'n Mooi gebed

Hemel Vader, aan U o God, al die eer vir die groot werke wat U doen.
Here, ons staan in verwondering oor U guns en grootheid in ons lewens.
U verstom ons elke keer met U Nabyheid en liefde, U sorg vir ons, U dra
ons, U praat met ons, U beskerm ons en lei ons deur U Gees. Hoe goed
is U vir ons. U vorm en maak ons, U hou ons styf vas in die holte van U Hand. U Here, vernuwe ons denke deur U Woord en U Gees. U Here bou
ons karakter en innerlike gees. U leer en lei ons in al U Waarheid. Hoe bevoorreg Here is ons nie. Ons monde loop oor om lof en eer aan U te
bring, daar is niemand soos U nie. U is 'n liefdevolle Vader vir almal wat in U glo. Help ons dat ons niks doen wat U Naam oneer aandoen nie.
Leer ons om U reg te aanbid volgens U Woord. Ek bid dat die hele wêreld
U as Koning sal erken en volgens U wil sal begin leef. Ek vertrou op U vir
alle liggaamlike en geestelike voorsiening Help ons om staande te bly teen die versoeking van die bose. Abba Vader, vanaand  kom verklaar ek
U bo- natuurlike vrede oor elkeen op hierdie groepie en hulle gesinne. Ek verklaar U voorsiening en goedheid en guns. Ek verklaar dat U die Lig
sal wees in ons lewe en dat donkerte moet wyk. Ek verklaar dat Jesus
se liefdesband nou om elke gesin gespan word, en dat verhoudings nou herstel word. Ek verklaar U Genesing oor elke krankheid en dat U Liefde
nou in elke hart warm brand. Ek verklaar dat ons trotse ligdraers van U sal wees en dat ons aan U en slegs U gehoorsaam sal wees. Ek loof en dank U en het U lief.
In Jesusse kosbare Naam bid ek dit.
Amen!
Skrywer onbekend