Dankbaarheid

DANKBAARHEID


Die Bybel vra in Ps 116:12-13:

"Wat sal ek die HERE vergeld vir al sy weldade aan my?  -   Ek sal die beker van verlossinge opneem en die Naam van die HERE aanroep.”

GOD se WELDADE word hier vergelyk met ‘n beker wat oorloop met redding. Dit klink reg om te praat van my lot as ‘n beker van of hartseer of vreugde waaruit ek drink. Die beker of lot van my lewe is vol met getuienisse van God se reddende hulp. “My beker loop oor”. Ek vra, hoe kan ek HOM ooit genoeg bedank? Wat kan ek aan Hom gee of doen vir al Sy hulp?


Daar is verskeie maniere en die eerste is dat ons sal Ontvang. Met ander woorde, soos iemand eenkeer gesê het, Om van God te ontvang is die beste geskenk aan Hom want God is lief om te gee. Johannes het gesê: “Hy in die gewende God, wat nie net sonder voorbehoud gee maar met geen gedagte van voordeel nie en net vir die vreugde van gee.” Wat kan Hom dan meer bevredig as om vertrou te word, om ontvangers van Sy geskenke (voorsiening) te wees, om te weet dat ons Sy debiteure sal wees, wat duisende talente skuld met niks om daarvoor te betaal nie, maar steeds bereid om uit Sy liefde te ontvang. Niks bedroef God meer as wanneer ons nie wil ontvang wat Hy gee nie. “Want so lief het God die wêreld gehad, dat Hy sy eniggebore Seun gegee het, sodat elkeen wat in Hom glo, nie verlore mag gaan nie, maar die ewige lewe kan hê.” Joh 3:16. “God het sô lief dat Hy gee, en wanneer ons Sy grootste geskenk nie aanvaar nie of ignoreer, dien ons Hom die grootste vernedering, oneer en seer, waartoe ons in staat is, toe.


Dan, moet ons Sy Naam aanroep. “Ek sal die beker van verlossinge opneem en die Naam van die HERE aanroep. My geloftes sal ek aan die HERE betaal in die teenwoordigheid van sy ganse volk. Kosbaar is in die oë van die HERE die dood van sy gunsgenote. Ag, HERE, sekerlik, ek is u kneg, ek is u kneg, die seun van u diensmaagd; U het my bande losgemaak. Ek sal U ‘n offer van danksegging bring en die Naam van die HERE aanroep.” Ps 116:13-17. Roep Sy Naam aan as ‘n toets!! Die beker van vriendskap, planne, winste, vermaak, studies, ens moet hierin getoets word.


Dan moet ek seker maak dat my geloftes en beloftes nagekom en betaal word. “My geloftes sal ek aan die HERE betaal in die teenwoordigheid van sy ganse volk. Kosbaar is in die oë van die HERE die dood van sy gunsgenote. Ag, HERE, sekerlik, ek is u kneg, ek is u kneg, die seun van u diensmaagd; U het my bande losgemaak. Ek sal U ‘n offer van danksegging bring en die Naam van die HERE aanroep. Ek sal my geloftes aan die HERE betaal in die teenwoordigheid van sy ganse volk.” Ps 116:14-18. “As jy ‘n gelofte aan God gedoen het, stel nie uit om dit te betaal nie, want daar is geen welgevalle in dwase nie. Betaal wat jy belowe. Dit is beter dat jy nie belowe nie as dat jy belowe en nie betaal nie.” Pred 5:4-5. Ons almal maak beloftes en gee ondernemings in tye waar dit moeilik gaan. Soms vergeet ons daarvan as omstandighede verander en kom ons nie ons beloftes na nie, ook nie teenoor God nie. Is hierdie nie ‘n hoë vlak van ondankbaarheid nie? Dit wat ons aan God belowe en op Sy altaar gesit het, behoort aan Hom en nie meer aan ons nie. Hoe kan ons dan nie wil afstand doen en ons beloftes betaal nie?


