Genees van kanker – Rina Malan se getuienis

More Belinda,

Ek is ook een van Jesus se kinders wat genees is van kanker.

Ek is die enigste kind van middelklas ouers. Het goed grootgeword maar ook die pad byster geraak op ouderom 18. Op daardie ouderom is niemand so slim soos jy nie en niks wat jou ouers of iemand vir jou se maak in elk geval sin nie want dit is nie hoe jy dit sien nie.

Ek is getroud toe ek 20 was en twee weke voor my troue my verloofring gegooi dat  ek twee dae na hom gesoek het. Ek het seker nie nodig om te se dat ek ‘n baie kort humeur gehad het nie. En ek moet se, ek het letterlik alles gedoen wat my ouers my gemaan het om nie te doen nie. Regte rebel.

Wel, ek kon nie kinders he nie. Het van die een dokter na die ander, van een operasie na die ander, op die ou end infertiliteit behandeling ontvang. Op laas ge-eindig in Tygerberg Hospitaal waar die dokter vir my gese het hulle het my soveel hormone ingespuit ek kon doodgaan daarvan.

Daar moes nog ‘n operasie gedoen word en dit is toe wat my man besluit het dit is die einde. Geen operasies nie en as ons dan nie kinders kan he nie dan is dit nou maar so.

So loop ek met selfverwyt, met die vrees dat my man my sal los, dat hy met ander vrouens sal peuter, ensovoorts ensovoorts. In hierdie tyd het ek ook nie meer gewerk nie. Watter werk sal jou tydig en ontydig afgee vir behandeling en inspuitings maar die Here het voorsien. Dit was ook die tyd in my lewe wat ek die Here gevind het. Van ek opgestaan het in die oggend tot ek gaan slaap het, was hy my geselskap want al wat vrou is op die klein dorpie het gewerk so ek was permanent alleen. Ek het baie gehuil, was deur hel met skoonfamilie wat nie kon verstaan dat ek nie kinders kan he nie. Maar ook dit was die Here se wil.my.

Ons het baie rondgetrek omdat my man se werk dit vereis het en ek het in die staatsdiens beland. Hy het vir die paaie gewerk en ek vir gesondheidsdienste. Dit het verplasings nie bemoeilik nie en ons het regtig goed geleef. Maar my lewe het weer afgedwaal na die bree weg en ek het begin siek word in 2002.

Maagpyn, seer rug, naar, en het onsettend gewig opgetel. Ek besluit toe om dokter toe te gaan want die sooibrand en die pyn het ondraaglik begin raak. Hy beveel aan dat ons medikasie gebruik want om ‘n gastroskopie te doen sal hulle my eers op medikasie sit. Drie dae later was ek terug. Die pyn is net ondraaglik. ‘n Afspraak is gemaak vir die gastroskopie en ‘n gewas in my slukderm gevind. Biopsie gedoen en die dokter se spreekkamer bel my die Dinsdag om te se ek moet die dokter kom sien. Ek se toe is reg, ek is Donderdag beskikbaar. Iets se my ek moet my man saam vat.

By die dokter gekom, gegroet en die gewone dinge gepraat en hy se toe die volgende woorde: “Mevrou, daar is geen maklike manier om vir jou te se wat ek nou vir jou gaan se nie. Die gewas in jou slukderm is kwaadaardig”.

 Hy het ‘n vel met prenetjies uitgehaal en ek weet ek het na die maag gestaar. Wat hy gese en verduidelik het weet ek tot vandag toe nie. Toe ek weer tot my sinne kom, hoor ek net hy se, ek moet gaan vir x-strale van my long en ‘n sonar van my lewer en niere want as die kanker versprei het gaan hy nie opereer nie, maar as my organe skoon is sal hy die Maandag 13 Mei 2002 my in die hospitaal sien. Ek het goed gehou tot ek in die gang gekom het, maar toe huil ek soos ‘n kind.

Ons het dadelik die x-strale laat neem en die sonars en alles was skoon. Ek is ge-opereer en die kanker, een derde van my slukderm en twee derdes van my maag is verwyder. Na ‘n lang herstelproses in die ICU waar ek elke dag vir die Here gevra het om net nog hierdie pyp of hierdie monitor afte haal, en Hy dit gedoen het, het ek geweet ek is nie alleen nie. Die Here was al die pad saam met my. Ek was vir 4 dae in ‘n koma en het vandat ek wakker geword het, elke dag gebid en gevra dat die Here my asseblief net moet help dat hulle die goed van my lyf af kan haal en dat  ek gesond kan word.

11 dae na die operasie het die dokter gese hy het nog nie ‘n pasient gehad wat so gou herstel het na so operasie nie. Later sou ek hoor daar is maar min pasiente wat hierdie operasie oorleef. Ek is na ‘n onkoloog verwys en sy het besluit dit is nie nodig vir enige chemo of bestraling nie maar ek sou moes gaan vir toetse elke drie maande.

