Hoekom antwoord God soms nie ons gebede nie?

Ek word baie keer die vraag gevra oor hoekom God mense nie antwoord wanneer hulle bid nie, bid ons verkeerd? En as ons verkeerd bid, wat is dan die regte manier van bid? Ons beste Leermeerste oor gebed in die Woord is Jesus kom ons kyk wat se Hy.

Ons lees in die Bybel dat Jesus se julle ontvang nie, omdat julle nie genoeg geloof het nie (Matt 17.20).

Verder se Hy (Matt 21:21-22) Voorwaar Ek se vir julle, as julle geloof het en nie twyfel nie…..(22) En alles wat julle in die gebed vra, sal julle ontvang as julle glo.

In Mark Lees ons ook dat Jesus se vra, glo jy het ontvang en jy sal ontvang. Maar is geloof al wat ons nodig het om ons gebede verhoor te kry? Nee, ons kyk na ‘n paar verse in die Woord wat ons leer hoe om reg te bid.

Jesus se in Joh 16:23-34 Voorwaar, voorwaar Ek se vir julle, alles wat julle die Vader sal vra in My Naam sal Hy julle gee. Tot nou toe het julle niks in My Naam gevra nie. Bid en julle sal ontvang, sodat julle blydskap volkome kan wees.

Joh 14:6 Niemand kom na die Vader behalwe deur My nie.

In Mark 11:23-26 Leer Jesus ons dat ons dat ons sal ontvang as ons geen twyfel in ons hart het nie, maar gaan dan verder in vers 25 en se En wanneer julle staan en bid, vergewe as julle iets teen iemand het, sodat julle Vader wat in die hemele is, ook julle oortredinge kan vergewe, en dan kom die waarskuwing in vers 26 Maar as julle nie vergewe nie, sal julle Vader wat in die hemele is, ook julle oortreding nie vergewe nie.

1 Thess 5:17 se Paulus “Bid sonder ophou” in Fil 4:6 Bid met “smeking en danksegging”.

Hand 13:2&3 En terwyl hulle besig was om die Here te dien, en te vas het die Heilige Gees….vers 3 En toe hulle gevas en gebid het…

Ek sal later ‘n blog doen oor vas, maar vir nou wil ek net noem hoekom ons moet vas en bid. Nie elke gebed het vas nodig nie, en ons vas nie om God se arm te draai nie, maar om ernstige gebede verhoor te kry en om die juk te breek, maar ek sal terug kom oor hoekom ons moet vas.

Jes 58:6 Sodat die wat onregverdig gevange gehou word kan bevry word, om die juk wat op mense geduk word, af te haal, om verdruktes vry te maak, en elke juk te breek.

Ons sien dus dat die belangrikste punte vir gebed is dat ons moet:

• Glo en bid in geloof, sonder twyfel,
• Dat ons in Jesus Naam moet vra,
• Dat ons ander moet vergewe, sodat ons ook vergewe kan word voor ons bid,
• Dat ons met danksegging moet bid,
• Asook sonder ophou.
• In sommige gevalle moet ons vas om ons gebed verhoor te kry.

Maar ten spyte van al die bogenoemde punte, het God jou gebed nogsteeds nie verhoor nie, doen ek iets verkeerd? Nee soms antwoord God ons nie vir ander redes, kom ons kyk wat se die Woord.

Ons moet bid sonder ophou, Paulus se ook bid totdat jou vreugde groot is, Jesus se bid sodat jou blydskap volkome kan wees, bid en jy sal ontvang, soek en jy sal vind, klop en vir jou sal oopgemaak word (Luk 11:10) dus sien ons dat ons moet aanhou bid, moet soek, moet aanhou klop (aan hemel se deure), deur hierdie verse sien ons dat God nie altyd onmiddelik vir jou gee wat jy vra nie, maar ons lees ook in die Bybel dat God dadelik jou gebed verhoor wanneer jy bid, so weerspreek die Woord homself? Nee beslis nie! God het Sy eie tyd waarop hy ons help en antwoord. God antwoord dalk nie dadelik nie, want Hy wil sien dat jy volhard in jou geloof.

Verder sal God jou nie antwoord as jy teen Sy Wil bid nie. As die Woord ons leer ons mag nie dobbel nie, kan jy nie bid om die lotto te wen nie, dit is teenstrydig met Sy Woord en God sal NOOIT teen Sy eie Woord draai nie. So bid in God se Wil en Woord.