Ons dankbaarheid vereis ook die geskenk van “myself”. “Ag, HERE, sekerlik, ek is u kneg, ek is u kneg, die seun van u diensmaagd; U het my bande losgemaak.” Ps 116:16. In die Robinson Crusoe verhaal het die gevangene, nadat hy gered is, voor sy redder gekniel en díe se voet op sy nek geplaas as ‘n simbool dat hy sy slaaf wou wees. Die liefde van Jesus, wat ons verlos het van bindings, lei ons om nie meer vir onsself te leef nie maar vir Hom. “En van Jesus Christus, die getroue getuie, die eersgeborene uit die dode en die Owerste oor die konings van die aarde! Aan Hom wat ons liefgehad het en ons van ons sondes gewas het in sy bloed.” Openb 1:5. Verlos van die bande van sonde word ons verbind aan die diens van liefde.


GEBED

“Vader, ons dank U vir al die voordele wat ons deur U goedheid ontvang het. Die beste danksegging wat ons U kan aanbied is om volgens U Heilige wil te leef. (“Want dit is die wil van God: julle heiligmaking.” 1 Thess 4:3). Gee ons om daagliks in U wilt e lewe en om daarin en in liefde te groei.   AMEN.”


 (cobus van heerden - cvh@oicb.co.za)
Geplaas met toestemming van Tiaan Gildenhuys

Die wapens van ons stryd

DIE WAPENS VAN ONS STRYD


Of ons dit nou wil weet of nie, ons as kinders van die Here is in ‘n stryd met die bose gewikkel!! Baie mense egter, wat bely dat hulle Christene is, verstaan nie die stryd nie en is ook heeltemal so tevrede met hul “comfort zone”, dat hulle nooit toetree tot die stryd nie.

Ef 6:12 Want ons worstelstryd is nie teen vlees en bloed nie, maar teen die owerhede, teen die magte, teen die wêreldheersers van die duisternis van hierdie eeu, teen die bose geeste in die lug.

Die oomblik wanneer jy egter van die bose praat, dan spring sommige “Christene” se hare regop en sê baie vinnig vir jou: “los die duiwel uit, dan sal hy jou uitlos”. Nou mense hierdie deel kry ek nie in die Bybel nie, maar wel die dele wat ons oproep om hom teen te staan;

1Pet 5:8 Wees nugter en waaksaam, want julle teëstander, die duiwel, loop rond soos ‘n brullende leeu, en soek wie hy kan verslind.
1Pet 5:9 Hom moet julle teëstaan, standvastig in die geloof, omdat julle weet dat dieselfde lyding opgelê word aan julle broederskap wat in die wêreld is.

Jak 4:7 Onderwerp julle dan aan God; weerstaan die duiwel, en hy sal van julle wegvlug.

Ef 4:26  Word toornig en moenie sondig nie; laat die son nie ondergaan oor julle toorn nie;
Ef 4:27  en gee aan die duiwel geen plek nie.

Dit is dus baie duidelik uit die Woord van God dat ons die duiwel moet teenstaan!!

“Nou hoe doen mens dit?”, sal outomaties die vraag wees wat opkom, so kom ons kyk wat sê die Bybel volgens bogenoemde tekse:

1)      Wees nugter en waaksaam
2)     Standvastig in die geloof
3)     Onderwerp jou aan God
4)     Gee aan die duiwel geen plek nie

Dit is baie duidelik dat ons aan die einde van tye leef soos deur die Bybel voorspel word en dat die aanslae van die vyand al hoé meer intens word op die kinders van die Here wat waarlik probeer om 'n heilige lewe te lewe vir ons Jesus Christus. Die enigste manier waarop ons sal staande bly in hierdie stryd teen die bose, is om te doen wat die Woord van God vir ons sê en in die besonder om te let op wat Jesus self gedoen het.

Mat 4:4  Maar Hy antwoord en sê: Daar is geskrywe: Die mens sal nie van brood alleen lewe nie, maar van elke woord wat deur die mond van God uitgaan.

Daarom is dit uiters belangrik dat ons die Woord van God ken en weet hoé om dit te gebruik teen die vyand...standvastig in die geloof natuurlik!! As die vyand dan nie eers vir Jesus uitgelos het nie, hoekom sal hy my en jou uitlos?

