Fortuinvertelling:- Hoekom word dit waar wat hulle voorspel?

A Handful of Darkness (Photo credit: Wikipedia)

            

Ons lees die sterrevoorspelling, of gaan na die fortuinverteller,”spiritual healer” ens en wat hulle voorspel word na ‘n rukkie waar, hoekom gebeur dit, en hoe kan hulle, veral die sterrevoorspelling weet wat in jou lewe gaan gebeur as hulle jou glad nie ken nie?

Die Skrif leer ons dat die gawe God gruwel en dat dit ‘n gawe uit die put van die hel is, maar tog dra dit krag en is die voorspelling baie keer waar. (Sien vorige blog oor Fortuinvertelling en waarsegsters).

In Mat 17: 20 Lees ons: En Jesus antwoord hulle: “Deur julle ongeloof, want, voorwaar Ek se vir julle, as julle die geloof het soos ‘n mosterdsaad sal julle vir hierdie berg se gaan weg hiervandaan daarnatoe en hy sal weggaan en niks sal vir julle onmoontlik wees nie.

Verder, lees ons in Spreuke dat die tong is skerper as ‘n twee-lem swaard, wat ons uitspreek sal waar word, so wanneer hierdie waarseer dan vir jou iets vertel en ons het die geloof van ‘n mosterd saad om dit te glo, sal dit waar word!

Jak 3:6 Die tong is ook ‘n vuur, die wereld van ongeregtigheid. Net so ‘n plek neem die tong onder ons lede in, dit besmet die hele liggaam en steek die hele lewensloop aan die brand en word uit die hel aangesteek!

So wanneer die fortuinverteller of “Spiritual healer” dan daai vloek van die hel oor jou uitgespreek het, sal dit van groot krag wees en sal dit waar waar word.

Toe ek nog jonk was het ek vir my suster uit ‘n grap “kaarte gelees” en voorspel dat ‘n gewese kerel aan die deur gaan klop en haar terug wil he omdat hy gehoor het syt ‘n nuwe iemand in die oog. Ek onthou dit asof dit gister was, ekt gese “Manne gaan soos manna uit die hemel val en oor jou baklei” ons het lekker gelag en later gaan slaap. Seker ‘n uur nadat ons in die bed was het iemand aan die deur geklop….dit was die gewese kerel! Toe die nuwe kerel daarvan uitvind het hy die ou een gaan aanspreek en die twee het in ‘n vuisgeveg betrokke geraak. Die bakleiery het so aagegaan totdat sy albei gelos het!

Het ek die gawe van ‘n fortuinverteller gehad? Nee! Maar ek het met satan se gawes “gespeel”, dit uitgespreek en dit het waar geword! Die tong wat skerper is as ‘n twee-lem swaard!!

Jesus seën

Belinda


As jy enige geestelike hulp, gebed of berading verlang skryf aan Belinda Paar (belindapaar@gmail.com)