Soms gee God nie vir ons wat ons vra nie, omdat die tyd nie reg is nie, en soms kry ons nie wat ons vra nie, omdat God verheerlik wil word in dit wat gebeur, en soms omdat dit God se Wil is vir God se rede. Byvoorbeeld, Jesus het gebid, gevra en nie ontvang nie.

Matt 26:39 “My Vader, as dit moontlik is, laat hierdie beker by My verby gaan, nogsteeds nie soos Ek wil nie, maar soos U wil” en ‘n paar uur later was Jesus aan die kruis vas gespyker.

God sien die grooter prentjie, Hy weet beter, Hy het ‘n doel en ‘n plan! Jesus is Sy eie seun en Hy het sy gebed nie verhoor nie, omdat Hy miljoene mense gered het deur NIE Jesus se gebed te verhoor nie.

Soms wil God he jy moet iets leer uit jou situasie uit, en eers wanneer jy die les geleer het, sal Hy jou gebed verhoor, so wannneer jy voel jy bid en niks gebeur nie, vra Hom of daar iets is wat jy moet leer, en wees geduldig, moenie moed opgee nie, hou vas aan jou geloof, vertrou dat God beter weet as jy, en dat Sy wil besig is om te geskied en nie joune nie. Is dit moeilik? Ja beslis in sommige gevalle raak ons kwaad en verstaan nie hoekom Hy ons nie antwoord of help nie, maar hoeveel keer het jy terug gekyk en gesien dat die tydsberekening perfek was, dat jy eder dankbaar is dat jou gebed verhoor is toe dit was, want as dit op ‘n ander tyd was, was dit ongelee. Ek het dit beslis al baie in my eie lewe gesien. Onthou dat God jou beste belange op die hart dra, dat Hy beter weet as jy, die grooter prentjie sien, en nogsteeds liewer vir jou is as wat jou verstand kan verstaan, so Hy wil en sal ‘n oplossing bring, of sake verander, of antwoorde gee wanneer Hy Sy wil laat geskied.

Sterkte en Jesus seen.

Indien jy geestelike berading of gebed nodig het, kontak my by belindapaar@gmail.com

Huweliksprobleme? Wat se die Bybel? Deel 2

 

Baie mense in ‘n huwelik besluit om ‘n “breek” te vat van mekaar, en een van die partye trek uit vir ‘n rukkie of gaan alleen weg met vakansie om net weer te “re-focus”. Hierdie is die geleendheid waarvoor satan wag! Die huwelik is ‘n ooreenkoms wat julle aangegaan het voor God om deur siekte en gesondheid, deur goeie en moeilike tye saam te staan, hoe kan mens saam staan as die twee partye nie bymekaar is nie?

 

Volgens die Bybel mag man en vrou net van mekaar geskei word wanneer hulle geestelike alleen tyd nodig het. God se dat man en vrou mekaar seksueel moet aanvul en mekaar moet geniet. Dit is in hierdie tyd van “breek vat” wat satan dan al sy  trawante uitstuur en een van die twee partye aanval om sonde te pleeg. Ek se nie dat elke persoon wat alleen weggaan die ander persoon gaan verneek nie, maar wat ek wel se is dat die geestes-realm dan begin rondspring om ‘n permanente “breek” in die huwelik te sit. Hoekom? Want God het gese jy mag net vir geestelike redes van mekaar weggaan en wanneer julle terug kom moet julle mekaar weer seksueel vervul. So die stres wat satan op een van die twee partye gaan sit is seksuele stress. Onthou satan doen die teenoorgestelde van alles wat God se, Hy is God se vyand en so ook joune!

 

 Lees 1 Kor 7:1-40 dit gaan oor die huwelik, ek konsentreer hier op die volgende 2 verse. 1Kor 7:4&5 Die vrou het nie mag oor haar eie liggaam nie, maar die man, en net so ook het die man nie mag oor sy eie liggaam nie, maar die vrou. (5) Ontrek julle nie aan mekaar nie, behalwe met wedersydse ooreenstemming vir ‘n tyd lank om julle aan vas en gebed te kan wy, en kom weer bymekaar, sodat die satan julle nie in versoeking bring deur julle gebrek aan selfbeheersing nie

 

Mens is so geneig om net op die negatiewe van mens se lewe te sit en kla, tog se die Bybel dat ons altyd dankbaar moet wees vir wat ons het, want alles wat ons ontvang is nie uit verdienste nie, maar uit genade van God.

