Ek hoor so baie dat Chistene bietjie gaan dobbel het, “net
R500.00 saamgevat”. Maar is dit reg om dit te doen in God se oe? Kom ons kyk
eerste na wat die woord dobbel/”gambling” beteken.
Dobbel is om jou geluk te toets, om deel te neem aan iets
waar jy op geluk staat maak, om iets te wen, of iets te besit, of om iets van
iemand anders te ontneem, om iets te kry wat nie van dieselfde waarde is as wat
jy bereid is om voor te betaal.
Die Woord verwys na 3maniere hoe jy iets wettiglik kan bekom.
1) Om daarvoor te werk (as vergoeding van jou diens).
2) Om iets te koop of te ruil.
3) Om iets as geskenk te kry waar iemand bereid is om dit
vir jou verniet te gee.
Kom ons kyk wat se die Woord oor dobbel.
Jes 65:11 & 12 Maar
julle wat die Here verlaat, wat My heilige berg vergeet, wat ‘n tafel dek vir die geluksgod (Gad) en die mengsel inskik vir
die godin van noodlot (Meni), Ek sal
julle bestem vir die swaard, en julle almal sal buig om geslag te word, omdat
Ek geroep maar julle nie geantwoord het nie, Ek gespreek en julle nie
geluister het nie, maar gedoen het wat verkeerd is in My oe en verkies het wat
My nie te behaag nie.
Ons lees oor en oor in die Woord dat ons dankbaar moet wees
vir wat ons het, dat alles wat ons het ‘n gawe of seen van God is wat ons
ontvang het. So dan ook jou werk en inkomste. Is dit dan nie verkeerd om die
genade (inkomste) wat God jou gegee het in ‘n dobbelmasjien te gaan sit nie? Of
dit nou Lotto is of by die casino, dobbel is dobbel en die verse hierbo se
duidelik dat jy na die gelukgod gaan.
Verder lees ons in die bogenoemde verse dat God jou sal
bestem vir die swaard, en julle almal sal buig om geslag te word.
Statistieke het bewys dat almal wat die lotto gewen het
binne ‘n jaar al hulle geld verloor het en armer is as wat hulle was en meer as
die helfte van hulle het gesterf. Kom ons gaan terug na die Woord… dat God jou sal bestem vir die swaard, en
julle almal sal buig om geslag te word.
Die feit dat daar casinos is en lotto speletjies in ons land
goedgekeur word beteken nie dat dit reg is nie, as jy wil weet of jy iets kan
en mag doen, kyk wat se God se Woord, want dit is die enigste riglyn wat jy
moet volg om seker te maak jy staan rein voor God.
Jesus Groete
Belinda
Indien jy geestelike berading of gebed benodig kontak my, belindapaar@gmail.com
Jesus Groete
Belinda
Indien jy geestelike berading of gebed benodig kontak my, belindapaar@gmail.com
No comments:
Post a Comment