Ek het later so goed aangegaan dat ek net elke jaar gegaan het vir toetse en 7 jaar na die operasie (2009) is my kankertelling die hoogtes in. Vergroeiings wat vorm as gevolg van operasies het ‘n kanker in en hierdie “ding” is om my aorta en geen spesialis het kans gesien om dit te verwyder nie. Die operasie was net te gevaarlik. Ek weet dat ek die dag toe sy vir my gese het die kanker is terug, in die kar gaan sit en net vir die Here gevra wat het ek aan my liggaam gedoen dat die kanker teruggekom het. Nooit ooit het ek gevra hoekom moes EK kanker kry nie. ‘n Pastoor het vir my gebid en my gesalf en ons het die siekte bestraf en die duiwel het gestruikel en geval.

Chemo behandeling is begin vir 6 maande en ek was dodelik siek. My hare het met die eerste behandeling begin uitval en ek het vir my man gevra om dit af te skeer. Ek kon nie eet nie. Daar was sere in my mond en ek het in die eerste maand 14 kilogram verloor. Maar, sonder hare en so siek soos ‘n hond, moes ons pendel van Queenstown na Bloemfontein sodat ek my behandeling kon kry. Toe het daar nog 6 weke van bestraling voorgele. Ek onthou hoe ek met die eerste chemo eendag vir die Here gevra het om asseblief net ‘n einde te maak aan alles want geen mens kan hierdie hel deurstaan en lewend anderkant uitkom nie. Ek hoor onmiddelik ‘n stem wat vir my vra: “Wat gaan van jou man word as jy nou weggaan”. Toe ek my oe oopmaak, staan my man voor die bed en vra vir my hoe voel ek. Ek het met ‘n slag aarde toe gekom. Die Here het kanker oor my pad gebring om my te leer om mense te vergewe vir wat hulle aan my gedoen het. Die Here het my so siek gemaak om my te leer dat ek nie die enigste mens op aarde is nie. In hierdie tyd wat ek so siek was het hulle drie keer by ons huis ingebreek het ons het net ‘n slaapkamerstel, sitkamerstel en ‘n stoof oorgehou. Dit, het die Here vir my geleer, is aardse goed en dit is al wat jy nodig het.

Ek is nou in 2013 en in remisie. Die Here het my gesond gemaak en ek het aan Hom ‘n belofte gemaak dat ek vir Hom sal werk tot die einde van my lewe. Ek wil met my storie vir kankerlyers se, hou moet, moet NOOIT die Here se hand los nie, moenie vra hoekom jy nie, hoekom NIE jy nie.

God het ‘n doel met alles wat in ons lewens gebeur. Hy is vandag my Pa, my Ma, en die broers en susters wat ek nooit gehad het nie. My beste vriend want ek gesels heeldag met hom. Ek smeek dinge by Hom en Hy voorsien, ek werk nie meer nie en ons lewe soos konings wat ons Koning voorsien. Ek lees gister ‘n artikel van Sheryl Long wat ook twee keer kanker gehad het en genees is. Haar artikel eindig met die volgende woorde: “Kanker is net ‘n woord, dit is nie ‘n vonnis nie. Daar is altyd hoop.

Vir die van julle wat hierdie siekte oorwin het, ons sal altyd met die swaard oor ons koppe loop, maar weet dat God daardie swaard beheer. Die duiwel kry swaar want in my lewe moet hy elke dag hardloop. Hy het nie plek in my lewe nie. My eerlike opinie is dat hierdie siekte van die duiwel is en ons moet NOOIT OOIT vergeet dat God ons so lief het dat Hy AL ons pyn vir ons wil wegvat. Ek dank Hom elke dag vir wat ek het. My man, met wie ek nou 40 jaar getroud is, het my nooit verwyt dat ek nie “goed genoeg” was om vir hom kinders te gee nie, en toe ek op my laagste was, en die chemo wou stop, was HY die een wat vir my gese het ek kan nie oor my lewe besluit nie. Dit is nie my werk nie. Ja, my hare het ook nog nie weer behoorlik uitgegroei nie, maar wie gee om. Ek is gesond en dit is die belangrikste.

As daar enige iemand is wat twyfel, seer het, vrae het om te vra, depresief is, hulp nodig het, julle kan my kontak by rina.malan@gmail.com of telefoon 073 163 5024. Ek sal help waar ek kan. Hou vas aan jou geloof, praat met God, gee jouself oor, onvoorwaardelik en GLO. Hy KAN ons genees en Hy sal, as dit Sy wil is. Ons is nie opgewasse om hierdie lewe te leef sonder Hom nie.

Jesus liefde vir julle almal.

Rina

Genees van borskanker-Thea se getuienis. Deel 2

Deel 2 vervolg

Die bitterheid wat ek vir jare in my hart rondgedra het is weg, ek het dit oorgegee aan Jesus ...want die Heilige Gees kan nie in jou hart woon as jy haat en bitterheid het teenoor mense nie, maak nie saak hoe seer hulle jou gemaak het, en hoe jy verneder is nie...vergewe hulle!