 

Fil 4:6 Wees oor niks besorg nie, maar laat julle begeertes in alles deur gebed en smeking met danksegging bekend word by God.

 

Begin om na die redes te kyk hoekom julle verlief geraak het, kyk na die goeie einskappe van jou huweliksmaat in pleks van die slegte, want glo my as jy so ver gegaan het om te skei gaan jy net die goeie onthou en nie die slegte nie, hoekom moet mens eers skei voordat jy dit kan raak sien? In Gen 2:18 lees ons dat dit nie goed is vir ‘n man om alleen te wees nie, daarom het God vir hom ‘n maat gemaak. Dus was ‘n vrou gemaak vir God se rede….om goed te wees vir die man!

In Spr 18:22 Lees ons dat wanneer ‘n man ‘n vrou vind, hy iets goed gevind het, en ‘n welgevalle (guns) van die Here.

Spr 12:4 ‘n Deugsame vrou is die kroon van haar man.

Spr 31:28-31 Die man prys sy vrou in 1 Pet 3:7 Die man moet sy vrou eer.

 

Ons leer oral in die Bybel hoe die man en vrou met mekaar moet wees, en tog is ons vinnig om mekaar sleg te se, tog het God man en vrou vir mekaar geskape, gese wees lief, respekteer, se dankie, prys, waardeer mekaar, daarom moet ons meer gee as om te wil ontvang, terug sit en positiewe dinge in mekaar soek, eder as mekaar te kritiseer en sleg se.

 

As ons ‘n God geseende huwelik wil he moet ons gaan leer by die Leermeester. God het vir ons al die riglyne vir die huwelik in die Bybel gesit. Ons lees en leer dat jy nie kwaad vir kwaad moet vergeld nie, dat ons mens moet vergewe, respekteer, die ander wang moet draai, as jou vyand kwaad teen jou doen, doen iets goed terug, moenie wraak neem nie, word versoen met jou vyand, moenie oordeel nie ens, hoeveel te meer moet ons dit nie in ons huwelik doen nie?

 

Jak 1:19 So dan, my geliefde broeders, elke mens moet gou wees om te hoor, stadig om te praat en stadig om troonig (kwaad) te word, maak hierdie die tema van jou huwelik. Dit is so belangrik in die huwelik om te kommunikeer, moenie sake wat jou ongelukkig maak los nie, bespreek dit sonder om aan te val, sonder om kwaad te wees, wees kalm. Ek se altyd Hitler het met geweld en kwaad regeer, en sy leer bestaan nie meer vandag nie, Jesus het met liefde regeer en Hy bestaan vandag nog, laat ons uit dit leer, die Woord leer ons tog 1Kor 13 die liefde verdra alles, is nie opgeblase nie, soek nie sy eie belange nie ens.

 

As jy probleme het in jou huwelik, van die Handboek van die Lewe en maak reg wat verkeerd is. Jou huwelik dra die seen van God, as dit nie reg is nie, is dit nie God wat blameer moet word nie. Soek die wortel probleem en raak ontslae daarvan en gaan aan met jou God geseende huwelik.

 

Ten slotte. Satanistiese kerke bid in September maand vir huwelike om op te breek. Sny elke dag van jou lewe vloek af wat oor jou huwelik uitgespreek word. Ek het dit ‘n gewoonte gemaak om elke oggend te bid en te se “Ek sny af elke vloek wat oor my en my familie uitgespreek mag gewees het, op aarde en in die geestes realm, en vra dat U dit sal omdraai in ‘n seen, so sny ek ook af elke vloek wat ek kon uitgespreek het oor ander en vra dat U dit ook sal omdraai in ‘n seen, in die Heilige Naam van Jesus. Hoekom het ek dit aangeleer, omdat ons daagliks vloeke oor mekaar en onsself uitspreek. Hoeveel keer het jy al gehoor mense se, my huwelik gaan nie werk nie, ek is gebore om swaar te kry, my kinders is die stoutste kinders op aarde ens….weereens se die Woord, wat jy uitspreek sal waar word want die tong is skerper as ‘n twee-lem swaard. Leer aan om goedgunstigheid uit te spreek oor jou huwelik, kinders en lewe. Wanneer iets verkeerd gaan in my lewe, se ek sommer hardop “net goedheid en guns sal my volg al die dae van my lewe (Ps23) en alhoewel iets verkeerd gegaan het, het ek dit klaar weer omgedraai in ‘n goedgunstige situasie. Ons Pastoor se weer elke keer as iets verkeerd gaan “Prys die Here”, hoekom doen hy dit? Want onmiddelik sit Hy die Here in beheer van die slegte situasie, en weet hy dat iets goed daarvan sal kom.