Liewe leser, jy kan self besluit of die duiwel vir jou 'n werklikheid is en of jy gaan staande bly in  die stryd, maar die Woord van God is die waarheid en bogenoemde verse is baie duidelik oor die geveg waarin ons is. En ja, Jesus het hom oorwin aan die kruis en aan ons die outoriteit gegee om satan te kan teenstaan, maar Hy gee ons ook die opdrag om dit wel te doen!

Mag Jesus Christus u ryklik seën hierdie week en Hy sal u die krag gee om in elke situasie te heers in Sy naam!

(ernest phillipson - ecp@oicb.co.za)
Geplaas met toestemming van Tiaan Gildenhuys

Wandel deur die Gees

Gal 5:16 “Maar ek sê: Wandel deur die Gees, dan sal julle nooit die begeerlikheid van die vlees volbring nie;”

Wanneer ons deur die Gees wandel word ons deur die Gees gelei. In die vroeë stadiums van ons lewe is ons geneig om eiewys en hardkoppig te wees, soos Moses toe hy die Egiptenaar doodgeslaan het. Maar soos ons groei in ‘n Christelike lewenswyse, wag ons vir die leiding van die Heilige Gees, wat ons deur Sy voorstelle beheer, Sy wil op ons afdruk, in ons werk waar ons agterna uitvoering gee in karakter en daad. Ons gaan nie vooruit nie maar volg. Ons word gelei deur die Gees.

Die man of vrou wat deur die Gees wandel het geen begeerte om die versoeking van die vlees te bevredig nie. Die behoefte tot vlees bevrediging mag nog in die siel wees en deur die gedagtes flits maar hy of sy vervul dit nie. Die vlees begeerte kan nie verhoed word nie maar die reaksie daarop kan wel.

Wanneer ons deur die Gees wandel produseer Hy die vrug van ‘n heilige karakter. Die kontras tussen die werke van die vlees – die selfsugtige lewe – en die vrug van die Gees, wat die natuurlike produk van Sy invloed is, word baie duidelik. In werke is daar inspanning, pogings, die geraas van masjienerie, die oorverdowende geraas in fabrieke. Maar vrug word gevorm in die kalm, stil natuurlike proses van die natuur wat aanmekaar die vrug van die aarde produseer. Hoe stil is die proses nie? Daar is geen stemme of tale nie. Dit is byna onmoontlik om te besef wat die impak van ‘n lang somersdag se sonskyn is. Die herfs nader met geluidlose voetstappe. So is dit met die person wat daagliks deur die Gees wandel. Daar is moontlik geen asemrowende ondervindings en omskakelings nie, niks spesiaals om in die dagboek te skryf nie, maar soos die tyd aangaan sien die mense rondom die person die veranderinge raak. Die oes wat ryp word. ‘n Oes van liefde, blydskap, vrede, lankmoedigheid, vriendelikheid, goedheid, getrouheid, sagmoedigheid, selfbeheersing. Gal 5:22.

GEBED

“Genadige Vader, mag U Heilige Gees my lei op U weë. Mag Hy my hart vervul met die wete van U nabyheid en liefdevolle kameraadskap. Rig my tree op U weg en stap saam met my dat ek sal doen wat U behaag. AMEN.”

(cobus van heerden - cvh@oicb.co.za)

Geplaas met toestemming van Tiaan Gildenhuys

Hulle wil wet bekragtig wat die Evangelie van Jesus aan bande lê.

Ek share hierdie post aan ELKE christen van Rooies Strauss se facebook page af...

SAL ELKE CHRISTEN 'N EPOS STUUR ASB?

Hulle wil wet bekragtig wat die Evangelie van Jesus aan bande lê.
Dit sal ernstige implikasies vir Christene inhou, en dit onwettig maak om sekere Skrifgedeeltes te gebruik. 'n Boete kan opgelê word of tot drie jaar lank tronkstraf gevonnis word. Daar kan selfs tien jaar gevangenisstraf opgelê word vir ‘n herhaalde oortreding!