Na so 3 mnde na ek die laaste behandeling gehad het toe is Jesus en my verhouding al sterk, en dit groei nog steeds elke dag, Die Heilige Gees het my baie dinge laat sien wat ek verkeerd gedoen het, en ek het dit dadelik verander, daar gaan nie een dag om wat ek tot nou dankie se vir Jesus dat ek genees is van daardie vreeslike kanker... skoon gewas is met Sy Bloed,... al my ou sondes weg gewas met Sy Bloed.

Ek wil vir alle kanker vegters en survivors se, moet nooit, nooit Jesus se Hand los nie, se dankie dat Hy jou reeds genees het en GLO DIT MET JOU HELE HART, dis die geloof wat mens red, en se dankie elke liewe dag en prys Hom dat deur Sy Bloed Hy by ons Vader vir genade gaan vra het vir Sy kind.

Dan as mens klaar is met al die behandeling, en jy bad in die oggend en jy sien jouself in die spieel..met kort haartjies, geen borste, sny wat regoor jou maer borskas loop, dan tref die skok jou hoe terrible dit lyk! Ek het tot my man verloor gedurende die behandeling, ...baie verloor ... werk, hare, borste..huis alles, maar alles aardse goed, en ek besef hoe ryk is ek NOU eers, want nou het ek Jesus se Liefde.

Ek het met Jesus gesels, o, net om te noem, ons gesels land en sand, sommer terwyl ek klaar maak vir werk .. in die kar...winkels..ag net wanneer ek wil....en ek vra vir Jesus, of Hy dink ek kan maar vir rekonstruksie gaan, of dit sal reg wees, en ek het die vrede in my hart gekry, ek se vir Jesus, “Ek gaan na n plastiese chirurg toe, maar ek wil alles he....tepels, en die pienk gedeelte wat hulle met tatoeering om die tepel doen, dan gaan ek dit alles na my medies stuur, as hulle alles goedkeur dan weet ek U se dis reg!”

Dokter het alles gemotiveer en binne 2 dae toe kry ek die medies se goedkeuring vir elke ding tot op die laaste, ..sjoe dit was n groot verassing,...Ek het begin met die reeks operasies April 2012 en kry die laaste een nou 31 Januarie 2013, en dan moet ek 2 maande wag om die tatoeering te doen.

So het ek en Jesus weer die pad gestap waar ek elke keer onder die mes moes gaan om dit te doen.

As ek terug kyk vandag dan se ek “dankie, dankie Here dat U hierdie kanker toegelaat het om op my pad te kom...” *o daar hol die duiwel alweer hy het dit nie verwag nie *, want, sonder die wonderlike pad van die kanker sou ek dalk nooit weer die geleentheid gekry het om terug te draai na God toe nie. 

Wat n wonderlike ervaring was dit, met die siek wees en alles...vandag het ek weer n werk, n klein ou tuin woonstelletjie wat ek huur, n paar meubelstukke, my kat wat die hele pad saam met my deurgemaak het, en my nuwe blinde kat.

Ek is gelukkig, ek het vrede, ek het ophou soek, want ek het gevind ....ek het niemand in my lewe nie, ek glo as dit die Here se Wil is sal Hy wel iemand op my pad sit, maar dit pla my nie....en so bly Jesus, ek en die 2 katte... heel gelukkig ... my beker loop oor!

Vir die wat dit lees, of jy teen kanker veg tans, of n survivor is, of net iemand wat alleen is, of sommer net voel jy is soekend, ek wil vir jou se, Jesus is die antwoord na alles wat jy soek... vandag is ek so spyt oor die tyd wat ek gemors het om hierdie vrede te vind, maar ook dankbaar dat dit nooit te laat is nie.

Daar is vrouens wat na my toe kom by n kanker ontbyt of  kanker fuksie, en se  “dankie Thea, toe ons begin het met ons eerste chemo, en so bang was, het jy by ons kom kniel en ons hande gevat en gese, moenie bang wees nie, hou net vas aan Dokter Jesus se Hand en alles sal regkom en GLO”, My woorde het hulle deur die hele chemo proses deurgedra.  Ai wat n wonderlike gevoel om te weet ek kon hulle motiveer met Jesus aan my sy,  wat die woorde van bemoediging in my mond sit om te spreek.

Dankie dat julle my getuienis gelees het, enige iemand wat enige raad, vrae of net n bietjie liefde en motivering soek, kan my enige tyd e pos by :  theatemelevren54@gmail.com of bel my 076 978 7975......sodat ek jou kan vertel hoe lief Jesus jou het.

Dankie aan my vriendin Belinda, wat my getuienis op haar blog geplaas het!

Liefde

Thea

Let asb daarna op dat Thea genoem het dat sy verbitterd was, woede teenoor mense gehad het, en hulle vergewe het.