 

Onthou satan is hier om ons te pootjie en teen God te draai, wanneer ons in slegte situasies, God of Jesus in beheer sit daarvan, moet satan maar die aftog blaas. Aan die einde van die dag is ons kinders van God, en wil Hy ons beskerm meer as jou aardse vader, maar dan moet ons Hom beheer gee van ons lewens, moet ons Hom die eer gee dat ons vertrou dat Hy die grooter prentjie kan sien, en dat Hy sal doen wat goed is vir ons, en onthou wanneer God jou nie onmiddelik help nie, beteken dit nie dat Hy jou nie WIL help nie, Hy wag net vir die regte tyd om jou te help, en sy tyd is altyd beter as ons tyd. Wees geduldig en wag op die Here.

 

My gebed is dat elke huwelik weer op nuut geseen sal word deur ons Hemelse Vader, in Jesus Naam

Amen

Huweliksprobleme? Wat se die Bybel? Deel 1

Ons almal het van tyd tot tyd ‘n argument of meningsverskil in die huwelik en dit kan soms lei tot kwaad, hartseer en tot so ver gaan as om ons huwelik ‘n mislukking te maak. Hoe moet ons dit oplos en handteer? Wat doen ons as ons voel ons kan nie verder gaan nie, en voel daar is net nie meer ‘n oplossing vir die probleme nie?

Wat se die Bybel?
Eerstens van alles moet ons onthou dat ons nie mag skei nie, (Mrk 10:7)God se dat wat Hy bymekaar gesit het mag geen mens skei nie, so weereens soos ek voorheen gese het, moet ons skei nie ‘n opsie maak in ons huwelik nie, maar hoe los ons die probleem op? 

Ons moet glo dat ons tot alles in staat is deur Jesus wat ons krag gee (Fil 4:13). Jesus sal jou altyd help as jy iets wil doen wat God se goedkeuring het, en jou huwelik dra God se goedkeuring. Die rede hoekom jou huwelik nie werk nie, is omdat een of albei partye sonde gepleeg het in die huwelik, net sonde skei ons van die volmaakte wil van God in ons lewens.
Omdat die huwelik uit twee partye bestaan moet albei dan saam werk om die huwelik te red, en as die ander party nie belangstel nie, gee dit jou nie die reg om op te hou probeer nie, maak seker dat jy rein staan voor God en binne Sy Wil is in jou lewe. Dit is nie altyd maklik nie, en mens voel soms dit is nie moontlik nie, maar onthou as jy die een is wat jou huwelik voor die kruis gaan neerle, sal God jou hartsbegeerte vir jou gee, want jy doen Sy Wil. 

1 Joh 5:14&15 En dit is die vrymoedigheid wat ons teenoor Hom het, dat Hy ons verhoor as ons iets vra volgens Sy Wil (15) En as ons weet dat Hy ons verhoor, dan weet ons dat wat ons ook al vra, ons die bedes verkry wat ons van Hom gevra het.
2Kor 9:8 En God het die mag om alle genade oorvloedig oor julle te laat wees, sodat julle altyd in alle opsigte volop kan he en oorvloedig kan wees tot elke goeie werk.

