Karate as sport – Karate did not develop from the sport, but the sport developed from Karate-do. The roots of karate as sport remain in Zen Buddhism and its doctrines. How can the fruit from these roots be good? Mathew 12:33 “Either make the tree good, and his fruit good; or else make the tree corrupt, and his fruit corrupt: for the tree is known by his fruit.”

Karate is seen by its students as a way of life. It requires dedication and this dedication leads to a lifestyle. It is written in Romans 1:17: “For therein is the righteousness of God revealed from faith to faith: as it is written, The just shall live by faith.” The practice of karate teaches its students to live by an Eastern way of religion and not that of God.

Karate teaches its students that it is one of various ways leading to the LIFE. Jesus says in John 14:6 “… I am the way, the truth, and the life: no man cometh unto the Father, but by me.”

In karate students starts with a white belt (purity and light) and ends with a black belt (darkness and obscurity). Is this a sign of positive growth? Look at it in the light of Jesus’ words in John 12:36 “While ye have light, believe in the light, that ye may be the children of light. …”

Students bow down before the “sensei” or teacher and in some cases before a statue or “idol”. God states in 2 Kings 17:36 “But the LORD, … him shall ye fear, and him shall ye worship, …” and in Jeremiah 25:6 “And go not after other gods to serve them, and to worship them, and provoke me not to anger with the works of your hands; …” Hands hitting, hurting and breaking objects provokes God.

Usually the logo of karate is either a dragon or the Yin/Yang symbol. According to Revelation 12:9 “And the great dragon was cast out, that old serpent, called the Devil, and Satan, which deceiveth the whole world: he was cast out into the earth, and his angels were cast out with him.” A symbol of a dragon is the symbol of Satan.  The Yin/Yang symbol refers to the unification of opposites. There is good in every evil, even in Satan, and evil in every good, even in God. This symbol is carried on the heart. So to who or what does the student submit his heart?

Another argument used by many to practice karate or allowing their children to practice is self defense. Again, let us have a look at what is written in the Bible. Jesus says in Luke 6:29: “And unto him that smiteth thee on the one cheek offer also the other; and him that taketh away thy cloke forbid not to take thy coat also”  and in Psalm 91:11 & 12 “For he shall give his angels charge over thee, to keep thee in all thy ways. They shall bear thee up in their hands, lest thou dash thy foot against a stone.”  If we really want to do something in our or our children’s defense and safety, why do we not call upon our heavenly Father and His word! Why do we turn to that what comes from Eastern religions that is definitely not from God? Why do we not trust God in everything, our safety included?

Remember, there are only two kingdoms on earth. The Kingdom of Light and the kingdom of darkness. If I am disobedient to the Kingdom of Light then I am obedient to the kingdom of darkness. Being obedient to the kingdom of darkness will open doors of darkness in my and my family’s lives.

Sources:

Die Ontmaskering van Karate – Gerhard van der Hoven

Martial Arts & Yoga – Brenda Skyrme


cobus van heerden (cvh@oicb.co.za)
Geplaas met toestemming.