Kanker spruit primer uit bitterheid, dit is ‘n onder-aktiewe immuunsisteem wat dit veroorsaak, omdat mens voel jy moet jou emosies beheer, jy mag nie erken hoe jy voel nie, en alles binne jouself rond dra, in pleks van vergewe en vryspreek.

Toetse het bewys dat bors kanker is die gevolg van sonde van bitterheid teenoor ‘n ander vrou.

Linkerbors – vrou teenoor vrou in die bloedlyn en regterbors, nie oor ge-erf nie, maar jou eie bitterheid.

Bely jou sonde voor Jesus, vergewe en spreek vry, en as dit in die bloedlyn is, bely hulle sonde ook soos volg “Vader, ek neem verantwoordelikheid vir enige bitterheid wat deel was van my voorgeslagte, ek bely dit as sonde en vra vergifnis. Ek vra dat U die opening wat satan so in my lewe gekry het sal toe maak en verseel”.

Genees van borskanker – Thea se getuienis Deel 1

Die volgende getuienis is gedeel deur Thea Temelevren, ‘n vrou wat 100% genees is van borskanker. As jy voel jy wil ook graag jou getuienis lewer op die blog, sit dit as “comment” onder aan of epos dit vir my na belindapaar@gmail.com dan sit ek dit ook op die blog om ander vroue te ondersteun.

Baie dankie Thea vir jou mooi getuienis, soos jyself se: Net Jesus kan genees!!

Thea se storie

Laas nag het ek in my hart gevoel gekry om my getuienis te lewer van hoe Jesus my gesond gemaak het, en ek weet dit is die Heilige Gees wat met my praat, want ek is n wedergebore Christen. 

My naam is Thea, het groot geword in n baie Christelike huis, maar was altyd rebels en het die bree pad saam met duisende geloop my lewe lank, en as ek vandag terug dink aan my verlede, dan sien ek selfs hoe lief het God my nog steeds gehad al was ek op die bree pad. God het ook heelwat tragiese dinge op my pad gesit maar ek het nie geluister nie, en my hele hele lewe lank was ek soekend na 'iets'.....maar nie geweet wat is dit wat ek soek, hoekom bly ek soekend, dan dink ek dis liefde vir iemand, maar nee die soekende gevoel bly sit.......so het dit gekom n week voor die  22 ste Augustus 2010, ek het gerook jare lank, maar was n puffer, maar my siggies, ai, kon nie sonder die goed nie, maar die week het ek so naar geword van rook, en ek het gedink ek kry griep, en al minder gerook want dit was sleg.

Toe ek die 22ste Augustus 2010 by die huis kom die Vrydag middag na werk, en so jeuk gevoel op my linker bors gekry en toe voel ek die knop,...en ek dink, genade die ding was nie daar nie, en dis groot, ek het onmiddelik die foon gevat en sommer sonder n dokters brief die Mamogram afdeling gebel by Pretoria Oos hospitaal en n afspraak gemaak, die dame se toe my afspraak is die volgende Vrydag, ek se “nee, nee jy verstaan nie, hierdie is dringend”, maar sy antwoord net  “jammer ons het niks oop voor dan nie”, die hele naweek was n nagmerrie!

Maandag by die werk gekom en weer die vrou gebel en gese “asb kan jy my nie vroeer inkry nie”, sy antwoord “weet jy, jy is baie gelukkig ons het n kanselasie gekry vir Woensdag oggend 9 uur”, .....

9 uur daardie oggend was ek daar, Mamogram gedoen, gesien die dokters skarrel bietjie rond, hulle se toe ek moet n sonar kry, en nog n dokter kom in, en se nee, hulle moet biopsies doen, want hulle sien 3 knoppe maar hulle wil seker maak. Biopsies gedoen, was baie 'scary' eerste maal in my lewe wat ek so iets moet doen, maar was toe glad nie seer nie......nou stuur hulle my huistoe en se ek moet n week wag vir die uitslag, ag genade ,....die wag is die ergste, maar na net 2 dae die Vrydag middag,... kry ek toe n oproep van my huisdokter, hulle het die uitslag na hom toe gestuur, en hy se vir my (ons kom al 18jr saam) “Thea'tjie dis borskanker jy moet my Maandag oggend 8 uur kom sien”...

Ek het histeries begin huil, ek was besig om die matte te suig toe hy bel ek het geskree en amper die arme stofsuier se pyp afgebreek van histerie...toe ek bietjie bedaar toe gaan sit ek op die mat, verslae, geskok, vernietig, alleen, wat nou.....eers besluit ek gaan niemand se... nie my kinders nie... my vriende nie...na n ruk besluit...nee ek het mense nou nodig, ek kan nie alleen deur die naweek gaan nie, en ek bel toe al wat vriendin is ..almal het gekom, gebid,  saam my gehuil...een vriendin het gebly en gese “ek bly by jou tot Sondag aand”...ons het heel naweek saam gehuil, want ek het so n vrees vir kanker, chemo, bestraling al daardie nare goed, want ek moes sien hoe my enigste boetie stadig sterf oor 7 maande van lewer en pankreas kanker.