Die sperdatum vir kommentaar op die wetsontwerp, is Donderdag 1 Desember 2016 (die departement van voorneme is om die wetsontwerp reeds in Maart 2017 in die parlement voor te lê). Kommentaar kan direk aan die departement van justisie voorgelê word, by hatecrimes@justice.gov.za
Ek het vandag hierdie bevestig by 'n Lid van Parlement.
Bly op hoogte by my Page.
https://www.facebook.com/Rooies-Strauss-125128337503452/
Rooies Strauss
SHARE ASB?
#christianfront

Hello, I just signed the petition, "Speak out against the draft Hate Speech Bill in South Africa." I think this is important. Will you sign it too? Here's the link: https://www.change.org/p/speak-out-against-the-draft-hate-speech-bill-in-south-africa Thanks, Belinda

Rooies Strauss

Public Figure · 9,475 Likes

Die Advokaat en die Regter

Ek was vir tien jaar van my lewe ‘n prokureur van beroep. En alhoewel ek reeds sestien jaar lank nie meer as prokureur praktiseer nie, en reeds veertien jaar voltyds in die bediening is, is die Here van tyd tot tyd steeds geneig om in “regsterme” met my te praat sodat ek sekere begrippe in Sy Woord net beter kan verstaan. Ek is net soms vieserig vir myself omdat ek nie destyds as prokureur self hierdie waarhede in die Woord raakgesien het nie, want ek was so besig om my eie agenda na te volg dat ek nie veel ag geslaan het op die waarhede van die Woord nie.

Ek het persoonlik nodig gehad om alles te verloor wat ek gehad het, voordat ek my hand na die Here uitgestrek het en gevra het om hulp. Maar jy hoef nie ook eers alles te verloor voordat jy tot Hom uitroep nie. Neem sommer nou alreeds kennis van die volgende waarheid, en begin dit beoefen.

In die tyd toe ek prokureur was, en iemand een of ander probleem gehad het met iemand anders, of indien hulle van iets aangekla was deur die staatsaanklaer, sou hulle my kom sien het en gevra het om hulle te help. Ek sou dan hulle probleem na ‘n advokaat neem, en die advokaat sou die betrokke saak aan die regter gaan voorlê, en indien die persoon ‘n sterk saak gehad het, sou die regter uitspraak in sy guns gegee het. Indien hy nie ‘n sterk saak gehad het nie, sou die regter die saak afwys.

Nou is dit interessant om te let dat die Bybel ons ook leer dat daar ‘n Groot Advokaat is, en dat daar ook ‘n Groot en Regverdige Regter is. Wie is dit? Jesus Christus, en God die Vader! Kom ons kyk daarna.

“Want die HERE (YHVH) is ons Regter, die HERE is ons Aanvoerder, die HERE is ons Koning: Hy sal ons verlos.”
(Jesaja 33:22)


“En Hy self sal die wêreld oordeel in geregtigheid en die volke vonnis met reg.”
(Psalm 9:9)


“My kinders, ek skryf hierdie dinge aan julle, dat julle nie moet sondig nie; en as iemand gesondig het, ons het ‘n Voorspraak (Grieks – parakletos = advokaat) by die Vader, Jesus Christus, die Regverdige. En Hy is ‘n versoening vir ons sondes, en nie alleen vir ons s’n nie, maar ook vir dié van die hele wêreld.”
(1 Johannes 2:1,2)



Let mooi op dat Jesus ons Advokaat is wat vir ons voorspraak doen by die Vader, wat op Sy beurt ‘n REGVERDIGE Regter is. En omdat Jesus ‘n versoening vir ons sondes is, maak dit nie saak hoe SWAK ons saak is nie, Hy sal die saak vir ons wen teen die aanklaer (satan), mits ons net bereid is om NA Hom toe te hardloop.

Want ironies genoeg is die tendens eerder deesdae dat as mense probleme het in hulle persoonlike lewens, hulle juis WEGHARDLOOP van die Groot Advokaat en van die Regverdige Regter af. En dan hardloop hulle reguit in die arms van die “aanklaer” in. Is dit nie tyd om weer te leer om NA ons Groot Advokaat en Regter toe te hardloop om die REGTE hulp op die REGTE tyd te ontvang nie? Ongeag hoe swak ons “saak” is nie?

Kom ons hou op luister na die intimidasie en leuens van die “aanklaer van die broeders” (satan) en ons hardloop in hierdie week met VRYMOEDIGHEID NA ons Groot Advokaat toe.

Geplaas met toestemming van Tiaan Gildenhuys

(tiaan gildenhuys – tg@oicb.co.za)