Wat is geloof en hoe red dit ons?

Heb 11:1 Die geloof dan is ‘n vaste vertroue op die dinge wat ons hoop, ‘n bewys van die dinge wat ons nie sien nie.

Soms is dit moeilik om te glo dat God ons gaan help wanneer dinge op die ergste is, maar in die bogenoemde versie sien ons dat ons ‘n vaste vertroue moet he dat Hy vir ons gaan gee wat ons nog nie ontvang het of kan sien nie.

 Soms wanneer ons so klein gelowig is wil ons weet hoekom God ons dan nie help wanneer ons Hom die nodigste het nie. Maar God het ‘n perfekte tyd vir alles en ons sien dit gewoonlik eers na die tyd en nie terwyl ons deur ons moeilike tyd gaan nie.

Baie mense gaan so ver om te se dat God,  dit wat hulle deurgaan, aan hulle gedoen het, en ons is geneig om Hom te blameer vir alles wat verkeerd is. Kyk wat se die Woord oor dit.

Mal 2:17 (verkort) Julle vermoei die Here met julle woorde," waar is die God van die reg"?

Gal 3:2 Ons ontvang als deur geloof ook die Heilige Gees. Dit alleen wil ek van julle weet: het julle die Gees ontvang uit die werke van die wet of uit die prediking van die geloof?

2 Kor 5:7 Want ons wandel deur geloof en nie aanskouing nie.

Jesus het gekom sodat ons kan lewe en oorvloed kan he (Joh 10:10) Maar wanneer ons sit met versugtinge en moeilike tye deurgaan, sal ons eder God blameer vir wat met ons gebeur as om na Hom te gaan en op Hom vertrou. Jesus se ons ontvang nie omdat ons nie genoeg geloof het nie. (Mat 17.20) Verder se Hy dat Hy ons verseker dat as ons glo sonder om te twyfel ons dieselfde sal kan doen as wat Hy met die vyeboom gedoen het (Mat 21:21)

Joh 16:23&24 Jesus se: “Voorwaar, voorwaar, Ek se vir julle, ALLES wat julle die Vader sal vra in My Naam sal Hy julle gee, tot nou toe het julle niks in My Naam gevra nie. Bid en julle sal ontvang, sodat julle blydskap volkome kan wees”. 

Fil 4:5-7 Maak alles ‘n begeerte deur gebed en smeking en danksegging aan God bekend. En die vrede van God wat alle verstand te bowe gaan, sal oor julle harte en gedagtes die wag hou in Christus Jesus.

As jy voel jy sukkel met geloof vra vir God, In Jesus Naam om jou geloof te versterk.

Jesus Groete
Belinda

Indien jy geestelike berading of gebed benodig, kontak my, belindapaar@gmail.com

Hoe weet ek satan bestaan?

Ons moet al ons geestelike antwoorde in die Woord van God gaan soek.  Mens hoor so baie keer “moenie satan te veel  eer gee nie” of “as ek hom uitlos sal hy my uitlos, “ die laaste een wat ek gehoor het is “ek steur my nie aan satan nie want God is magtiger as hy”.

Ja dit is die waarheid God is magtiger as hy, maar God waarsku ons ook oor hom in die Woord, deur te se dat ons hom moet weerstaan! Dat ons moet waak om nie deur hom bedrieg en mislei te word nie. As ons, ons nie aan hom moet steur nie, hoekom sal die Woord ons teen hom waarsku?

Efes 6:11 Trek die volle wapenrusting aan sodat julle staande kan bly teen die liste van die duiwel.

2Kor 2:10&11 (verkort) sodat ons nie deur die satan bedrieg sal word nie, want ons is met sy planne nie bekend nie.
Hand 10:38  met betrekking tot Jesus van Nasaret, hoe God Hom gesalf het met die Heilige Gees en met krag. Hy het die land deurgegaan, goed gedoen en almal genees wat onder die mag van die duiwel was, omdat God met Hom was.

Dan gaan seker arrogante mense so ver om te se hy bestaan nie,en se dit is ‘n verskoning wat ons gebruik om te regverdig wanneer ons  verkeerd doen of mislik en onbedagsaam is teenoor ander.  As dit jou siening is, se jy eintlik “Jesus is ‘n leuenaar!” 

In Lukas 10:18 se Jesus self  “Ek het die satan soos ‘n bliksem uit die hemel sien val”

Luk 22:31 Jesus se “Simon, Simon kyk die satan het ‘n vurige begeerte om julle soos koring te sif”.

In Jes 14 Lees ons dat satan rebels geraak het teenoor God en is uit die hemel gegooi. In die Woord word net 3 engele by name genoem Gabriel, Migael en Lucifer.