 Ek het nog nooit weer lus gekry om te rook na die nuus nie, net God kon my so skielik laat ophou rook het, want Hy het geweet ek kan nie.

Toe begin ek bid, en bid, en bid, en smeek die Here om asb in te tree en my te help, ek het nooit vir Hom gevra hoekom ek kanker gekry het nie, ek was nooit kwaad vir Hom nie, ek het net gese Here asb help my...ek het my Bybel gevat, soekend gelees maar kon nie konsentreer nie, maar toe met die Bybel op my bors aan die slaap geraak. Maandag oggend het aangebreek en ek was klaar besig om te besluit wie kry wat ...die kas na daardie vriendin al die goed na die kinders en so het ek my goed begin uitdeel in my kop want ek gaan mos nou dood.

By die dokter gekom 8 uur, en hy se , “Sit, bly stil, en luister na my, eerstens glo jy nou absoluut aan God, jy doen die behandeling wat n onkoloog vir jou gaan gee, en jy bly positief en jy bly weg van dokter Google af”.....hy se verder, “ongelukkig het jy die mees aggresiefste borskanker wat daar is, infiltrerende buis karsinoom, dis aggresief en vinnig, en jy loop al 3 jaar daarmee (ek het nie mamogramme laat doen vir 3 jaar) en die kanker het reeds na jou limfkliere versprei, en dis graad 3 kanker”. 

Toe die nuus,..... “ongelukkig moet ons altwee jou borste afsit en 17 limfkliere uithaal om getoets te word”, .....ek het in n 'bubble' gegaan, dit is al hoe ek dit kan verduidelik,...”nee is reg se ek verslae... haal uit... sit af.” 

September 3 2010 is ek onder die mes, met die Here se Hand oor my het HY gesorg dat dit toe net na EEN limfklier versprei het, die ou duiwel wee jy, hy sit mos die nare goed in ons lewe, en dan laat die Here dit toe om te sien wat gaan ons doen met dit, toe kry die duiwel n groot suprise en ek draai na Jesus toe met my hele hart, verstand en krag.

EN daarna, die nuus: - chemo vir 6 maande lank, bestraling elke dag vir 30 dae, en dan Herceptin vir een jaar, ag nee, hoe gaan ek dit doen het ek gedink, ek sal dit nooit kan maak nie, die tyd sal nooit verby gaan nie

So het n vriendin my gesalf, vir my gebid, ek is weer gedoop met die Water en Die Gees, en so het ek en Jesus mekaar weer gevind, stadig stadig, so al met die chemo saam. Een oggend na die 2de rooi duiwel chemo, is ek baie, baie siek en my hare het begin uitval en dit was so 5:45 die oggend, en ek bid, en ek se “Here, kyk hoe siek is ek, help my asb, hoor U nie hoe bid ek nie, het U my gelos, asb help my”. My gebed was skaars klaar toe lui die foon daardie tyd van die oggend, en die mooi Jesus vriendin wat my gesalf het se, “Thea ek het in die gang geloop en toe se die Here vir my, draai om asb en bel vir Thea”, en so het ek besef Jesus hoor my en ek spring op asof ek 16 jaar oud is en gil JESUS HOOR MY, JESUS HOOR MY.......ja chemo is n nare ding, ek wou dit los, maar vriende en kinders het gekom en gese “nee, druk deur jy kan dit doen!”

Ek was baie baie siek, maar het deur die 4 rooi duiwel chemo gekom, en is toe oor na Taxol chemo, gelukkig maak dit mens nie so baie siek nie, en Jesus en ek se verhouding groei elke dag, en ek se “Dankie Here dat ek reeds gesond is, ek moet net deur die chemo gaan, want ek moet my deel ook doen”. 

Teen die tyd was daar nie meer ‘n haar op my lyf nie, al my toon naels het uitgeval, tot vandag meer as 2 jaar later groei die 2 ou groot toon naels nie terug nie. Taxol laat jou hande en voete met swak bloedsomloop, en dit voel dood, tot vandag toe kry ek soms die dooie gevoel in my voete en hande.

Jesus, en ek is toe deur die chemo, en ek is maer, soos n kraai, en nou moet ek bestraling begin, na 3 van die 30 wat ek moes kry toe sak ek inmekaar, en net daar besluit ek niks meer, en ek se Jesus,” hier is my siekte ek plaas nou alles in U hande.” En ek begin toe met Herceptin, vir een jaar lank moes ek dit elke 3 weke kry ... maar dit maak mens darem nie so moeg nie, en ook nie siek nie. 

3 Januarie 2011 toe is dit my laaste Herceptin, en die haartjies het al begin uitgroei,....en toe ek so terug kyk na die tyd wat ek alles moes kry, toe kon ek nie glo hoe ek hier gekom het aan die einde...dit het gevoel of die tyd gevlieg het...toe besef ek hoe het Jesus my al die pad gedra.....en ek is vol dankbaarheid vir God, want ek is gesond, daar is maar net een Dokter vir kanker en dit is Dokter Jesus!

