Laat hulle die HERE loof…

Ek droom vier keer in een nag presies dieselfde droom… elke keer die verhaal van Jona, behalwe
hierdie keer byt die groot vis hom dood en verslind hom. Net dit, maar wat sou dit beteken?

            Jona is die vyfde van die 12 profete. Die 12 is: Hosea, Joel, Amos, Obadja, Jona, Mica, Nahum,
Habakkuk, Sefanja, Haggai, Sagaria, en Maleagi. Die 12 volg die geskrifte van die vier ouer
profete: Jesaja, Jeremia, Esegiël en Daniël. (16 profete = 4 x 4)
            Jona was die ongehoorsame een en sy storie is goed bekend.

            Nou wil die droom daarop dui dat dit die einde is van ongehoorsame profete. Laas was Jona
ongehoorsaam, maar hy is vergewe toe hy berou had.
           Hierdie keer sterf Jona. Die groot vis red hom nie, hy verslind hom. Dis die einde van ‘n seisoen. Die
mense wat so vals profeteer in en om  gemeentes se dag van afrekening het gekom. Niemand sal
langer toegelaat word om die Volk te mislei nie. Dit sluit predikante en lidmate in.
           Ons is in die Eindtyd en die Bruid moet haar gereed kry en sy kan dit nie doen te midde van valsheid
nie.
           Daar is vier seisoene. In die Hebreeus beteken die seisoene “Divine appointed times”. Vandaar ook
die vier Heilige Feeste van aanbidding.
           Die syfer vier lyk interessant. Hoekom sou mens vier keer presies dieselfdroom oor droom en dit in
een nag?Die enigste plek in die Bybel waar presies dieselfde woorde vier keer herhaal word, is Ps
107:8-15-21-31
           “8 Laat hulle die HERE loof om sy goedertierenheid en om sy wonderdade aan die mensekinders;
want Hy het die dorstige siel versadig en die hongerige siel met die goeie vervul.” Ps
           “15 Laat hulle die HERE loof om sy goedertierenheid en om sy wonderdade aan die mensekinders;
want Hy het koperdeure verbreek en ystergrendels stukkend geslaan.
           “21 Laat hulle die HERE loof om sy goedertierenheid en om sy wonderdade aan die mensekinders;
en laat hulle lofoffers bring en met gejubel sy werke vertel.
           “31 Laat hulle die HERE loof om sy goedertierenheid en om sy wonderdade aan die mensekinders,
en laat hulle Hom verhoog in die vergadering van die volk en Hom roem in die kring van die oudstes.
           Eers dui die droom aan die einde van die vals profete en hulle tyd van profesie. Dan word aangedui
waarmee die valsheid vervang gaan word: Ps 107:8-15-21-23.
Amen.