 Lucifer, ook genoem die satan, die morester,die vader van leuens, seun van die dageraad, die duiwel,weldadiger van nasies, die koning van die vliee, die slang en die draak. Hy was die engel van musiek en het hoogmoedig geword teenoor God, en nadat hy uit die hemel gegooi is, se die Woord het hy oor die dorre aarde gesweef.

Job 1:7 En die Here vra vir satan “waar kom jy vandaan? En die satan antwoord die Here en se “ Van ‘n swerftog oor die aarde, wat ek deurkruis het”.

In Jes 14:12-14 Hoe het jy uit die hemel geval, o morester, seun van die dageraad. Hoe le jy teen die aarde neergeslaan, oor weldadiger van die nasies? En jy het in jou hart gese “ek wil opklim in die hemel, my troon verhef bo die sterre van God en sit op die berg van samekoms in die uithoeke van die Noorde, ek wil klim bo die hoogtes van die wolke, my gelykstel met die Allerhoogste”.

Efes 6:12 Want ons worstelstryd is nie teen vlees en bloed nie (mens nie), maar teen die owerhede, teen die magte, teen die wereldheersers van die duisternis van hierdie eeu, teen die bose geeste in die lig.

Uit hierdie versie kan ons sien dit is nie net teen satan nie maar ook teen sy onderdane en dat hulle range het en uit volgende vers dat een sterker is as die ander een.

·         Die owerhede,

·         Die magte,

·         Die wereldheersers van die duisternis,

·         Die bose geeste.

Luk 11:21-26 Ek noem net vers 26. Dan gaan hy en neem sewe ander geeste slegter as hyself, en hulle kom in en woon daar, en die laste van daardie mens word erger as die eerste.

2 Kor 10:4-6  Want hoewel ons  in die vlees wandel, voer ons die stryd nie volgens die vlees nie, want die wapens van ons stryd is nie vleeslik nie, maar kragtig deur God om vesting neer te werp, terwyl ons planne verbreek en elke skans wat opgewerp word teen die kennis van God, en elke gedagte vange neem tot die ongehoorsaamheid aan Christus.

1 Sam 28:11 Wees nie bevrees nie, maar wat sien jy? En die vrou antwoord “ek sien ‘n bonatuurlike wese uit die aarde opkom”.

Hoe weerstaan ons satan?

• Deur gehoorsaam te wees aan die Woord en by God se riglyne te hou,
• Deur dadelik onvergifnis te vra wanneer ons gesondig het sodat ons nie gevange gehou word deur die duisternis nie.
• Deur die volle wapenrustig aan te trek soos beskryf in Efes 6.

Jesus Liefde

Belinda

Indien jy geestelike berading of gebed benodig, kontak my, belindapaar@gmail.com

Is dit ‘n sonde om ryk te wil wees?

Rykdom is nie goed of sleg nie, dit is die houding wat mense het wanneer hulle ryk is, of die beginsels wat mense het ten opsigte van rykdom wat sonde is.

1Tim 6: 9& 10 Maar die wat ryk wil word, val in versoeking en strikke en baie dwase en skadelike begeerlikhede wat die mens laat wegsink in verderf en ongergang.

Want  geldgierigheid is ‘n wortel van alle euwels, en omdat sommige dit begeer, het hulle afgedwaal van die geloof en hulleself met smarte deurboor.

1 Tim 6:17 Beveel die rykes in die teenwoordigheid van die wereld om nie hoogmoedig te wees nie en ook nie hulle hoop te stel op die onsekerheid van die rykdom nie, maar op die lewende God wat ons alles ryklik verleen om te geniet.

2Tim 3:2-4 Maar die mense sal liefhebbers van hulleself wees, geldgieriges, grootpraters, trotsaards, lasteraars, ongehoorsaam aan hulle ouers, ondankbaar, onheilig, sonder natuurlike liefde, onversoenlik, kwaadsprekers, bandeloos, verwaand, meer liefhebbers van genot as liefhebbers van God.

Ons sien uit hierdie verse die gesindheid wat gepaard gaan met rykdom, maar dit se nie almal wat ryk is gaan hel toe nie, daar is pragtige Kinders van God wat baie geseend is met rykdom en wat hulle rykdom deel met minderbevoorregtes en wat baie donasie gee aan die werk van God.