Deel 2 vervolg

Siektes – Slot

Nie elke siekte is a.g.v sonde nie. Ons kan ook ons eie siekte oor onsself bring en dat ons ook siek kan wees tot eer van God.

 Ons lees in Joh 9:1-3 Waar die dissipels vir Jesus vra hoekom is die man blind gebore is dit sondes wat hyself gedoen het of sondes wat van sy ma of pa oorgedra is? (vers 3) Jesus antwoord “Hy is nie sondig nie, en sy ouers ook nie, maar die werke van God moet in hom geopenbaar word,

M.a.w die man is blind gebore tot glorie van God, as ons verder lees sien ons dat Jesus dan die man genees van sy blindheid. Sy siekte was nie tot eer van God nie, maar sy geneesing was.

Ons bring ook siektes wat gepaard gaan met stress, oormoegheid, angs-aanvalle, allergie, migrains, kroniese hoofpyn, rugkwale, hoe bloeddruk, suikersiekte….die lys hou aan en aan oor onsself omdat ons nie op God vertrou nie. God het die wereld gemaak in 6 dae en gese die 7de dag moet ons rus en die dag heilig.

God se nie sommer maar net om te rus en die dag te heilig nie, Hy BEVEEL ons om dit te doen. Sabbat dag mag ons nie eens ‘n vuur aansteek (Ex 35:3) en God belowe jou dat as jy kos voorberei die dag voor sabbat sal Hy dit vars hou sodat jy nie op sabbatdag hoef te kook of  kos voorteberei nie (Ex 18:23 &24) Ons ken die 10 gebooie waar ons beveel word dat jou os en esel, jou diensknegte en jyself nie mag werk op sabbat nie want die dag is geheilig (Lev 23:3)GEEN werk mag julle doen nie, dit is die sabbatdag van die Here in al julle woonplekke.

Nou wat het dit alles met siektes te doen?

Kyk wat se God! Ex 31:14-17 Onderhou dan die sabbat, want dit moet vir julle heilig wees. Hy wat dit onheilig moet sekerlik gedood word, want elkeen wat daarop werk verrig, die siel moet uitgeroei word.

Jer 17:27 (verkort) Maar as julle nie na My luister om die sabbatdag te heilig nie….sal Ek ‘n vuur in sy poorte aansteek….wat nie uitgeblus sal word nie.

Hoe word jou siel uitgeroei en jy gedood? Deur siektes! God stel dit duidelik dat ons Sy sabbatdag moet heilig en nie moet werk nie, Hy se dit is ‘n dag om te RUS!

Verder het God dag en nag gemaak, in die dag moet jy arbei en in die nag moet jy rus! God het nie foute gemaak toe Hy die wereld of die mens gemaak het nie. Hy het dag en nag gemaak omdat hy die mens geskape het om te rus tussen in. So ons is nie gemaak om 24uur ‘n dag te werk nie, nog minder om 7dae ‘n week te werk nie, en as ons nie luister nie ontwikkel ons siektes wat spruit uit oor-moegheid. Ons raak knorrig as ons nie genoeg rus nie, dit is nie van God af nie, ons weet wat die vrug van die Gees is, en knorrigheid is nie een van dit nie, ons stress oor werk wat nie afgehandel word nie, terwyl God ons beveel het om te rus op die 7de dag, terwyl God nag gemaak het sodat ons kan slaap en nie werk nie!

So siektes wat spruit uit stress en oormoegheid is omdat ons dit aan onsself doen en nie luister na hoe God ons gemaak het nie.As jy jouself oorwerk, word jou immuunstelsel beskadig en kan jou liggaam homself nie meer genees soos wat hy “geprogrameer” was om te doen nie

Ander siektes wat ons aan onsself doen is dinge soos rook, oor-eet, drank misbruik, seksuele oortredinge en self medikasie. Dwelm,drank,rook en oor-eet is wel verbonde aan emosionele probleme, maar nie almal nie, dit is tog in seker gevalle mense se keuse om dit te oor doen. Die newe-effekte op medikasie doen meer skade as goed aan mens se liggaam.

Nie alle siektes is afkomstig van sonde nie, maar omtrend 80-85% van siektes is verbonde aan wortelprobleme in die sielsdimensie. En wanneer die siel siek is begin ons skade aan onsself doen en begin ons sondig teen God se Woord en insettinge. Goed soos skinder, mense afbreek, kerk kritiseer, ongelowig raak ens is sondes teen God se Woord en sit maak jou liggaam siek.

Paar verse wat genoem word oor skinder/kritiseer en sleg praat.

Rom 1:29 Jaloesie, moord, skelm wees, skinder….

Ef 5:4 Skinder pas nie by God se kind nie….

Mat 15:19 Om mense te belaster….