Iets wat jy ingedagte moet hou is dat God op Sy eie tyd werk, God sal nooit iemand forseer om iets te doen nie, en as jou huweliksmaat nie God volg nie, kan dit tyd neem voordat Hy jou help, omdat Hy eers jou maat moet kry om op die plek te kom waar hy/sy moet wees. Vertrou jy net op God dat dit met tyd en volharding sal regkom, ons lees in Spreuke, vertrou op geen mens nie, vertrou net op God, so as jy voel jy gaan opgee want jou maat gaan nooit verander nie, onthou die vers en vertrou weer op God om die situasie vir jou op te los (Spr 3:5&6)
Vertrou wat God se. Lees 2 Pet 1:3-8 God het ons krag geskenk wat tot die lewe en Godsvrug dien, Hy gee ons kennis, ywer, geloof, selfbeheersing, liefde en geduld en deur Jesus is ons instaat tot alles (Fil 4:13) so jy is toegerus met die krag bo alle kragte, al wat jy moet doen is om dit jou eie te maak, dit te glo en nooit te twyfel nie.
Mat 7:24&25 Elkeen wat na hierdie woorde van My luister en dit doen, hom sal Ek vergelyk met ‘n verstandige man wat sy huis op die rots gebou het(25) en die reen het geval en die waterstrome het gekom en die winde het gewaai en teen daardie huis aangestorm, en dit het nie geval nie, want die fondament was op die rots.
Liefde word breedvoerig bespreek in die Bybel, ons almal ken 1Kor 13, ek wil net vers 5 en 7 aanhaal. Die liefde soek nie sy eie belange nie en vers 7 die liefde bedek alles, glo alles, hoop alles, verdra alles.
Verder wil ek aanhaal Efes 5:33 In alle geval moet elkeen julle ook afsonderlik sy eie vrou liefhe net soos homself, en die vrou moet die man eerbiedig.

Uit hierdie verse sien ons dan dat liefde nie selfsugtig is nie en dat die liefde alles moet verdra m.a.w. vergewe, in Efes sien ons dat liefde en respek ‘n opdrag van God is en nie ‘n keuse is nie! So as jy op ‘n stadium gese het jy is nie meer lief vir jou huweliksmaat nie, of jy voel jou liefde is dood, of jy het onrespekvol opgetree teenoor jou maat, moet jy vergifnis vra vir jou sonde sodat jou huwelik weer geseen kan word deur God.
Kyk ook na vorige blogs oor die huwelik,(Julie 2011) onderdanigheid is baie belangrik, al is jou man nie ‘n Christen nie moet jy nogsteeds aan hom onderdanig wees, die enigste geval waar vrouens nie hoef onderdanig te wees nie is wanneer die man jou vra om te sondig (Hand 5:29 Ons moet aan God meer gehoorsaam wees as aan die mense. Lees ook Titus 2:1-10 dit gee opdrag oor hoe die familie moet wees.

Jy moet ook uit jou dade wys dat jy lief is vir iemand, liefde is nie net iets wat jy binne jou voel nie, maar is ook iets wat jy uitleef, al baklei julle mag moedswilligheid nie deel word van julle huwelik nie Luk 6:27&28 Maar Ek se vir julle wat luister: Julle moet jul vyande liefhe en goed doen aan die wat vir julle haat. (28) Seen die wat vir julle vervloek en bid vir die wat julle beledig.
Dit wat ons uitdeel sal vir ons teruggegee word, wat jy saai sal jy maai, as jy barmhartig is sal God aan jou barmhartig wees, as jy oordeel, sal God jou ook oordeel, as jy vryspreek en vergewe, sal God jou ook vryspreek en vergewe (Luk 6:36-38) So wanneer jy liefde gee, sal jy liefde ontvang.

Huweliksprobleme is nie iets wat net van een kant af kom nie, dit kom van beide kante af, so hou jou kant skoon, breek alle vloeke wat jyself oor julle huwelik uitgespreek het en vra vergifnis daarvoor.

Spr 4:23 Bewaak jou hart meer as alles wat bewaar moet word, want daaruit is die oorsprong van die lewe. Uit hierdie versie sien ons dat ons nie sondige gedagtes in ons harte moet rond dra nie want dit kan veroorsaak dat dit ons lewe word, so moenie goed se en dink soos “ek moes nooit met jou getrou het nie, of eendag gaan ek jou los en nooit weer terug kom nie” want behalwe vir wat in ons hart gedra word is die tong skerper as ‘n twee-lem swaard, wat jy uitspreek sal waar word. 1 Pet 3:10 Want wie die lewe lief het en goeie dae wil sien, moet sy tong bewaar vir wat verkeerd is, en sy lippe dat hulle nie kwaad spreek nie.

Deel 2 vervolg.