Sommige van ons sal nooit skatryk word nie, nie omdat God dit nie so vir jou wil he nie, maar omdat Hy weet Hy kan jou nie vertrou met rykdom nie, waar jy elke dag leef met die nodigste of gemaklik leef, of dalk elke sent twee keer moet omdraai, of wat ook al die omstandighede, voel jy, jy moet op God vertrou vir die volgende kos op die tafel, en is jy dankbaar vir elke seening wat jy ontvang uit Sy Hand, jy gee erkenning vir jou seeninge omdat jy weet dit kom van Sy genade, as jy ewe skielik skatyk moet wees sal jou gesindheid nog dieselfde wees?  Of  sal jy dalk ook word soos hierbo beskryf word.

God weet hoe om ons desperaat te maak vir Hom! Jou finansiele toestand hou jou dalk nederig, ‘n spontane mens, en op jou kniee.  As jy skielik ryk moet wees gaan jou gesindheid dalk heeltemal verander.

Hoeveel mense wat skatryk was het al alles verloor en so te se amper op straat geeindig?

Spr 16:18 Trotsheid kom voor die verbreking, en hoogmoed kom tot ‘n val!

‘n Geestelike wet as jy jouself gaan verhoog, gaan God jou verneder!

Maar God se ook in sy Woord dat Hy jou wil seen met rykdom, meer as wat jy nodig het, as ons dit nie het nie moet ons dalk self-ondersoek doen en vra “Kan God my vertrou met rykdom?”Statistieke het bewys dat meer arm mense kerkgangers is as ryk mense.

Dit laat mens dink ne!

Jesus Liefde
Belinda

Indien jy geestelike berading of gebed benodig, kontak my, belindapaar@gmail.com

Hoe kan ek uitvind wat God se wil is vir my lewe?

God gee ons opdrag om te verstaan wat Sy wil is.

Efes 5:17 Daarom moet julle nie onverstandig wees nie, maar verstaan wat die Wil van die Here is.

God sal nie vir jou ‘n verantwoordelikheid gee, sonder om jou die gawe, talent en bekwaamheid te gee om dit te doen nie. Baie mense se hulle dink byvoorbeeld dat God wil he hulle moet vir siek mense gaan bid, maar hulle kan nie hardop vir mense bid nie.

As dit God se wil is dat jy dit moet doen, sal jy dit kan doen, waak daarteen dat jy nie ongehoorsaam is in God se wil net omdat jy te skaam is om te doen wat God van jou verwag nie, doen dit net, God sal met jou wees. ‘n Goeie voorbeeld hiervan lees ons in Jer 1:6-9.

Toe het ek gese “Ag Here Here, voorwaar, ek kan nie praat nie want ek is jonk” Maar die Here het vir my gese “Moenie se ek is jonk nie, want na wie Ek jou ook al stuur moet jy gaan en wat Ek jou ook al beveel, moet jy spreek, wees nie bevrees nie, want Ek is met jou om jou uit te red, spreek die Here”

Toe het die Here Sy hand uitgesteek en my mond aangeroer, en die Here het vir my gese “Hiermee le Ek My woorde in jou mond”

Nog ‘n versie uit die Bybel wat jou sal help om te doen wat God se wil is, sien ons in Rom 8.26

 En net so kom ook die Gees ons swakhede te hulp, want, ons weet nie reg wat ons moet bid nie, maar die Gees self tree vir ons in met onuitspreeklike sugtinge.

Tweedens, God sal nooit teen Sy eie Woord gaan nie, so as jy iets doen wat nie in die Skrif staan nie, of wat teenstrydig is met die Woord, het jy iewers iets verkeerd verstaan wat God se wil  vir jou bediening of roeping of self lewe is. Byvoorbeeld God se wil sal nie wees dat jy ‘n drankwinkel moet oop maak nie, omdat Hy teen drank is.

Rom 8.28 En ons weet dat vir hulle wat God liefhet, alles ten goede meewerk, vir hulle wat na Sy voorneme geroep is. Ons sien dus dat wanneer jy op die regte pad is dat  alles ten goede sal wees, so deur omstandighede kan ons ook sien wat die wil van God is vir ons lewens.

Ons kan ook bevestiging kry deur met ander geestelike mense te gesels, veral met mense alreeds in die bediening.

Spr 11:14 As daar nie goeie oorleg is nie, val ‘n volk, maar in die  veelheid van raadgewers is redding.

Laastens, ons kan God vra wat Sy wil vir ons lewe is en die Heilige Gees sal jou lei, God het ‘n volmaakte plan vir jou lewe!

Rom 2:12 En word nie aan hierdie wereld gelykvormig nie, maar word verander deur die hernuwing van julle gemoed sodat julle kan beproef wat die goeie en welgevalle en volmaakte wil van God is.