Jak 3 Beheersing van die tong…

Mat 7:1-6 Moenie ander oordeel sodat God jou nie oordeel….

Jak 4:11-12 Wie dink jy is jy om ander te oordeel…..

1 Pet 3:10 Want wie die lewe wil liefhe en goeie dae wil sien, moet sy tong bewaar vir wat verkeerd is, en sy lippe dat hulle geen bedrog spreek nie

Skuldklier siektes kom uit ‘n bitsige tong!

Ten slotte Rom 13:5 Daarom is dit noodsaaklik om jou te onderwerp (aan God se insettinge), nie alleen ter wille van die straf nie, maar ter wille van die gewete (jou siel).

Gebed:

Vader in die kragtige Naam van Jesus vra ek U om aan my uit te wys deur U Gees as ek emosionele probleme het wat wortelprobleme is vir my siektes, Ek glo dat ek deur die wonde van Jesus genees is (1Pet 2:24) en dat U die God is wat genees (Ex15:26), daarom Vader weet ek dat ek genesing kan ontvang as ek my denkwyse verander, genees my siel en hart van enige en alle ongeregtighede sodat ek U welgevalle wil van my lewe kan ontvang.

Ek vra dit nie uit verdienste nie, maar uit U Groot genade.

In Jesus Naam

Amen

SIEN OOK - GOD MAAK NIE DOOD NIE

Jesus Groete
Belinda

Indien jy geestelike berarading of gebed benodig kontak my, belindapaar@gmail.com

Siekte Deel 3 - Jaloesie & Afguns

Wat veroorsaak dat mens jaloers is?

Armoede is seker die grootste rede vir afguns en liefdesteleurstelling en verwerping deur ‘n geliefde is sekerlik die grootste rede vir jaloesie.

Satan is die vader van leuens, en wanneer hy ‘n opening in ons lewens kry om ons te kaf, doen hy dit in oorvloed.

As iemand jou hart gebreek het, kry hy die opening om jou te laat glo jy is nie goed genoeg nie,emosioneel begin jy jouself vergelyk met ander mense, jy begin kompeteer in alles wat jy doen sodat jy net beter kan voel, beter kan lyk, beter kan doen en beter kan wees. Uit hierdie twee dinge begin die emosionele probleme ontstaan van jaloesoe en afguns, beny en begeer.

Afguns is wanneer jy ongelukkigheid binne jou beleef wanneer ander presteer, geluk vind, bevorder word, meer geld verdien ens. Beny en begeer val ook onder afguns.

Jaloesie is wanneer jy iemand anders of hulle besittings beny of afgunstig is omdat hulle iets het wat jy nie het nie.

Jaloesie is ook geldgierigheid (Heb 13:5) Ons moet tevrede wees met wat ons het en ons gedrag moet vry wees van geldgierigheid.

Is jaloesie en afguns ‘n sonde?

Mat 6:25 Daarom se ek vir julle: Moenie julle kwel oor jul lewe nie – Wat jul sal eet en wat julle sal drink nie, of oor die liggaam, wat jul sal aantrek nie. Is die lewe nie meer werd as die voedsel en die liggaam as die klere nie?

Ons mag dus nie afgunstig wees oor hoe ander aantrek nie, of wat hulle het nie.

Mrk 7:20-23 se dat slegte gedagtes van mens se hart kom, dan noem dit die gedagtes soos bedrog, moord, hoerery, diefstal, boosheid, afguns ens.

Afguns is dus ‘n slegte gedagte, en as iets sleg is is dit sonde!.

Rom 1:28 mense wat God nie ken nie hulle is vol jaloesie, want Hy gee jou oor aan jou verdraaide opvattings.

Jaloesie is omdat ons God nie ken nie, en nie op Hom vertrou nie (sal later terug kom na die punt onder jaloesie op man of vrou in huwelik/verhoudings)

Gal 5:19 – 21 Die werke van die vlees is geopenbaar naamlik…..en in vers 21 word afguns genoem.

Gal 5:26 Laat ons nie word soekers van ydel eer wat mekaar uittart en mekaar beny nie.

Uittart is deel van kompeterend wees en beny en begeer is deel van jaloesie.

Ex 20:17 Jy mag nie jou naaste te huis begeer nie, jy mag nie jou naaste se vrou begeer nie, of sy dienskneg od sy diensmaagd, of sy os of sy esel, of iets wat aan jou naaste behoort nie.

Ons sien dus dat jaloesie en afguns en sy takke soos begeer en beny sonde is.

Maar hoekom is dit sonde?

Omdat ons op God moet vertrou om vir ons ook te gee wat ander het, omdat ons ander se eiendom met ons eie vergelyk en in pleks daarvan om dankbaar te wees vir wat ons het, is ons jaloers oor wat ons nie het nie, en die Woord leer ons om te bid met danksegging. Alles wat ons besit het ons omdat God ons genadig is, ons het NIKS as ons nie genade van God het nie.

Jaloesie in ‘n verhouding of huwelik.

