As iemand se daar is nie lewe na dood nie, daar is nie hemel
of hel nie, jy gaan dood en dit is die einde, dan bestaan die mens net in
vlees, want dit is die gees wat die liggaam verlaat en aanbeweeg na waar dit
ook heen moet gaan.
So as daar nie ‘n gees (siel) is nie, dan is daar ook nie ‘n
God, Jesus, satan, demone, engele of enige ander geeste nie, selfs nie spoke
nie (as jy dom genoeg is om in spoke te glo).
Dit bring my terug na die Big Bang storie toe…as dit waar is
en ons het begin bestaan uit molekules en materie, en wonder bo wonder het ons ‘n
(fantastiese) brein ontwikkel uit hierdie stof storie uit, wat dan later so
ontwikkel dat ons amper bo-menslik slim kan word met die nuutste tegnologie wat
ons vandag het, en ons kan besluite neem, en met onsself argumenteer oor wat
ons moet of nie moet doen nie….hoe werk hierdie “stof-gevormde” brein dan?
Stuur hy ‘n golf van punt A na punt B wat jou laat dink, “ek
moet hierdie paar skoene koop, al kan
ek dit nie nou beskostig nie”, dan stuur dit ‘n golf terug na punt A wat se
“nee los dit die maand is nog lank”, en A stuur terug “nee man koop dit” ens
ens? Of kan
dit dalk wees dat jou gees dimensie vir jou brein se, “Moenie dit koop nie,
want jy kan
dit nie bekostig nie?” Hoe argumenteer mens met jouself as jy nie ‘n
siels(gees) dimensie het nie? Hoe weet jou brein dit is verkeerd om iemand dood
te maak en hulle te eet, soos diere doen, as jou siel jou nie vertel dit is
verkeerd nie?
Liefde is sonder enige twyfel die mees emosioneelste
ondervinding wat die mens kan
deurmaak. Dit kan
jou op die hoogste pieke van jou lewe sit, en tog jou ook op die laagste punt
van jou lewe bring. Jy kan
vir iemand se “ekt hom of haar lief met my hele hart en siel”….jou liefde le in
jou hart en siel….jou hart is jou liggaam en jou siel is jou gees! Onthou jy ek
het vroeer gese ons is geskape in God se Beeld? In Sy Gees, Het God van Liefde
dan nie iets te doen met die siel wat hierdie liefde ervaar nie? Bewys dit nie
dat God bestaan nie?
Hoe voel mens skuldig as jy nie ‘n gees het nie? Hoe voel jy
dat iets onregverdig is? Behalwe vir wat jy geleer is deur jou ouers en ander
mense om jou, hoe kom jy op daai punt wat jy voel die lewe behandel jou
verkeerd en onregverdig, wat doen jou brein op hierdie oomblik wanneer jy so
voel….dit moet lyk soos ‘n ontploffing
met die golwe wat heen en weer gestuur word! Of is dit dalk omdat God binne jou
‘n siel gesit het wat aan Hom behoort….’n siel wat 100% regverdig is? Die siel
van ‘n Regverdige God?
Nou kom die groot vraag? Wie is die mens wat so slim was om
God te skep? As God nie bestaan nie, dan het iemand Hom “begin” as ‘n karakter
om iets te bereik. Wie se brein het soveel krag gehad om Hom te “skep” om Hom
so heilig te maak, so foutloos, en ‘n Seun te skep wat dan aan ‘n kruis moet
sterwe vir die mens, en ‘n Heilige Gees, ‘n Bybel, met demone in, drake, hel,
hemel, 12 disipels, om die maak van die aarde uit te beeld in ‘n Goddelike
skepping, om 30 000 verse in ‘n Boek te skrywe wat oor en weer bevestig word,
wat voorspellings kan doen vir 1000de jare in die toekoms….maar nog ‘n grooter
vraag! Hoekom?
Hoekom sou iemand God wou skep? Wat sou die doel agter dit
wees? Doen mense nie gewoonlik goed vir hulself nie? As dit waar sou wees dat
dit net ‘n storie is, sou die persoon wat dit begin het, nie homself in dit wou
he nie? Miskien sou die persoon wou se hy is God, of miskien Jesus sodat mense kan opkyk na hom?
Ons almal het al gehoor van mense wat met masjiene aan die
lewe gehou word, en op ‘n stadium moet die familie besluit of hulle die masjien
gaan afsit want die persoon is breindood verklaar….dan voor die masjiene
afgaan, loop daar trane oor die persoon se wang. Of ‘n geluid kom uit, of die
oe gaan oop, en die dokter se nee dit is die laaste reaksie van die liggaam. Kan dit wees dat die
siel nog lewe?
Ek weet nie of dit reg is dat ‘n mens op so masjien gesit
moet word nie, speel ons nie God met iemand se lewe nie? Aan die ander kant,
God het ons kennis gegee om sulke masjiene te kan ontwikkel, maar mag ons die masjien
afsit op ‘n stadium en se dit is reg? Hoeveel keer het ons al gehoor dat iemand
vir ‘n persoon gebid het en toe hulle die long masjien afhaal het die persoon
self asem gehaal? Beteken dit dan nie God bestaan en het ‘n gebed verhoor en
die longe genees nie? Of het die stof-gevormde brein dan vir die persoon gese,
“boet nou beter jy asemhaal of jy gaan dood”?
My brein se vir my tot binne in my siel dat God daar is, God
wat my geskape het met liggaam en siel, sodat my gees kan lewe binne ‘n liggaam
totdat my liggaam nie meer kan nie, en dan gaan my siel verder tot by my
Skepper om my te oordeel. Dit is logies, en dit is wat die Woord vir my vertel.
Die Woord van ‘n Almagtige God, wat nie deur ‘n mense gevormeer kon geword het
nie, want geen mens is so slim nie.
Deel 3 vervolg
No comments:
Post a Comment