Hoe sal God my se wat Sy wil is vir my lewe? Die Heilige Gees sal jou se,  mense sal dit bevestig en God se Woord sal dit ook vir jou bevestig.

God praat met ons deur Sy Woord, ons moet net Sy Woord lees!

Jesus Groete
Belinda

Indien jy geestelike berading of gebed benodig, kontak my, belindapaar@gmail.com

Wat se invloed het sonde op my lewe?

Joh 10:10 Die dief kom net om te steel en te slag en te verwoes. Ek het gekom, dat hulle kan lewe en oorvloed kan he.

Sonde gee satan ‘n wettige plek in jou lewe, nou kan hy jou aanval en jou lewe negatief beinvloed! 1 Joh 3:8 Hy wat die sonde doen, is uit die duiwel, want die duiwel sondig van die begin af. Vir hierdie doel het die Seun van God verskyn, om die werke van die duiwel te breek.

Sonde kan jou fisies en geestelik laat doogaan. Eseg 33:11 So waar as Ek lewe spreek die Here Here, gewis, Ek het geen behae in die dood van die goddelose nie, maar daarin dat die goddelose hom bekeer van sy weg en lewe. Bekeer julle, bekeer julle van jul verkeerde wee! Waarom tog wil julle sterwe, o huis van Israel?

Wanneer ons gesondig het, blok dit ons na pad na God!  Ps 66:18  As ek ongeregtigheid bedoel het in my hart, sou die Here nie gehoor het nie. Nou skielik voel jy skuldig (satan se aandeel in sonde) en voel jy jy kan nie bid nie, net wat satan wil he! Hy steel jou geloof, hy steel jou geesteslewe en breek jou verhouding met God en Jesus.

As kinders van die Koningkryk, moet ons onmiddelik vergifnis vra vir ons sonde, sodat satan nie ‘n hou vas op jou kan he nie.  Ps 66:19 Waarlik, God het gehoor, Hy het geluister na die stem van my gebed. Geloofd Sy God wat my gebed nie afgewys en Sy goedentierenheid aan my nie onttrek het nie

Nog Skrif wat jou verseker dat jou sonde vergewe sal word! Hand 3:19 As jy jou sonde bely sal God dit van jou verwyder, Heb 8:12 Dit sal vergewe wees, Ps 32:1 Jou sonde sal bedek word.

Sonde is ‘n getuienis teen jou! Jer 14:7 Hoewel ons ongeregtighede teen ons getuig, O Here, doen dit om U Naam ontwil, want ons afkerighede is baie, ons het teen U gesondig! Dit laat jou skuldig voel. Ps 69:6 “O God, U weet van my dwaasheid, en my skuldige dade is vir U nie verborge nie”

Amos 1:3 Sonde kan jou in gevangeniskap sit! Rom 3:13 Dit verhard jou hart Rom 6:16 Dit maak jou ‘n slaaf!

Maar danksy Jesus is daar redding vir ons! Mat 1:21 Jy sal gered wees van jou sonde. Efes 5:8 Jy sal skoongewas wees. 1 Pet 2:24 Jy word dood in sonde en leef in geregtigheid en Kol 2:13 Jy word van vlees en gees geskei.

Lees die hele hoofstuk 6 van Romeine. Wanneer ons wedergebore is, is ons gered en mede erfgename van die Koningkryk, maar ons moet daarna streef om heilig te lewe. Die genade is geen vrybrief vir die sonde nie, maar verlos ons van die heerskappy daarvan!

‘n Persoon kan in sy onderbewuste skuldig voel oor ‘n oortreding/sonde wat jare gelede begin of gebeur het. Die Heilige Gees is die een van jou daaraan herinner dat die sonde nog onbelyd is, dat vergifnis nog nie daarvoor gevra is nie, satan aan die anderkant is die een wat jou sal aankla voor God, en jou herinner dat jy nie goed genoeg is nie, dat jy jouself moet onttrek van die samelewing, wat jou hart sal verhard ens.

Ons lees in Lukas dat wanneer ons bewus word van ‘n sonde in ons lewe (Heilige Gees jou herinner) dat jy onmiddelik moet vergifnis vra. Dawid gaan so ver om vir God te se “ondersoek my hart en sien of daar enige onreinhede in is wat my op die pad van pyn en seer kan laat loop”

1 Joh 3:9 Elkeen wat uit God gebore is, doen geen sonde nie, omdat Sy saad in hom bly, en Hy kan nie sondig nie, want Hy is uit God gebore.

Sommige uittreksels is uit Past Louis de Kock se boek Metamorfose aangehaal.

Jesus Groete
Belinda

Indien jy geestelike berading of gebed benodig, kontak my, belindapaar@gmail.com