Hoekom is jy jaloers? Wie het jou hart gebreek? Ons is jaloers in ‘n verhouding omdat ons persoonlik en emosioneel seergekry het. Nie noodwendig in ‘n ander verhouding nie, maar ook in ons kindertyd deur familie lede en ouers. Baie mense wat aan jaloesie lei het dit omdat hul ouers geskei het….die gedagte wat daarmee gepaard gaan is “As my ouers mekaar nie kon vertrou nie, hoe kan ek iemand anders vertrou om getrou te bly”

Maar die grootste probleem wat onstaan uit jaloesie is dat jy jouself begin afbreek. Jy begin die gedagtes ontwikkel en koester dat jy nie mooi/aantreklik genoeg is nie, nie goed genoeg is nie, te maer of te vet is, te dom is, te onvriendelike is ens…..en hier is waar satan vryhand kry oor jou lewe en gedagtes.

Hy vertel jou om jouself te verneder en sleg te se. As iemand jou komplimenteer en se “jy lyk mooi in daai klere”, sal jy omdraai en se, “net jammer my hare lyk so sleg”, of “net jammer my skoene pas die by die klere nie” ens, jy sal altyd iets negatiefs omtrend jouself se.

Verder vergelyk jy jouself met ander, as iemand voor jou staan en het mooi oe…sal jy aan jou eie oe dink en dink dit is so vaal….of my grimering lyk so sleg teen hare ens.

En so begin selfhaat en verbitterdheid teenoor jouself en ander ontwikkel. Deur jouself te vegelyk met ander, begin jy op ander se opinie omtrend jouself staat maak in pleks van God se opinie, jy begin dink dat God meer vir ander gee en omgee as vir jou, jy begin om satan se leuens te glo in pleks van God se beloftes in die Woord want Hy se “Ek sal jou nooit begewe en jou nooit verlaat nie Heb 13:5

God het jou geskape, so daar is NIKS verkeerd met hoe jy lyk nie.Staan voor die spieel en sien jouself deur God se oe, bedank hom vir jou mooi oe,jou mooi neus, jou pragtige glimlag,jou mooi gesonde hare….toets dit vir so paar dae, kyk regtig na jouself en jy sal sien wat God sien, hou aan om dit te doen totdat jy die waarheid begin glo….en dit is dat God nie foute gemaak het toe Hy jou gemaak het nie, jy is uniek geskape deur Hom en Hy het nie vir jou die verkeerde neuse, of oe of kleur hare gegee nie, Hy het presies geweet wat pas by jou.

As jy jaloesie beleef in jou huwelik of verhouding omdat iemand anders jou verneek het, hier is wat jy doen. Jy kan nie jou maat 24uur per dag oppas of agtervolg om te sien wat hulle doen nie, maar Jesus kan!!

So hier is wat jy doen. Jy bid en vertrou Jesus om jou maat op te pas, jy vra Hom om jou maat blind te maak vir dinge wat hy/sy nie moet sien nie, doof te maak vir goed wat hulle nie moet hoor nie, en voete te gee wat die pad moet loop wat Jesus vir hulle gekies het, en jy vertrou Hom met dit! Wanneer satan in jou oor fluister stuur hom hel toe en se klip hard ek vertrou vir Jesus!

Siektes wat kan spruit uit jaloesie en afguns is been siektes, soos osteoporose, Artritis, kroniese moegheid rugkwale, spier siektes en suikersiektes.

Behalwe vir die volgende verse wat ek gaan noem is daar ook ander siektes wat kan ontstaan uit emosionele probleme wat ons ummuunstelsel afbreek, maar ek sal dit later weer bespreek.

Spr 14:30 “‘n Rustige hart is die lewe vir die vlees, maar hartstog ‘n verrotting vir die gebeente”

Ps31:11 Want my lewe kwyn weg van kommer en my jare van gesug, my krag struikel deur my ongeregtigheid en my gebeente teer uit.

Ps 102:4 Want my dae verdwyn soos rook en my gebeente gloei soos vuurherd.

Spr 17:22 ‘n verslae gees (emosionele ongelukkige gees) laat die gebeente uitdroog.

Gebed:

Vader, In Jesus se Heilige Naam vra ek vergifnis vir my sonde van afguns en jaloesie en al die wortels daarvan, vergewe my ook as ek afguns en jaloesie in ander mense se lewens veroorsaak het. Leer my om my denkwyse te verander en om myself deur U oe te sien.

Vergewe my omdat ek self-haat, minderwaardigheid, selfbewustheid en self-verwerping in my lewe toegelaat het, ek weet nou dat ek volmaak geskape is deur U. Laat U Gees my lei in waarheid en maak my doof vir satan se leuens.

(Indien jy siek is) Vader, noudat ek die wortel van my siekte ontdek het, genees my daarvan asseblief in Jesus se Heilige Naam Amen.

Jesus Groete
Belinda

Indien jy geestelike berading of gebed benodig kontak my belindapaar@gmail.com